Efɛɛzu 4:24 - Bibeli do fee

²⁴ nɔ i jɔ̀ i nɛ daa titɔ̃ ŋa iyi í jɔ ti Ilaaɔ̃. Daa titɔ̃u, aa yɔɔi si dee dee ku jɛ nŋɛ do kuwɛɛ hai nɛ dulum. Iyi bɛ hai bi ntɔi wa naa.

Efɛɛzu 4:24 Iomraidhean Croise

Kusintii Andunya 5:1

Si yaase bɛi à kɔ idei dimii amai Adamu ŋa wee. Si waati iyi Ilaaɔ̃ í taka amanɛ í takaɛi bɛi nŋu takaɛ.

Zɔɔbu 29:14

Dee dee ku jɛi í jɛ ibɔm, ntɔ ku jirimam nii í jɛ kumboom do bɔngɔtɔbɛɛm.

Ezai 52:1

Zeruzalɛmu, jĩ, jĩ hai si iri njoo. Siɔ̃ɔ, jɔ̀ gbugbãɛ ku teese ku baa. Dasi ibɔ kusĩaɛ ŋa, awɔ Zeruzalɛmu ilu kumáu, domi hai ce bango do inɛ iyi í nɛ riisi kãma kaa lɔ wa bi tɛɛ má.

Ezai 59:17

Dee dee ku jɛ í wɛɛai bɛi ibɔi isɔ, nɔ fulai isɔ iyi í dasi si iriɛi í jɛ faabau. Nɔ í dasi ibɔ jaba gɔ í jɛ bɛi jĩnɛ ŋa iyi á dasi ku jaò ku ba ku gbaa inɛɛ ŋa. Ibɔ nla nla iyi í dasiui í jɛ himmaɛ iyi á ceò ija.

Luku 1:75

Nɔ icɛ iyi aa ka ceau ku jɛ do idɔ kumá nɔ ka jɛ dee dee si wajuɛ do ajɔ fei si kuwɛɛ nwa.

Laabaau jiida iyi Zãa í kɔ 17:17

Ideɛi í jɛ ntɔ. Jɔ̀ ideɛu ku nya ŋa ikã a jɛ titɛɛ.

Romu 12:2

I maà ya ce kucei inɛi andunya ŋa, amma i jɔ̀ Ilaaɔ̃ ku mu nŋɛ lasabu titɔ̃ iyi á kpaasiò kuwɛɛ nŋɛ, ku ba i mà iyi í jɛ idɔɔbii Ilaaɔ̃ ŋa. Idɔɔbiɛu wee. Iyi í jɛ jiida, iyi í dɔ̃ do iyi í kɔ̃ mam mam.

Romu 13:12

Waati iyi à wa si nsɛi í yɛi bɛi idũ í dũ wa koo, nɔ amɛɛjuumá í maai wa. Na nŋu, ka jɔ̀ icɛi ilu kuku ku ce, nɔ ka so jĩnɛi igũ iyi á jɔ̀ ka jabu si inya kumá.

Romu 13:14

Amma i so daa titɔ̃i Jesu Kirisi Lafɛ̃ɛ nwa, nɔ i maà jɔ̀ daai iŋɛ taka nŋɛ ku maa nɛò ŋɛ i maa ceò binɛ má ŋa.

Romu 6:4

Na nŋu, si inyi ku dasiu à ku do nŋu ajɔ, nɔ à si wa do nŋu ajɔ, ku ba bɛi amboei Ilaaɔ̃ Baaba í dedeɛ hai si balɛ awa mɔ ka maa nɛ si kuwɛɛ titɔ̃.

Romu 7:6

Amma nsɛi, si bɛi à ku si gãmɛi wooda, nŋu iyi wa mu wa wo bɛi aru, à fita hai si awɔɛ. Bɛbɛi aa ka yɔkɔ ka cea Ilaaɔ̃ icɛ do daa titɔ̃ iyi í jɛ ti Hundeɛ, kaa jɛ do daa nwo iyi í jɛ ti wooda.

Romu 8:29

Ntɔ ntɔ, inɛ ŋa iyi Ilaaɔ̃ í cica hai tako, aŋai í jilɛ ku ba a jɔ Amaɛ. Si bɛɛbɛ Amaɛui á jɛ yemmai ifɔ nkpɔ nkpɔ.

