Efɛɛzu 2:3 - Bibeli do fee

³ Ntɔi, awa fei à tako à yɛi wo bɛi aŋa mɔ. Binɛ nwai wa nɛò wa, nɔ à waa ce mii iyi awa taka nwa à bi do iyi à waa lasabu. À yɛi wo bɛi inɛi andunya ŋa iyi à gbe fei iyi aa na a yɛ idɔɔkɔ̃i Ilaaɔ̃.

Efɛɛzu 2:3 Iomraidhean Croise

Kusintii Andunya 5:3

Iyi Adamu í ce adɔ̃ cifaò fɛɛwa (130), nɔ í bí ama inɛmɔkɔ iyi í jɔ nŋu takaɛ nɔ í sɔɔ Sɛti.

Kusintii Andunya 6:5

Aɔ̃ Lafɛ̃ɛ í yɛ inɔ kukãi amanɛ ŋa í la í caa si ilɛ, lasabui idɔ nŋa ajɔ fei si laalɔ nŋu akãi í ya wa.

Kusintii Andunya 8:21

Ŋɔi Aɔ̃ Lafɛ̃ɛ í gbɔ inunu didɔ̃ nɔ í ni si idɔɛ, n kaa n ceekpe ilɛ na irii amanɛ ŋa má domi lasabui idɔi amanɛ ŋa í jɛ laalɔ hai keeke nŋa. N kaa n kpa irii andunya fei bɛi ǹ ceu bɛ má.

Zɔɔbu 14:4

Yooi á yɔkɔ ku nya mii iyi í maaju hai si iyi kù maaju. Kù wɛɛ baa inɛ akã.

Zɔɔbu 25:4

Bɛirei amanɛ á ce ku nɛ ntɔ si Ilaaɔ̃. Bɛirei amanɛ á ce ku má si wajui Ilaaɔ̃.

Iri ku kɔ̃ 51:5

Ǹ mà kuraram ŋa, nɔ dulum dom í ya wai si wajum.

Ezai 53:6

Awa fei à nyɔi wo à waa dabii bɛi mɛɛmu gaa ŋa. Waati bɛɛbɛ, inɛ fei í mu kpãaɛi, nɔ Aɔ̃ Lafɛ̃ɛ í jɔ̀ kurarai awa fei í baa siɛ.

Maaku 4:19

amma lasabu bututui mii ŋa wa bitandi ŋa. Fia ku bi wa dĩ iju nŋa nɔ à nɛ kɔdɛɛi mii nkpɔ. Mii ŋau bɛi wa ganji ideu ku ce icɛ si ŋa.

Laabaau jiida iyi Zãa í kɔ 1:13

A kù jɛ amai Ilaaɔ̃ ŋa do yaase bɛi à ya ce a bíò amu ŋa si andunya. Kù jɛ do idɔɔbii amanɛ ŋa, ti Ilaaɔ̃i.

Laabaau jiida iyi Zãa í kɔ 8:44

Seetam nii í jɛ baa nŋɛ, nɔ ì waa bi i ce idɔɔbii baa nŋɛu. Hai sinte woo kpa inɛi. Kù waa leekĩ si kpãai ntɔ domi ntɔ kù wa siɛ. Bii wa sɔ ibo, í ya maa fɔi bɛi nŋu takaɛ í yɛ domi ilu iboi, nɔ baai ilu ibo feii.

Woo bɛ ŋa 14:16

Tako wo í jɔ̀ dimi fei wa too kpãa iyi í bi.

Romu 1:24

Na ŋɔi í jɔ̀ Ilaaɔ̃ í fũsi ŋa awɔ ku ba a hanya a ce daa sãmi aŋa duusɔ̃ɔ si bɛi idɔ nŋa í bi. Daa sãmiu á jɔ̀ a cã anyi.

