Efɛɛzu 4:13 - Bibeli do fee

¹³ Nɔ bɛɛbɛ mɔi awa fei aa ka ce anu akã si naanɛ ku dasiu nɔ ka mà Amai Ilaaɔ̃, nɔ ka jɛ inɛ ngbo ka tóo alái Kirisi.

Efɛɛzu 4:13 Iomraidhean Croise

Ezai 53:11

Ŋɔi Aɔ̃ Lafɛ̃ɛ í ni, si anyii wahala ŋa iyi woo ce icɛm nɔu á bau, á nyi ku yɛ inya kumái kuwɛɛ má hee ku too. Nɔ na saabui kumà iyi woo ce icɛm nɔu í nɛ, nŋu iyi í jɛ dee deeu, á jɔ̀ inɛ nkpɔ ku jɛ dee dee, nŋu iyi í so kurara nŋa ŋau.

Sofoni 3:9

An jɔ̀ gɛlɛi inɛi ilɛ ŋau ku maaju ku ba aŋa fei a ya kpe irii amu Aɔ̃ Lafɛ̃ɛ nɔ a ya maa ceem icɛ ajɔ.

Zakari 14:9

Waati bɛɛbɛ Aɔ̃ Lafɛ̃ɛ nŋu akãi á jɛ ilaalui andunyau fei. Nŋui á jɛ Lafɛ̃ɛi inɛ fei, nɔ do irii nŋu akãi inɛ fei á ya ceò kutɔɔ.

Matie 11:27

Nɔ í sɔ̃ inɛ ŋa í ni, Baam nii í daam mii fei si awɔ. Inɛ kãma kù mà amu Amau bii kù jɛ Baau. Nɔ inɛ kãma kù mà Baau bii kù jɛ amu Amau do inɛ ŋa iyi ǹ bi n nyisi ŋa.

Laabaau jiida iyi Zãa í kɔ 1:16

Si amani nlaɛu awa fei à ba andi baa nwa, nɔ à ba didɔ̃ si antaii didɔ̃u.

Laabaau jiida iyi Zãa í kɔ 16:3

Aa ya maa ce bɛɛbɛi si na iyi í jɔ̀ a kù màm hee má jɛ Baaba.

Laabaau jiida iyi Zãa í kɔ 17:21

Ǹ wa n tɔɔɛi aŋa fei a jɛ akã. Si bɛi awɔ Baaba ì wa sim, nɔ amu mɔ ǹ wa siɛ, jɔ̀ a jɛ akã si wa ku ba inɛi andunya ŋa a dasi naanɛ iyi awɔi ì bɛm wa.

Laabaau jiida iyi Zãa í kɔ 17:3

Kuwɛɛ hai tãui í jɛ inɛ ŋa a màɛ, awɔ Ilaaɔ̃ akã ilu ntɔu, nɔ a màm, amu Jesu Kirisi iyi ì bɛ wau.

Laabaau jiida iyi Zãa í kɔ 6:69

Awa à dasi naanɛ nɔ à mà kãm kãm iyi awɔi ì jɛ Inɛ Kumá iyi í naa hai bi Ilaaɔ̃.

Woo bɛ ŋa 4:32

Akpɔi woo dasi Jesu naanɛ ŋau í kɔ̃ɔsi nɔ aŋa fei à nɛ anu akã. Inɛ gɔ ci ya ni mii iyi nŋu í nɛ ti nŋu akãi amma mii iyi à nɛ fei ti aŋa feii.

Kɔrɛnti 1, 1:10

Iŋɛ kpaasim ŋa, ǹ wa n tɔɔ ŋɛ do irii Lafɛ̃ɛ nwa Jesu Kirisi, i ce kookaai i ya maa gbɔsi njɛ ŋa ku ba njɛ ku fɛɛfɛ ku maà ya wa si anini nŋɛ. I jɔ̀ i nɛ anu akã dee dee ŋa, nɔ lasabu nŋɛ mɔ do mii iyi ì waa lele ŋa ku jɛ akã.

Kɔrɛnti 1, 14:20

Iŋɛ inɛm ŋa, i maà ya wũa ide bɛi ama keeke ŋa má ŋa. Bii í jɛ idei laalɔ ku cei, í sĩa i yɛ bɛi ama keeke ŋa iyi a kù mà laalɔ ku ce, amma si kpãai ide ku wũa i jɔ̀ i yɛ bɛi inɛ ngbo ŋa.

Kɔrɛnti 1, 2:6

Do nŋu fei, idei bisi gɔi à waa sisia inɛ ŋa iyi à jĩa si naanɛ ku dasi nŋa. Amma kù jɛ bisii andunyau ihɛ̃ walakɔ bisii inɛ nla ŋau aŋa iyi à waa bɔ nfe ku ce.

Kɔrɛnti 2, 4:6

Ilaaɔ̃i í ni, inya kumá ku ce si aninii ilu kuku, nŋui í nɔ í da nwa si inya kumáɛ si idɔ nwa ku ba ka mà amboeɛ. Amboei Ilaaɔ̃ui à waa yɛ si wajui Kirisi.

