Efɛɛzu 4:30 - Bibeli do fee

³⁰ I maà fɔ inɔi Hundei Ilaaɔ̃ ŋa, domi Hundeu bɛi í jɛ sɛɛdai Ilaaɔ̃ si ŋɛ hee koo toò ajɔ iyi Ilaaɔ̃ á yá inɛɛ ŋa mam mam.

Efɛɛzu 4:30 Iomraidhean Croise

Kusintii Andunya 6:3

Ŋɔi Aɔ̃ Lafɛ̃ɛ í ni, hundem kaa maa wa si amanɛ do ajɔ fei domi amanɛ ilu arai nɔ kukpɔi adɔ̃ɛ kaa re adɔ̃ cifa (120).

Kusintii Andunya 6:6

Nɔ inɔɛ í na í fɔ do ankãanyi do iyi nŋu í ceò amanɛ ŋa si ilɛ, í roo jiida jiida si idɔɛ.

Iri ku kɔ̃ 78:40

Tuuba nkpɔ nkpɔi à dedeò ide ku kɔ̀ si Ilaaɔ̃, nɔ tuuba nkpɔ nkpɔi à fɔ́ inɔɛ si gbaau.

Iri ku kɔ̃ 95:10

Adɔ̃ ciijii inɛ ŋau à ce mii iyi kù dɔ̃ɔm si, nɔ ǹ ni, inɛ ŋau, inɛ ŋai iyi lasabu nŋa í yaa, a kù waa too kpãam.

Ezai 43:24

Kù jɛ na irim nii ì ya ra amaawɔi jĩi ku dɔ̃ inunu ŋau do fia nkpɔ nkpɔ. Kù nɔ kù jɛ amui ì ya jɔ̀ n ŋɔ ikpoi iŋai kuweeɛ ŋa n yo. Amma ì kãam dulum dɛɛ ŋa, nɔ ì gbɛɛjim do kuraraɛ ŋau.

Ezai 63:10

Amma à jɛ woo kɔ̀ ide ŋa nɔ à fɔ inɔi hunde kumáɛ. Na ŋɔi í jɔ̀ í sinda í ce araɛ mbɛɛ nŋa nɔ nŋu takaɛ í lɔsi ku ba ŋa ja.

Ezai 7:13

Ŋɔi Ezai í ni, i sotĩ i gbɔ ŋa iŋɛ inɛi kpasɛ̃i Davidi ŋa. Yaase bɛi ì waa gbɛɛji amanɛ ŋa si temua nŋau kù to ŋɛ má í gbe ì nyi ì waa bi i gbɛɛji Ilaaɔ̃ takaɛ mɔ má ŋa?

Ezekiɛli 16:43

Zeruzalɛmu, si na iyi í jɔ̀ i kù ye gigii mii iyi ǹ ceɛ waatii mudɛ̃ɛɛ, í gbe ì dedeò ide ku kɔ̀, mii iyi amu mɔ an ceɛ wee. An jɔ̀ isɛɛnɛ laalɔɛu ku cuku si iriɛi. Amu Aɔ̃ Lafɛ̃ɛi ǹ fɔ bɛɛbɛ. Mà i kù ce laalɔ ŋa si antaii iwɛ̃ ku tɔɔɛu bɛi.

Ozee 13:14

Amu Aɔ̃ Lafɛ̃ɛ, an faaba inɛ ŋau hai si bi kuwai iku ŋa? An ya ŋa wa hai si iku? Iku, hee iwoi jĩnɛi igũɛ ŋa à wa. Iku, hee iwoi gbugbãɛ í wa. Araare ku ce kaa wɛɛm má.

Maaku 3:5

Ŋɔi Jesu wa cɔ aŋa fei do idɔɔkɔ̃, nɔ inɔɛ í fɔ ntɔ ntɔ domi í yɛ idɔ nŋa í le. Ŋɔi í sɔ̃ inɛɛu í ni, tɛ awɔɛ. Nɔ í tɔɔ nɔ awɔu í baa dee dee.

