Efɛɛzu 4:25 - Bibeli do fee

²⁵ Na nŋu, i maà ya sɔ ibo má ŋa. I jɔ̀ inɛ fei ku sɔ̃ kpaasiɛ ntɔ, domi à jɛ ikɔ̃ ikã ikãi ara akã.

Efɛɛzu 4:25 Iomraidhean Croise

Ilaalu 1, 13:18

Ŋɔi í sɔ̃ɔ í ni, amu mɔ waliii bɛi awɔ, nɔ amaleka gɔ í naa í sɔ̃m ide iyi Aɔ̃ Lafɛ̃ɛ í bɛɛò wa. Í sɔ̃m í ni, gbãa bɔòɛ kpasɛ̃ ku jɛ pɛ̃ɛ nɔ ku mɔ inyi. Amma iboi wa sɔaa.

Iri ku kɔ̃ 119:29

Jɔ̀ isɛɛnɛi ibo ku jĩòm. Si jiida ku jɛɛ, jɔ̀ n mà woodaɛ ŋa.

Iri ku kɔ̃ 15:2

Inɛ iyi wa nɛ si dee dee ku jɛ, inɛ iyi wa ceò ntɔ icɛ, iyi wa fɔ ntɔ do idɔɛ fei.

Iri ku kɔ̃ 52:3

Awɔ woo ja igũ, na mii í ce ì waa tɔɔ fufu si laalɔ iyi ì waa ce. I kù mà iyi jiida ku jɛi Ilaaɔ̃ í ya maa wɛɛi do ajɔ fei?

Kufita 23:7

I maà ya jɛsi sɛɛda ibo ŋa, nɔ i maà ya kpa inɛ dee dee gɔ iyi kù ce taale ŋa. Si wajui amu Aɔ̃ Lafɛ̃ɛ, inɛ iyi í ce bɛɛbɛ, lafɛ̃ɛ kù jɛ dee dee.

Mɔnda ŋa 12:17

À fɔ ntɔ í ya jɔ̀ kiiti ku jɛ dee deei, amma woo jɛ sɛɛda ibo ci ya jɔ̀ ku jɛ dee dee.

Mɔnda ŋa 12:19

Ntɔ í ya wɛɛi waati kãma fei, amma ibo ci ya kpɛ.

Mɔnda ŋa 12:22

Aɔ̃ Lafɛ̃ɛ í cé ibo ku sɔ, amma woo fɔ ntɔ ŋai í ya bi.

Mɔnda ŋa 21:6

Amanɛ ku sɔ ibo ku bɛi ku baò fia, fiau á na ku lɔi bɛi cua nɔ ku bɔò lafɛ̃ɛ si iku.

Mɔnda ŋa 24:28

Maà jɛ sɛɛda ibo i yɛò taalei kpaasiɛ. Maà dĩ ijui inɛ ŋa do ide ku fɔɛ bɛɛbɛ.

Mɔnda ŋa 8:7

Ntɔi gɛlɛm í ya fɔ, nɔ gɛlɛm nɔu kù bi ide laalɔ.

Ezai 63:8

Nŋu takaɛ í fɔ wo í ni ntɔ ntɔ inɛ ŋau ihɛ̃ inɛi nŋu ŋai, nɔ à jɛ amu ŋa iyi a ci ya sɔ ibo. Nŋui í jɛ woo faaba nŋa.

Ezai 9:15

Inɛ ŋa iyi à waa gbã zamaau à waa nyɔɔi, nɔ zamaa iyi à waa gbãu, si kpãai nfe ku cei à waa bɔòɛ.

Ozee 4:2

Mii iyi í wa si anini nŋai í jɛ ikpe do ibo do inɛ ku kpa do ile do sakara do inɛ ku taa gbugbã. À ya so waati nŋa feii a maa kpaò inɛ ŋa.

Kuwee 19:11

I maà ya ce ile ŋa, nɔ i maà sɔ ibo ŋa, nɔ i maà ya zamba njɛ ŋa.

Zakari 8:16

Yaase bɛi í jɔ i ce ŋa wee. Iŋɛ fei i ya sɔ̃ kpaasi nŋɛ ŋa ntɔ. Nɔ i ya kiiti inɛ fei si ntɔ ku ba laakai ku sũ ku wa si ŋɛ.

Zakari 8:19

ǹ wa n sɔ̃ ŋɛ iyi anu ku dĩ iyi ì ya ce si cukpa mɛɛsia do si miiusia, do si mɛɛjesia do si mɛɛwasiai adɔ̃u á baa ku jɛa inɛi Zudaa ŋa ajɔi jingau do inɔ didɔ̃ nla nla. Amma i bi ntɔ do laakai ku sũ ŋa.

Laabaau jiida iyi Zãa í kɔ 8:44

Seetam nii í jɛ baa nŋɛ, nɔ ì waa bi i ce idɔɔbii baa nŋɛu. Hai sinte woo kpa inɛi. Kù waa leekĩ si kpãai ntɔ domi ntɔ kù wa siɛ. Bii wa sɔ ibo, í ya maa fɔi bɛi nŋu takaɛ í yɛ domi ilu iboi, nɔ baai ilu ibo feii.

Romu 12:5

Bɛɛbɛ mɔi, baa bii awa à kpɔ à jɛ ara akã si Kirisi nɔ à dĩ si njɛi bɛi ikɔ̃ ikã ikãi arau.

Kɔrɛnti 1, 10:17

Si bɛi awa fei pɛ̃ɛ akãui à jɛ, nŋui í jɔ̀ baa do iyi à kpɔ fei à jɛ ara akã, domi awa fei à ba ikpɛ̃ nwa si pɛ̃ɛ akãu.

