Efɛɛzu 4:26 - Bibeli do fee

²⁶ Baa bii idɔ nŋɛ í kɔ̃, i maà ya ce dulum ŋa. I maà ya jɔ̀ idɔɔkɔ̃u ku wɛɛ nŋɛ hee inunu koo lɔò.

Efɛɛzu 4:26 Iomraidhean Croise

Iri ku kɔ̃ 37:8

Jɔ̀ idɔɔkɔ̃ ku ce, fũsi awɔ. Idɔɔkɔ̃ ku ce laalɔi í ya kpaò iri.

Iri ku kɔ̃ 4:4

I mà ŋa iyi Aɔ̃ Lafɛ̃ɛ í cica inɛ iyi í jɛaa ilu naanɛ. Waati iyi ǹ tɔɔɛ faaba, í ya gbɔɔm.

Kufita 11:8

Moizi í ni má, waati bɛɛbɛ, akaweɛ ŋau fei aa naa a sɛɛbata si wajum a maa ni, koo nɛ, awɔ do inɛɛ ŋau fei. Bɛ gbakã an nɛi. Iyi Moizi í fɔ bɛɛbɛ í tã, ŋɔi í fita hai bi Faraɔ̃ do idɔɔkɔ̃ nla nla.

Mɔnda ŋa 14:29

Inɛ iyi idɔɛ ci ya saasa ku kɔ̃ í nɛ laakai mbɛ nla nla, amma ilu ara gbãa í ya fitaò nnyɛiɛ bantumai.

Mɔnda ŋa 19:11

Idɔi ilu laakai ci ya saasa ku kɔ̃, nɔ í ya jɛ ilu bɛɛrɛi si na iyi í jɔ̀ í ya gbɛjɛ taale iyi à ceaa.

Mɔnda ŋa 25:23

Si bɛi fufui awɔ njɛi kpãai inunui í ya naaò ijĩ wa, bɛɛbɛ mɔi ide ku sisi í ya dede idɔɔkɔ̃i inɛ.

Woo lasabu 7:9

Maà ya jɔ̀ idɔɛ ku saasa ku kɔ̃ domi nnyɛi ŋai idɔ nŋa í ya kɔ̃ gbãa gbãa.

Kuka 20:24

Arɔ̃ɔ á ku, kaa lɔ si ilɛ iyi ǹ ni an mua inɛi Izirɛli ŋau, si na iyi í jɔ̀ i kù jirima woodam ŋa bi isɔ̃i Meribau.

Matie 5:22

Amma amu, an sɔ̃ ŋɛ, inɛ iyi wa ce idɔɔkɔ̃ do kpaasiɛ aa bɔòɛ si wajui woo kiiti ŋa a kpãa iju, nɔ inɛ iyi wa cɔ kpaasiɛ nfe aa kiitiɛ si wajui inɛ ngbo ŋau, inɛ mɔ iyi wa cɔ kpaasiɛ nnyɛi á lɔ si ina iyi ci ya kuu.

Maaku 10:14

Iyi Jesu í yɛ mii iyi à waa ceu, ŋɔi idɔɛ í kɔ̃, í sɔ̃ ŋa í ni, i jɔ̀ amu ŋau a naa bi tom, i maà ganji ŋa, domi bommai Ilaaɔ̃ í jɛ ti inɛ ŋa iyi à jɔ ŋa.

Maaku 3:5

Ŋɔi Jesu wa cɔ aŋa fei do idɔɔkɔ̃, nɔ inɔɛ í fɔ ntɔ ntɔ domi í yɛ idɔ nŋa í le. Ŋɔi í sɔ̃ inɛɛu í ni, tɛ awɔɛ. Nɔ í tɔɔ nɔ awɔu í baa dee dee.

Wooda ku kɔsi 24:15

I ya sãa fiai icɛɛ ŋa hee inunu ku maa lɔ, domi ilu arei nɔ í nɛ bukaatai i sãa gbãa gbãa. Bii kù jɛ bɛɛbɛ á yɔkɔ ku kpataò iriɛ bi Aɔ̃ Lafɛ̃ɛ, nɔ i baa i jɛ ilu dulum.

Zaaki 1:19

Baakɔɔm ŋa, ì mà ideu ihɛ̃ tã ŋa. Na nŋu, í sĩa inɛ fei ku ya saku ku gbɔò ide, nɔ ku maà ya saasaò ide ku fɔ, nɔ idɔɛ ku maà ya kɔ̃ gbãa gbãa.

Zaaki 1:20

Kù sĩa idɔi inɛ ku ya kɔ̃ gbãa gbãa domi kù jɛ do idɔɔkɔ̃i amanɛ á ceò mii iyi í jɛ dee dee si wajui Ilaaɔ̃.

Samuɛli 1, 20:34

Ŋɔi í dede hai bi kujɛu do idɔɔkɔ̃ nla nla. Kù ba ŋa sɔnda kãma ku jɛ ajɔ minjisiai jingauu. Yaase bɛi baaɛ í buu í tosiɛ í jɔ̀ inɔɛ í fɔ ntɔ ntɔ na mii iyi baau wa bi ku cea Davidi.