Efɛɛzu 4:12 - Bibeli do fee

¹² Bɛɛbɛi í ce ku ba ku ceò sɔɔlui woo dasi Jesu naanɛ ŋa si icɛɛ, ku ba ku kɔ̃ɔsi gbugbãi arai Kirisi.

Efɛɛzu 4:12 Iomraidhean Croise

Luku 22:32

Amma amu ǹ ce kutɔɔ na iriɛ ku ba naanɛ ku dasiɛ ku maà gaizia. Nɔ awɔ, waati iyi aa kpaasi idɔ má, mua kpaasiɛ ŋa mɔ gbugbã.

Woo bɛ ŋa 1:17

Zudasiui í tako í jɛ inɛ akã nwa wo, nŋu mɔ í ya dasi icɛ nwa awɔ.

Woo bɛ ŋa 1:25

nyisi wa inɛ iyi ì bi ku jɛ nsũi Zudasi si icɛi woo bɛ ŋau, icɛ iyi Zudasi í jɔ̀ nɔ í koo í lɔ tengi bii í jɔ a dasiɛ.

Woo bɛ ŋa 11:23

Iyi í to bɛ í yɛ bɛi Ilaaɔ̃ í cea inɛ ŋau didɔ̃ nɔ inɔɛ í dɔ̃. Ŋɔi í mu nŋa gbugbã ku ba a leekĩ dim dim si Lafɛ̃ɛ do idɔ nŋa fei.

Woo bɛ ŋa 20:24

Amma kuwɛɛm kù jɛ ngɔgɔ bi tom, n kù nɔ n kù wa n saaluɛ, amu de n ba n tambɔ icɛm iyi Jesu Lafɛ̃ɛ í dasim n ce. Icɛu nŋui í jɛ n sisi laabaau jiidai didɔ̃ iyi Ilaaɔ̃ í ce nwa.

Woo bɛ ŋa 20:28

I mu ara nŋɛ ku sĩa, nɔ i ya maa degbe inɛ ŋa iyi Hundei Ilaaɔ̃ í da nŋɛ si awɔ fei, aŋa iyi à jɛ igbɛi inɛi Ilaaɔ̃ ŋa iyi nŋu takaɛ í ya do njɛi Amaɛ.

Woo bɛ ŋa 9:31

Inɛi igbɛi Jesu ŋa iyi à wa ilɛi Zudee do ilɛi Galilee do ilɛi Samari fei à wɛɛò laakai ku sũ, à waa jirima Ilaaɔ̃, à mua njɛ gbugbã nɔ akpɔ nŋa í kɔ̃ɔsi wa koo do sobii Hundei Ilaaɔ̃.

Romu 12:5

Bɛɛbɛ mɔi, baa bii awa à kpɔ à jɛ ara akã si Kirisi nɔ à dĩ si njɛi bɛi ikɔ̃ ikã ikãi arau.

Romu 12:7

Inɛ iyi í nɛ amuai ku cea inɛ ŋa icɛ si igbɛu, ku coo. Inɛ iyi í nɛ amuai inɛ ŋa ku kɔ si idei Ilaaɔ̃ ku kɔ ŋa si.

Romu 14:19

Na nŋu, ka dɛ mii iyi á naaò laakai ku sũ wa do mii iyi á mu nwa gbugbã si naanɛ ku dasi nwa.

Romu 15:14

Iŋɛ inɛm ŋa, amu takam ǹ mà kãm kãm iyi ì jɛ inɛ jiida ŋa nɔ ì mà mii iyi ì nɛ ku ce ŋa, aa nɔ i yɔkɔ i mua njɛ bisi ŋa.

Romu 15:2

Awa fei ka ya ce mii iyi á dɔ̃a kpaasi nwa ŋa si na aranfãani nŋa, ku ba naanɛ ku dasi nŋa ku bɔ waju.

Romu 15:29

Ǹ mà iyi kutom wa bi tu ŋɛ bɛ á jɔ̀ Kirisi ku wee nŋɛ si mii nkpɔ nkpɔ.

Kɔrɛnti 1, 12:27

Nsɛi iŋɛ fei ì jɛ arai Kirisi nɔ inɛ baa yooma nŋɛ fei í jɛ ikɔ̃ ikã ikãɛ.

