Efɛɛzu 3:19 - Bibeli do fee

¹⁹ Baa do iyi kubiu í re kumài amanɛ fei, ǹ bi i mà yaaseɛ ŋa ku ba ì kɔ̃ mam mam bɛi Ilaaɔ̃ í kɔ̃.

Efɛɛzu 3:19 Iomraidhean Croise

Iri ku kɔ̃ 17:15

Amma amu, na dee dee ku jɛm, an yɛ wajuɛ, nɔ waati iyi ǹ jĩ, an maa n cɔɛi n kaa n gbɛɛji.

Iri ku kɔ̃ 43:4

Ikpa bi kuweei Aɔ̃ Lafɛ̃ɛi an bɔ. Ikpa bɛi inɔ didɔ̃m fei í wa. Bɛi an kɔ̃ iri n cĩ Aɔ̃ Lafɛ̃ɛm do mɔɔlɔ.

Matie 5:6

Ilu inɔ didɔ̃ ŋai inɛ ŋa iyi à waa gbɔ ari do agbɛi mii iyi Ilaaɔ̃ wa bi a ce, domi Ilaaɔ̃ á jɔ̀ a yo.

Laabaau jiida iyi Zãa í kɔ 1:16

Si amani nlaɛu awa fei à ba andi baa nwa, nɔ à ba didɔ̃ si antaii didɔ̃u.

Laabaau jiida iyi Zãa í kɔ 17:3

Kuwɛɛ hai tãui í jɛ inɛ ŋa a màɛ, awɔ Ilaaɔ̃ akã ilu ntɔu, nɔ a màm, amu Jesu Kirisi iyi ì bɛ wau.

Romu 8:35

Yooi á yɔkɔ ku fɛɛfɛ wa do kubii Kirisi. Inɔ kufɔ? Mà wahala. Mà ijuukpã. Mà ari. Mà are. Mà mbiisi. Mà igũ.

Romu 8:39

Mii ŋa iyi à wa lele do iyi à wa ilɛ hee do mii iyi à taka fei, nkãma kaa yɔkɔ ku fɛɛfɛ wa do kubi iyi Ilaaɔ̃ í nyisi wa si Jesu Kirisi Lafɛ̃ɛ nwa.

Kɔrɛnti 2, 5:14

Kubii Kirisii wa nɛ̀ò wa. Awa à mà kãm kãm iyi inɛ akãi í ku na inɛ fei, à nɔ à mà iyi inɛ feii í nɛ ikpɛ̃ si ikuɛ.

Galati 2:20

À kpakpam si jĩi do Kirisi ajɔ. Na nŋu, kù jɛ na aram nii ǹ wɛɛ má, bɛbɛi Kirisii wa ce kuwɛɛɛ sim. Nɔ kuwɛɛ iyi ǹ wa n wɛɛ nsɛi, ǹ wa n wɛɛi do naanɛ iyi ǹ dasi Amai Ilaaɔ̃, nŋu iyi í bim nɔ í na kuwɛɛɛ na irim.

Efɛɛzu 1:23

Igbɛui í jɛ arai Kirisi. Si igbɛui Kirisi takaɛ í wa nɔ í kɔ̃ dee dee, nŋu iyi í wa bii fei si mii baa yooma fei.

Efɛɛzu 3:18

ku ba iŋɛ do woo dasi Jesu naanɛ ŋa iyi à gbe fei i yɔkɔ i mà zaka bɛi kubii Kirisi í cĩ í to do kusɔɛ do kujĩisaɛ do kugbokaɛ.

Efɛɛzu 5:2

I jɔ̀ kucei kuwɛɛ nŋɛ kú nyisi kubi bɛi Kirisi í bi wa, nɔ í na kuwɛɛɛ na iri nwa. Kuwɛɛɛ iyi í nau nŋui í jɛ kuwee jiida iyi inunuɛ í dɔ̃a Ilaaɔ̃ si.

Efɛɛzu 5:25

Nɔ iŋɛ mɔkɔ ŋau i bi abo nŋɛ ŋa bɛi Kirisi í bi inɛi igbɛɛ ŋa, nɔ í na kuwɛɛɛ na iri nŋa.

Filipi 1:7

Nɔ í sĩa n ce lasabu nŋɛ bɛɛbɛ, domi ǹ nɛ kubi nŋɛ si idɔm. Ntɔ ntɔ, ì ya bam icɛ ku ce ŋa ile piisɔ̃ɔ ihɛ̃ do waati iyi ǹ nɛ aram wo ǹ ya n maa n sisi laabaau jiidau ku ba ku nɛ gbugbã ku maa koo nɔ ǹ ya n maa n jabu na iriɛ.

Filipi 4:7

Nɔ laakai ku sũi Ilaaɔ̃ iyi í re kumài amanɛ fei á degbe idɔ nŋɛ do lasabu nŋɛ si anu akã iyi ì nɛ do Jesu Kirisi ŋa.

Kolosee 1:10

Bɛɛbɛi isɛɛnɛ nŋɛ ŋa á jɔ ti inɛ ŋa iyi à jɛ ti Lafɛ̃ɛ, nɔ waati kãma fei i ya ce iyi á dɔ̃aa si ŋa. Nɔ i ya ce icɛ jiida ikã ikã fei ŋa, nɔ Ilaaɔ̃ ku mà nŋɛ ku kɔ̃ɔsi.

Piɛɛ 1, 1:8

Ì buu baa do iyi i kù yɔɔ ŋa. Ì dasiɛ naanɛ baa do iyi i kù yɔɔ titã ŋa. Ŋɔi í jɔ̀ ì wɛɛò inɔ didɔ̃ nla nla ŋa iyi í nɛ amboe hee í kpeeò ku fɔ do gɛlɛ.

Piɛɛ 2, 3:18

Amma didɔ̃i Lafɛ̃ɛ woo faaba nwa Jesu Kirisi ku maa kɔ̃ɔsi si ŋɛ, nɔ kumà iyi ì nɛ si gãmɛɛ ŋa ku kɔ̃ɔsi ku maa koo. Nŋui í jɛ ilu amboe hai nsɛi hee do ajɔ fei. Ami.