Efɛɛzu 4:31 - Bibeli do fee

³¹ I nyɔ daa kuro nŋɛ fei do idɔɔkɔ̃ yaamɔ do idɔɔkɔ̃ fei. I maà ya gbagba si njɛ, nɔ i maà ya sɔ irii njɛ ŋa. I jɔ̀ inɔ sãmi baa yooma fei.

Efɛɛzu 4:31 Iomraidhean Croise

Kusintii Andunya 27:41

Ŋɔi Esau í cé Zakɔbu na kuwee iyi baa nŋa í ceaa. Nɔ í fɔ í ni, ikui baam í maai wa. Si anyii ikuɛ an kpa Zakɔbu ifɔm nɔui.

Kusintii Andunya 37:21

Iyi Rubɛ̃ɛ í gbɔ bɛɛbɛ, í bi nŋu ku gbaa hai si awɔ nŋa, ŋɔi í ni, i maà jɔ̀ ka kpaa.

Kusintii Andunya 37:4

Iyi igbã ŋau à yɛ iyi baau í buu í re aŋa fei ŋɔi à dedeò kucéɛ. A ci ya yɔkɔ a sɔ̃ɔ ide do kubi má.

Kusintii Andunya 4:8

Amma baa do iyi Ilaaɔ̃ í ni bɛɛbɛ fei, ajɔ nŋu gɔ Kaɛ̃ɛ í sɔ̃ ifɔɛ Abɛli í ni, ka bɔ iko. Ŋɔi à fita à koo. Waati iyi à wa bɛ, ŋɔi Kaɛ̃ɛ í fo í bata ifɔɛu í kpaa.

Samuɛli 2, 13:22

Abusalɔmu kù sɔ̃ Amunɔɔ ide jiida hee má jɛ ide laalɔ, amma í cóo si na iyi í jɔ̀ í bata Tamaa do gbugbã í sũòɛ.

Samuɛli 2, 19:27

Ŋɔi í jɛaa í ni, Siba woo ce icɛm nii í lɛlɛm, domi amu woo ce icɛɛ ǹ ni an jɔ̀ a dĩa gbankɛlɛm gaayi si bɛi ǹ jɛ wɛɛgɛ nɔ n gũu n tooɛ wa.

Samuɛli 2, 19:43

Ŋɔi inɛi Zudaa ŋau à jɛ nŋa à ni, si na iyi í jɔ̀ ilaaluu í jɛ dimi nwai. Na mii í ce idɔ nŋɛ wa kɔ̃. Ì waa tamaa bɛi si kũkũi bũui ilaaluui à waa jɛ ŋa ba. Mà í ce nwa amua gɔi ba.

Iri ku kɔ̃ 101:5

Inɛ iyi wa sɔ irii kpaasiɛ si asii, an jɔ̀ ku cokoi. N kaa n wɛɛ do inɛ iyi í donda kpaasiɛ, nɔ í jɛ ilu faau.

Iri ku kɔ̃ 140:11

Jɔ̀ ina nyɛnyɛ ŋa a cuku si ŋa wa, jɔ̀ a dasi isa nla si inau, nɔ a maà yɔkɔ a fita má.

Iri ku kɔ̃ 15:3

Inɛ iyi kù waa nya fũnɛi kpaasiɛ, inɛ iyi kù waa cea kpaasiɛ laalɔ, inɛ iyi kù waa cã anyii kpaasiɛ.

Iri ku kɔ̃ 37:8

Jɔ̀ idɔɔkɔ̃ ku ce, fũsi awɔ. Idɔɔkɔ̃ ku ce laalɔi í ya kpaò iri.

Iri ku kɔ̃ 50:20

Bii ì buba fei inɛ mmu gɔi ì ya maa bu nɔ ì ya maa fɔ laalɔi inɛɛ gɔ.

Iri ku kɔ̃ 64:3

Nyam hai si sɔɔlui zamba iyi inɛ laalɔ ŋa à waa dĩim do hai si wuai woo ce laalɔ ŋa.

Mɔnda ŋa 10:12

Njɛ ku céi í ya naaò ija ŋa wa, amma kubi í ya bii kurara feii.

Mɔnda ŋa 10:18

Inɛ iyi í cé kpaasi nɔ wa singaa ilu muafitii. Bɛɛbɛ mɔi inɛ iyi wa sɔ irii inɛ ŋa í ce nnyɛii.

Mɔnda ŋa 14:17

Ilu idɔɔkɔ̃ í ya ce idei awɔ anyii, nɔ inɛ iyi wa bi laalɔ ku ce í ya na ku to araɛ do mbɛɛtɛi.

Mɔnda ŋa 18:8

Idei woo sɔ irii inɛ í yɛi bɛi sɔnda didɔ̃, nɔ í ya lɔi hee si lɛlɛi idɔi amanɛ.

Mɔnda ŋa 19:12

Idɔɔkɔ̃i ilaalu í ya jɔ̀ njo ku mu inɛi bɛi anu kudɔ̃i muusu nla, amma jiida ku jɛɛ í dɔ̃i bɛi ikpã í ya dɔ̃a fɔfɔ tũtũ si.

