Efɛɛzu 2:20 - Bibeli do fee

²⁰ Iŋɛ mɔ ì yɛi bɛi idĩ iyi à ma si antaii icui ile iyi woo bɛ ŋau do walii ŋau à jilɛ. Jesu Kirisi takaɛi í jɛ kuta sintei icui ileu.

Efɛɛzu 2:20 Iomraidhean Croise

Ilaalu 1, 7:11

Si antaii icuui à lesi kuta jiida kusĩa ŋa iyi à gbe si bɛi kusɔ nŋa í nɛ ku jɛu nɔ à kpa iriɛ do kpatakui jĩi ndii sɛɛdi ŋa.

Iri ku kɔ̃ 118:22

Kuta iyi woo ma ŋau à kɔ̀siu, nŋui í baa í jɛ kuta ku nɛ gbugbãi gontai icui ileu.

Mɔnda ŋa 9:1

Laakai í gbe sɔbe mɛɛje, nɔ í ma si ileɛ.

Ezai 28:16

Na ŋɔi í jɔ̀ Aɔ̃ Lafɛ̃ɛ í fɔ í ni, an jilɛ kutai icui ile Siɔ̃ɔ. Kutai iyi an jilɛò icui ileu kuta ku nɛ bɛɛrɛ gɔi iyi í nɛ gbugbã ntɔ ntɔ. Do nŋui an cɔò laakai nŋɛ. Inɛ iyi í dasim naanