Efɛɛzu 2:8 - Bibeli do fee

⁸ Na didɔ̃i Ilaaɔ̃i ì ba faaba ŋa do saabui naanɛ ku dasi. Kù jɛ na himma nŋɛ, amuai Ilaaɔ̃i.

Efɛɛzu 2:8 Iomraidhean Croise

Matie 16:17

Ŋɔi Jesu í ni, Simɔɔ, amai Zãa, awɔ ilu inɔ didɔ̃i. Kù jɛ amanɛi í sɔ̃ɛ, bii kù jɛ Baam iyi í wa lele.

Matie 20:9

Inɛ ŋa iyi à sinti icɛ alɛ zakai isɔ miiu ŋau à naa à gba fiai icɛi ajɔ akã.

Maaku 16:16

Inɛ iyi í dasi naanɛ nɔ í jɔ̀ à dasiɛ inyi á ba faaba, amma inɛ iyi kù dasi naanɛ, Ilaaɔ̃ á yɛ taaleɛ ku kpãa iju.

Luku 7:50

Nɔ Jesu í sɔ̃ abou í ni, naanɛɛi í faabaɛ. Koo nɛ do laakai ku sũ.

Laabaau jiida iyi Zãa í kɔ 3:36

Inɛ iyi í dasi Amau naanɛ fei í nɛ kuwɛɛ hai tã. Inɛ mɔ iyi í kɔ̀ ku dasiɛ naanɛ kaa ba kuwɛɛu, amma idɔɔkɔ̃i Ilaaɔ̃ í wa si irii lafɛ̃ɛ.

Laabaau jiida iyi Zãa í kɔ 4:10

Ŋɔi Jesu í jɛaa í ni, bii ì mà amuai Ilaaɔ̃ wo, nɔ bii ì mà inɛ iyi wa tɔɔɛ inyi ku mɔ, aa tɔɔm nii wo nɔ n muuɛ inyii kuwɛɛ.

Laabaau jiida iyi Zãa í kɔ 5:24

Ntɔ ntɔ ǹ wa n sɔ̃ ŋɛi, inɛ iyi wa gbɔ idem nɔ í dasi inɛ iyi í bɛm wa naanɛ, lafɛ̃ɛ í nɛ kuwɛɛ hai tã. Kaa naa bi ku ce kiiti má, amma í kua iku í lɔ si kuwɛɛi.

Laabaau jiida iyi Zãa í kɔ 6:35

Ŋɔi Jesu í sɔ̃ ŋa í ni, amui ǹ jɛ ijɛi kuwɛɛ. Inɛ iyi í naa bi tom, ari kaa kpa lafɛ̃ɛ má pai, nɔ inɛ iyi í dasim naanɛ, agbɛ kaa kpaa má pai.

Laabaau jiida iyi Zãa í kɔ 6:37

Inɛ ŋa iyi Baaba í nam fei aa naa bi tom, nɔ inɛ iyi í naa bi tom baa bii bɛirei n kaa n nyɔɔ angule.

Laabaau jiida iyi Zãa í kɔ 6:40

Idɔɔbii Baam nii í jɛ inɛ iyi í yɛ amu Ama nɔ í dasim naanɛ fei ku nɛ kuwɛɛ hai tã, an nɔ n jĩ lafɛ̃ɛ hai si balɛ si ajɔi ankãanyi.

Laabaau jiida iyi Zãa í kɔ 6:44

Inɛ gɔ kaa yɔkɔ ku naa bi tom bii kù jɛ Baaba iyi í bɛm wai í fa lafɛ̃ɛ wa. Nɔ inɛ nŋui an jɔ̀ ku jĩ hai si balɛ si ajɔi ankãanyiu.

Laabaau jiida iyi Zãa í kɔ 6:65

Nɔ í ni má, na iyi ihɛ̃i í jɔ̀ ǹ sɔ̃ ŋɛ wo ǹ ni inɛ gɔ kù wɛɛ iyi á naa bi tom bii kù jɛ Ilaaɔ̃ Baabai í jɔ̀ lafɛ̃ɛ í naa.

Woo bɛ ŋa 13:39

Inɛ iyi í dasiɛ naanɛ fei, nŋui á jɔ̀ lafɛ̃ɛ ku jɛ dee dee bi Ilaaɔ̃. Amma woodai Moizi kaa yɔkɔ ku ce bɛɛbɛ.

Woo bɛ ŋa 14:27

Iyi à to Antiɔsi ŋɔi à tɔtɔɔ inɛi igbɛi Jesu ŋa nɔ à sisi nŋa mii iyi Ilaaɔ̃ í cea aŋa fei do si bɛi í ceò kpãa hai jɛ Zuifu ŋa mɔ à dasiò naanɛ.

Woo bɛ ŋa 15:11

À mà iyi na didɔ̃i Lafɛ̃ɛ Jesui awa à baò faaba, nɔ bɛɛbɛ mɔi baa do hai jɛ Zuifu ŋau mɔ.

