Efɛɛzu 3:12 - Bibeli do fee

¹² Naanɛ iyi à dasiɛui í jɔ̀ à nɛ anu akã do nŋu. Na ŋɔi í jɔ̀ à nɛ ara nwa ka bɔ wajui Ilaaɔ̃ do laakai akã.

Efɛɛzu 3:12 Iomraidhean Croise

Laabaau jiida iyi Zãa í kɔ 14:6

Ŋɔi Jesu í jɛaa í ni, amui ǹ jɛ kpãa, do ntɔ, do kuwɛɛ. Inɛ kãma kaa bɔ bi Ilaaɔ̃ Baaba bii kù jɛ hai do bi tom.

Romu 3:22

Inɛ ŋa iyi à dasi Jesu Kirisi naanɛ fei, Ilaaɔ̃ í ce ŋa dee dee na naanɛ iyi à dasiu. Inɛ gɔ kù jɛ ikã,

Romu 5:2

Jesu mɔi í mu nwa kpãa do saabui naanɛ ku dasiu ka sɛkɛɛ si Ilaaɔ̃, nŋu iyi í ce nwa didɔ̃. Na didɔ̃ui à waa leekĩ dim dim nɔ à nɛ inɔ didɔ̃ domi à waa cɔ kpãa iyi aa ka nɛ baa nwa si amboei Ilaaɔ̃.

Kɔrɛnti 2, 3:4

Naanɛ nŋui à nɛ si wajui Ilaaɔ̃ do saabui Kirisi.

Efɛɛzu 2:18

Nɔ ntɔi, do saabui Kirisi awa fei, Zuifu ŋa do dimi mmu ŋa, aa ka yɔkɔ ka bɔ wajui Ilaaɔ̃ Baaba do sobii Hunde akãu.

Ebɛɛ 10:35

Na nŋu, i maà fũsi naanɛ iyi ì dasi awɔ ŋa, domi ribaɛ í la.

Ebɛɛ 3:6

Amma Kirisi njɛ amai kpasɛ̃ ilu naanɛi iyi Ilaaɔ̃ í ce inɛ ngboi kpasɛ̃ɛu. Inɛi kpasɛ̃ɛ ŋau mɔ, awai bii à waa leekĩ si naanɛ dim dim do si kpãa ku cɔ iyi à waa tɔɔò fufu.

Piɛɛ 1, 3:18

Gbakã akãi Kirisi í ku na dulum. Nŋu iyi í jɛ inɛ dee dee, í ku na inɛ laalɔ ŋa, ku ba ku bɔò wa bi Ilaaɔ̃. Waati iyi à kpaa, araɛ í ku amma hundeɛ í wɛɛ.

Zãa 1, 2:28

Nsɛi, iŋɛ amam ŋa, i jɔ̀ i nɛ anu akã do Kirisi ŋa, ku ba ajɔ iyi á faata wa ka nɛ idɔ ku buba, nɔ anyɔ ku maà mu wa si wajuɛ si ajɔ iyi á nyi wau.

Zãa 1, 3:21

Na nŋu, iŋɛ baakɔɔm ŋa, bii idɔ nwa kù waa yɛ taale nwa, à nɛ laakai ku sũ bi Ilaaɔ̃.