Efɛɛzu 4:16 - Bibeli do fee

¹⁶ Siɛi awa fei à waa kã bɛi ikɔ̃i ara, nɔ arau fei í másiɛ do ikɔ̃ ikɔ̃ɛ. Nsɛi, bii ikɔ̃ fei wa ce icɛ si bɛi í jɔ, arau fei á lai ku maa kɔ̃ɔsi na saabui kubi.

Efɛɛzu 4:16 Iomraidhean Croise

Laabaau jiida iyi Zãa í kɔ 15:5

Amui ǹ jɛ icui jĩi ndii rezɛ̃ɛ, iŋɛ mɔi ì jɛ amaawɔɛ ŋa. Inɛ iyi wa má sim nɔ amu mɔ ǹ wa n má si lafɛ̃ɛ, á so iso nkpɔ. Amma bii kù jɛ do amu i kaa yɔkɔ i ce ngɔgɔ ŋa.

Romu 12:4

Si ara akã ikɔ̃ ikã ikãi í wa si nɔ aŋa fei do icɛ nŋai.

Kɔrɛnti 1, 10:17

Si bɛi awa fei pɛ̃ɛ akãui à jɛ, nŋui í jɔ̀ baa do iyi à kpɔ fei à jɛ ara akã, domi awa fei à ba ikpɛ̃ nwa si pɛ̃ɛ akãu.

Kɔrɛnti 1, 13:13

Nsɛi mii mɛɛtai í wɛɛ. Mii ŋau wee. Naanɛ ku dasi, do kpãa ku cɔ, do kubi. Amma kubi í re ŋa.

Kɔrɛnti 1, 8:1

Nsɛi si idei mii iyi à ceò kuwee ǹ lɔ si. Ntɔi awa fei à nɛ kumà si bɛi ì fɔ ŋa. Kumà í ya jɔ̀ inɛ ku nɛ faaui, amma kubi í ya sobi inɛ.

Galati 5:22

Amma mii iyi Hundei Ilaaɔ̃ í ya bí, nŋui í jɛ kubi, do inɔ didɔ̃, do laakai ku sũ, do temua, do jiida ku jɛ, do inɔ akã, do naanɛ,

Galati 5:6

Ntɔ ntɔ, bii à nɛ anu akã do Jesu Kirisi, à ce bango, a kù ce bango, kù jɛ ide kãma. Ide iyi í nɛ amboe í re nŋui í jɛ naanɛ ku dasi iyi wa ce icɛ do kubi.

Efɛɛzu 1:4

Ilaaɔ̃ í cica wa tã hai waati iyi kù taka andunya ka jɛ titɛɛ si anu akã nwa do Kirisi, nɔ ka jɛ inɛ kumá ŋa ka maà nɛ taale kãma bi tɛɛ.

Efɛɛzu 3:17

nɔ Kirisi ku ce bi kuwaɛ si idɔ nŋɛ na naanɛ ku dasi nŋɛ. Nɔ ǹ wa n tɔɔ má ku jɔ̀ i nɛ gbugbã i maa leekĩ dim dim si kubi ŋa,

Efɛɛzu 3:7

Do saabui didɔ̃ iyi Ilaaɔ̃ í ceem si gbugbãɛi ǹ jɛò woo ce icɛi laabaau jiidau.

Efɛɛzu 4:12

Bɛɛbɛi í ce ku ba ku ceò sɔɔlui woo dasi Jesu naanɛ ŋa si icɛɛ, ku ba ku kɔ̃ɔsi gbugbãi arai Kirisi.

Efɛɛzu 4:15

Amma bii à waa sisi ntɔu do kubi aa ka la si mii fei ka tóo alái Kirisi iyi í jɛ iriu.

Filipi 1:9

Mii iyi ǹ wa n bee si kutɔɔm nŋui í jɛ kubi nŋɛ ku kɔ̃ɔsi ku maa koo nɔ kubi nŋɛu ku jɔ̀ kumà nŋɛ do bisi nŋɛ ku kɔ̃ɔsi,

Kolosee 2:19

Inɛ ŋau a kù waa leekĩ si Kirisi, nŋu iyi í jɛ iri nɔ siɛi ara fei í tɔtɔɔ do ikɔ̃ ikɔ̃ɛ nɔ í ba gbugbã wa lá bɛi Ilaaɔ̃ í bi.

Kolosee 2:2

Ǹ wa n ce bɛɛbɛi ku ba n mu nŋa gbugbã, nɔ a gbɔsi njɛ do kubi, nɔ kumà nŋa ku maa kɔ̃ɔsi, sika kãma ku maà wa si. Bɛɛbɛ mɔi aa mà asiii Ilaaɔ̃ iyi í jɛ Kirisi takaɛ.

Tɛsalonika 1, 1:3

À waa ye gigi nŋɛ si wajui Ilaaɔ̃ Baa nwa do yaase bɛi ì dasi naanɛ ntɔ ntɔ ŋa, do bɛi ì bi inɛ ŋa do bɛi ì ya maa cɔ kpãai Lafɛ̃ɛ nwa Jesu Kirisi dim dim ŋa.

Tɛsalonika 1, 2:13

À ya ka maa saabu Ilaaɔ̃ ajɔ fei domi si waati iyi à waazo nŋɛ i kù doo ideu si idei amanɛ ŋa, amma ì gbaa ŋai si ti Ilaaɔ̃. Nɔ bɛɛbɛ mɔi í jɛ do ntɔ, nɔ wa ce icɛ si iŋɛ woo dasi Jesu naanɛ ŋa.

Tɛsalonika 1, 3:12

Nɔ Lafɛ̃ɛ ku kɔ̃ɔ nŋɛ si kubi si iŋɛ duusɔ̃ɔ do si inɛ fei hee kú to bɛi awa mɔ à bi ŋɛ.

Tɛsalonika 2, 1:3

Iŋɛ inɛ nwa ŋa, í sĩa ka ya maa saabu Ilaaɔ̃ waati kãma fei na iri nŋɛ. I jɔ̀ ka maa ce bɛɛbɛ domi naanɛ ku dasi nŋɛ wa kɔ̃ɔsi ntɔ ntɔ, nɔ kubi iyi ì nɛ iŋɛ duusɔ̃ɔ í la wa kɔ̃ɔsii.

Timɔtee 1, 1:5

Amma mii iyi à waa lele à waa sɔ̃ ŋɛò ideu ihɛ̃i í jɛ kubi nŋɛ ku kɔ̃ɔsi, kubi iyi wa naa hai si idɔ iyi í má, do idɔ hai nɛ taale, do naanɛ ku dasi hai nɛ muafiti.

Piɛɛ 1, 1:22

Nsɛi, si ntɔ ku jirimai ì fũuta idɔ nŋɛ ŋa ku ba kubii kpaasi woo dasi naanɛ ŋa iyi ì nɛ ŋa ku maà jɛ do muafiti. Na nŋu, i bi njɛ ntɔ ntɔ do idɔ nŋɛ fei ŋa.

Zãa 1, 4:16

Nɔ awa à mà kubi iyi Ilaaɔ̃ í bi wa, nɔ à dasi kubiu naanɛ. Ilaaɔ̃i í jɛ kubi. Inɛ iyi í nɛ kubi í wa si Ilaaɔ̃i, nɔ Ilaaɔ̃ mɔ í wa siɛ.