Kɔrɛnti 1, 12:7

Í na inɛ fei amua iyi wa nyisi iyi Hundeɛ wa ce icɛ siɛ nɔ ku ceò icɛ na aranfãanii inɛ fei.

Kɔrɛnti 1, 14:12

Bɛɛbɛ mɔi iŋɛ mɔ, si na iyi í jɔ̀ ì waa dɛ amuai Hundei Ilaaɔ̃ ŋa, á sĩa i hanya i dɛdɛ amua ŋa iyi á jɔ̀ naanɛ ku dasii inɛi igbɛi Jesu ŋa ku bɔ waju.

Kɔrɛnti 1, 14:14

Bii ǹ wa n ce kutɔɔ do fee iyi n kù wa n gbɔ, hundem nii wa ce kutɔɔ, amma lasabum kù waa ce nkãma.

Kɔrɛnti 1, 14:26

Na nŋu, iŋɛ inɛm ŋa, bɛirei aa ka ce. Bii ì waa tɔtɔɔ ŋa inɛ gɔ nŋɛ ŋa aa nɛ iri ku kɔ̃, inɛ gɔ ŋa mɔ cio ku kɔsi, inɛ gɔ ŋa mɔ idei Ilaaɔ̃ ku waazo, inɛ gɔ ŋa mɔ ide ku fɔ do fee iyi a kù waa gbɔ, inɛ gɔ ŋa mɔ yaasei fee ŋau ku tusɛ. Í sĩa i maa ce fei ndɛɛ ŋa ku ba ku mua inɛi igbɛi Jesu ŋa gbugbã.

Kɔrɛnti 2, 12:19

Ì tamaa bɛi hai ku kpɛ à waa dɛ ka kɔ̀ò ara nwa si waju nŋɛi? Aawo, kù jɛ bɛɛbɛ baakɔɔ nwa ŋa. À waa fɔ idei bɛi Kirisi í bi si wajui Ilaaɔ̃ ku ba naanɛ ku dasi nŋɛ ku bɔ waju.

Kɔrɛnti 2, 13:11

Iyi í gbe nsɛi, iŋɛ inɛm ŋa, i jɔ̀ i nɛ inɔ didɔ̃ ŋa, i ce kookaai i jɛò inɛ ŋa iyi à kɔ̃, i ya maa mua njɛ gbugbã ŋa. I ce anu akã ŋa, i wɛɛò laakai ku sũ ŋa. Ilaaɔ̃ ku wɛɛ do iŋɛ, nŋu iyi í bi wa nɔ wa mu nwa laakai ku sũ.

Kɔrɛnti 2, 13:9

À wɛɛò inɔ didɔ̃ ka jɛ hai nɛ gbugbã ŋa bii ntɔ ntɔ iŋɛ ì nɛ gbugbã ŋa. Nɔ nŋu mɔm nii à waa tɔɔ Ilaaɔ̃ ku ba i kɔ̃ ŋa.

Kɔrɛnti 2, 3:8

amboei icɛ iyi Hundei Ilaaɔ̃ wa ce kaa re bɛɛbɛ? Ntɔ ntɔ á re.

Kɔrɛnti 2, 4:1

Ilaaɔ̃i í da nwa icɛu si awɔ na jiida ku jɛɛ. Nŋui í jɔ̀ a kù mɔngɔ munya.

Kɔrɛnti 2, 5:18

Mii ŋau ihɛ̃ fei icɛi Ilaaɔ̃i, nŋu iyi í jɔ̀ à dɔ̃ do nŋu na saabui Kirisi, nɔ í bɛ wa ku ba awa mɔ ka jɔ̀ inɛ ŋa a dɔ̃ do nŋu.

Kɔrɛnti 2, 6:3

A kù waa bi inɛ gɔ ku yɛ taalei icɛ nwa. Nŋui í jɔ̀ a kù waa ce ngɔgɔ iyi á dasi inɛ kurara.

Kɔrɛnti 2, 7:1

Baakɔɔm ŋa, kuwãu ihɛ̃ fei tu wai. Na nŋu, ka jɔ̀ idɔ nwa ku má sãa sãa si mii fei ku ba ara nwa do idɔ nwa ku maà nɛ taale kãma, nɔ kumá nwa ku kɔ̃ si Ilaaɔ̃ nɔ ka mà bɛɛrɛɛ.

