Efɛɛzu 4:22 - Bibeli do fee

²² Na nŋu, i jɔ̀ daa nwo nŋɛ ŋa iyi wa nɛ̀ò kuwɛɛ nŋɛ wo, domi kubii daa nwo nŋɛ ŋaui wa dĩ iju nŋɛ nɔ wa bɔò ŋɛ nfe ku ce.

Efɛɛzu 4:22 Iomraidhean Croise

Zɔɔbu 22:23

Bii ì sinda wa bi Ilaaɔ̃, bii ì nya laalɔ hai si kpasɛ̃ɛ, á jɔ̀ i baa si agbɛɛ.

Mɔnda ŋa 11:18

Ribai icɛi inɛ laalɔ ci ya kpɛ, amma inɛ iyi wa gbɛ̃ iyi í sĩa á ba riba ntɔ ntɔ.

Zeremi 17:9

Nkãma kù wɛɛ iyi í nɛ zamba bɛi idɔi amanɛ, nɔ inɛ kãma kaa yɔkɔ ku jɔ̀ ku ba iri. Nɔ bɛɛbɛ mɔi inɛ kãma kaa yɔkɔ ku mà idɔi amanɛ.

Zeremi 49:16

Awɔi ì ya jɔ̀ njo ku maa mu inɛ fei, nɔ ì waa tamaa bɛi awɔi ì wa si antaii inɛ fei. Amma lasabu iboi ì waa ce bɛ. Awɔ iyi si isai kuta ŋai ì wa nɔ ì waa kɔa lele, baa bii í jɛ ì kɔa antɛɛ hee lele bɛi ti kungbã, an kitaɛ wa. Amu Aɔ̃ Lafɛ̃ɛi ǹ fɔ bɛɛbɛ.

Abudiasi 1:3

Ara ku soɛi í jɔ̀ ì nyɔ. Nɔ ì buba si isai kuta ŋa hee lele. Si lasabuɛ ì waa ni, yooi á jɔ̀ n kita wa hai bɛ.

Romu 6:6

À mà iyi à kpakpa daa nwo nwa si jĩi ku gaau do Jesu ajɔ, ku ba daa nwo nwa iyi wa dasi wa dulum nɔu ku kpa iri, nɔ ka maà jɛ arui dulum má,

Romu 7:11

domi dulum í ceò wooda icɛ nɔ í wa inyii itĩm í kpam.

Kɔrɛnti 2, 11:3

Amma si bɛi Seetam njou í dĩ ijui Ɛfa wo do bisi laalɔɛ, ǹ wa n ce njo lasabu nŋɛ mɔ ku maa na ku sinda hai si kpãai Kirisi iyi ì waa too nsɛi ŋa do naanɛ hai nɛ muafiti.

Galati 1:13

Ì gbɔ bɛi kuwɛɛm í yɛ ŋa wo si waati iyi ǹ wa n tɔɔ Ilaaɔ̃ bɛi Zuifu ŋa. Iŋɛ fei ì mà ŋa kookaai iyi ǹ tako ǹ ce ǹ kpãò inɛi igbɛi Jesu ŋa iju ku ba n ce nfe nŋa.

Efɛɛzu 2:3

Ntɔi, awa fei à tako à yɛi wo bɛi aŋa mɔ. Binɛ nwai wa nɛò wa, nɔ à waa ce mii iyi awa taka nwa à bi do iyi à waa lasabu. À yɛi wo bɛi inɛi andunya ŋa iyi à gbe fei iyi aa na a yɛ idɔɔkɔ̃i Ilaaɔ̃.

Efɛɛzu 4:17

Ide iyi ǹ wa n sɔ̃ ŋɛ do irii Lafɛ̃ɛ wee. I maà jɔ̀ i ya maa nɛ má bɛi hai dasi Jesu naanɛ ŋa iyi à waa too lasabu nfe nfe nŋa.

Efɛɛzu 4:25

Na nŋu, i maà ya sɔ ibo má ŋa. I jɔ̀ inɛ fei ku sɔ̃ kpaasiɛ ntɔ, domi à jɛ ikɔ̃ ikã ikãi ara akã.

Efɛɛzu 4:31

I nyɔ daa kuro nŋɛ fei do idɔɔkɔ̃ yaamɔ do idɔɔkɔ̃ fei. I maà ya gbagba si njɛ, nɔ i maà ya sɔ irii njɛ ŋa. I jɔ̀ inɔ sãmi baa yooma fei.

