Efɛɛzu 2:4 - Bibeli do fee

⁴ Amma araarei Ilaaɔ̃ í la. Na kubi nlaɛ iyi í bi wa,

Efɛɛzu 2:4 Iomraidhean Croise

Neemi 9:17

À kɔ̀ ku jirimaɛ nɔ à gbɛjɛ maamaake ŋa iyi ì ce na iri nŋa. Ŋɔi à so ide ku kɔ̀ nɔ si ide hai jɛ nŋau à cicaa ara nŋa inɛ ngbo ku ba a nyi si icɛi aru nŋa. Amma do nŋu fei, i kù fũsi ŋa awɔ domi ì ya cea inɛ suuru, ì jɛ ilu inɔ akã, nɔ ì nɛ araare. Idɔɛ ci ya kɔ̃ gbãa gbãa nɔ jiida ku jɛɛ kù nɛ kɔɔ.

Iri ku kɔ̃ 145:8

Aɔ̃ Lafɛ̃ɛ, ì jɛ ilu araare, nɔ ì ya cea inɛ didɔ̃. Ì nɛ temua, nɔ jiida ku jɛɛ í la.

Iri ku kɔ̃ 51:1

Iriu ihɛ̃ ti inɛ ngboi woo kɔ̃ iri ŋai do Davidi.

Iri ku kɔ̃ 86:15

Aɔ̃ Lafɛ̃ɛ, awɔi ì jɛ ilu araare nɔ ì ya cea inɛ didɔ̃. Idɔɛ ci ya saasa ku kɔ̃ amma jiida ku jɛɛ do dee dee ku jɛɛ í la.

Iri ku kɔ̃ 86:5

Awɔ Aɔ̃ Lafɛ̃ɛ ì jɛ inɛ jiida do ilu suuru. Jiida ku jɛɛ í la í caa bi inɛ ŋa iyi à waa kpeɛ.

Kufita 33:19

Nɔ Aɔ̃ Lafɛ̃ɛ í jɛaa í ni, an naa si wajuɛ n nyisiɛò jiida ku jɛm fei, nɔ n sɔ̃ɛ iyi irim nii Aɔ̃ Lafɛ̃ɛ. Inɛ iyi ǹ cica n cea didɔ̃, lafɛ̃ɛi an cea didɔ̃, nɔ inɛ iyi ǹ cica n ce araareɛ, araarei lafɛ̃ɛi an ce.

Ezai 63:7

An fɔ idei jiida ŋa iyi Aɔ̃ Lafɛ̃ɛ í ce si kubiɛ do kuceɛ ŋa iyi í to saabu, na jiida ŋa iyi í ce nwa fei, do na jiida nla nlaɛ iyi í cea inɛi Izirɛli ŋa, do jiida iyi í ce nŋa na araareɛ do si kubi nlaɛ.

Zeremi 31:3

Ŋɔi zamaau í ni, hai jĩijĩi Aɔ̃ Lafɛ̃ɛ í naa í nyisim araɛ. Nɔ Aɔ̃ Lafɛ̃ɛ takaɛ mɔ í ni, ǹ nɛ kubiɛi hai ku kpɛ, nɔ hee do ajɔ feii. Na ŋɔi í jɔ̀ an maa wɛɛ do awɔ, nɔ n nyisiɛ jiida ku jɛm.

Daniɛli 9:9

Ilaaɔ̃ Lafɛ̃ɛ nwa, awɔi ì ya ce araare do suuru, domi awa à ce ide ku kɔ̀ si wajuɛ.

Zonasi 4:2

Nɔ í sɔ̃ Aɔ̃ Lafɛ̃ɛ í ni, mii ŋa iyi ǹ wa n yɛ mbɛ waati iyi ǹ wa ilɛi idem, ŋɔi í jɔ̀ ǹ sa gbãa gbãa ǹ nɛ ikpa Taasi. Ǹ mà iyi awɔ ilu araarei, idɔɛ ci ya saasa ku kɔ̃ nɔ jiida kú jɛɛ í caa, nɔ idei laalɔ iyi ì dasi idɔ i cea amanɛ ì ya kpaa mái.