Romu 11:30

Tako wo ì donda Ilaaɔ̃ ŋa, amma nsɛi Ilaaɔ̃ í too si ide hai gbɔi Zuifu ŋau í ceò araare nŋɛ.

Romu 13:14

Amma i so daa titɔ̃i Jesu Kirisi Lafɛ̃ɛ nwa, nɔ i maà jɔ̀ daai iŋɛ taka nŋɛ ku maa nɛò ŋɛ i maa ceò binɛ má ŋa.

Romu 2:14

Waati iyi dimi mmu ŋa, aŋa iyi a kù mà wooda, à waa ce mii iyi wa fɔ do idɔɔbi nŋa, iyi bɛ wa nyisi iyi woodau í wa si idɔ nŋa.

Romu 5:10

Waati iyi à jɛ mbɛɛi Ilaaɔ̃, í jɔ̀ à dɔ̃ do nŋu na ikui Amaɛ. Na nŋu nsɛi, si bɛi à dɔ̃ do nŋu, sika kãma kù wa si á nyi ku faaba wa má na kuwɛɛi Amau.

Romu 5:9

Nsɛi, si na iyi í jɔ̀ njɛi Kirisi í jɔ̀ Ilaaɔ̃ í ce wa inɛ dee dee ŋa, kù nɛ sika kãma á faaba wa hai si idɔɔkɔ̃ɛ iyi á naa.

Romu 6:12

Na nŋu, i maà jɔ̀ dulum ku jɛ bomma si ara nŋɛ má, i maà ti i jɔ̀ kɔdɛɛi arau ku kãmia ŋɛ má.

Romu 7:18

Ǹ mà sãa sãa iyi mii jiida kãma kù wa sim, waatɔ daam nii ǹ wa n fãa, domi waati kãma fei ǹ ya n maa n bi jiida ku ce, amma kuceɛi n ci ya n yɔkɔ.

Romu 9:22

To, yaaseu bɛ wa nyisi mii iyi Ilaaɔ̃ í ce. Í bi ku nyisi inɛ gɔ ŋa idɔɔkɔ̃ nlaɛ do gbugbãɛ. Amma í temuai titã do inɛ ŋa iyi idɔɛ í kɔ̃ siu, aŋa iyi à yɛ bɛi caka ŋa iyi aa nyɔu.

Kɔrɛnti 1, 4:7

Ì tamaa ì tia inɛ gɔ ŋai? Mii ì nɛ ŋa iyi Ilaaɔ̃ kù mu nŋɛ. Mà i kù mà ŋa iyi nŋui í mu nŋɛ fei ndɛɛ. To, na mii í ce ì waa tɔɔ fufu ŋa bɛi inɛ ŋa iyi à ba do ara nŋa.

Kɔrɛnti 2, 7:1

Baakɔɔm ŋa, kuwãu ihɛ̃ fei tu wai. Na nŋu, ka jɔ̀ idɔ nwa ku má sãa sãa si mii fei ku ba ara nwa do idɔ nwa ku maà nɛ taale kãma, nɔ kumá nwa ku kɔ̃ si Ilaaɔ̃ nɔ ka mà bɛɛrɛɛ.

Galati 3:22

Amma kukɔi idei Ilaaɔ̃ wa nyisi iyi inɛ fei í wa si awɔ gbugbãi dulum, ku ba do saabui naanɛ ku dasi, kuwãu ku jɛ ti woo dasi Jesu Kirisi naanɛ ŋa.

Efɛɛzu 2:2

Waati bɛɛbɛ, kpãa laalɔi inɛi andunya ŋai ì ya maa too si ŋa, nɔ ì ya maa jirima Seetam, ilaalui ilu gbugbãi lele ŋa. Ilaaluu nŋui í jɛ hunde iyi wa ce icɛ hee nsɛi si idɔi inɛ ŋa iyi a kù waa jirima idei Ilaaɔ̃.