Mɔnda ŋa 25:23

Si bɛi fufui awɔ njɛi kpãai inunui í ya naaò ijĩ wa, bɛɛbɛ mɔi ide ku sisi í ya dede idɔɔkɔ̃i inɛ.

Mɔnda ŋa 26:20

Bii jĩi kù wɛɛ ina í ya kui. Bɛɛbɛ mɔi bii woo kpantã inɛ ŋa a kù wɛɛ, ija mɔ í ya dusui.

Mɔnda ŋa 29:22

Ilu idɔɔkɔ̃ í ya maa dede ijai, nɔ ilu ara gbãa í ya ce kurara nkpɔ nkpɔ.

Mɔnda ŋa 29:9

Bii ilu bisi í bɔ kiiti do nnyɛi, ideu kaa ce jiida, domi idɔi nnyɛi á kɔ̃ nɔ ku maa yaako inɛ ŋa.

Woo lasabu 7:9

Maà ya jɔ̀ idɔɛ ku saasa ku kɔ̃ domi nnyɛi ŋai idɔ nŋa í ya kɔ̃ gbãa gbãa.

Zeremi 6:28

Aŋa fei ilu idɔ kulele ŋai, do woo sɔ irii inɛ ŋa. À lelei bɛi isɔ danya do bɛi isɔ. Aŋa fei woo kpa inɛ ŋai.

Zeremi 9:4

Aŋa fei à ya maa zamba njɛi, nɔ inɛ kãma ci ya sɔ̃ kpaasi ntɔ. À ya loo amɛ nŋai a maa sɔò ibo. Kurarai à ya maa ce waati kãma fei.

Woo bɛ ŋa 21:30

Nɔ inɛ ŋa à cã bii bii si iluu fei. Ŋɔi inɛ ŋa à sɛi à wasi ku naa hai bii fei, nɔ à mu Pɔlu à faa à fitaɛ wa hai bantumai kpasɛ̃u. Bɛ gbakã à cĩmbo gambo ŋau.

Romu 3:14

À nɛ inɔ kuro nɔ ikpei wa kɔ̃ si gɛlɛ nŋa.

Kɔrɛnti 1, 14:20

Iŋɛ inɛm ŋa, i maà ya wũa ide bɛi ama keeke ŋa má ŋa. Bii í jɛ idei laalɔ ku cei, í sĩa i yɛ bɛi ama keeke ŋa iyi a kù mà laalɔ ku ce, amma si kpãai ide ku wũa i jɔ̀ i yɛ bɛi inɛ ngbo ŋa.

Kɔrɛnti 1, 5:8

Debɛi, ka maà jɛ jingauu do laalɔ do inɔ sãmi iyi í yɛ bɛi levɛ̃ɛ nwo, amma ka jɔɔ do pɛ̃ɛ hai nɛ levɛ̃ɛ. Pɛ̃ɛ hai nɛ levɛ̃ɛui í jɛ ntɔ do idɔ kumá.

Kɔrɛnti 2, 12:20

Ǹ wa n ce njo bii ǹ na ǹ to wa bi tu ŋɛ n maa n na n ba ŋɛ bɛi n kù bi, iŋɛ mɔ, i maa ti i na i bam bɛi i kù bi ŋa. Ǹ wa n ce njo ija do igu ku maà wa si ŋɛ, do idɔɔkɔ̃, do njɛ ku wã, do arabu ŋa, do irii inɛ ku sɔ, do faau, do mii hai nɛ yaase.

Galati 5:20

do iwɛ̃ ku tɔɔ, do dobu dobu ku ce, do mbɛɛtɛ, do ija, do igu, do idɔɔkɔ̃ yaamɔ, do njɛ ku wã, do kakɔɔ, do njɛ ku fɛɛfɛ,

Efɛɛzu 4:22

Na nŋu, i jɔ̀ daa nwo nŋɛ ŋa iyi wa nɛ̀ò kuwɛɛ nŋɛ wo, domi kubii daa nwo nŋɛ ŋaui wa dĩ iju nŋɛ nɔ wa bɔò ŋɛ nfe ku ce.

Efɛɛzu 4:25

Na nŋu, i maà ya sɔ ibo má ŋa. I jɔ̀ inɛ fei ku sɔ̃ kpaasiɛ ntɔ, domi à jɛ ikɔ̃ ikã ikãi ara akã.

Efɛɛzu 4:26

Baa bii idɔ nŋɛ í kɔ̃, i maà ya ce dulum ŋa. I maà ya jɔ̀ idɔɔkɔ̃u ku wɛɛ nŋɛ hee inunu koo lɔò.

Kolosee 3:19

Iŋɛ mɔkɔ ŋa, i bi abo nŋɛ ŋa, i maà ya jɔ̀ i gaabu si ŋa ŋa.

Kolosee 3:8

Amma nsɛi, i nyɔ mii ŋau bɛ fei ŋa, hai idɔɔkɔ̃, do mbɛɛtɛ, do inɔ sãmi. I maà ya jɔ̀ arabu walakɔ ide ku sisi ku fita hai si gɛlɛ nŋɛ ŋa.

