Efɛɛzu 2:6 - Bibeli do fee

⁶ Si anu akã nwa do Kirisi, Ilaaɔ̃ í jĩ wa hai si balɛ ka jɛ bomma lele do Jesu Kirisi ajɔ.

Efɛɛzu 2:6 Iomraidhean Croise

Matie 26:29

An sɔ̃ ŋɛ, hai nnyi n kaa n mɔ atɛ̃ vɛ̃ɛ má í gbe hee ajɔ iyi awaɛ ŋa fei aa ka mɔ vɛ̃ɛ titɔ̃ si bommai Baam.

Luku 12:37

Woo ce icɛ ilu inɔ didɔ̃ ŋai, inɛ ŋa iyi lafɛ̃ɛ nŋau á na ku ba à cɔ kpãa à waa degbe ku toɛ wa. Ntɔ ntɔ ǹ wa n sɔ̃ ŋɛ, nŋu takaɛ á dĩ gbankili nɔ ku jɔ̀ a buba nɔ ku na ku kpɛ̃ nŋa ijɛ.

Laabaau jiida iyi Zãa í kɔ 12:26

Inɛ iyi í wɛɛ na irim ku toom wa. Nɔ bii ǹ wa, bɛi lafɛ̃ɛ mɔ á wa. Bii inɛ gɔ í wɛɛ na irim, Baam á cea lafɛ̃ɛ bɛɛrɛ.

Laabaau jiida iyi Zãa í kɔ 14:3

Bii ǹ koo ǹ ce nŋɛ bi kuwa ǹ tã an nyi wa má, n naa n gbã ŋɛ n bɔò ŋɛ bi tom ku ba iŋɛ mɔ i wa bii ǹ wa.

Efɛɛzu 1:1

Amui Pɔlu amu iyi ǹ jɛ woo bɛi Jesu Kirisi do idɔɔbii Ilaaɔ̃. Iŋɛ inɛi Efɛɛzu ŋa, iŋɛ iyi ì waa temua si anu akã nŋɛ do Jesu Kirisi ŋa, ǹ wa n ce ŋɛ fɔɔ, iŋɛ iyi Ilaaɔ̃ í cicau.

Efɛɛzu 1:3

I jɔ̀ ka saabu Ilaaɔ̃ Baai Lafɛ̃ɛ nwa Jesu Kirisi. Na saabui anu akã nwa do Kirisi, í wee nwa do didɔ̃ ikã ikã iyi Hundeɛ wa mu nwa wa hai lele.

Efɛɛzu 2:10

Awa icɛi awɔi Ilaaɔ̃i à jɛ. Í taka wai si anu akã nwa do Jesu Kirisi ka ceò icɛ jiida iyi í ce sɔɔluɛ hai ku kpɛ.

Efɛɛzu 2:13

Amma nsɛi iyi ì nɛ anu akã do Jesu Kirisi ŋa, iŋɛ iyi ì tako ì wa í jĩ ŋa, wee nsɛi ì ce amɛɛ do Ilaaɔ̃ ŋa do saabui njɛi Kirisi.

Kolosee 1:18

Igbɛɛ í yɛi bɛi ara, nɔ nŋu mɔi í jɛ iri. Nŋui í jɛ icui kuwɛɛ, nɔ nŋu mɔi í tako í jĩ hai si balɛ, ku ba ku jɛ sinte si mii fei.