Efɛɛzu 3:20 - Bibeli do fee

²⁰ Ilaaɔ̃ í nɛ gbugbã ku ce mii iyi à waa tɔɔ fei do iyi à waa lasabu fei, nɔ á yɔkɔ ku ce baa mii iyi í re bɛɛbɛ mɔm hee ku caa. Gbugbãɛu wa ce icɛ si wa.

Efɛɛzu 3:20 Iomraidhean Croise

Kusintii Andunya 17:1

Iyi Aburamu í nɛ adɔ̃ cinɛò fɛɛwa do mɛɛsã ŋɔi Aɔ̃ Lafɛ̃ɛ í naa bi tɛɛ í ni, amui ǹ jɛ Ilaaɔ̃ ilu gbugbã fei. Jɛ kuwɛɛɛ si wajum ku ba i maà nɛ taale kãma.

Kusintii Andunya 18:4

I jɔ̀ a naaò inyi wa ku ba i wiɛ kutɛ nŋɛ ŋa, nɔ i sĩmi jĩjĩi jĩi nɔu ihɛ̃ ŋa.

Samuɛli 2, 7:19

Amma ì waa cɔɔ mii keeke bi tɛɛ, nɔ ì nyi ì jɔ̀ ǹ mà bɛi tɔkum ŋa aa na a jɛ ala má. Nɔ amu amanɛ, amui ì waa sɔ̃ ide ŋau ihɛ̃.

Ilaalu 1, 3:13

Si antaiɛ an muuɛ mii iyi i kù tɔɔ má, an muuɛ amani ŋa do amboe iyi ilaalu kãma kaa ba ku toɛ si kuwɛɛɛ fei.

Bomma 2, 25:9

Ŋɔi Amasia í beeɛ í ni, nɔ bɛirei an ce do isɔ fũfũ tɔnu mɛɛta iyi ǹ na soogei Izirɛli ŋau. Nɔ waliiu í jɛaa í ni, Aɔ̃ Lafɛ̃ɛ á yɔkɔ ku naɛ iyi í re bɛɛbɛ.

Bomma 2, 9:12

Ŋɔi Salomɔɔ í mua inaabo ilaalui Sebau mii iyi í bi fei do iyi í tɔɔ fei, í re baa iyi í naaa wa. Si anyiɛ ŋɔi abou í sinda í nyi ilɛɛ, nŋu do woo ce icɛɛ ŋa.

Kufita 34:6

Nɔ í koo í lɔ wajui Moizi wa ni, amui ǹ jɛ Aɔ̃ Lafɛ̃ɛ, ǹ ya n ce araarei inɛ ŋa nɔ n ce nŋa didɔ̃. Idɔɔkɔ̃m ci ya saasa ku dede nɔ jiida ku jɛm do dee dee ku jɛm í la í caa.

Iri ku kɔ̃ iyi í dɔ̃ í re 5:1

ǹ lɔ si inɔ lambom awɔ wecĩm, awɔ iyi à ceem kuwãɛ. Ǹ ka isoi miru do isoi jĩi mmu ŋa iyi à nɛ inunu jiida ŋau. Ǹ jɛ nyikɔ̃ fãfãm, nɔ ǹ mɔ vɛ̃ɛm do amɔm. I jɛ ŋa iŋɛ iyi i bi njɛ ŋa, i mɔ ŋa hee kubiu ku kpa ŋɛ bɛi atɛ̃ vɛ̃ɛ.

Ezai 35:2

Koko ŋai aa biiɛ, nɔ á maa kɔ̃ iri ŋa do inɔ didɔ̃ nɔ á maa dɔ̃ anu má do inɔ didɔ̃. Aa na lɔɔmau bɛɛrɛ bɛi ti Libãa. Lɔɔmau á sĩai bɛi iri kutai Kaamɛli do lɔɔmai Sarɔ̃ɔu. Waati bɛɛbɛ, aa yɛ amboei Aɔ̃ Lafɛ̃ɛ si anini nŋa do kusĩai Ilaaɔ̃u.

Ezai 55:7

Ilu inɔ kukã ku sinda ku jɔ̀ kpãaɛ, nɔ woo ce laalɔ mɔ ku jɔ̀ lasabuɛ ŋa nɔ ku sinda ku baa bi Aɔ̃ Lafɛ̃ɛ iyi á ce araareɛ. Ku sinda ku baa wa bi Aɔ̃ Lafɛ̃ɛ nwa nŋu iyi í ya ce suuru ntɔ ntɔ.

Zeremi 32:17

Aɔ̃ Lafɛ̃ɛ, awɔi ì ce lele do ilɛ do gbugbã nla nlaɛ. Nkãma kù gaabu bi titɛɛ.

Zeremi 32:27

Í ni, amu Aɔ̃ Lafɛ̃ɛ, amui ǹ jɛ Aɔ̃ Lafɛ̃ɛi mii iyi wa mi si hunde fei. Nkãma kù wɛɛ iyi í gaabu bi titom.

