Efɛɛzu 3:1 - Bibeli do fee

¹ Na saabui iyi ihɛ̃i amu Pɔlu ǹ wa n ce kutɔɔ, amu iyi ǹ wa piisɔ̃ɔ si na iyi í jɔ̀ ǹ wa n ce icɛi Kirisi na irii iŋɛ dimi mmu ŋa.

Efɛɛzu 3:1 Iomraidhean Croise

Luku 21:12

Amma hee nŋu ŋau bɛ fei ku maa ce aa mu ŋɛ a kpã ŋɛ iju. Aa dasi ŋɛ awɔi woo kiiti ŋa ile bii à ya ce kutɔtɔɔ ŋa, aa dasi ŋɛ piisɔ̃ɔ, nɔ a bɔò ŋɛ bi amanlu ŋa do bi ilu ilɛ ŋa na irim.

Woo bɛ ŋa 21:33

Ŋɔi inɛ ngboi igũu í bɔ bi Pɔlu í muu nɔ í ni a dũu do sesee minji. Nɔ í bee ŋa í ni, yooi. Mii í ce.

Woo bɛ ŋa 23:18

Ŋɔi inɛ ngboi sooge ŋau í bɔò awaasũu bi inɛ ngboi igũu, nɔ í sɔ̃ɔ í ni, Pɔlu inɛi piisɔ̃ɔu í kpem nɔ í tɔɔm n naaò awaasũu ihɛ̃ wa bi titɛɛ, domi wa bi ku sɔ̃ɛ ide gɔ.

Woo bɛ ŋa 26:29

Ŋɔi Pɔlu í jɛaa í ni, ǹ wa n tɔɔ Ilaaɔ̃ ku jɔ̀ i yɛ bɛi amu, bii á ce nsɛi, bii í nɔ í jɛ á kpɛ mɔi. Ku maà jɛ baa awɔ akã, amma hee do inɛ ŋa iyi à waa de itĩ si idem nnyiu ihɛ̃ fei. Ǹ bi iŋɛ mɔ i yɛ bɛi amu amma ku maà jɛ a da nŋɛ si kpɛmkpɛm bɛi à daam siu ihɛ̃.

Woo bɛ ŋa 9:15

Amma Lafɛ̃ɛ í sɔ̃ɔ í ni, koo, domi ǹ cica inɛɛu bɛi ku jɛ woo ce icɛm ku fɔ laabaaui irim bi dimi mmu ŋa do bi ilaalu nŋa ŋa do bi inɛi Izirɛli ŋa.

Kɔrɛnti 2, 1:6

Bii à yɛ ijuukpã, na iri nŋɛi, ku ba i ba faaba ŋa nɔ Ilaaɔ̃ ku tũ idɔ nŋɛ. Bii Ilaaɔ̃ í nɔ í tũ idɔ nwa, na iri nŋɛi, iŋɛ mɔ i temua ŋa do ijuukpã dimi akã do iyi à waa yɛu, nɔ idɔi iŋɛ mɔ ku tũ.

Kɔrɛnti 2, 10:1

Amu Pɔlu, amu takam nii ǹ wa n fãa ŋɛ, amu iyi à ni ǹ ya n kaye aram bii ǹ wa bi tu ŋɛ, bii ǹ jĩò ŋɛ nɔ n ba ŋɛ ide ku fɔ do kulele. Amma do daa didɔ̃i Kirisi do jiida ku jɛɛi ǹ wa n tɔɔ ŋɛ

Kɔrɛnti 2, 11:23

À jɛ woo ce icɛi Kirisi ŋai? Ǹ re ŋa si bɛ. Idem nɔu, idei sũmui. Ǹ ce icɛ ǹ re ŋa, à dasim piisɔ̃ɔ í re ŋa, à tɛɛm kpɔtɔɔ n kù mà baa jiaɛ. Isɛ nkpɔ nkpɔi ǹ maai iku.

Galati 5:11

Iŋɛ inɛm ŋa, bii í jɛ amu takam ǹ wa n waazo hee nsɛi ǹ ni inɛ ŋa a ce bangoi, na mii í ce à ya maa kpãm iju. Bii í jɛ bɛɛbɛ mɔm nii ǹ wa n ce, ikui Jesu si jĩi kàa jɛa inɛ ŋa bi ku koosɛ.

Galati 5:2

I de itĩ i gbɔ. Amu Pɔlui ǹ wa n sɔ̃ ŋɛ ideu ihɛ̃. Bii ì jɔ̀ à dasi ŋɛ bango, icɛi Kirisi kù nɛ aranfãani kãma bi tu ŋɛ.

Galati 5:24

Nɔ inɛ ŋa iyi à jɛ ti Jesu Kirisi í yɛ bɛi à kpa kucei daai ara nŋa si jĩi ku gaauu, do binɛɛ do kubiɛ fei.

Efɛɛzu 3:11

Bɛɛbɛi í ce í jilɛò ide iyi wa ce, í bɛi í takaò andunya, nɔ í kpa iriɛ si Jesu Kirisi Lafɛ̃ɛ nwa.