Kɔrɛnti 2, 7:14

Baa bii ǹ tɔɔ fufu keeke bi tɛɛ na iri nŋɛ wo, i kù dasim anyɔ ŋa. Do yaase bɛi ide ŋa iyi à sɔ̃ ŋɛu fei ntɔi, bɛɛbɛ mɔi Titee í yɔɔ iyi fufu ku tɔɔ nwa si ntɔi.

Efɛɛzu 4:15

Amma bii à waa sisi ntɔu do kubi aa ka la si mii fei ka tóo alái Kirisi iyi í jɛ iriu.

Efɛɛzu 4:22

Na nŋu, i jɔ̀ daa nwo nŋɛ ŋa iyi wa nɛ̀ò kuwɛɛ nŋɛ wo, domi kubii daa nwo nŋɛ ŋaui wa dĩ iju nŋɛ nɔ wa bɔò ŋɛ nfe ku ce.

Efɛɛzu 4:31

I nyɔ daa kuro nŋɛ fei do idɔɔkɔ̃ yaamɔ do idɔɔkɔ̃ fei. I maà ya gbagba si njɛ, nɔ i maà ya sɔ irii njɛ ŋa. I jɔ̀ inɔ sãmi baa yooma fei.

Efɛɛzu 5:30

Igbɛɛu nŋui í jɛ araɛ nɔ awa fei à yɛi bɛi ikɔ̃ ikɔ̃i araɛu.

Kolosee 3:8

Amma nsɛi, i nyɔ mii ŋau bɛ fei ŋa, hai idɔɔkɔ̃, do mbɛɛtɛ, do inɔ sãmi. I maà ya jɔ̀ arabu walakɔ ide ku sisi ku fita hai si gɛlɛ nŋɛ ŋa.

Kolosee 3:9

Nɔ i maà ya sɔa njɛ ibo ŋa si na iyi í jɔ̀ ì jɔ̀ daa nwo do dɔ̃ɔnɛɛ tã ŋa,

Timɔtee 1, 1:10

do woo ce sakara ŋa, do inɛmɔkɔ ŋa iyi à ya maa sũò njɛ, do inɛ ŋa iyi à ce ilei amanɛ ŋa à waa ta, do woo sɔ ibo ŋa, do woo ce kugbasi si ibo ŋa, do inɛ ŋa iyi à waa ce mii baa yooma fei iyi kù waa too si cio jiida.

Timɔtee 1, 4:2

Dimii kukɔsi nŋu wa naai hai bi ilu muafiti ŋa do woo sɔ ibo ŋa. Inɛ ŋau à lele idɔ nŋa hee ci ya yɛ taale nŋa má.

Titee 1:12

Inɛi Kɛrɛti gɔ takaɛ iyi í jɛ woo sisi idei iwɛ̃ nŋa í ni, waati kãma fei inɛi Kɛrɛti ŋa woo sɔ ibo ŋai, nɔ à gaabu bɛi mɛɛmui sako ŋa, ilu ika ŋai, lasabu nŋa fei si kpãai ijɛi í wa.

Titee 1:2

Iyi bɛi á jɔ̀ a maa cɔ kpãai kuwɛɛ hai tã. Ilaaɔ̃ ci ya sɔ ibo. Nɔ baa hai kù taka andunya í ce kuwãi kuwɛɛ hai tã.

Ebɛɛ 12:1

Na nŋu, si na iyi í jɔ̀ woo jɛ sɛɛda nkpɔu bɛ wa kaako wa, awa mɔ ka nyɔ mii iyi wa bitandi wa si kuwɛɛ nwa do dulum iyi ci ya kpɛtɛ ku mási wa dim dim. Nɔ ka temua si kpãai kuwɛɛ iyi wa degbe wa bɛi woo sɛi í ya temua si areɛ.

Zaaki 1:21

Na nŋu, i nyɔ andi mii iyi í jɛ riisi do laalɔ fei ŋa. Nɔ i gba ide iyi Ilaaɔ̃ wa gbɛ̃ si idɔ nŋɛ ŋa do ara kukaye, domi ideui á yɔkɔ ku faaba ŋɛ.

Piɛɛ 1, 2:1

Na nŋu, i jɔ̀ laalɔ baa yooma fei ŋa, hai ibo ku sɔ, do muafiti, do igu, do irii inɛ ku sɔ.

Kuyɛi Zãa 21:8

Amma inɛ ŋa iyi à mɔngɔ do hai dasi naanɛ ŋa do woo ce laalɔ ŋa do woo kpa inɛ ŋa do woo ce sakara ŋa, do woo ce dobu dobu ŋa do woo tɔɔ iwɛ̃ ŋa do woo sɔ ibo ŋa fei aa ba ikpɛ̃ nŋa si ina nla iyi wa jo do fainwitau. Iyi bɛi í jɛ iku minjisiau.

Kuyɛi Zãa 22:15

Amma anyii iluui woo ce laalɔ ŋa aa wa do woo ce dobu dobu ŋa do woo ce sakara ŋa do woo kpa inɛ ŋa do woo tɔɔ iwɛ̃ ŋa do inɛ ŋa iyi à bi ibo nɔ à ya maa sɔ ibou fei.

Woo kiiti ŋa 16:11

Ŋɔi í sɔ̃ɔ í ni, bii à dĩm do ikũ titɔ̃ iyi a kù ceò nkãma, amu mɔ an kua gbugbã nɔ n yɛ bɛi inɛ ŋa iyi à gbe fei.