Efɛɛzu 4:23 - Bibeli do fee

²³ I jɔ̀ i nɛ idɔ titɔ̃ do lasabu titɔ̃ mam mam ŋa,

Efɛɛzu 4:23 Iomraidhean Croise

Iri ku kɔ̃ 51:10

Jɔ̀ i ceem suuru nɔ i muum inɔ didɔ̃. An wa si jingau amu iyi ǹ kua gbugbã.

Ezekiɛli 11:19

An jɔ̀ a nɛ lasabu akã, nɔ n mu nŋa idɔ titɔ̃. An nya idɔ nŋa iyi í le bɛi kuta, nɔ n da nŋa si idɔ iyi í yɛ bɛi ara baasĩ.

Ezekiɛli 18:31

Ì nyɔ kurara nŋɛ ŋa iyi à waa dasi ŋɛ dulum nɔu, i kpaasi idɔ nŋɛ nɔ i kpaasi lasabu nŋɛ. Na mii í jɔ̀ aa maa bi i ku ŋa iŋɛ inɛi Izirɛli ŋa.

Ezekiɛli 36:26

An mu nŋɛ idɔ titɔ̃ do hunde titɔ̃. An nya idɔ nŋɛ iyi í le bɛi kutaui, nɔ n sã nŋɛ si idɔ iyi í rɔ bɛi ara bãasĩi amanɛ.

Romu 12:2

I maà ya ce kucei inɛi andunya ŋa, amma i jɔ̀ Ilaaɔ̃ ku mu nŋɛ lasabu titɔ̃ iyi á kpaasiò kuwɛɛ nŋɛ, ku ba i mà iyi í jɛ idɔɔbii Ilaaɔ̃ ŋa. Idɔɔbiɛu wee. Iyi í jɛ jiida, iyi í dɔ̃ do iyi í kɔ̃ mam mam.

Romu 6:4

Na nŋu, si inyi ku dasiu à ku do nŋu ajɔ, nɔ à si wa do nŋu ajɔ, ku ba bɛi amboei Ilaaɔ̃ Baaba í dedeɛ hai si balɛ awa mɔ ka maa nɛ si kuwɛɛ titɔ̃.

Romu 8:6

Inɛ ŋa iyi lasabu nŋa fei í wa si idɔɔbii ara, ikui á jɛ iri ku kpa nŋa. Amma inɛ ŋa iyi lasabu nŋa í wa si mii iyi Hundei Ilaaɔ̃ í bi, lafɛ̃ɛ ŋa aa ba kuwɛɛ do laakai ku sũ.

Efɛɛzu 2:10

Awa icɛi awɔi Ilaaɔ̃i à jɛ. Í taka wai si anu akã nwa do Jesu Kirisi ka ceò icɛ jiida iyi í ce sɔɔluɛ hai ku kpɛ.

Kolosee 3:10

nɔ ì nɛ daa titɔ̃ ŋa. Ì baa ì jɛ amanɛ titɔ̃ ŋa iyi Ilaaɔ̃ woo taka nwa wa kpaasi kpɛlɛ kpɛlɛ ku ba i jɔɔ nɔ i màa sãa sãa ŋa.

Titee 3:5

í faaba wa. Waati bɛɛbɛi Hundeɛ iyi í da nwa si í bí wa isɛ gbeejisia nɔ í mu nwa kuwɛɛ titɔ̃. Kù faaba wa si na iyi í jɔ̀ à ce icɛ jiida, amma si na iyi í jɔ̀ í ce araare nwai.

Piɛɛ 1, 1:13

Na nŋu, i ce laakai ŋa. I mu ara nŋɛ ŋa, nɔ i dasi kpãa ku cɔ nŋɛ fei si didɔ̃ iyi aa na ŋɛ si waati iyi Jesu Kirisi á faata wa.