Efɛɛzu 4:29 - Bibeli do fee

²⁹ Nɔ i maà ya jɔ̀ ide laalɔ kãma ku fita hai si gɛlɛ nŋɛ. Amma i ya fɔ ide jiida iyi á mua inɛ ŋa gbugbã si naanɛ ku dasi nɔ ku sobi ŋa si bukaata nŋa nɔ inɛ ŋa iyi à waa gbɔɔ ku jɛ nŋa aranfãani jiida.

Efɛɛzu 4:29 Iomraidhean Croise

Iri ku kɔ̃ 45:2

Idɔm wa yaya na laabaau didɔ̃ do ide jiida ŋa iyi an fɔ bi ilaalu. Nɔ ǹ bi gɛlɛm ku yɛi bɛi mii ku kɔi woo mà kukɔ jiida.

Iri ku kɔ̃ 5:9

Aɔ̃ Lafɛ̃ɛ, jɔ̀ i maa nɛɛm si dee dee ku jɛɛ, na irii inɛ ŋa iyi à waa cɔ isɛɛnɛm. Jɔ̀ i teese kpãaɛ si wajum,

Iri ku kɔ̃ 52:2

Iriu wa fɔ idei waati iyi Doɛgi inɛi Edɔmu í koo í sɔ̃ Saulu í ni, Davidi í bɔ kpasɛ̃i Ahimelɛki.

Iri ku kɔ̃ 71:24

Ajɔ fei, gɛlɛm á maa fɔ dee dee ku jɛɛi domi inɛ ŋa iyi à waa dɛdɛ laalɔ ku bam ŋau à yɛ anyɔ do inɔ kufɔ nla nla.

Mɔnda ŋa 12:13

À ya mu inɛ laalɔi si ide sãmi ku fɔɛ, amma inɛ jiida í ya fita si wahala dimi baa yooma feii.

Mɔnda ŋa 15:23

Inɛ iyi í mà ide jiida ku jɛ í ya nɛ inɔ didɔ̃. Ntɔ ntɔ ide ku fɔ si waati iyi í jɔ í sĩa.

Mɔnda ŋa 15:7

Ilu bisi ŋa à ya kɔ inɛ si kumài, amma idɔi nnyɛi ŋa kù jɛ bɛɛbɛ.

Mɔnda ŋa 16:21

Inɛ iyi í ya lasabu do laakaii aa ni í nɛ bisi. Ide iyi à fɔ do kubi í ya kãmia inɛ ŋa.

Woo lasabu 10:12

Idei ilu bisi í ya nɛ bɛɛrɛi. Amma idei nnyɛi í ya jɔ̀ ku ce nfe.

Ezai 50:4

Aɔ̃ Lafɛ̃ɛ í kɔm si ide iyi ǹ nɛ ku fɔ ku ba n mà ide ŋa iyi an fɔ n sobiò inɛ iyi í kua gbugbã. Daakɔ fei nŋui í ya jĩim ku ba n de itĩ bɛi mɔcɔ ŋa à ya maa de si lafɛ̃ɛ nŋa itĩ.

Matie 5:16

Bɛɛbɛ mɔi i jɔ̀ inya kumá nŋɛ ku má si wajui inɛ ŋa ku ba a yɛ kookoosu jiida nŋɛ ŋa nɔ irii Ilaaɔ̃ Baa nŋɛ iyi í wa lele ku nɛ amboe.

Luku 4:22

Ŋɔi aŋa fei à waa jɛaa sɛɛda jiida, nɔ biti í mu ŋa do ide didɔ̃ iyi wa fita hai si gɛlɛɛu. À ni, kù jɛ amai Zozɛfuu mbɛ ya.

Laabaau jiida iyi Zãa í kɔ 1:37

Iyi mɔcɔ ŋau à gbɔ ideu ŋɔi à too Jesu.

Romu 14:19

Na nŋu, ka dɛ mii iyi á naaò laakai ku sũ wa do mii iyi á mu nwa gbugbã si naanɛ ku dasi nwa.

Romu 15:2

Awa fei ka ya ce mii iyi á dɔ̃a kpaasi nwa ŋa si na aranfãani nŋa, ku ba naanɛ ku dasi nŋa ku bɔ waju.

Kɔrɛnti 1, 14:19

Amma si igbɛi inɛi Jesu ŋa ǹ gbasi n fɔ ide icu miiu do yaase n kɔa inɛ ŋa si cio do iyi an fɔ ide icu dubu mɛɛwa do fee iyi inɛ ŋa a kù waa gbɔ.

Efɛɛzu 4:12

Bɛɛbɛi í ce ku ba ku ceò sɔɔlui woo dasi Jesu naanɛ ŋa si icɛɛ, ku ba ku kɔ̃ɔsi gbugbãi arai Kirisi.

Efɛɛzu 4:16

Siɛi awa fei à waa kã bɛi ikɔ̃i ara, nɔ arau fei í másiɛ do ikɔ̃ ikɔ̃ɛ. Nsɛi, bii ikɔ̃ fei wa ce icɛ si bɛi í jɔ, arau fei á lai ku maa kɔ̃ɔsi na saabui kubi.

Kolosee 4:6

I ya jɔ̀ ide nŋɛ ku dɔ̃ ku gbɔ nɔ ku too kpãa, ku ba i mà si bɛi í sĩa i jɛa inɛ fei ide ŋa.

Tɛsalonika 1, 5:11

Na nŋu, i ya mua njɛ gbugbã ŋa nɔ i ya maa sobi njɛ ku ba i la si naanɛ ku dasi nŋɛ, si bɛi ì waa ce tã ŋa.

Piɛɛ 1, 2:12

I jɔ̀ i nɛ daa jiida ŋa si inɔi hai dasi Jesu naanɛ ŋa, domi baa bii à waa kpe ŋɛ inɛ laalɔ ŋa, aa yɛ icɛ jiida nŋɛ nɔ a saabu Ilaaɔ̃ si ajɔ iyi á kiiti inɛ fei.

Piɛɛ 1, 3:1

Bɛɛbɛ mɔi iŋɛ inaabo ŋa, i sũa mɔkɔ nŋɛ ŋa iri ilɛ, hee baa bii í jɛ gɔgɔ nŋa ŋa a kù dasi idei Ilaaɔ̃ naanɛ, daa nŋɛ ku jɔ̀ a dasi naanɛ. Waati bɛɛbɛ i kù nɛ bukaatai ide ku fɔ má ŋa,

Piɛɛ 2, 2:18

À waa fɔ idei fufu ku tɔɔ iyi kù nɛ iri. À waa fa inɛ gɔ ŋa do binɛ ikã ikãi mii iyi lafɛ̃ɛ ŋa à nɛ si idɔ nŋa ŋa ku ba a mu ŋa do taa. Inɛ ŋau, do wahalai à ba à gbã wa hai bi inɛ ŋa iyi à wa si kurarau.