Timɔtee 1, 3:11

Bɛɛbɛ mɔi í sĩa abo nŋa ŋa a jɛ inɛ ŋa iyi à nɛ bɛɛrɛ, nɔ a maà jɛ woo sɔ irii inɛ, amma a jɛ woo gaya ŋa iyi à nɛ naanɛ si mii fei.

Timɔtee 1, 3:3

Nɔ ku maà jɛ woo mɔ atɛ̃ hee ku kpaa walakɔ woo bi ija, amma ku jɛ ilu suuru iyi wa dɛ laakai ku sũ, nɔ ku maà jɛ woo bi fia yaamɔ.

Timɔtee 1, 5:13

Si anyiɛ nɔ aa nɛ ika a ya maa dabii dabii kpasɛ̃ do kpasɛ̃. Iyi í re mɔm, aa ya maa sɔ irii inɛ ŋa nɔ a ya maa gũ wɔbia nɔ aa jɛ woo sisi ide ŋa.

Timɔtee 2, 2:23

Amma maà ya ce kakɔɔ si mii iyi kù nɛ aranfãani do iyi kù nɛ yaase, domi ì mà kãm kãm iyi nŋui í ya na ku bí ija.

Timɔtee 2, 3:3

Aa jɛ hai nɛ kubi ŋa, a kaa nɛ araarei inɛ ŋa, aa jɛ woo sɔ irii inɛ ŋa, a kaa mà ara nŋa, aa jɛ inɛ kugaabu ŋa, nɔ aa jɛ mbɛɛi woo ce jiida ŋa.

Titee 1:7

Ntɔ ntɔ, inɛ ngboi igbɛui á jɛ inɛ iyi á maa dasi icɛ iyi inɛ ŋa à waa cea Ilaaɔ̃ iju. Na nŋu í gbe ku jɛ hai nɛ taale. Kù sĩa ku jɛ ilu faau, walakɔ ilu idɔɔkɔ̃, walakɔ woo mɔ atɛ̃ hee ku kpaa, walakɔ woo bi ija, walakɔ inɛ iyi wa bi ku ba fia do bisi laalɔ.

Titee 2:3

Sɔ̃ abo ngbo ŋa mɔ a maa jɛ kuwɛɛ nŋa dee dee bɛi í jɔ inɛi Ilaaɔ̃ ŋa à ya ce. A maà jɛ woo sɔ irii inɛ ŋa walakɔ woo mɔ atɛ̃ hee ku kpa ŋa. Í sĩa a ya maa mua abo à so mɔkɔ saatara ŋa bisi jiida

Zaaki 1:19

Baakɔɔm ŋa, ì mà ideu ihɛ̃ tã ŋa. Na nŋu, í sĩa inɛ fei ku ya saku ku gbɔò ide, nɔ ku maà ya saasaò ide ku fɔ, nɔ idɔɛ ku maà ya kɔ̃ gbãa gbãa.

Zaaki 3:14

Amma bii ì waa ce igu yaamɔ do njɛ ku wã, maà tɔɔ fufu, maà sɔa ntɔ ibo,

Zaaki 4:11

Iŋɛ kpaasim ŋa, i maà ya kiiti njɛ ŋa. Inɛ iyi wa sɔ̃ kpaasiɛ laalɔ, laalɔi woodai wa fɔ. Inɛ iyi wa kiiti kpaasiɛ, woodai wa kiiti. Wee bii ì waa kiiti woodau i kù jɛ inɛ iyi wa jirimaɛ, amma ì jilɛ araɛ si agbɛi woo kiitiui.

Piɛɛ 1, 2:1

Na nŋu, i jɔ̀ laalɔ baa yooma fei ŋa, hai ibo ku sɔ, do muafiti, do igu, do irii inɛ ku sɔ.

Zãa 1, 3:12

nɔ ka maà yɛ bɛi Kaɛ̃ɛ inɛi Seetam inɛ laalɔu, nŋu iyi í kpa ifɔɛ. Na mii í ce í kpaa. Í kpaai si na iyi í jɔ̀ kuceɛ í jɛ laalɔ, nɔ ti ifɔɛ í jɛ jiida.

Zãa 1, 3:15

Inɛ iyi í cé kpaasiɛ fei, woo kpa inɛi. Iŋɛ taka nŋɛ ì nɔ ì mà ŋa iyi woo kpa inɛ ci ya nɛ kuwɛɛ hai tã.

Kuyɛi Zãa 12:10

Si anyii nŋu, nɔ ǹ gbɔ ide ku fɔ nla gɔ lele í ni, nsɛi, waatii faabau í to wa. Nsɛi, Aɔ̃ Lafɛ̃ɛ nwa í nyisi gbugbãɛ, nɔ í jilɛ bommaɛ. Nsɛi, inɛ iyi í cicau í gba inɛ ngbo ku jɛɛ, domi woo yɛ taalei inɛ nwa ŋa, nŋu iyi í ya maa fɔ laalɔ nŋa si wajui Ilaaɔ̃ dasãò idũ à nyɔɔ wa hai lele.