Efɛɛzu 4:1 - Bibeli do fee

¹ Na nŋu, amu iyi ǹ wa piisɔ̃ɔ si na iyi í jɔ̀ ǹ wa n ce icɛi Lafɛ̃ɛ, ǹ wa n tɔɔ ŋɛ i maa nɛ dee dee si bɛi í jɔ inɛ ŋa iyi Ilaaɔ̃ í kpe à ya nɛ.

Efɛɛzu 4:1 Iomraidhean Croise

Kusintii Andunya 17:1

Iyi Aburamu í nɛ adɔ̃ cinɛò fɛɛwa do mɛɛsã ŋɔi Aɔ̃ Lafɛ̃ɛ í naa bi tɛɛ í ni, amui ǹ jɛ Ilaaɔ̃ ilu gbugbã fei. Jɛ kuwɛɛɛ si wajum ku ba i maà nɛ taale kãma.

Kusintii Andunya 5:24

si Ilaaɔ̃ ku too. Si anyii nŋu à na à kuaɛ si na iyi í jɔ̀ Ilaaɔ̃ í soo.

Zeremi 38:20

Ŋɔi Zeremi í jɛa í ni, aawo, a kaa soɛ a da nŋa si awɔ. Sotĩ i gbɔ ide iyi Aɔ̃ Lafɛ̃ɛ wa sɔ̃ɛ si ide iyi ǹ wa n fɔ. Aa fita si mbɛ nɔ i wɛɛ si hunde nkãma kaa ceɛ.

Woo bɛ ŋa 9:31

Inɛi igbɛi Jesu ŋa iyi à wa ilɛi Zudee do ilɛi Galilee do ilɛi Samari fei à wɛɛò laakai ku sũ, à waa jirima Ilaaɔ̃, à mua njɛ gbugbã nɔ akpɔ nŋa í kɔ̃ɔsi wa koo do sobii Hundei Ilaaɔ̃.

Romu 11:29

Ilaaɔ̃ í bi ŋa hee nsɛi domi ci ya ce mua ngba nɔ ci ya sinda idɔ hai si inɛ ŋa iyi í kpe.

Romu 12:1

Na nŋu iŋɛ inɛm ŋa, ǹ wa n tɔɔ ŋɛi na saabui araare iyi Ilaaɔ̃ í ce nŋɛ, i na Ilaaɔ̃ ara nŋɛ. I jɔ̀ kuwɛɛ nŋɛ ku jɛaa bɛi kuwee gɔ iyi í má nɔ í sĩaa si. Do yaase bɛɛbɛi í sĩa i ya tɔɔ Ilaaɔ̃ ŋa.

Kɔrɛnti 1, 4:16

Na nŋu, ǹ wa n tɔɔ ŋɛ i ya too si kucem ŋa.

Kɔrɛnti 2, 10:1

Amu Pɔlu, amu takam nii ǹ wa n fãa ŋɛ, amu iyi à ni ǹ ya n kaye aram bii ǹ wa bi tu ŋɛ, bii ǹ jĩò ŋɛ nɔ n ba ŋɛ ide ku fɔ do kulele. Amma do daa didɔ̃i Kirisi do jiida ku jɛɛi ǹ wa n tɔɔ ŋɛ

Kɔrɛnti 2, 5:20

Na nŋu, à jɛ woo bɛi Kirisi ŋa. Í yɛi bɛi Ilaaɔ̃ takaɛi wa ba ŋɛ ide ku fɔ hai bi tu wa nɔ à waa tɔɔ ŋɛ do irii Kirisi, i jɔ̀ i dɔ̃ do Ilaaɔ̃ ŋa.

Kɔrɛnti 2, 6:1

Awa iyi à waa ce icɛ do Ilaaɔ̃ ajɔ, à waa tɔɔ ŋɛi i maà jɔ̀ didɔ̃ iyi Ilaaɔ̃ í ce nŋɛu ku ce nfe.

Galati 4:12

Ǹ wa n tɔɔ ŋɛ, iŋɛ inɛm ŋa, i jilɛ ara nŋɛ si agbɛm bɛi amu mɔ ǹ jilɛ aram si agbɛ nŋɛ. Waati iyi ǹ wa bi tu ŋɛ, i kù ceem kurara gɔ ŋa.