Daniɛli 3:17

Ilaaɔ̃ Lafɛ̃ɛ nwa iyi à waa tɔɔ á yɔkɔ ku faaba wa, nɔ ku nya wa hai si ina nla nlau do hai si awɔɛ awɔ ilaalu.

Daniɛli 6:20

Hai amɛɛjuumá daadaakɔ gbakã, ilaalu í dede. Nɔ wa ce saasa ku ba ku bɔ bi isa bii muusu nla ŋa à wau.

Matie 3:9

I maà tamaa mà aa ba faaba ŋa si na iyi í jɔ̀ ì jɛ tɔkui Aburahamu ŋa. An sɔ̃ ŋɛ, Ilaaɔ̃ á yɔkɔ ku so kuta ŋau ihɛ̃ ku ce ŋa tɔkui Aburahamu ŋa.

Laabaau jiida iyi Zãa í kɔ 10:10

Ile njɛ ci ya naa kaa ku ce ile nɔ ku kpa nɔ ku bɛjɛ. Amma amu ǹ naai ku ba inɛ ŋa a ba kuwɛɛ nɔ a nɔɔ jiida jiida.

Romu 16:25

Ka saabu Ilaaɔ̃, nŋu iyi á yɔkɔ ku mu nŋɛ gbugbã na saabui laabaau jiida do idei Jesu Kirisi iyi ǹ wa n ce waazoɛu. Ideui wa nyisi wa asii iyi wa singa wo hai ku kpɛ.

Romu 4:21

domi í mà kãm kãm, mii iyi Ilaaɔ̃ í wãu í nɛ gbugbãi ku coo.

Kɔrɛnti 1, 2:9

Amma kukɔi idei Ilaaɔ̃ í ni, iyi iju kù yɛ ajɔ kãma, nɔ itĩ kãma mɔ kù gbɔɔ, iyi kù nɔ kù lɔ si idɔi amanɛ, nŋui Ilaaɔ̃ í cea inɛ ŋa iyi à buu sɔɔluɛ.

Kɔrɛnti 2, 9:8

Ilaaɔ̃ á yɔkɔ ku jɔ̀ didɔ̃ ikã ikã fei ku caa si ŋɛ ku ba i nɛ fei ndɛɛ do ajɔ fei ŋa. Si bɛɛbɛi aa ba bukaatai mii iyi ì bi fei ŋa, hee ku gbe nŋɛ nla nla i ceò icɛ jiida fei ŋa.

Efɛɛzu 1:19

do bɛi gbugbã nlaɛ wa ce icɛ si awa iyi à dasiɛ naanɛ. Gbugbãu, í jɛ akã do gbugbã nla

Efɛɛzu 3:7

Do saabui didɔ̃ iyi Ilaaɔ̃ í ceem si gbugbãɛi ǹ jɛò woo ce icɛi laabaau jiidau.

Kolosee 1:29

Na ŋɔi í jɔ̀ ǹ wa n ce icɛ do kookaai ǹ wa n jabu do gbugbãi Kirisi iyi wa ce icɛ sim.

Timɔtee 1, 1:14

Nɔ wee didɔ̃i Lafɛ̃ɛ nwa í caa sim, nɔ í jɔ̀ ǹ dasiɛ naanɛ nɔ ǹ nɛ kubii inɛ ŋa.

Ebɛɛ 11:19

Ì mà iyi Ilaaɔ̃ í nɛ gbugbã ku jĩ inɛ baa hai si balɛ. Do ntɔ aa ka yɔkɔ ka ni í yɛi bɛi Ilaaɔ̃ í jũu hai si balɛ.

Ebɛɛ 7:25

Na nŋu á yɔkɔ ku faaba inɛ ŋa iyi à waa sɛkɛɛ si Ilaaɔ̃ do saabuɛ mam mam, domi í wɛɛi hee do ajɔ fei ku maa tɔɔ Ilaaɔ̃ na iri nŋa.

Zaaki 4:12

Ilaaɔ̃ nŋu akãi wa na wooda, nŋui í nɔ í jɛ woo kiiti. Nŋu akãi á yɔkɔ ku faaba inɛ, nŋui á nɔ ku yɔkɔ ku ce inɛ nfe. Bɛirei awɔ ì yɛ ì waa kiitiò kpaasiɛ ŋa.

Piɛɛ 2, 1:11

Bɛɛbɛi aa jɔ̀ i lɔ do bɛɛrɛ ŋa si bomma hai tãi Lafɛ̃ɛ woo faaba nwa Jesu Kirisi.

Zudu 1:24

Ilaaɔ̃ nŋu akãi í jɛ woo faaba nwa, nŋu iyi á yɔkɔ ku degbe ŋɛ i maà na i cuku ŋa, nɔ ku jɔ̀ i naa si amboeɛ ŋa do inɔ didɔ̃, lɛɛfi ku maà wa si. Amboe do jirima do gbugbã do yiiko ku jɛ tɛɛ hai sinte, do nsɛi, hee do ajɔ fei na saabui Lafɛ̃ɛ nwa Jesu Kirisi. Ami.