Efɛɛzu 3:6 - Bibeli do fee

⁶ Asiiu wee. Do saabui laabaau jiidai dimi mmu ŋa do Zuifu ŋau à jɛò woo jɛ tubu ajɔ. Aŋaò ŋa à baa à jɛ ara akã, nɔ aŋa mɔ à nɛ baa nŋa si ide iyi Ilaaɔ̃ í wã nŋu ku ce si Jesu Kirisiu.

Efɛɛzu 3:6 Iomraidhean Croise

Ezekiɛli 47:22

Aa ta kpasa i kpɛ̃ò ilɛu ŋai si gãmɛ nŋɛ do si inɛ njoo ŋa iyi à wa bi tu ŋɛ iyi à bí amu ŋa si anini nŋɛ. Aa doo ŋa ŋai bɛi ilu ide ŋa si inɔi iŋɛ inɛi Izirɛli ŋau. Aŋa mɔ aa ba ikpɛ̃ nŋai bɛi dimii inɛi Izirɛli ŋau.

Kɔrɛnti 1, 12:12

Kirisi í yɛi bɛi ara akã do ikɔ̃ nkpɔ nkpɔ. Arau akãi baa bii í nɛ ikɔ̃ nkpɔ nkpɔ,

Kɔrɛnti 1, 12:27

Nsɛi iŋɛ fei ì jɛ arai Kirisi nɔ inɛ baa yooma nŋɛ fei í jɛ ikɔ̃ ikã ikãɛ.

Galati 3:14

Kirisi í ce bɛɛbɛi ku ba kuwee iyi Ilaaɔ̃ í weea Aburahamuu kú jɛ ti dimi mmu ŋa na saabui Jesu Kirisi. Nɔ si bɛɛbɛ awa fei aa ka ba Hunde iyi Ilaaɔ̃ í wãò wa na naanɛ ku dasi.

Galati 5:24

Nɔ inɛ ŋa iyi à jɛ ti Jesu Kirisi í yɛ bɛi à kpa kucei daai ara nŋa si jĩi ku gaauu, do binɛɛ do kubiɛ fei.

Efɛɛzu 3:3

do si bɛi nŋu takaɛ í jɔ̀ ǹ mà asiiɛ. Wee ǹ kɔ ideu keeke tã.

Efɛɛzu 5:30

Igbɛɛu nŋui í jɛ araɛ nɔ awa fei à yɛi bɛi ikɔ̃ ikɔ̃i araɛu.

Efɛɛzu 5:7

Na nŋu, i maà ya jɔ̀ ide gɔ ku tɔtɔɔ ŋɛ do amanɛ dimi bɛɛbɛ ŋa.

Kolosee 2:19

Inɛ ŋau a kù waa leekĩ si Kirisi, nŋu iyi í jɛ iri nɔ siɛi ara fei í tɔtɔɔ do ikɔ̃ ikɔ̃ɛ nɔ í ba gbugbã wa lá bɛi Ilaaɔ̃ í bi.

Zãa 1, 1:3

Iyi à yɛ do iyi à gbɔ, nŋui à waa sisia iŋɛ mɔ ku ba awaɛ ŋa ka nɛ anu akã, nɔ anu akã iyi à nɛu à nɔɔi do Ilaaɔ̃ Baaba do Amaɛ Jesu Kirisi.

Zãa 1, 2:25

Kirisi í ce nwa kuwã. Kuwã iyi í ce nwau, nŋui í jɛ kuwɛɛ hai tã.