Efɛɛzu 2:10

Awa icɛi awɔi Ilaaɔ̃i à jɛ. Í taka wai si anu akã nwa do Jesu Kirisi ka ceò icɛ jiida iyi í ce sɔɔluɛ hai ku kpɛ.

Efɛɛzu 3:1

Na saabui iyi ihɛ̃i amu Pɔlu ǹ wa n ce kutɔɔ, amu iyi ǹ wa piisɔ̃ɔ si na iyi í jɔ̀ ǹ wa n ce icɛi Kirisi na irii iŋɛ dimi mmu ŋa.

Efɛɛzu 4:17

Ide iyi ǹ wa n sɔ̃ ŋɛ do irii Lafɛ̃ɛ wee. I maà jɔ̀ i ya maa nɛ má bɛi hai dasi Jesu naanɛ ŋa iyi à waa too lasabu nfe nfe nŋa.

Efɛɛzu 4:4

Ara akãi í wɛɛ, Hunde akã mɔi í wɛɛ, nɔ kpãa ku cɔ akã mɔi í wɛɛ si bii Ilaaɔ̃ í kpe ŋɛ.

Efɛɛzu 5:2

I jɔ̀ kucei kuwɛɛ nŋɛ kú nyisi kubi bɛi Kirisi í bi wa, nɔ í na kuwɛɛɛ na iri nwa. Kuwɛɛɛ iyi í nau nŋui í jɛ kuwee jiida iyi inunuɛ í dɔ̃a Ilaaɔ̃ si.

Filipi 1:27

Nŋu de i ya jɔ̀ isɛɛnɛ nŋɛ ŋa ku yɛ bɛi laabaau jiidai Kirisi í fɔ. Bii ì waa ce bɛɛbɛ ŋa, bii ǹ naa bi tu ŋɛ, walakɔ baa bii n kù naa, n maa n gbɔ iyi ì waa leekĩ si dim dim ŋa, ì ya maa gbɔsi njɛ nɔ ì waa jabu do inɔ akã ŋa na laabaau jiidau iyi í jɛ icui naanɛ ku dasi nŋɛ.

Filipi 3:14

Bɛɛbɛi ǹ ce ǹ wa n bɔò waju bɛi inɛ iyi wa ce gaasai kusɛi, ku ba n ba riba iyi Ilaaɔ̃ wa kpe wa ka na ka gba lele do saabui Jesu Kirisi.

Kolosee 1:10

Bɛɛbɛi isɛɛnɛ nŋɛ ŋa á jɔ ti inɛ ŋa iyi à jɛ ti Lafɛ̃ɛ, nɔ waati kãma fei i ya ce iyi á dɔ̃aa si ŋa. Nɔ i ya ce icɛ jiida ikã ikã fei ŋa, nɔ Ilaaɔ̃ ku mà nŋɛ ku kɔ̃ɔsi.

Kolosee 2:6

Na nŋu, si bɛi ì gba Jesu Kirisi í jɛ Lafɛ̃ɛ nŋɛ, i ce isɛɛnɛ nŋɛ si anu akã do nŋu.

Kolosee 4:12

Epafaasi, inɛi ide nŋɛ woo ce icɛi Jesu Kirisi, nŋu mɔ í ce ŋɛ fɔɔ. Waati kãma fei í ya maa jabui ku maa ce kutɔɔ na iri nŋɛ ku ba i jĩa si idei Ilaaɔ̃ nɔ i yɔkɔ i leekĩ si dim dim ŋa nɔ i tã sɔɔlu i maa ceò idɔɔbii Ilaaɔ̃ fei ŋa.

Tɛsalonika 1, 2:12

À mu nŋɛ gbugbã, nɔ à tũ idɔ nŋɛ, nɔ à tɔɔ ŋɛ ntɔ ntɔ i jɔ̀ i maa nɛ ŋa si bɛi á sĩaa Ilaaɔ̃ si, nŋu iyi í kpe ŋɛ si bommaɛ do si amboeɛ.

