Efɛɛzu 4:15 - Bibeli do fee

¹⁵ Amma bii à waa sisi ntɔu do kubi aa ka la si mii fei ka tóo alái Kirisi iyi í jɛ iriu.

Efɛɛzu 4:15 Iomraidhean Croise

Iri ku kɔ̃ 32:2

Ilu inɔ didɔ̃i inɛ iyi Ilaaɔ̃ kù waa muu do dulum dɛɛ má. Ilu inɔ didɔ̃i inɛ iyi kù nɛ lasabui zamba si idɔɛ.

Zakari 8:16

Yaase bɛi í jɔ i ce ŋa wee. Iŋɛ fei i ya sɔ̃ kpaasi nŋɛ ŋa ntɔ. Nɔ i ya kiiti inɛ fei si ntɔ ku ba laakai ku sũ ku wa si ŋɛ.

Laabaau jiida iyi Zãa í kɔ 1:47

Ŋɔi à waa koo. Iyi Jesu í yɛ Nataniɛli wa naa bi tɛɛ ŋɔi í ni, i cɔ ŋa, amai Izirɛli takaɛi wa naa bɛ, kù nɛ takii kãma si idɔɛ.

Romu 12:9

I maà jɔ̀ kubi nŋɛ ku jɛ do muafiti. I saa laalɔ nɔ i leekĩ si jiida ku ce dim dim ŋa.

Kɔrɛnti 1, 11:3

Amma ǹ bi i mà ŋa iyi Kirisii í jɛ inɛ ngboi inɛ baa yooma fei, inɛmɔkɔ mɔi í jɛ inɛ ngboi aboɛ, Ilaaɔ̃ mɔi í jɛ inɛ ngboi Kirisi.

Kɔrɛnti 2, 4:2

À nyɔ daai anyɔ ŋa iyi inɛ ŋa à ya ce si asii. A kù wɛɛ do baai bisi laalɔ, a kù kpaasi ide ntɔi Ilaaɔ̃ ibo. Amma à jɔ̀ inɛ ŋa à waa mà ntɔu sãa sãa ku ba inɛ fei ku mà si idɔɛ awa ilu ntɔ ŋai si wajui Ilaaɔ̃.

Kɔrɛnti 2, 8:8

Kù jɛ woodai ǹ wa n na ŋɛ, himmai inɛ gɔ ŋai ǹ wa n sɔ̃ ŋɛ ku ba ku mu nŋɛ kpãa iyi á jɔ̀ inɛ ŋa a yɔɔ iyi kubi nŋɛu ntɔi.

Efɛɛzu 1:22

Nɔ Ilaaɔ̃ í jɔ̀ í jɛ irii mii fei, nɔ í cicaɛ ku jɛ ilaalu nlai igbɛɛ.

Efɛɛzu 1:4

Ilaaɔ̃ í cica wa tã hai waati iyi kù taka andunya ka jɛ titɛɛ si anu akã nwa do Kirisi, nɔ ka jɛ inɛ kumá ŋa ka maà nɛ taale kãma bi tɛɛ.

Efɛɛzu 2:21

Nŋui á jɔ̀ ileu ku la nɔ ku nɛ gbugbã nɔ ku jɛ bi ku tɔɔi Lafɛ̃ɛ iyi í má jiida.

Efɛɛzu 4:25

Na nŋu, i maà ya sɔ ibo má ŋa. I jɔ̀ inɛ fei ku sɔ̃ kpaasiɛ ntɔ, domi à jɛ ikɔ̃ ikã ikãi ara akã.

Efɛɛzu 5:23

domi mɔkɔi í jɛ inɛ ngboi aboɛ, bɛi Kirisi mɔ í jɛ inɛ ngboi igbɛɛ. Igbɛui í jɛ arai Kirisi, nɔ Kirisi mɔi í jɛ woo faabaɛ.

Piɛɛ 1, 1:22

Nsɛi, si ntɔ ku jirimai ì fũuta idɔ nŋɛ ŋa ku ba kubii kpaasi woo dasi naanɛ ŋa iyi ì nɛ ŋa ku maà jɛ do muafiti. Na nŋu, i bi njɛ ntɔ ntɔ do idɔ nŋɛ fei ŋa.

Piɛɛ 1, 2:2

Si bɛi ama kpɔtɔɔ í ya bi àmɔ, iŋɛ mɔ í sĩa i bi àmɔ iyi í má iyi í jɛ idei Ilaaɔ̃. Hundei Ilaaɔ̃i wa mu nŋɛ amɔu ku ba i la si kpãai faabau ŋa,

Piɛɛ 2, 3:18

Amma didɔ̃i Lafɛ̃ɛ woo faaba nwa Jesu Kirisi ku maa kɔ̃ɔsi si ŋɛ, nɔ kumà iyi ì nɛ si gãmɛɛ ŋa ku kɔ̃ɔsi ku maa koo. Nŋui í jɛ ilu amboe hai nsɛi hee do ajɔ fei. Ami.

Zãa 1, 3:18

Iŋɛ amam ŋa, i maà jɔ̀ ka bi njɛ do ide ku fɔi gɛlɛ nŋu akã, amma ka bi njɛ do ntɔ do si kuce.

Woo kiiti ŋa 16:15

Ŋɔi Delila í sɔ̃ɔ má í ni, bɛirei aa ce i ni ì nɛ kubim, bii idɔɛ kù wa sim. Isɛ gbɛɛtai ihɛ̃ bɛbɛi iyi ì wasi ku sɔɔm ibo, nɔ ì kɔ̀ ku sɔ̃m hai bii gbugbã nlaɛu wa naa.