Efɛɛzu 3:10 - Bibeli do fee

¹⁰ ku ba inɛ ngboi lele ŋa do ilu yiikoi lele ŋa a mà yaasei bisiɛ do saabui igbɛi inɛi Jesu ŋa si waatiu ihɛ̃.

Efɛɛzu 3:10 Iomraidhean Croise

Iri ku kɔ̃ 103:20

I cĩ Aɔ̃ Lafɛ̃ɛ ŋa, iŋɛ amaleka ilu gbugbãɛ ŋa. Iŋɛi ì ya gbɔ ideɛ nɔ i ya ceò icɛ ŋa.

Iri ku kɔ̃ 104:24

Aɔ̃ Lafɛ̃ɛ, icɛɛ ŋa a kù nɛ jia, ì ce fei ndɛɛi do laakai. Ilɛ í kɔ̃i do mii ŋa iyi ì taka.

Ezekiɛli 3:12

Ŋɔi hundei Ilaaɔ̃ í dedem hai ilɛ nɔ do anyim ǹ wa n gbɔ ibai anu ku dɔ̃ nla gɔ wa ni, saabu ku jɛ ti Aɔ̃ Lafɛ̃ɛ tengi bii í wa wa nyisiò amboeɛ.

Romu 11:33

Irei ì gbɔ bɛi amanii Ilaaɔ̃ do bisiɛ do kumàɛ í la í to. Inɛ gɔ kaa yɔkɔ ku mà yaasei lasabuɛ. Inɛ gɔ mɔ kù nɔ kù wɛɛ iyi á mà kpãaɛ sãa sãa.

Romu 8:38

domi ǹ mà kãm kãm, nkãma kù wɛɛ iyi á yɔkɔ ku fɛɛfɛ wa do kubiɛ. Baa iku kaa yɔkɔ, walakɔ kuwɛɛ, do amaleka ŋa, do yiikoi lele ŋa do gbugbã mmuɛ ŋa. Mii iyi í ba wa nnyi hee do iyi á na ku ba wa ala fei, kãma nŋa kaa yɔkɔ.

Kɔrɛnti 1, 1:24

Amma bi inɛ ŋa iyi Ilaaɔ̃ í kpe, baa bii à jɛ Zuifu walakɔ dimi mmu ŋa, Kirisii í jɛ gbugbãi Ilaaɔ̃ do bisiɛ.

Kɔrɛnti 1, 2:7

Aawo, bisii asiii Ilaaɔ̃ iyi í singaa amanɛ ŋai à waa waazo. Bisiu Ilaaɔ̃ í ce sɔɔluɛi hai waati iyi kù taka andunya ku ba ka kpɛ̃ amboeɛ do nŋu takaɛ ajɔ.

Efɛɛzu 1:21

Bɛi Kirisi í wa í reò ilu irii lele fei do ilu yiiko ŋa do ilu gbugbã ŋa do lafɛ̃ɛ ŋa fei. Nɔ iriɛ í re iri fei si waatiu ihɛ̃ do si waati iyi wa naa.

Efɛɛzu 1:23

Igbɛui í jɛ arai Kirisi. Si igbɛui Kirisi takaɛ í wa nɔ í kɔ̃ dee dee, nŋu iyi í wa bii fei si mii baa yooma fei.

Efɛɛzu 1:3

I jɔ̀ ka saabu Ilaaɔ̃ Baai Lafɛ̃ɛ nwa Jesu Kirisi. Na saabui anu akã nwa do Kirisi, í wee nwa do didɔ̃ ikã ikã iyi Hundeɛ wa mu nwa wa hai lele.

Efɛɛzu 1:8

Didɔ̃ iyi í ce nwa í caa si bɛi í mu nwa bisi nla nla do laakai jiida.

Efɛɛzu 6:12

domi kù jɛ do amanɛ ŋai à waa ja. À waa jai do ilu iri laalɔi lele ŋa do ilu yiiko ŋa, do gbugbãi andunyai ilu kuku ŋau ihɛ̃, do inɛi inɔɔko woo ce icɛi Seetam ŋa.

Kolosee 1:16

Nŋui í taka mii fei, nɔ mii fei í wɛɛi na iriɛ. Na saabuɛi Ilaaɔ̃ í takaò mii fei iyi í wa lele do ilɛ. Mii ŋa iyi à waa yɛ do iyi a kù waa yɛ fei, nŋui í taka ŋa. Hai gbugbãi lele ŋa do ilu iri ŋa do ilu yiiko ŋa do ilu gbugbã ŋa fei icɛi awɔɛi.

Kolosee 2:10

Nɔ iŋɛ mɔ ì kɔ̃ ŋa do saabui anu akã nŋɛ do nŋu, nŋu iyi í jɛ inɛ ngboi gbugbãi lele ŋa do ilu yiiko ŋa fei.

Kolosee 2:15

Bɛɛbɛi í kãmiaò gbugbãi lele ŋa do ilu yiiko ŋa í dasi ŋa anyɔ si bantuma. Do ikui Amaɛ si antaii jĩi ku gaauui í kãmiaò ŋa nɔ wa dabiiò ŋa si inɔ ilu bɛi ilaalu ŋa à ya dabiiò inɛ ŋa iyi à mu wa hai si igũ, zamaa fei ku yɛ ŋa.

Timɔtee 1, 3:16

Do ntɔ, inɛ gɔ kù wɛɛ iyi á yɔkɔ ku jã kulai asiii kpãai Ilaaɔ̃ ku tɔɔ nwa. Kirisi í baa í jɛ amanɛ nɔ à yɔɔ, nɔ Hundei Ilaaɔ̃ í jɔ̀ à mà iyi inɛ dee deei. Amaleka ŋa mɔ à yɔɔ. Inɛ ŋa à waazo ideɛ si dimi baa yooma fei. Nɔ à dasi ideɛ naanɛ si andunya. Nɔ à soo lele í nyi si amboeɛ.

Piɛɛ 1, 1:12

Ilaaɔ̃ í sisia walii ŋau í ni ide iyi nŋu í sɔ̃ ŋau kù jɛ ti aŋa taka nŋa, tu ŋɛi. Nsɛi woo sisi laabaau jiida ŋau à waazo nŋɛ nɔ ì gbɔ ideu ŋa. À fɔ idei do gbugbãi Hundei Ilaaɔ̃ iyi Ilaaɔ̃ í bɛ wa hai lele. Nɔ amaleka ŋau taka nŋa à waa bi a mà yaasei ideu.

Piɛɛ 1, 3:22

nŋu iyi í bɔ lele nɔ wa buba si awɔ njɛi Ilaaɔ̃. Bɛi amaleka ŋa do ilu yiikoi lele ŋa do ilu gbugbã ŋa à waa sũaa iri ilɛ.