Efɛɛzu 4:9 - Bibeli do fee

⁹ To, bii à ni í gũ lele, iyi bɛ wa nyisi iyi í tako í kita í bɔ hee lɛlɛi ilɛi.

Efɛɛzu 4:9 Iomraidhean Croise

Kusintii Andunya 11:5

Ŋɔi Aɔ̃ Lafɛ̃ɛ í kita wa í naa í cɔ iluu do ile kukpɛkɛ iyi amanɛ ŋau à waa ma.

Iri ku kɔ̃ 139:15

Waati iyi ì waa mam si asii, nɔ ì waa wɔ̃m si inɔi iyem, aram bii kãma kù waa manjiɛ.

Iri ku kɔ̃ 63:9

Siɛi ǹ wa n masi dim dim. Awɔ njɛɛi í ya maa mum.

Iri ku kɔ̃ 8:5

ǹ biti, ǹ bee aram ide ǹ ni, mii í jɛ amanɛ hee i maa i ye gigiɛ. Yooi í jɛ amai amanɛ hee i maa gbɔaa.

Kufita 19:20

Bɛɛbɛi Aɔ̃ Lafɛ̃ɛ í kita wa si iri kutai Sinaiu nɔ í kpe Moizi ŋɔi Moizi í gũ antaii iri kutau.

Mɔnda ŋa 30:4

Yooi í bɔ lele í baa. Yooi í kukutu fufu si awɔɛ ŋa. Yooi í wo inyi si ibɔ kumbooɛ. Yooi í jilɛ kɔɔi ilɛu fei. Bɛirei à ya kpoo nɔ bɛirei à ya kpe amaɛ. Fɔɔ bii í jɛ ì màai.

Ezai 44:23

Ntɔ ntɔ, Aɔ̃ Lafɛ̃ɛi í ce iyi bɛ. Na nŋu, lele, dɔ̃ anu do inɔ didɔ̃. Lɛlɛi ilɛ, dakpɛa. Iŋɛ iri kuta ŋa, i dɔ̃ anu do inɔ didɔ̃ ŋa. Nɔ iŋɛ mɔ jĩi ŋa do agbo ŋa, i ce bɛɛbɛ ŋa, domi Aɔ̃ Lafɛ̃ɛ í ya Zakɔbui, nɔ í nyisi bɛi amboeɛ í to si faabai Izirɛli.

Ezekiɛli 31:14

Í ce bɛɛbɛi ku ba jĩi ŋa iyi à wa kɔkɔi inyi ŋau kãma nŋa ku maà gboka hee wua nŋa koo maa lu kudũi ijĩ ŋa nɔ a maa so ara nŋa lele. Ntɔ ntɔ jĩi ŋau do amanɛ ŋau fei aa kui, nɔ aŋa fei aa nɛi hee lɛlɛi ilɛ bi kuwai iku ŋa.

Matie 12:40

domi si bɛi Zonasi í ce dasã mɛɛta do idũ mɛɛta si inɔi cɛ̃ɛ nlau, bɛɛbɛ mɔi Amai Amanɛ á ce dasã mɛɛta do idũ mɛɛta si balɛ.

Laabaau jiida iyi Zãa í kɔ 20:17

Ŋɔi Jesu í sɔ̃ɔ í ni, jɔ̀m, maà lum, domi n kù bɔ lele bi Baam titã. Amma bɔ bi mɔcɔm ŋa, sɔ̃ ŋa i ni ǹ wa n bɔ bi Ilaaɔ̃. Nŋui í jɛ baam, nɔ í jɛ baai iŋɛ mɔ.

Laabaau jiida iyi Zãa í kɔ 3:13

Inɛ gɔ kù wɛɛ iyi í bɔ lelei Aɔ̃ bii kù jɛ amu Amai Amanɛ, amu iyi ǹ kita wa hai lelei Aɔ̃.

Laabaau jiida iyi Zãa í kɔ 6:33

Nɔ ijɛ iyi Ilaaɔ̃ í ya mua inɛ, nŋui í jɛ inɛ iyi í kita wa hai lelei Aɔ̃ iyi á jɔ̀ amanɛ ku ba kuwɛɛ hai tã.

Laabaau jiida iyi Zãa í kɔ 6:38

Ǹ kita wai hai lelei Aɔ̃ n na n ceò idɔɔbii inɛ iyi í bɛm wa, kù jɛ idɔɔbii amu takam.

Laabaau jiida iyi Zãa í kɔ 6:41

Ŋɔi Zuifu ŋau à waa gbagba siɛ si na iyi í jɔ̀ í ni nŋu í jɛ ijɛ iyi í kita wa hai lelei Aɔ̃.

Laabaau jiida iyi Zãa í kɔ 6:51

Amui ǹ jɛ ijɛi kuwɛɛ. Hai lelei Aɔ̃i ǹ kita wa. Nɔ inɛ iyi í ba ijɛu í jɛ fei í nɛ kuwɛɛ hai tã. Ijɛui í jɛ aram. An náai ku ba inɛi andunya ŋa a maa wɛɛò.

Laabaau jiida iyi Zãa í kɔ 6:58

Ijɛ iyi í kita wa hai lelei Aɔ̃ ǹ wa n fãa. Inɛ nŋu kù jɛ bɛi ijɛ iyi bala nŋɛ ŋa à jɛ nɔ kù ganji à kuu. Inɛ iyi wa jɛ dimii ijɛu ihɛ̃ á maa wɛɛi hee do ajɔ fei.

Laabaau jiida iyi Zãa í kɔ 6:62

Debɛi, bɛirei aa ni ŋa bii ì yɛ amu Amai Amanɛ ǹ wa n bɔ lelei Aɔ̃ bii ǹ tako ǹ wa wo.

Laabaau jiida iyi Zãa í kɔ 8:14

Ŋɔi Jesu í jɛ nŋa í ni, baa bii ǹ wa n jɛa aram sɛɛda, ide ŋa iyi ǹ wa n fɔu fei ntɔi, domi ǹ mà hai bii ǹ naa ǹ nɔ ǹ mà bii ǹ wa n bɔ. Amma iŋɛ i kù mà hai bii ǹ naa hee má jɛ bii ǹ wa n bɔ.

Ebɛɛ 2:7

Si waati keeke gɔ ì coo inɛ iyi kù to amaleka ŋa. Ì muaa amboe nɔ ì jɔ̀ í nɛ jirima nla nla.

Ebɛɛ 2:9

Do nŋu fei Jesu nŋu iyi à kaye wo, nsɛi à waa yɔɔ do amboe do jirima nla nla na wahala iyi í yɛ í kuò. Ntɔi, didɔ̃i Ilaaɔ̃ í tako í jɔ̀ kù to amaleka ŋa si waati keeke gɔ. Ilaaɔ̃ í ce bɛɛbɛi ku ba ku yɛ wahala ku kuò na irii inɛ fei.