Luku 1:78

Ntɔ ntɔ, araarei Ilaaɔ̃ Lafɛ̃ɛ nwa í lá si wa. Na saabui araareɛui í jɔ̀ inya kumá í naa si wa hai lele bɛi nunui daakɔ,

Romu 10:12

Bɛɛbɛi inɛ gɔ kù jɛ ikã, hai Zuifu ŋa hee ku bɔ do dimi mmu ŋa fei. Aŋa fei Lafɛ̃ɛ akãi à nɛ. Inɛ ŋa iyi à waa tɔɔɛ fei í ya ce nŋa jiida ntɔ ntɔ.

Romu 2:4

Mà ì donda kulai jiida ku jɛɛ do temuaɛ do suuru ku nɛɛi. I kù mà iyi jiida ku jɛi Ilaaɔ̃ í mɔsi wa koo si gãmɛɛ ku ba i kpaasi idɔɛ?

Romu 5:8

Amma Ilaaɔ̃ í nyisi wa kubi nlaɛ domi waati iyi à jɛ ilu dulum ŋa Kirisi í ku na iri nwa.

Romu 9:23

Inɛ gɔ ŋa mɔ í bi ku nyisi ŋa bɛi amboeɛ í la í to. Aŋai í ce araare nŋa nɔ í ce sɔɔlu nŋa hai ku kpɛ a nɛ ikpɛ̃ si amboeɛ.

Efɛɛzu 1:7

Do saabui njɛi Jesui Ilaaɔ̃ í ya wa nɔ í kpa idei dulum du wa si didɔ̃ nlaɛ iyi í nyisi wa.

Efɛɛzu 2:7

Í ce bɛɛbɛi ku ba ku nyisi didɔ̃ nla hai nɛ kɔɔɛ si jiida ku jɛɛ iyi í ce nwa do saabui Jesu Kirisi hee do ajɔ fei.

Efɛɛzu 3:8

Amu iyi ǹ jɛ keekei woo dasi Jesu naanɛ ŋa fei, amui Ilaaɔ̃ í cea didɔ̃ n sisia dimi mmu ŋa laabaau jiida nɔ n sɔ̃ ŋa bɛi didɔ̃i Kirisi í la í to nɔ í re kumà nwa.

Tɛsalonika 2, 2:13

Iŋɛ inɛ nwa ŋa, iŋɛ iyi Lafɛ̃ɛ í bi, à nɛ ka ya maa saabu Ilaaɔ̃i waati kãma fei na iri nŋɛ, domi Ilaaɔ̃ í cica ŋɛ hai sinteɛ i baò faaba ŋa do gbugbãi Hundeɛ, do naanɛ nŋɛ iyi ì nɛ si ntɔu ŋa. Hundeui í jɔ̀ ì jɛ inɛ kumá ŋa.

Timɔtee 1, 1:14

Nɔ wee didɔ̃i Lafɛ̃ɛ nwa í caa sim, nɔ í jɔ̀ ǹ dasiɛ naanɛ nɔ ǹ nɛ kubii inɛ ŋa.

Timɔtee 2, 1:9

Nŋui í faaba wa nɔ í kpe wa ka jɛ inɛɛ ŋa. Kù jɛ na icɛ nwa ŋa iyi à ce, amma si na iyi í jɔ̀ nŋu takaɛ í bi bɛɛbɛi na didɔ̃ɛ. Didɔ̃ɛu í jilɛ nwai hai tako tako na anu akã nwa iyi à ce do Jesu Kirisi.

Piɛɛ 1, 1:3

Ka saabu Ilaaɔ̃ Baai Lafɛ̃ɛ nwa Jesu Kirisi. Si araare nlaɛ, í jɔ̀ kujĩi Jesu Kirisi wa hai si balɛ í bí wa isɛ gbeejisia. Si bɛɛbɛ í mu nwa kpãa ku cɔ iyi í jɛ ti kuwɛɛ.