Efɛɛzu 1:23

Igbɛui í jɛ arai Kirisi. Si igbɛui Kirisi takaɛ í wa nɔ í kɔ̃ dee dee, nŋu iyi í wa bii fei si mii baa yooma fei.

Efɛɛzu 4:16

Siɛi awa fei à waa kã bɛi ikɔ̃i ara, nɔ arau fei í másiɛ do ikɔ̃ ikɔ̃ɛ. Nsɛi, bii ikɔ̃ fei wa ce icɛ si bɛi í jɔ, arau fei á lai ku maa kɔ̃ɔsi na saabui kubi.

Efɛɛzu 4:29

Nɔ i maà ya jɔ̀ ide laalɔ kãma ku fita hai si gɛlɛ nŋɛ. Amma i ya fɔ ide jiida iyi á mua inɛ ŋa gbugbã si naanɛ ku dasi nɔ ku sobi ŋa si bukaata nŋa nɔ inɛ ŋa iyi à waa gbɔɔ ku jɛ nŋa aranfãani jiida.

Efɛɛzu 4:4

Ara akãi í wɛɛ, Hunde akã mɔi í wɛɛ, nɔ kpãa ku cɔ akã mɔi í wɛɛ si bii Ilaaɔ̃ í kpe ŋɛ.

Kolosee 1:24

Nsɛi ǹ ya n nɛ inɔ didɔ̃ si ijuukpã iyi ǹ wa n yɛ na iri nŋɛ. Nɔ mii iyi í gaizia si wahala ŋa iyi Kirisi í nɛ ku yɛ, amui an tambɔɛ si aram na araɛ iyi í jɛ igbɛu.

Kolosee 1:28

Idei Kirisii à waa sisi, nɔ à waa sɔ̃ inɛ fei ku ce laakai, nɔ à kɔ ŋa si cioɛ do bisi baa yooma fei. À waa ce bɛɛbɛi ku ba inɛ fei ku jĩa si anu akãɛ do Kirisi ka bɛi ka tusɛ ŋa bi Ilaaɔ̃.

Kolosee 4:17

Nɔ i sɔ̃ Aasipu ku dasi icɛi Lafɛ̃ɛ iyi à jilɛau iju ku ba ku yɔkɔ ku faataɛ.

Timɔtee 1, 1:12

Ǹ saabu Jesu Kirisi Lafɛ̃ɛ nwa, nŋu iyi í muum gbugbã ǹ ceò icɛm. Ǹ saabuɛ si na iyi í jɔ̀ í kam ilu naanɛ nɔ í cicam si icɛɛ,

Timɔtee 2, 4:11

Luku nŋu akãi í wa bi tom ihɛ̃. Gbã Maaku iŋɛò i naa wa ajɔ ŋa, domi á yɔkɔ ku sobim si icɛm nɔu.

Timɔtee 2, 4:5

Amma awɔ, mu araɛ si mii fei, temua do ijuukpã, ce icɛi laabaau jiidau ku waazoɛ, nɔ i jɔ̀ icɛi idei Ilaaɔ̃ iyi ì waa ce ku kɔ̃ mam mam.

Ebɛɛ 13:17

I gbɔ idei woo cua nŋɛ ŋa nɔ i sũ nŋa iri ilɛ, domi à waa cɔ baanii hunde nŋɛ ŋa si na iyi í jɔ̀ Ilaaɔ̃ á na ku bee ŋa ideɛ. I ce bɛɛbɛ ŋa ku ba a coo do inɔ didɔ̃, ku maà ti ku jɛ do inɔ kufɔ. Bii à coo do inɔ kufɔ, kaa ce nŋɛ aranfãani kãma.

Ebɛɛ 6:1

Na nŋu, ka jɔ̀ ide sinte ŋau si gãmɛi Kirisi nɔ ka bɔ waju ka jɛ inɛ ŋa iyi à jĩa. A kaa ka jilɛ icui ideu ku kɔsi má. Ideui í jɛ idei idɔ ku kpaasi hai si kookoosui nfe ku ce, do idei naanɛ ku dasi si Ilaaɔ̃,