Efɛɛzu 5:10 - Bibeli do fee

¹⁰ I ce kookaai i mà mii iyi á dɔ̃a Lafɛ̃ɛ si.

Efɛɛzu 5:10 Iomraidhean Croise

Iri ku kɔ̃ 19:14

Amu woo ce icɛɛ, jɔ̀ ilu faau ŋa a jĩim, maà jɔ̀ a kãmiam. Waati bɛɛbɛ, an jɛ inɛ dee dee iyi kù nɛ taale nla nla.

Mɔnda ŋa 21:3

Bii amanɛ í nɛ daa jiida nɔ wa ce mii iyi í sĩa, í ya dɔ̃a Aɔ̃ Lafɛ̃ɛ si ku re bii wa ceaa kuwee ŋa.

Ezai 58:5

Anu ku dĩ dimi bɛɛbɛi ǹ bi si ajɔ iyi inɛ wa kpa araɛ ari? Inɛ ku kɔmba iri ilɛ bɛi njee nɔ ku dasi jĩnɛi inɔ kufɔ ku bɛi ku maa sũ si ilúlui? Nŋu bɛi ì waa kpe anu ku dĩ do ajɔ iyi á dɔ̃a amu Aɔ̃ Lafɛ̃ɛ si?

Zeremi 6:20

Iwoi ǹ nɛò bukaatai tuae iyi wa naa hai Saba, walakɔ jĩi ku dɔ̃ inunui ilɛ jĩijĩ gɔ. N kù bi kuwee nŋɛ ŋa iyi ì ya jo si ina fei sãa sãa ŋau. Kuwee nŋɛ ŋau ci ya dɔ̃ɔm si.

Romu 14:18

Inɛ iyi wa cea Kirisi icɛ si yaase bɛɛbɛ, lafɛ̃ɛi Ilaaɔ̃ á bi, nɔ baa amanɛ ŋa aa saabuɛ.

Filipi 1:10

ku ba i yɔkɔ i wũa mii ŋa iyi à jɛ jiida à re ŋa. Bɛɛbɛ mɔi aa jɛ inɛ kumá ŋa, nɔ si ajɔi Kirisiu i kaa nɛ taale kãma ŋa,

Filipi 4:18

Andi mii iyi ì sambaam wa fei ŋa ǹ yɔɔ. Í nɔ í to hee í gbe. Bɛi Epafoditi í naam amua nŋɛ wa í ceem zaka. Amua nŋɛu í yɛɛm nii bɛi kuwee iyi í nɛ inunu jiida iyi Ilaaɔ̃ í gba í dɔ̃aa si.

Kolosee 1:10

Bɛɛbɛi isɛɛnɛ nŋɛ ŋa á jɔ ti inɛ ŋa iyi à jɛ ti Lafɛ̃ɛ, nɔ waati kãma fei i ya ce iyi á dɔ̃aa si ŋa. Nɔ i ya ce icɛ jiida ikã ikã fei ŋa, nɔ Ilaaɔ̃ ku mà nŋɛ ku kɔ̃ɔsi.

Tɛsalonika 1, 5:21

Amma i jɔ̀ i wũa mii fei ŋa nɔ i mu iyi í sĩa ŋa.

Timɔtee 1, 2:3

Dimii kutɔɔ bɛɛbɛi í sĩa nɔ í ya dɔ̃a Ilaaɔ̃ woo faaba nwa si.

Timɔtee 1, 5:4

Bii jaaɔ̃ gɔ í nɛ amu ŋa walakɔ tɔku ŋa, í sĩa amaɛ ŋau a woo bɛi nŋu mɔ í tako í ce nŋa. Bii à waa ce bɛɛbɛ à waa cea Ilaaɔ̃ icɛi, nɔ nŋui á dɔ̃a Ilaaɔ̃ si.

Ebɛɛ 12:28

Na nŋu, ka saabu Ilaaɔ̃ domi à nɛ bomma iyi kaa yaya nɔ ka tɔɔɛ si bɛi í bi nɔ ka mà bɛɛrɛɛ ka jirimaɛ.

Piɛɛ 1, 2:20

Bii ì yɔkɔ temuai goloi kuraraɛ i kù nɛ saabu kãma. Amma bii ì ba ijuukpã na jiida iyi ì waa ce ŋa nɔ ì temua, mii jiidai si wajui Ilaaɔ̃.

Piɛɛ 1, 2:5

Iŋɛ mɔ, i naa wa bɛi kuta ilu hunde a ceò ŋɛ icɛ a maò ile bi kuwai Hundei Ilaaɔ̃. Bɛi aa jɛ woo wee ŋa iyi à má iyi Hundei Ilaaɔ̃ á jɔ̀ a cea Ilaaɔ̃ kuwee ŋa iyi á dɔ̃aa si do saabui Jesu Kirisi.

Samuɛli 1, 17:39

Si anyii nŋu ŋɔi Davidi í so taakubai Sauluu í bɛi wa dɛdɛ ku nɛ amma í mɔngɔ domi kù nɛ dɔ̃ɔnɛɛ. Nɔ í ni, n kaa n yɔkɔ n nɛò jĩnɛ ŋau ihɛ̃ si na iyi í jɔ̀ n kù nɛ dɔ̃ɔnɛɛ. Nɔ í bɔ í jilɛ ŋa.