Efɛɛzu 4:14 - Bibeli do fee

¹⁴ Do yaase bɛɛbɛi a kaa ka jɛ bɛi amu ŋa má, hee cio ikã ikã ku maa tale wa ihɛ̃ walakɔ ihɔ̃ bɛi fufu í ya maa tale akɔi inyi bii fei. Nɔ inɛ ŋa a kaa dĩ iju nwa má hee má jɛ a wa inyii itĩ nwa do bisi laalɔ nŋa.

Efɛɛzu 4:14 Iomraidhean Croise

Iri ku kɔ̃ 10:9

Í ya koo maa manjii bɛi muusu nla iyi í wa si koloɛ, nɔ ku zamba hai nɛ gbugbã ŋa ku mu ŋa do cɛkũm dɛɛ.

Iri ku kɔ̃ 59:3

Nyam hai si awɔi woo ce laalɔ ŋa, faabam hai si awɔi woo kpa inɛ ŋau.

Ezai 28:9

[Aŋai à ya fɔ si gãmɛi Ezai a maa ni,] yoo ŋai Ezai wa bi ku cea cio ku na ŋa ikɔ ya. Yoo ŋai wa bi a gbɔ yaasei ikɔɛu ya. Kú jɛ amu ŋa iyi à kpoto nsɛi iyi amɔ ku jɔ̀ nŋa kù kpɛ?

Misee 7:2

Si ilɛu, inɛ dee dee gɔ kù wɛɛ má, inɛ ŋa iyi à waa too ntɔ ŋa a kù wɛɛ má. Inɛ ku kpai inɛ nkpɔ nŋa fei í mu. Inɛ ŋa à ya maa zamba njɛi.

Matie 11:7

Iyi mɔcɔi Zãa ŋau à gbɔ bɛi Jesu í fɔ, ŋɔi à sinda à nɛ. Waati iyi à waa nɛ, ŋɔi Jesu í lɔsi ku sisia zamaau idei Zãa í ni, mii ì bɔ ku cɔ si gbaau ŋa. Fɔfɔ iyi fufu wa yaya? Aawo.

Matie 24:11

Walii ilu ibo nkpɔ ŋai aa na a naa a maa wa inyii itĩi inɛ nkpɔ.

Matie 24:24

Inɛ gɔ ŋa aa na a naa akã akã a maa ni aŋai à jɛ inɛ iyi Ilaaɔ̃ í cicau walakɔ a ni aŋai à jɛ walii ŋa amma iboi. Aa maa ce dobu dobu do maamaake ŋa ku ba a dĩ hee do ijui inɛ ŋa iyi Ilaaɔ̃ í cicau bii aa yɔkɔ.

Woo bɛ ŋa 23:21

Amma maà ti i gbɔ ide nŋau, domi à re baa aŋa ciiji inɛ ŋa iyi à waa siaa kpãa ku ba a muu. Nɔ aŋa fei à ce kugbasi à ni aŋa a kaa jɛ a kaa mɔ bii kù jɛ à kpaa. Baa nsɛi à tã sɔɔlu a coo. Awɔ akãi à waa degbe i jɔ̀ ku naa wa.

Kɔrɛnti 1, 12:2

Ì mà ŋa, waati iyi i kù mà Ilaaɔ̃ ŋa à ya maa fa ŋɛi si kpãai iwɛ̃ dekĩ ŋa ku tɔɔ.

Kɔrɛnti 1, 14:20

Iŋɛ inɛm ŋa, i maà ya wũa ide bɛi ama keeke ŋa má ŋa. Bii í jɛ idei laalɔ ku cei, í sĩa i yɛ bɛi ama keeke ŋa iyi a kù mà laalɔ ku ce, amma si kpãai ide ku wũa i jɔ̀ i yɛ bɛi inɛ ngbo ŋa.

Kɔrɛnti 1, 3:19

Í sĩa ku ce bɛɛbɛi domi bisii andunya í yɛi bɛi idei sũmu si kuyɛi Ilaaɔ̃. Kukɔi idei Ilaaɔ̃ takaɛ í ni, Ilaaɔ̃ í ya mu ilu bisi ŋai do idei bisi laalɔi aŋa taka nŋa.

Kɔrɛnti 2, 2:17

A kù jɛ bɛi inɛ gɔ ŋa iyi à waa sisi idei Ilaaɔ̃ na fia. Amma si na iyi í jɔ̀ Ilaaɔ̃i í bɛ wa wa, nŋui í jɔ̀ à waa fɔ ide dee dee na anu akã iyi à ce do Kirisi, kù jɛ do muafiti.

Kɔrɛnti 2, 4:2

À nyɔ daai anyɔ ŋa iyi inɛ ŋa à ya ce si asii. A kù wɛɛ do baai bisi laalɔ, a kù kpaasi ide ntɔi Ilaaɔ̃ ibo. Amma à jɔ̀ inɛ ŋa à waa mà ntɔu sãa sãa ku ba inɛ fei ku mà si idɔɛ awa ilu ntɔ ŋai si wajui Ilaaɔ̃.

