Efɛɛzu 4:17 - Bibeli do fee

¹⁷ Ide iyi ǹ wa n sɔ̃ ŋɛ do irii Lafɛ̃ɛ wee. I maà jɔ̀ i ya maa nɛ má bɛi hai dasi Jesu naanɛ ŋa iyi à waa too lasabu nfe nfe nŋa.

Efɛɛzu 4:17 Iomraidhean Croise

Neemi 13:15

Si waati nŋu bɛ, si ilɛi Zudaa, ǹ yɛ inɛ gɔ ŋa à ya maa fɔ̃ isoi rezɛ̃ɛ si ajɔi kusĩmiu. Nɔ inɛ gɔ ŋa à ya kãa gbankɛlɛ nŋa ŋa kamboi bilee ŋa wa a baaò wa ide, hee do atɛ̃ vɛ̃ɛ do isoi rezɛ̃ɛ ŋa do ti figi ŋa do mii ikã ikã fei, à ya baaò ŋa wa Zeruzalɛmu si ajɔi kusĩmiu. Ŋɔi ǹ sɔ̃ ŋa ǹ ni a maà ya ta nkãma ajɔ nŋu bɛ.

Zeremi 42:19

Zeremi í ni, iŋɛ iyi ì gbe si ilɛi Zudaa ŋa, Aɔ̃ Lafɛ̃ɛ wa sɔ̃ ŋɛ wa ni i maà bɔ ilɛi Ezibiti ŋa. Ntɔ ntɔ nŋui ǹ sɔ̃ ŋɛ bɛ hai nnyi.

Kuwee 15:18

Bii inɛmɔkɔ do inaabo à tɔtɔɔ sɛ̃ɛ, tilasii aŋa minji fei a wɛ, amma aa wɛɛi do riisi hee alɛ koo lɛò.

Luku 16:28

koo sɔ̃ ifɔ miiu ŋa iyi ǹ nɛ bɛu ku ni a ce laakai ku ba a maà na a naa si inya kugaabuu ihɛ̃.

Woo bɛ ŋa 14:15

na mii í ce ì waa ce bɛɛbɛ, iŋɛ kpaasi ŋa. Awa mɔ amanɛi bɛi iŋɛ taka nŋɛ. Laabaau jiidai à naa ku sɔ̃ ŋɛ ku ba i jɔ̀ iwɛ̃ nfe nŋɛ ŋau nɔ i sinda si Ilaaɔ̃, nŋu iyi í jɛ icui kuwɛɛ. Nŋui í ce lele do ilɛ do tenku do mii iyi í wa inɔ nŋa fei.

Woo bɛ ŋa 18:5

Waati iyi Silasi do Timɔtee à to wa hai ilɛi Masedɔni, Pɔlu í ya maa ce icɛi waazoi waati kãma fei ku maa sɔ̃ Zuifu ŋau iyi ntɔ ntɔ Jesui í jɛ inɛ iyi Ilaaɔ̃ í cicau.

Woo bɛ ŋa 2:40

Do ide ikã ikã nkpɔ nkpɔi Piɛɛ í jɛ nŋa do sɛɛda nɔ í mu nŋa gbugbã í ni, i nya ara nŋɛ ikã hai bi inɛ laalɔi nsɛi ŋau ihɛ̃ ku ba i ba faaba ŋa.

Woo bɛ ŋa 20:21

Ǹ sɔ̃ Zuifu ŋa do hai jɛ Zuifu ŋa ǹ ni a kpaasi idɔ nŋa a sinda si Ilaaɔ̃ a dasi Lafɛ̃ɛ nwa Jesu naanɛ.

Romu 1:21

À mà Ilaaɔ̃ amma a kù waa saaluɛ hee a bɛi a saabuɛ si bɛi í jɔ. Iri nŋa í na í ku, nɔ idɔ hai nɛ bisi nŋa í dási ilu kuku nla nla.

Kɔrɛnti 1, 1:12

Mii iyi í jɔ̀ ǹ wa n fɔ bɛɛbɛ wee. Ǹ gbɔ à ni inɛ gɔ ŋa à ya ni ti Pɔlui aŋa à jɛ, inɛ gɔ ŋa mɔ à ya ni ti Apoloi aŋa à jɛ, nɔ inɛ gɔ ŋa mɔ à ya ni ti Piɛɛi aŋa à jɛ, nɔ inɛ mmu gɔ ŋa mɔ à ya ni ti Kirisii aŋa à jɛ.

Kɔrɛnti 1, 15:50

Iŋɛ inɛm ŋa, iyi ihɛ̃i ǹ wa n fɔ, arai ilɛ kaa yɔkɔ ku ba ikpɛ̃ɛ si bommai Ilaaɔ̃. Nŋu iyi í jɛ ti iku kaa yɔkɔ ku ba kuwɛɛ hai tã.

Kɔrɛnti 2, 9:6

I kù mà ŋa, inɛ iyi í gbɛ̃ keeke, keekei í ya da? Inɛ mɔ iyi í nɔ í gbɛ̃ í la, nla nlai í ya da.

