Efɛɛzu 3:2 - Bibeli do fee

² Ǹ mà kãm kãm iyi ì gbɔ tã ŋa bɛi Ilaaɔ̃ í ceem didɔ̃ ku ba n naa n sisi nŋɛ yaasei didɔ̃u,

Efɛɛzu 3:2 Iomraidhean Croise

Woo bɛ ŋa 13:2

Ajɔ nŋu si bɛi inɛ ŋau à waa tɔɔ Lafɛ̃ɛ do anu ku dĩ ajɔ, ŋɔi Hundei Ilaaɔ̃ í sɔ̃ ŋa í ni, i cica Baanabasi do Sɔlu i nya ŋa ikã a ce icɛ iyi ǹ kpe ŋaò.

Woo bɛ ŋa 13:46

Amma Pɔlu do Baanabasi à sɔ̃ ŋa do wɔɔkɔ à ni, tilasii iŋɛ Zuifu ŋa a tako a sɔ̃ ŋɛ idei Ilaaɔ̃. Amma si na iyi í jɔ̀ ì waa kɔ̀si ŋa nɔ i kù ka ara nŋɛ si inɛ ŋa iyi à bi a ba kuwɛɛ hai tã, na nŋu, aa ka jɔ̀ ŋɛ nɔ ka bɔ bi dimi mmu ŋa,

Woo bɛ ŋa 22:21

Amma Lafɛ̃ɛ í sɔ̃m í ni n koo, domi hee jĩijĩ bi dimi mmu ŋai nŋu á bɛm.

Woo bɛ ŋa 9:15

Amma Lafɛ̃ɛ í sɔ̃ɔ í ni, koo, domi ǹ cica inɛɛu bɛi ku jɛ woo ce icɛm ku fɔ laabaaui irim bi dimi mmu ŋa do bi ilaalu nŋa ŋa do bi inɛi Izirɛli ŋa.

Romu 1:5

Jesuu nŋui í muum didɔ̃ ǹ jɛò woo bɛ ku ba n naaò inɛ ŋa wa hai si dimi fei bi tɛɛ na iriɛ ku ba a dasiɛ naanɛ nɔ a jirimaɛ.

Romu 11:13

Iŋɛ dimi mmu ŋau bɛ, iŋɛi ǹ wa n ba ide ku fɔ, amu iyi ǹ jɛ woo bɛ bi tu ŋɛ. Ǹ ya n maa n nɛ inɔ didɔ̃i do icɛm iyi ǹ wa n ce.

Romu 12:3

Na didɔ̃ iyi Ilaaɔ̃ í muum, ǹ wa n sɔ̃ iŋɛ fei, i maà jilɛ ara nŋɛ tengi bii i kù to ŋa, amma inɛ fei ku jilɛ araɛ si zaka bɛi Ilaaɔ̃ í muaa naanɛ.

Kɔrɛnti 1, 4:1

Í sĩa i doo wa bɛi woo ce icɛi Kirisi ŋa iyi Ilaaɔ̃ í so idei asiiɛ í daa si awɔ.

Galati 1:13

Ì gbɔ bɛi kuwɛɛm í yɛ ŋa wo si waati iyi ǹ wa n tɔɔ Ilaaɔ̃ bɛi Zuifu ŋa. Iŋɛ fei ì mà ŋa kookaai iyi ǹ tako ǹ ce ǹ kpãò inɛi igbɛi Jesu ŋa iju ku ba n ce nfe nŋa.

Efɛɛzu 1:10

Lasabui Ilaaɔ̃u iyi á ce si ajɔ iyi awaatiɛ í to nŋui í jɛ ku tɔtɔɔ mii iyi í taka fei, hai mii iyi í wa lele do iyi í wa ilɛ fei, nɔ Kirisi ku jɛ iriɛ.

Efɛɛzu 3:7

Do saabui didɔ̃ iyi Ilaaɔ̃ í ceem si gbugbãɛi ǹ jɛò woo ce icɛi laabaau jiidau.

Efɛɛzu 3:8

Amu iyi ǹ jɛ keekei woo dasi Jesu naanɛ ŋa fei, amui Ilaaɔ̃ í cea didɔ̃ n sisia dimi mmu ŋa laabaau jiida nɔ n sɔ̃ ŋa bɛi didɔ̃i Kirisi í la í to nɔ í re kumà nwa.

Efɛɛzu 3:9

Nɔ n sisia inɛ fei bɛi yaasei asiii Ilaaɔ̃ á ce ku ceò. Ilaaɔ̃, nŋu iyi í taka mii fei í singa asiiu ihɛ̃ hai ku kpɛ,

Efɛɛzu 4:21

Ǹ nɔ ǹ mà kãm kãm iyi ì gbɔ ideɛ ŋa, nɔ à kɔ ŋɛ si ntɔ iyi í wa siɛ.

Efɛɛzu 4:7

Amma awa fei à ba amua nwa si bɛi Kirisi í mu nwa.

Kolosee 1:6

Laabaau jiidau wa fangaa bii fei nɔ wa naaò kuwee wa si andunya fei. Nɔ í la wa kɔ̃ɔsi si bɛi wa ce bi tu ŋɛu hai waati iyi ì gbɔ idei didɔ̃i Ilaaɔ̃u ŋa nɔ ì mà bɛi í yɛ ŋa do ntɔ.

Timɔtee 1, 1:11

Cio jiidau í naai hai si laabaau jiida iyi à daam si awɔ. Ilaaɔ̃ ilu amboe iyi í ya weea inɛ ŋai laabaau jiidau wa fãa.

Timɔtee 1, 1:4

Sɔ̃ ŋa a maà ti a dasi laakai nŋa si ide ŋa iyi inɛ ŋa à bu à waa fɔ si gãmɛi irii bala nwa ŋa iyi à ya maa dɛ ku mà. Nŋu ŋau bɛi wa naaò kakɔɔ ŋa wa, kaa nɔ ku mua inɛ ŋa gbugbã si naanɛ ku dasi nŋa icɛi Ilaaɔ̃ ku bɛi ku bɔ waju.

Timɔtee 1, 2:7

Na nŋui Ilaaɔ̃ í cicam n jɛ woo waazo do woo bɛ, nɔ n kɔ dimi mmu ŋa si cio si ide ntɔ nɔ n sɔ̃ ŋa a dasi Jesu naanɛ. Ntɔi ǹ wa n fɔ n kù wa n sɔ ibo.

Timɔtee 2, 1:11

Ilaaɔ̃i í jɔ̀ ǹ jɛ woo bɛ do woo kɔsi cio ku ba n sisia inɛ ŋa laabaau jiidau.