Galati 3:1

Iŋɛ inɛi Galati ŋau, i kù nɛ laakai ŋa. Iŋɛ iyi à sisia idei Jesu Kirisi iyi à kpakpa si jĩi ku gaau sãa sãa, yooi í kɔ̃ɔtɛ̃ ŋɛ.

Efɛɛzu 6:11

I dĩ jĩnɛi igũ ŋa iyi Ilaaɔ̃ wa mu nŋɛ fei, ku ba i yɔkɔ i leekĩ dim dim i kɔ̀siò kookoosu ikã ikãi Seetam ŋa,

Timɔtee 1, 3:6

Nɔ kù sĩa ku jɛ inɛ iyi í dasi Jesu naanɛ titɔ̃ titɔ̃, domi á yɔkɔ ku na ku nɛ faau nɔ Ilaaɔ̃ á yɛ taaleɛ bɛi í yɛ taalei Seetam.

Timɔtee 2, 1:15

Awɔ takaɛ ì mà iyi inɛi Azii ŋau fei à fũsim awɔ. Si inɔ nŋa bɛi Fizɛli do Hɛɛmɔzɛni à wa.

Timɔtee 2, 3:13

Amma inɛ laalɔ ŋa do woo sɔ ibo ŋa waati kãma fei laalɔ nŋa í ya maa kɔ̃ɔsii. Si bɛi à waa dĩ ijui inɛ gɔ ŋa, bɛɛbɛ mɔi à waa dĩ ijui ara nŋa.

Timɔtee 2, 4:3

Ǹ wa n fɔ bɛɛbɛi domi waati gɔ wa naa iyi inɛ ŋa a kaa bi idei kukɔsi jiida ku gbɔ, amma aa dɛdɛa ara nŋa woo kɔ si cio nkpɔ, inɛ ŋa iyi aa lɛlɛ ŋa do ide iyi à bi ku gbɔ.

Ebɛɛ 13:9

I maà ti i jɔ̀ a fa ŋɛ si kukɔsi ikã ikã, domi í sĩa idɔ nwa ku maa leekĩ si didɔ̃i Ilaaɔ̃, ku maà jɛ si iwɔ̀i ijɛ ku jɛ ŋa. Inɛ ŋa iyi à waa too kpãau bɛ fei a kù ba aranfãani kãma.

Zaaki 1:6

Amma lafɛ̃ɛ ku ce kutɔɔ do naanɛ, ku maà sika sika, domi inɛ iyi wa sika sika í yɛi bɛi inyii tenku iyi fufu wa yaya bii fei.

Zaaki 3:4

Nɔ i ya cɔ akɔi inyi ŋa má ŋa, do bɛi à lau fei nɔ fufu jiida wa ce í ya tale ŋai, amma do falafili keeke gɔi woo nyimbo akɔ ŋau à ya bɔò ŋa bii à bi.

Piɛɛ 2, 2:18

À waa fɔ idei fufu ku tɔɔ iyi kù nɛ iri. À waa fa inɛ gɔ ŋa do binɛ ikã ikãi mii iyi lafɛ̃ɛ ŋa à nɛ si idɔ nŋa ŋa ku ba a mu ŋa do taa. Inɛ ŋau, do wahalai à ba à gbã wa hai bi inɛ ŋa iyi à wa si kurarau.

Zãa 1, 2:19

Mbɛɛ ŋau, hai si inɔ nwai à fita, amma a kù jɛ inɛ nwa ŋa, domi bii à jɛ inɛ nwa ŋai wo aa wa inɔ nwa. Amma à fita ku ba ka mà iyi kãma nŋa kù jɛ inɛ nwai wo do ntɔ.

Zãa 1, 2:26

Iyi ǹ kɔ nŋɛu ihɛ̃, ǹ kɔɔ wai na inɛ ŋa iyi à waa bi a dasi ŋɛ kurara.

Zãa 1, 4:1

Iŋɛ baakɔɔm ŋa, i maà ya naanɛ inɛ ŋa iyi à ya ni aŋa à nɛ Hundei Ilaaɔ̃ fei, amma i cɔ yaase nŋa mà à jɛ ti Ilaaɔ̃ ntɔ ntɔ, domi walii ilu ibo ŋa à waa kɔ̃i si andunyau ihɛ̃.

Zudu 1:12

Inɛ ŋaui à jɛ sankala si jingau nŋɛu, à waa ba ŋɛ ku jɛ do iju hai nɛ anyɔ, ara nŋai à waa wo ngbɛ ngbɛ. À yɛi bɛi ijĩ iyi í dũ nɔ kaa wɔ si na iyi í jɔ̀ fufu wa taleɛ. À yɛi bɛi jĩi iyi í da koko nɔ kù so, bɛi jĩi iyi à wuu do icãɛ í kú mam mam.

Kuyɛi Zãa 19:20

Ŋɔi masau do woo ce igũɛ ŋa à mu mɛɛmuu do walii ilu ibou ajɔ, nŋu iyi wa ce dobu dobu si wajui mɛɛmuu wo. Do dobu dobuui í dĩ ijui inɛ ŋa iyi à tako à nɛ nyindai mɛɛmuu nɔ à tɔɔ mii iyi à gbeu. À sɔsi aŋa minji fei si ina nla iyi wa jo do fainwitau njaawɛ.