Efɛɛzu 3:9 - Bibeli do fee

⁹ Nɔ n sisia inɛ fei bɛi yaasei asiii Ilaaɔ̃ á ce ku ceò. Ilaaɔ̃, nŋu iyi í taka mii fei í singa asiiu ihɛ̃ hai ku kpɛ,

Efɛɛzu 3:9 Iomraidhean Croise

Iri ku kɔ̃ 33:6

Aɔ̃ Lafɛ̃ɛ í taka lelei Aɔ̃i do idei gɛlɛɛ. Nɔ do woodaɛi í takaò leleaɔ̃ ŋa mɔ fei.

Ezai 44:24

Izirɛli, Aɔ̃ Lafɛ̃ɛ woo faabaɛ, nŋu iyi í rɔɛ hai waati iyi a kù bíɛ wa wa sɔ̃ɛ í ni, amui ǹ jɛ icui mii iyi í wɛɛ fei. Amu akãi ǹ tɛ lele do ilɛ, kù jɛ do sobii inɛ kãma.

Matie 10:27

Iyi ǹ wa n sɔ̃ ŋɛ si ilu kuku, i fɔɔ si inya kumá ŋa. Iyi ì gbɔ si asii ŋa i cã kɛsɛɛdɛ.

Matie 13:35

Bɛɛbɛi idei inɛ akãi walii ŋau í ce iyi í ni, do mɔndai an ya n sɔ̃ ŋa ide, nɔ si bantumai an fɔ mii iyi wa manji hai waati iyi ǹ taka andunya.

Matie 25:34

Waati bɛɛbɛ amu ilaaluu an sɔ̃ inɛ ŋa iyi à wa awɔ njɛm n ni, i naa wa ŋa, iŋɛ iyi ì ba kuweei Baam. I naa i buba si bomma iyi à ce nŋɛ sɔɔluɛ hai waatii kusintii andunya.

Matie 28:19

Na nŋu, i koo si dimi fei, i ce ŋa mɔcɔm ŋa. Nɔ i dasi ŋa inyi do irii Baaba do ti amu Amau do ti Hundei Ilaaɔ̃.

Luku 24:47

Nɔ aa waazo do irim si dimi fei, aa sintii hai Zeruzalɛmu. Aa waazo a kpe inɛ ŋa a kpaasi idɔ nɔ Ilaaɔ̃ ku kpa idei dulum du ŋa.

Laabaau jiida iyi Zãa í kɔ 10:30

Nɔ amu do Baam fei akãi.

Laabaau jiida iyi Zãa í kɔ 5:17

Amma Jesu í sɔ̃ ŋa í ni, Baam í ya maa ce icɛi waati kãma fei, bɛɛbɛ mɔi amu takam ǹ wa n ce.

Laabaau jiida iyi Zãa í kɔ 5:19

Ŋɔi Jesu í sɔ̃ ŋa í ni, ntɔ ntɔ ǹ wa n sɔ̃ ŋɛi, amu Ama, n kaa n yɔkɔ n ce ngɔgɔ do aram bii kù jɛ mii iyi ǹ yɛ Baam wa ce. Mii iyi Baaba wa ce fei, nŋui amu mɔ Ama ǹ wa n ce.

Woo bɛ ŋa 15:18

Bɛɛbɛi amu Aɔ̃ Lafɛ̃ɛ ǹ fɔ, amu iyi ǹ jɔ̀ à mà mii ŋau ihɛ̃ hai ku kpɛ.

Romu 11:25

Iŋɛ inɛm ŋa, n kù bi asiii ideu ihɛ̃ ku manji nŋɛ hee ku jɔ̀ i maa cɔ ara nŋɛ ilu bisi ŋa. Asiiu wee. Idɔi inɛi Izirɛli fiti mbɔ ŋau í lei titã hee kukpɔi dimi mmu ŋa iyi aa ba faabau ku kɔ̃.

Kɔrɛnti 1, 2:7

Aawo, bisii asiii Ilaaɔ̃ iyi í singaa amanɛ ŋai à waa waazo. Bisiu Ilaaɔ̃ í ce sɔɔluɛi hai waati iyi kù taka andunya ku ba ka kpɛ̃ amboeɛ do nŋu takaɛ ajɔ.

Efɛɛzu 1:4

Ilaaɔ̃ í cica wa tã hai waati iyi kù taka andunya ka jɛ titɛɛ si anu akã nwa do Kirisi, nɔ ka jɛ inɛ kumá ŋa ka maà nɛ taale kãma bi tɛɛ.

Efɛɛzu 3:2

Ǹ mà kãm kãm iyi ì gbɔ tã ŋa bɛi Ilaaɔ̃ í ceem didɔ̃ ku ba n naa n sisi nŋɛ yaasei didɔ̃u,

Efɛɛzu 6:19

Nɔ i cea amu mɔ kutɔɔ ŋa ku ba bii ǹ cĩ gɛlɛ, n ya n ba ide iyi an fɔ nɔ n nɛ wɔɔkɔ n sisiò idei laabaau jiida iyi wa singau wo.