Luku 21:28

Bii iyi bɛ ŋa à sinti ku ce, i leekĩ i mu ara nŋɛ ŋa, domi faaba nŋɛi í maai wa.

Laabaau jiida iyi Zãa í kɔ 3:33

Inɛ iyi í jɛsi sɛɛdaɛ, í jɛsi iyi Ilaaɔ̃ í jɛ ilu ntɔ.

Woo bɛ ŋa 7:51

Nɔ Etiɛni í ni má, iŋɛ inɛ kugaabu ŋai, idɔ nŋɛ do itĩ nŋɛ fei í le. Ì ya maa kɔ̀si Hundei Ilaaɔ̃ ŋai waati kãma fei. Iŋɛ mɔ ì waa ce bɛi bala nŋɛ ŋa à tako à ce wo.

Romu 8:11

Ilaaɔ̃i í jĩ Jesu hai si balɛ. Nɔ bii Hundei nŋu iyi í jĩ Kirisi hai si balɛu í wa si ŋɛ á na ara iku nŋɛ ŋau mɔ kuwɛɛ na saabui Hundeɛ iyi í wa si ŋɛu.

Romu 8:23

Nɔ iyi í re mɔm, baa awa iyi Ilaaɔ̃ í mu nwa Hundeɛ bɛi fiai kaazigi, à waa kakaa si idɔ nwa à waa degbeò Ilaaɔ̃ ku nyisi iyi à jɛ amaɛ ŋa ntɔ ntɔ nɔ ku faaba ara nwa.

Kɔrɛnti 1, 1:30

Ilaaɔ̃i í jɔ̀ ì nɛ anu akã do Jesu Kirisi ŋa. Nɔ Kirisii í jɛ bisii Ilaaɔ̃ bi tu wa na saabui anu akã nwau iyi à ce do nŋu. Kirisii í nya wa hai si dulum du wa. Do saabuɛi à jɛò dee dee nɔ à jɛò inɛi Ilaaɔ̃ ŋa.

Kɔrɛnti 1, 15:54

Nɔ waati iyi ara ku bɛjɛu á kpaasi iyi kaa bɛjɛ, nɔ ti iku mɔ ku kpaasi iyi kaa ku, waati bɛɛbɛi ide iyi à kɔu á ce, iyi í ni, Ilaaɔ̃ í kãmia iku mam mam.

Tɛsalonika 1, 5:19

I maà ganji Hundei Ilaaɔ̃ ku ce icɛ si ŋɛ.

Ebɛɛ 10:29

Debɛi, inɛ iyi wa donda Amai Ilaaɔ̃ wa cɔ njɛɛ nfe, njɛ si bii Ilaaɔ̃ í dĩ akabuuɛ iyi á jɔ̀ lafɛ̃ɛ ku má, nɔ wa bu Hundei Ilaaɔ̃ iyi wa nyisi wa didɔ̃u, i cɔ zaka bɛi mii iyi á na ku ba lafɛ̃ɛ si ajɔi kiitiu á to.

Ebɛɛ 3:10

hee adɔ̃ ciiji. Na ŋɔi í jɔ̀ idɔm í kɔ̃ si ŋa. Nɔ ǹ ni, inɛ ŋau idɔ nŋa í ya sindai ajɔ fei hai bi tom. A kù mà kpãam.

Ebɛɛ 3:17

Mà yoo ŋai idɔi Ilaaɔ̃ í kɔ̃ si ŋa hee zakai adɔ̃ ciiji bii kù jɛ do inɛ ŋa iyi à ce dulum nɔ à cuku à ku si gbaau.

Woo kiiti ŋa 10:16

Ŋɔi à fũsi iwɛ̃ ŋa iyi à waa tɔɔ ŋau fei awɔ, à sinda à waa tɔɔ Aɔ̃ Lafɛ̃ɛ. Nɔ Aɔ̃ Lafɛ̃ɛ kù jɔ̀ a kù kpɛ si wahalau.