Woo bɛ ŋa 16:14

Abo gɔ í wa bɛ à ya kpoo Lidi, inɛi Tiatiii, í ya ta acɔi fia nkpɔ nɔ í ya maa jirima Ilaaɔ̃. Iyi à waa ba ŋa ide ku fɔ nɔ wa de itĩ, nɔ Lafɛ̃ɛ í cĩ idɔɛ ku ba ku gbɔ ide iyi Pɔlu wa fɔ.

Woo bɛ ŋa 16:31

Ŋɔi à sɔ̃ɔ à ni, dasi Jesu Lafɛ̃ɛ naanɛ aa ba faaba, awɔ do inɛi kpasɛ̃ɛ ŋa fei.

Romu 10:14

Nɔ bɛirei inɛ ŋa aa ce a tɔɔɛ bii a kù dasiɛ naanɛ. Mà bɛirei aa ce a dasiɛ naanɛ bii a kù gbɔ ideɛ. Nɔ bɛirei aa ce a gbɔ ideɛ bii inɛ gɔ kù ce waazoi ideu.

Romu 10:17

Bɛɛbɛ mɔi naanɛ ku dasi wa naai hai si ide iyi inɛ wa gbɔ. Nɔ ide iyi à waa gbɔu idei Kirisii.

Romu 4:16

Na nŋu, kuwãu, ti inɛ ŋa iyi à dasi naanɛi ku ba ku jɛ amua iyi Ilaaɔ̃ í ce nwa na didɔ̃ɛ nɔ ku jɛ ti dimii Aburahamu fei. Kù jɛ inɛ ŋa iyi à nɛ wooda aŋa akã, amma do inɛ ŋa iyi à dasi naanɛ bɛi Aburahamu, nŋu iyi í jɛ balai awa fei.

Romu 4:5

Amma inɛ iyi í dasi Ilaaɔ̃ naanɛ, nɔ kù dɛ nŋu ku jɛ dee dee na icɛɛ, Ilaaɔ̃ mɔ, nŋu iyi í ya ce ilu dulum ŋa inɛ dee dee, á doo lafɛ̃ɛu amanɛ dee dee na naanɛ ku dasiɛ.

Romu 9:16

Na nŋu, kù jɛ na idɔɔbii inɛ gɔ, kù nɔ kù jɛ na kookaai inɛ gɔ, amma na araarei Ilaaɔ̃i.

Galati 3:14

Kirisi í ce bɛɛbɛi ku ba kuwee iyi Ilaaɔ̃ í weea Aburahamuu kú jɛ ti dimi mmu ŋa na saabui Jesu Kirisi. Nɔ si bɛɛbɛ awa fei aa ka ba Hunde iyi Ilaaɔ̃ í wãò wa na naanɛ ku dasi.

Galati 3:22

Amma kukɔi idei Ilaaɔ̃ wa nyisi iyi inɛ fei í wa si awɔ gbugbãi dulum, ku ba do saabui naanɛ ku dasi, kuwãu ku jɛ ti woo dasi Jesu Kirisi naanɛ ŋa.

Efɛɛzu 1:19

do bɛi gbugbã nlaɛ wa ce icɛ si awa iyi à dasiɛ naanɛ. Gbugbãu, í jɛ akã do gbugbã nla

Efɛɛzu 2:10

Awa icɛi awɔi Ilaaɔ̃i à jɛ. Í taka wai si anu akã nwa do Jesu Kirisi ka ceò icɛ jiida iyi í ce sɔɔluɛ hai ku kpɛ.

Efɛɛzu 2:5

hai waati iyi kurara nwa í ce wa bɛi iku ŋa, Ilaaɔ̃ í mu nwa kuwɛɛ do Kirisi ajɔ. Na didɔ̃ɛi ì baò faaba ŋa.

Filipi 1:29

domi Ilaaɔ̃ í ce nŋɛ didɔ̃ ì dasiò Kirisi naanɛ ŋa, amma kù jɛ baa iyi bɛ nŋu akã, í ce nŋɛ didɔ̃ má ì ya maa yɛò ijuukpã ŋa na iriɛ.

Kolosee 2:12

Ntɔi, si waati iyi à dasi ŋɛ inyi í yɛi bɛi à si ŋɛ do Kirisi. Nɔ à dede ŋɛ do nŋu, si na iyi í jɔ̀ ì naanɛ gbugbãi Ilaaɔ̃ iyi í jũu hai si balɛ ŋa.

Tɛsalonika 2, 1:9

Gbese iyi aa sã nŋa nŋui í jɛ nfe ku ce hee do ajɔ fei. Aa fɛɛfɛ do Lafɛ̃ɛ Jesu do si gbugbã ilu amboeɛ

Ebɛɛ 6:4

Inɛ ŋa iyi à ba inya kumái Ilaaɔ̃ tã, nɔ à tiɛ amuai lele, nɔ à ba ikpɛ̃ si Hundei Ilaaɔ̃,

Piɛɛ 1, 1:5

iŋɛ iyi gbugbãi Ilaaɔ̃ wa degbe do saabui naanɛ ku dasi ku ba i faaba mam mam ŋa. Faabau Ilaaɔ̃ í ce sɔɔluɛ ku nyisi ŋɛ si ajɔi ankãanyiu.