Kolosee 2:11

Nɔ si anu akã nŋɛ do nŋu à dasi ŋɛ bango. Kù jɛ bango iyi amanɛ ŋa à ya ce, amma iyi Kirisi í ya ceui. Bangou, nŋui í jɛ daa nwo nwa ŋa iyi Kirisi í bu í nyɔu.

Titee 3:3

Í sĩa ka ce bɛɛbɛ domi tako wo awa mɔ à yɛi bɛi inɛ ŋa iyi à gbe. A kù nɛ yaase, a ci ya ka jirima Ilaaɔ̃, à ya ka maa ce kurara. Kɔdɛɛi andunya baa yooma fei do faayi ŋai à waa nɛò wa. À waa ce kuwɛɛ nwa do inɔ sãmi do binɛ. À jɛ inɛ laalɔ ŋa nɔ à cé njɛ.

Ebɛɛ 12:1

Na nŋu, si na iyi í jɔ̀ woo jɛ sɛɛda nkpɔu bɛ wa kaako wa, awa mɔ ka nyɔ mii iyi wa bitandi wa si kuwɛɛ nwa do dulum iyi ci ya kpɛtɛ ku mási wa dim dim. Nɔ ka temua si kpãai kuwɛɛ iyi wa degbe wa bɛi woo sɛi í ya temua si areɛ.

Ebɛɛ 3:13

Amma si na iyi í jɔ̀ Ilaaɔ̃ í mu nwa ajɔi nnyi, nɔ ala kù jɛ tu wa, í sĩa i ya maa mua njɛ gbugbã ajɔ fei ŋa ku ba inɛ gɔ nŋɛ ku maà jɔ̀ dulum ku dĩ ijuɛ hee ku lele idɔɛ.

Zaaki 1:21

Na nŋu, i nyɔ andi mii iyi í jɛ riisi do laalɔ fei ŋa. Nɔ i gba ide iyi Ilaaɔ̃ wa gbɛ̃ si idɔ nŋɛ ŋa do ara kukaye, domi ideui á yɔkɔ ku faaba ŋɛ.

Zaaki 1:26

Inɛ iyi wa tamaa nŋu wa too kpãai Ilaaɔ̃ nɔ kù waa nɔ amɛɛ, lafɛ̃ɛ wa sɔa araɛ iboi. Kpãai Ilaaɔ̃ ku tooɛ ngbɛi.

Piɛɛ 1, 1:18

Bala nŋɛ ŋa à jɔ̀ nŋɛ tubui kuwɛɛ nfe nfe. Nɔ iŋɛ taka nŋɛ ì mà ŋa iyi à ya ŋɛi hai si kuwɛɛu. Kù jɛ do isɔ fũfũ walakɔ wura iyi á na ku tãi à ya ŋɛò.

Piɛɛ 1, 4:3

Ntɔ ntɔ, tako wo ì ce bɛi hai dasi Jesu naanɛ ŋa à ya bi, amma í to bɛɛbɛ. Ì tako ì ce mii iyi í dɔ̃a ara nŋɛ si ŋa, do binɛ, do atɛ̃ ku mɔ do zamaa, do atɛ̃ ku kpa inɛ, do jingau hai nɛ yaase, do iwɛ̃ ku tɔɔ.

Piɛɛ 2, 2:13

Laalɔ iyi à cea inɛ ŋai aa sã nŋa. Inɔ didɔ̃ nŋa fei si inaabo ŋai í ya wa baa bii dasã nkpai. Baa waati iyi iŋɛò ŋa ì tɔtɔɔ ì waa jɛ ijɛi Lafɛ̃ɛ ajɔ ŋa, à ya maa ce daa laalɔ nŋai nɔ a maa nɛ si inɔ didɔ̃. Bii iŋɛò ŋa ì waa tɔtɔɔ, anyɔ nla nlai.

Piɛɛ 2, 2:7

Amma í nya Lɔtu inɛ jiida iyi í wa si inɔi inɛ laalɔ ŋau. Í nyaai si na iyi í jɔ̀ í ya nɛ inɔ kufɔ na daa bututu nŋa, nɔ iju iyi wa má fei laalɔ iyi wa yɛ do iyi wa gbɔ wa bitandi idɔ dee deeɛ.

Samuɛli 1, 1:14

Nɔ í sɔ̃ɔ í ni, hee waati yoomai ì bi i jɔ̀ atɛ̃u ku kpaɛ. Dede i bɔ bii gɔ hee bii atɛ̃u í nya.