Galati 4:19

Iŋɛ amam ŋa, bɛi inaabo iyi wa bi ku bí í ya gbɔ ara kuro, bɛɛbɛ mɔi amu mɔ ǹ wa n gbɔ ara kuro má hee i koo i jɛò mɔcɔi Kirisi ŋa ntɔ ntɔ.

Efɛɛzu 1:17

Ǹ wa n tɔɔ Ilaaɔ̃ ilu amboe, Baai Lafɛ̃ɛ nwa Jesu Kirisi, ku ce ŋɛ ilu laakai jiida nɔ ku nyisi ŋɛ bɛi nŋu takaɛ í yɛ ku ba i màa sãa sãa ŋa.

Efɛɛzu 1:23

Igbɛui í jɛ arai Kirisi. Si igbɛui Kirisi takaɛ í wa nɔ í kɔ̃ dee dee, nŋu iyi í wa bii fei si mii baa yooma fei.

Efɛɛzu 2:15

Do ikui araɛi í kpaò irii woodai Zuifu ŋa do iwɔ̀ɛ ŋa ku ba ku yɔkɔ ku ce dimi minji ŋau dimi titɔ̃ akã lege lege si nŋu takaɛ. Si bɛɛbɛi, í dasi laakai ku sũ si anini nŋa.

Efɛɛzu 4:12

Bɛɛbɛi í ce ku ba ku ceò sɔɔlui woo dasi Jesu naanɛ ŋa si icɛɛ, ku ba ku kɔ̃ɔsi gbugbãi arai Kirisi.

Efɛɛzu 4:3

I ce kookaai i ya mu anu akã iyi Hundei Ilaaɔ̃ wa mu nŋɛ na saabui laakai ku sũ iyi í tɔtɔɔ ŋɛ.

Efɛɛzu 4:5

Lafɛ̃ɛ akãi í wɛɛ, naanɛ ku dasi akã mɔi í wɛɛ, nɔ inyi ku dasi akãi í wɛɛ.

Filipi 3:10

Iyi ǹ bi, nŋui í jɛ n mà Kirisi, do gbugbã iyi í jĩò hai si balɛ nɔ n nɛ ikpɛ̃ si ijuukpãɛu hee ku yɛ bɛi amu mɔ ǹ ku do nŋu ajɔ,

Filipi 3:8

Ǹ doo fei ndɛɛ fei mɔm bɛi mii hai nɛ bɛɛrɛ na ide iyi í nɛ amboe í re. Ideu nŋui í jɛ Jesu Kirisi Lafɛ̃ɛm iyi ǹ mà. Na iriɛi ǹ jɔ̀ mii fei, ǹ doo aŋa fei bɛbɛi bɛi riisi iyi à kpã ku ba n nɛ Kirisi,

Kolosee 1:28

Idei Kirisii à waa sisi, nɔ à waa sɔ̃ inɛ fei ku ce laakai, nɔ à kɔ ŋa si cioɛ do bisi baa yooma fei. À waa ce bɛɛbɛi ku ba inɛ fei ku jĩa si anu akãɛ do Kirisi ka bɛi ka tusɛ ŋa bi Ilaaɔ̃.

Kolosee 2:2

Ǹ wa n ce bɛɛbɛi ku ba n mu nŋa gbugbã, nɔ a gbɔsi njɛ do kubi, nɔ kumà nŋa ku maa kɔ̃ɔsi, sika kãma ku maà wa si. Bɛɛbɛ mɔi aa mà asiii Ilaaɔ̃ iyi í jɛ Kirisi takaɛ.

Ebɛɛ 5:14

Amma ijɛ kili, ijɛi inɛ ngbo ŋai, aŋa iyi à mà jiida do laalɔ ku wũa si na iyi í jɔ̀ à nɛ dɔ̃ɔnɛɛ.

Piɛɛ 2, 1:4

Bɛɛbɛi í ce nwa kuwã nla nla ilu bɛɛrɛ ŋa. Kuwã ŋau aa jɔ̀ i yɛ bɛi nŋu takaɛ í yɛ nɔ i saa kuce laalɔ sãmi ŋa iyi í wa si andunya na binɛ.

Piɛɛ 2, 3:18

Amma didɔ̃i Lafɛ̃ɛ woo faaba nwa Jesu Kirisi ku maa kɔ̃ɔsi si ŋɛ, nɔ kumà iyi ì nɛ si gãmɛɛ ŋa ku kɔ̃ɔsi ku maa koo. Nŋui í jɛ ilu amboe hai nsɛi hee do ajɔ fei. Ami.

Zãa 1, 5:20

À nɔ à mà iyi Amai Ilaaɔ̃ í naa, nɔ í mu nwa bisi ka mà Ilaaɔ̃ ilu ntɔu. Nɔ à wɛɛ do ilu ntɔu do saabui Amaɛ Jesu Kirisi. Jesu Kirisiui í jɛ Ilaaɔ̃ ilu ntɔ, nɔ í jɛ kuwɛɛ hai tã.