Tɛsalonika 2, 1:11

Na ŋɔi í ce à waa ce kutɔɔ ajɔ fei na iri nŋɛ. À waa tɔɔ Aɔ̃ Lafɛ̃ɛ nwa ku jɔ̀ i jɛ kuwɛɛ nŋɛ dee dee si bɛi í jɔ inɛ ŋa iyi à gbɔ kukpeɛ a ce. Nɔ à waa tɔɔ má gbugbãɛ ku jɔ̀ i ce jiida iyi ì waa dasi idɔ ŋa nɔ ku jɔ̀ kucei naanɛ ku dasi nŋɛ ku kɔ̃.

Timɔtee 2, 1:9

Nŋui í faaba wa nɔ í kpe wa ka jɛ inɛɛ ŋa. Kù jɛ na icɛ nwa ŋa iyi à ce, amma si na iyi í jɔ̀ nŋu takaɛ í bi bɛɛbɛi na didɔ̃ɛ. Didɔ̃ɛu í jilɛ nwai hai tako tako na anu akã nwa iyi à ce do Jesu Kirisi.

Titee 2:10

nɔ a maà ya ce ŋa ile, amma a nyisi ara nŋa iyi aŋa à jɛ ilu naanɛ si mii fei. Bɛɛbɛi inɛ ŋa aa màò bɛɛrɛi cioi Ilaaɔ̃ woo faaba nwa.

Ebɛɛ 13:21

ku mu nŋɛ gbugbã i ceò daa jiida ŋa ku ba i ce idɔɔbiɛ. Nɔ ku ce si ŋɛ mii iyi á dɔ̃aa si na saabui Jesu Kirisi. Amboe ku jɛ ti Jesu Kirisi hee do ajɔ fei. Ami.

Ebɛɛ 3:1

Na nŋu, iŋɛ inɛm ŋa, iŋɛ iyi ì jɛ ti Ilaaɔ̃, iŋɛ iyi í kpe do woo dasi Jesu naanɛ ŋa iyi à gbe, i jɔ̀ i cɔ Jesu, nŋu iyi Ilaaɔ̃ í bɛ wa ku jɛ woo wee nla si kpãai naanɛ ku dasi iyi à waa sisi.

Piɛɛ 1, 2:11

Iŋɛ baakɔɔm ŋa, ǹ wa n tɔɔ ŋɛi, iŋɛ iyi ì yɛ bɛi inɛ njoo ŋa si andunyau ihɛ̃, i jɔ̀ i nɔ ara nŋɛ do binɛi ara iyi í ya maa ce igũ do hunde nŋɛ.

Piɛɛ 1, 3:9

I maà ya sãa inɛ laalɔɛ, walakɔ arabu ŋa iyi í buɛ. Í sĩa mɔm i ya jɛaa do kuwee, domi Ilaaɔ̃ í kpe ŋɛi ku ba i ba kuwee ŋa.

Piɛɛ 1, 5:10

Amma bii ì yɛ ijuukpã si waati keeke ì tã ŋa, Ilaaɔ̃ ilu didɔ̃ fei, nŋu iyi í kpe ŋɛ ku ba i nɛ ikpɛ̃ si amboe hai nɛ kɔɔɛ na saabui anu akã nŋɛ do Kirisi, nŋu takaɛi á jɔ̀ i kɔ̃ dee dee ŋa. Nŋui á nɔ ku jɔ̀ i leekĩ dim dim ŋa, nɔ ku mu nŋɛ gbugbã, i maà tɛkɛɛ hai si ideɛ ŋa.

Piɛɛ 2, 1:3

Gbugbãi Ilaaɔ̃ í mu nwa bukaatai mii iyi à bi fei ku ba kuwɛɛ nwa do kutɔɔ nwa ku maa bɔ waju. Nɔ í ce bɛɛbɛi si bɛi í jɔ̀ à màa, nŋu iyi í kpe wa ka ba ikpɛ̃ si amboeɛ do si jiida ku jɛɛ.

Zãa 2, 1:5

Nsɛi abooyi, ide iyi ǹ wa n kɔɛ wau ihɛ̃ kù jɛ wooda titɔ̃, amma iyi à nɛ hai sintei. Ǹ wa n tɔɔɛi, ka nɛ kubii njɛ awa duusɔ̃ɔ ŋa.