Efɛɛzu 3:13

Na nŋu, ǹ wa n tɔɔ ŋɛ i maà mɔngɔ temua ŋa na ijuukpã iyi ǹ wa n yɛ na iri nŋɛ, domi ijuukpãu, nŋui á jɔ̀ i nɛ bɛɛrɛ ŋa ntɔ ntɔ.

Efɛɛzu 3:8

Amu iyi ǹ jɛ keekei woo dasi Jesu naanɛ ŋa fei, amui Ilaaɔ̃ í cea didɔ̃ n sisia dimi mmu ŋa laabaau jiida nɔ n sɔ̃ ŋa bɛi didɔ̃i Kirisi í la í to nɔ í re kumà nwa.

Efɛɛzu 4:1

Na nŋu, amu iyi ǹ wa piisɔ̃ɔ si na iyi í jɔ̀ ǹ wa n ce icɛi Lafɛ̃ɛ, ǹ wa n tɔɔ ŋɛ i maa nɛ dee dee si bɛi í jɔ inɛ ŋa iyi Ilaaɔ̃ í kpe à ya nɛ.

Efɛɛzu 6:20

Na irii ideui ǹ jɛ woo bɛi Ilaaɔ̃ baa do iyi ǹ wa piisɔ̃ɔ si nsɛi. Na nŋu, i ce kutɔɔ ku ba n yɔkɔ n sisi ideu do wɔɔkɔ bɛi á sĩa.

Filipi 1:7

Nɔ í sĩa n ce lasabu nŋɛ bɛɛbɛ, domi ǹ nɛ kubi nŋɛ si idɔm. Ntɔ ntɔ, ì ya bam icɛ ku ce ŋa ile piisɔ̃ɔ ihɛ̃ do waati iyi ǹ nɛ aram wo ǹ ya n maa n sisi laabaau jiidau ku ba ku nɛ gbugbã ku maa koo nɔ ǹ ya n maa n jabu na iriɛ.

Kolosee 1:24

Nsɛi ǹ ya n nɛ inɔ didɔ̃ si ijuukpã iyi ǹ wa n yɛ na iri nŋɛ. Nɔ mii iyi í gaizia si wahala ŋa iyi Kirisi í nɛ ku yɛ, amui an tambɔɛ si aram na araɛ iyi í jɛ igbɛu.

Kolosee 4:18

Fɔɔu ihɛ̃ amu takam nii ǹ kɔɔ wa. Amui Pɔlu ǹ ce ŋɛ fɔɔ. I maà gbɛjɛ iyi ǹ wa ile piisɔ̃ɔ ŋa. Nɔ didɔ̃i Ilaaɔ̃ ku wa si ŋɛ. Ami.

Kolosee 4:3

Nɔ i ce nwa kutɔɔ ŋa ku ba Ilaaɔ̃ ku fũ nwa kpãa ka waazo ideɛ, ku ba ka yɔkɔ ka sisi asiii Kirisi. Na asiiui ǹ waò piisɔ̃ɔ nsɛi.

Timɔtee 2, 1:16

Ilaaɔ̃ kú ce araarei nyaanzei Onɛzifɔɔ domi í muum gbugbã isɛ fɛɛfɛlo. Kù nɔ kù ce baa anyɔi iyi ǹ wa piisɔ̃ɔ.

Timɔtee 2, 1:8

Na nŋu, maà ti i ce anyɔi sɛɛdai Lafɛ̃ɛ nwa ku jɛ, nɔ i maà ya ce anyɔi amu takam, amu iyi ǹ wa ile piisɔ̃ɔ na iriɛ. Amma jɔ̀ i jɛsi awaɛ ka yɛ ijuukpã ajɔ na irii laabaau jiidau nɔ ka maa nɛò gbugbã iyi Ilaaɔ̃ í mu nwa.

Filemɔɔ 1:1

Amu Pɔlu iyi ǹ wa piisɔ̃ɔ na irii Jesu Kirisi, amu do Timɔtee inɛ nwa à ceɛ tiau ihɛ̃ wai Filemɔɔ, awɔ baakɔɔ nwa do minjisia nwa si icɛu.

Filemɔɔ 1:23

Epafaasi, awaò inɛ iyi à wa ile piisɔ̃ɔ na irii Jesu Kirisiu, í ni n ceɛ fɔɔ.

Filemɔɔ 1:9

do nŋu fei, na kubii í jɔ̀ ǹ wa n tɔɔɛ suuru. Amu Pɔlu, amu iyi ǹ jɛ mɔkɔ ngbo, nɔ wee nsɛi ǹ wa piisɔ̃ɔ na irii Jesu Kirisi,

Kuyɛi Zãa 2:10

I maà ce njo na ijuukpã iyi wa naa si ŋɛ. Seetam á jɔ̀ a dasi inɛ gɔ nŋɛ ŋa piisɔ̃ɔ ku cɔ laakai nŋɛ. Aa yɛ wahala hee ajɔ mɛɛwa ŋa. Amma i jɔ̀ i leekĩ dim dim hee i koo i kuò ŋa. Bii ì ce bɛɛbɛ ŋa an mu nŋɛ kuwɛɛ ku jɛ riba nŋɛ.