Kolosee 1:23

Amma í gbe i temua ŋa si naanɛ ku dasi i leekĩ si dim dim ŋa. Nɔ si bɛi ì gbɔ laabaau jiidau ŋa iyi à sisia inɛi andunya fei, i maà ti i jɔ̀ a sinda ŋɛ hai si kpãa ku cɔ iyi wa jilɛ nŋɛ. Laabaau jiidau, amu Pɔlu, amui ǹ jɛ woo ce icɛɛ.

Kolosee 1:26

Ideu, asiii iyi í singaa inɛ fei hai ku kpɛ, amma nsɛi í nyisi inɛɛ ŋa.

Kolosee 3:3

domi ì ku si mii ndii andunya ŋa, kuwɛɛ titɔ̃ nŋɛ í nɔ wa singa do Kirisi bi Ilaaɔ̃.

Kolosee 4:3

Nɔ i ce nwa kutɔɔ ŋa ku ba Ilaaɔ̃ ku fũ nwa kpãa ka waazo ideɛ, ku ba ka yɔkɔ ka sisi asiii Kirisi. Na asiiui ǹ waò piisɔ̃ɔ nsɛi.

Tɛsalonika 2, 2:13

Iŋɛ inɛ nwa ŋa, iŋɛ iyi Lafɛ̃ɛ í bi, à nɛ ka ya maa saabu Ilaaɔ̃i waati kãma fei na iri nŋɛ, domi Ilaaɔ̃ í cica ŋɛ hai sinteɛ i baò faaba ŋa do gbugbãi Hundeɛ, do naanɛ nŋɛ iyi ì nɛ si ntɔu ŋa. Hundeui í jɔ̀ ì jɛ inɛ kumá ŋa.

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Timɔtee 2, 1:9

Nŋui í faaba wa nɔ í kpe wa ka jɛ inɛɛ ŋa. Kù jɛ na icɛ nwa ŋa iyi à ce, amma si na iyi í jɔ̀ nŋu takaɛ í bi bɛɛbɛi na didɔ̃ɛ. Didɔ̃ɛu í jilɛ nwai hai tako tako na anu akã nwa iyi à ce do Jesu Kirisi.

Timɔtee 2, 4:17

Do nŋu fei, Lafɛ̃ɛ í leekĩ do amu í muum gbugbã, ku ba n waazo laabaau jiidau mam mam nɔ dimi mmu ŋau fei a gbɔɔ. Nɔ ǹ fita si wahalau bɛi inɛ iyi í gbã hai si gɛlɛi muusu nla.

Titee 1:2

Iyi bɛi á jɔ̀ a maa cɔ kpãai kuwɛɛ hai tã. Ilaaɔ̃ ci ya sɔ ibo. Nɔ baa hai kù taka andunya í ce kuwãi kuwɛɛ hai tã.

Piɛɛ 1, 1:20

Hai waati iyi a kù taka andunyai Ilaaɔ̃ í cica Kirisiu, amma í nyisi araɛ si waatii ankãanyiu ihɛ̃ na aranfãani nŋɛ.

Kuyɛi Zãa 13:8

Inɛi andunya fei á tɔɔɛ, waatɔ inɛ ŋa iyi Ilaaɔ̃ kù kɔ iri nŋa si tiai kuwɛɛ hee ku maa taka andunya, tia iyi í jɛ ti ama angudã iyi à kpau.

Kuyɛi Zãa 14:6

Ŋɔi ǹ nyi ǹ yɛ amaleka gɔ má wa fo hee lelei Aɔ̃. Nŋui á sisi laabaau jiida iyi ci ya tã bi inɛi andunya fei, si ilɛ fei, do si dimi fei, do si fee ikã ikã fei, do bi inɛ fei.

Kuyɛi Zãa 17:8

Mɛɛmu iyi ì yɛu bɛ í wɛɛ wo amma kù wɛɛ má nsɛi. Bii í kɔ̃ɔsi à fita wa hai si isa nla hai nɛ kɔɔu ku bɔ nfe ku ce. Inɛi andunya ŋa iyi Ilaaɔ̃ kù kɔ iri nŋa si tiai kuwɛɛ hee ku maa taka andunya, aa biti bii à yɛ mɛɛmuu má, domi í tako í wɛɛ wo amma kù wɛɛ má nsɛi nɔ á na ku faata wa má.

Kuyɛi Zãa 4:11

awɔ Ilaaɔ̃ Lafɛ̃ɛ nwa, awɔi ì to i nɛ amboe do bɛɛrɛ do gbugbã, domi awɔi ì taka mii fei. Si idɔɔbiɛi ì taka ŋa nɔ à wɛɛ.