Galati 3:17

Na nŋu, ide iyi ǹ wa n bi n fɔ wee. Ilaaɔ̃ í dĩ akabuui si gãmɛi ideu í jilɔɔ. Nsɛi, wooda iyi í naa si anyii adɔ̃ cĩɔ cĩɔ mɛɛ do kuntaa, kaa yɔkɔ ku ganji ideu hee ku jɔ̀ ide iyi Ilaaɔ̃ í wãu ku jɛ ngbɛ.

Galati 5:3

Ǹ nyi ǹ sisi ǹ wa n fɔ má, inɛ iyi í jɔ̀ à dasiɛ bango, tilasii lafɛ̃ɛ ku jirima wooda fei.

Efɛɛzu 1:22

Nɔ Ilaaɔ̃ í jɔ̀ í jɛ irii mii fei, nɔ í cicaɛ ku jɛ ilaalu nlai igbɛɛ.

Efɛɛzu 4:22

Na nŋu, i jɔ̀ daa nwo nŋɛ ŋa iyi wa nɛ̀ò kuwɛɛ nŋɛ wo, domi kubii daa nwo nŋɛ ŋaui wa dĩ iju nŋɛ nɔ wa bɔò ŋɛ nfe ku ce.

Wooda ku kɔsi 27:10

I ya jirima idei Aɔ̃ Lafɛ̃ɛ nŋɛu ŋa, nɔ i ceò wooda ikã ikãɛ ŋa iyi ǹ wa n sɔ̃ ŋɛ nnyiu ihɛ̃ icɛ ŋa.

Kolosee 2:18

I maà jɔ̀ inɛ gɔ ku jɔ̀ i kua ribai ala nŋɛ ku dasi ŋɛ amaleka ŋa ku tɔɔ. Dimii amanɛ bɛɛbɛ ŋa à ya naai do idei ara ku kaye, amma do ntɔ à ya maa saabu ara nŋai na kuyɛ ŋa iyi à ya maa ce nɔ à ya maa tɔɔ fufu si lasabu nfe nfei amanɛ ŋa.

Kolosee 2:4

Ǹ wa n sɔ̃ ŋɛ ide ŋau ihɛ̃i ku ba inɛ gɔ ku maà dĩ iju nŋɛ do gɛlɛ didɔ̃.

Tɛsalonika 1, 4:6

Si ideu ihɛ̃, inɛ gɔ ku maà raraa kpaasiɛ walakɔ ku jɔɔ takii, domi Aɔ̃ Lafɛ̃ɛ á kpã woo ce mii bɛɛbɛ ŋa fei iju. À nɔ à sɔ̃ ŋɛ à kɔnkɔn du ŋɛ tã à ni i ce laakai ŋa.

Timɔtee 1, 5:21

Ǹ wa n tɔɔɛ si wajui Ilaaɔ̃ do Jesu Kirisi do si wajui amaleka kumáɛ ŋa, gbɔ idei kukɔsiu ihɛ̃, maà ti i ce njoi ijui inɛ gɔ. Nɔ i maà ti i ce ngɔgɔ na kubii kpaasi.

Timɔtee 1, 6:13

Ǹ wa n sɔ̃ɛ si wajui Ilaaɔ̃ nŋu iyi wa na mii fei kuwɛɛ do si wajui Jesu Kirisi nŋu iyi í jɛ sɛɛda jiida si wajui Pɔnsu Pilati,

Timɔtee 2, 4:1

Ǹ wa n tɔɔɛi Timɔtee, i ya maa waazoa inɛ ŋa idei Ilaaɔ̃ waati kãma fei. I ya tã sɔɔlu baa bii bɛirei, à jɛ a kù jɛ. Ǹ wa n tɔɔɛi si wajui Ilaaɔ̃ do si wajui Jesu Kirisi, nŋu iyi á kiiti ilu hunde do iku ŋa. Na irii kunyiɛ wa do kunaai bommaɛi ǹ wa n dasiɛ icɛu bɛ. Na nŋu, lɛlɛ ŋa nɔ i nyisi ŋa kurara nŋa, mu nŋa gbugbã, nɔ i kɔ ŋa si cioi idei Ilaaɔ̃ do suuru nla nla.

Piɛɛ 1, 1:18

Bala nŋɛ ŋa à jɔ̀ nŋɛ tubui kuwɛɛ nfe nfe. Nɔ iŋɛ taka nŋɛ ì mà ŋa iyi à ya ŋɛi hai si kuwɛɛu. Kù jɛ do isɔ fũfũ walakɔ wura iyi á na ku tãi à ya ŋɛò.

Piɛɛ 2, 2:18

À waa fɔ idei fufu ku tɔɔ iyi kù nɛ iri. À waa fa inɛ gɔ ŋa do binɛ ikã ikãi mii iyi lafɛ̃ɛ ŋa à nɛ si idɔ nŋa ŋa ku ba a mu ŋa do taa. Inɛ ŋau, do wahalai à ba à gbã wa hai bi inɛ ŋa iyi à wa si kurarau.