Efɛɛzu 4:22

Na nŋu, i jɔ̀ daa nwo nŋɛ ŋa iyi wa nɛ̀ò kuwɛɛ nŋɛ wo, domi kubii daa nwo nŋɛ ŋaui wa dĩ iju nŋɛ nɔ wa bɔò ŋɛ nfe ku ce.

Kolosee 1:21

Iŋɛ mɔ, baa do iyi ì jĩò Ilaaɔ̃ ŋa wo, nɔ lasabu laalɔ nŋɛ do kuce laalɔ nŋɛ ŋa à jɔ̀ ì jɛ mbɛɛɛ ŋa,

Tɛsalonika 1, 4:13

Iŋɛ inɛ nwa ŋa, a kù bi i wɛɛ hai mà yaase iyi í jɛ ti inɛ ŋa iyi à ku ŋa, ku ba i maà nɛ inɔ kufɔ, bɛi inɛ ŋa iyi à gbe, aŋa iyi a kù nɛ kpãa gɔ iyi à waa cɔ.

Tɛsalonika 1, 5:6

Na nŋu, ka maà sĩ njoo bɛi inɛ ŋa iyi à gbe, amma í sĩa ka wɔ njoo ka maa ceò laakaii ara nwa.

Timɔtee 1, 6:9

Amma inɛ ŋa iyi à waa bi aŋa a jɛ ilu fia nla, à ya dasi kulɛlɛi, nɔ binɛ laalɔ nkpɔ nkpɔ hai nɛ yaase a mu ŋa bɛi cɛkũm ku jɔ̀ a dasi nfe ku ce.

Titee 3:3

Í sĩa ka ce bɛɛbɛ domi tako wo awa mɔ à yɛi bɛi inɛ ŋa iyi à gbe. A kù nɛ yaase, a ci ya ka jirima Ilaaɔ̃, à ya ka maa ce kurara. Kɔdɛɛi andunya baa yooma fei do faayi ŋai à waa nɛò wa. À waa ce kuwɛɛ nwa do inɔ sãmi do binɛ. À jɛ inɛ laalɔ ŋa nɔ à cé njɛ.

Piɛɛ 1, 1:14

I jɔ̀ i jɛ bɛi amu ŋa iyi à ya gbɔ ide nɔ i maà ti i jɔ̀ kɔdɛɛ iyi ì ya tako i maa ce ŋa wo si waati iyi i kù mà ngɔgɔ ŋa ku maa nɛò ŋɛ.

Piɛɛ 2, 2:14

Iju nŋa fei si abo kaafe ŋai í ya wa, dulum ci ya to ŋa. À ya mu inɛ ŋa iyi a kù waa leekĩ dim dim do taa. Idɔ nŋa í nɛ dɔ̃ɔnɛi binɛ. Ilaaɔ̃ í ceekpe ŋa.

Piɛɛ 2, 2:18

À waa fɔ idei fufu ku tɔɔ iyi kù nɛ iri. À waa fa inɛ gɔ ŋa do binɛ ikã ikãi mii iyi lafɛ̃ɛ ŋa à nɛ si idɔ nŋa ŋa ku ba a mu ŋa do taa. Inɛ ŋau, do wahalai à ba à gbã wa hai bi inɛ ŋa iyi à wa si kurarau.

Zãa 1, 2:16

domi mii iyi í wa si andunya fei, hai kubi nfe nfei amanɛ, do kɔdɛɛi mii iyi iju wa yɛ, hee do faau ku ce, gɔgɔɛ gɔ kù waa naa hai bi Baaba, bii kù jɛ hai si andunya.

Zãa 1, 2:8

Do nŋu fei, wooda iyi ǹ wa n kɔ nŋɛu ihɛ̃, inɛ nŋu wooda titɔ̃i, nɔ à waa yɛ ntɔɛi si Kirisi do si iŋɛ taka nŋɛ, domi ilu kuku wa sɛkɛɛ, nɔ inya kumá ntɔ wa daana.