Efɛɛzu 3:11 - Bibeli do fee

¹¹ Bɛɛbɛi í ce í jilɛò ide iyi wa ce, í bɛi í takaò andunya, nɔ í kpa iriɛ si Jesu Kirisi Lafɛ̃ɛ nwa.

Efɛɛzu 3:11 Iomraidhean Croise

Zɔɔbu 10:13

Amma ǹ mà bɛbɛi mii iyi í wa si idɔɛ do mii iyi ì waa lasabu wo.

Zeremi 51:29

Ŋɔi ilɛ í yaya. Í yayai si waati iyi Aɔ̃ Lafɛ̃ɛ wa ce mii iyi í dasi idɔ ku cea Babilɔniu. Í kpaasi ilɛi Babilɔnii í baa í jɛ ilɛ bii amanɛ ŋa a kù wa. Í jɔ̀ ilɛu í baa í kpɔò bomma.

Romu 9:11

Amma hee Rebeka ku maa bí ŋa, si waati iyi a kù ce jiida gɔ titã hee má jɛ laalɔ, Ilaaɔ̃ í sɔ̃ Rebeka í ni, inɛ sinteui á ya sũa inɛ ankãanyiu iri ilɛ. Í fɔ bɛɛbɛi ku ba ku nyisi iyi nŋu í ya cica inɛ ŋai bɛi nŋu takai nŋu í bi, nɔ í kpe ŋa si bɛi nŋu takaɛ í jilɛ, kù jɛ na kuce nŋa.

Galati 5:24

Nɔ inɛ ŋa iyi à jɛ ti Jesu Kirisi í yɛ bɛi à kpa kucei daai ara nŋa si jĩi ku gaauu, do binɛɛ do kubiɛ fei.

Efɛɛzu 1:11

Ntɔ ntɔ, mii fei wa cei si bɛi Ilaaɔ̃ í bi. Na nŋu, à jɛ woo jɛ tubu bi tɛɛ na anu akã nwa do Kirisi, si na iyi í jɔ̀ í cica wa wo si bɛi nŋu takaɛ í dasi idɔ hai tako.

Efɛɛzu 1:4

Ilaaɔ̃ í cica wa tã hai waati iyi kù taka andunya ka jɛ titɛɛ si anu akã nwa do Kirisi, nɔ ka jɛ inɛ kumá ŋa ka maà nɛ taale kãma bi tɛɛ.

Efɛɛzu 1:9

Nɔ í jɔ̀ a mà asii iyi nŋu takaɛ í dasi idɔ ku ce hai tako si Kirisi.

Efɛɛzu 3:1

Na saabui iyi ihɛ̃i amu Pɔlu ǹ wa n ce kutɔɔ, amu iyi ǹ wa piisɔ̃ɔ si na iyi í jɔ̀ ǹ wa n ce icɛi Kirisi na irii iŋɛ dimi mmu ŋa.

Timɔtee 2, 1:9

Nŋui í faaba wa nɔ í kpe wa ka jɛ inɛɛ ŋa. Kù jɛ na icɛ nwa ŋa iyi à ce, amma si na iyi í jɔ̀ nŋu takaɛ í bi bɛɛbɛi na didɔ̃ɛ. Didɔ̃ɛu í jilɛ nwai hai tako tako na anu akã nwa iyi à ce do Jesu Kirisi.