Kɔrɛnti 1, 15:53

Ntɔ ntɔ, ara iyi á bɛjɛu kù nɛ bɛi á ce iyi kù kpaasi iyi ci ya bɛjɛ. Nŋu iyi í jɛ ti iku, kù nɛ bɛi á ce iyi kù kpaasi iyi ci ya ku.

Kɔrɛnti 2, 3:18

Fuugɛsɛu kù wa si waju nwa má nɔ à ya ka maa yɛ amboei Lafɛ̃ɛi bɛi si digi, nɔ amboeɛ iyi à waa cɔu, nŋui wa kpaasi wa ku ba ka jɔɔ, nɔ í ya maa kɔ̃ɔsii waati kãma fei si wa. Icɛu bɛ, Hundei Lafɛ̃ɛi wa coo.

Kɔrɛnti 2, 4:16

Nŋui í jɔ̀ a kaa ka mɔngɔ munya. Baa bii ara nwa wa gbo, hunde nwa í ya maa wɛɛ titɔ̃i do ajɔ fei.

Kɔrɛnti 2, 5:17

Bii inɛ gɔ í nɛ anu akã do Kirisi í jɛ inɛ titɔ̃. Mii ndii tako ŋau à lɔ, mii titɔ̃ ŋai à sãsi wa.

Galati 3:27

Ntɔ ntɔ, iŋɛ iyi ì ce inyi ku dasi ì ceò anu akã do Kirisi ŋa fei, ì baa ì yɛ bɛi Kirisi ŋai.

Galati 6:15

À ce bango, a kù ce bango, kù jɛ ide kãma. Mii iyi í nɛ amboe í re, nŋui í jɛ a taka inɛ titɔ̃.

Efɛɛzu 2:10

Awa icɛi awɔi Ilaaɔ̃i à jɛ. Í taka wai si anu akã nwa do Jesu Kirisi ka ceò icɛ jiida iyi í ce sɔɔluɛ hai ku kpɛ.

Efɛɛzu 2:15

Do ikui araɛi í kpaò irii woodai Zuifu ŋa do iwɔ̀ɛ ŋa ku ba ku yɔkɔ ku ce dimi minji ŋau dimi titɔ̃ akã lege lege si nŋu takaɛ. Si bɛɛbɛi, í dasi laakai ku sũ si anini nŋa.

Efɛɛzu 6:11

I dĩ jĩnɛi igũ ŋa iyi Ilaaɔ̃ wa mu nŋɛ fei, ku ba i yɔkɔ i leekĩ dim dim i kɔ̀siò kookoosu ikã ikãi Seetam ŋa,

Titee 2:14

Í so araɛ í na na iri nwa ku ya wa hai si laalɔ baa yooma fei, nɔ ku ce wa inɛ kumá ŋa ka na ka jɛ bɛi dimi akã iyi á jɛ titi nŋu akã nɔ ka jɛ ilu himma ka maa ceò icɛ jiida.

Ebɛɛ 1:8

Amma Amaɛi wa fãa iyi í ni, awɔi ì jɛ Ilaaɔ̃. Ǹ jilɛ bommaɛ hee do ajɔ fei. Dee dee ku jɛi í jɛ akpai bommaɛ.

Ebɛɛ 12:14

I dɛ laakai ku sũ do inɛ fei nɔ i ce kuwɛɛ iyi í má ŋa domi inɛ gɔ kù wɛɛ iyi á yɛ Lafɛ̃ɛ bii kuwɛɛɛ kù má.

Piɛɛ 1, 2:2

Si bɛi ama kpɔtɔɔ í ya bi àmɔ, iŋɛ mɔ í sĩa i bi àmɔ iyi í má iyi í jɛ idei Ilaaɔ̃. Hundei Ilaaɔ̃i wa mu nŋɛ amɔu ku ba i la si kpãai faabau ŋa,

Piɛɛ 2, 1:4

Bɛɛbɛi í ce nwa kuwã nla nla ilu bɛɛrɛ ŋa. Kuwã ŋau aa jɔ̀ i yɛ bɛi nŋu takaɛ í yɛ nɔ i saa kuce laalɔ sãmi ŋa iyi í wa si andunya na binɛ.