Efɛɛzu 3:15 - Bibeli do fee

¹⁵ Nŋui í jɛ Baai nyaanze baa yooma fei iyi í wa lele do iyi í wa ilɛ fei.

Efɛɛzu 3:15 Iomraidhean Croise

Ezai 65:15

Inɛ ŋa iyi ǹ cica ŋau, iri nŋɛi aa ya so a ceekpeò a ni, Aɔ̃ Lafɛ̃ɛ ku jɔ̀ i ku bɛi wãanɛ, walakɔ bɛi wãanɛ kasa. Amma ti inɛ ngu ŋa iyi à jɛ woo ce icɛm ŋau, an kpe ŋai do iri mmu.

Zeremi 33:16

Waati bɛɛbɛ, ilɛi Zudaa á ba faaba, nɔ Zeruzalɛmu mɔ á nɛ laakai ku sũ si iluɛ, nɔ aa ya kpooi, Aɔ̃ Lafɛ̃ɛi í jɛ dee dee ku jɛ nwa.

Woo bɛ ŋa 11:26

Iyi í yɔɔ ŋɔi í bɔòɛ Antiɔsi. Adɔ̃ akãi aŋa minjiu à ce bɛ à ya tɔtɔɔ do inɛi igbɛi Jesu ŋa nɔ à ya kɔa inɛ nkpɔ si cioi idei Ilaaɔ̃. Antiɔsi bɛi à sinti ku kpe inɛ ŋa iyi à waa too kpãai Jesuu inɛi Kirisi ŋa.

Efɛɛzu 1:10

Lasabui Ilaaɔ̃u iyi á ce si ajɔ iyi awaatiɛ í to nŋui í jɛ ku tɔtɔɔ mii iyi í taka fei, hai mii iyi í wa lele do iyi í wa ilɛ fei, nɔ Kirisi ku jɛ iriɛ.

Efɛɛzu 1:21

Bɛi Kirisi í wa í reò ilu irii lele fei do ilu yiiko ŋa do ilu gbugbã ŋa do lafɛ̃ɛ ŋa fei. Nɔ iriɛ í re iri fei si waatiu ihɛ̃ do si waati iyi wa naa.

Efɛɛzu 3:14

Na saabui ideui ǹ wa n gulɛ si wajui Ilaaɔ̃ Baaba.

Efɛɛzu 3:16

Ǹ wa n tɔɔɛ ku jɔ̀ Hundeɛ ku mu nŋɛ gbugbã jiida jiida si idɔ nŋɛ si bɛi amboeɛ í la í to,

Kolosee 1:20

Bɛɛbɛ mɔi í bi inɛi andunya fei ku dɔ̃ do nŋu, hai mii iyi í wa ilɛ hee do iyi í wa lele fei. Í ce nŋu bɛi si waati iyi Amaɛ í ku nɔ í nikã njɛɛ si antaii jĩi ku gaauu nɔ í naaò laakai ku sũ wa.

Kuyɛi Zãa 2:17

Inɛ iyi í nɛ itĩ, ku sotĩ ku gbɔ mii iyi Hundei Ilaaɔ̃ wa sɔ̃ igbɛi inɛi Jesu ŋa fei. Inɛ iyi í jɛ igũ, nŋui an mua mana iyi wa manji wo. Nɔ n muaa kuta fũfũ si bii à kɔ iri titɔ̃ɛ iyi inɛ gɔ kù mà bii kù jɛ nŋu iyi ǹ mua.

Kuyɛi Zãa 3:12

Inɛ iyi í jɛ igũ, an jɔ̀ ku jɛ sɔbe si kpasɛ̃i Ilaaɔ̃, kaa fita má. An kɔ irii Ilaaɔ̃ siɛ do irii iluɛ iyi í jɛ Zeruzalɛmu titɔ̃ iyi Ilaaɔ̃ á jɔ̀ ku kita wa hai lele. Nɔ n kɔ iri titɔ̃m siɛ.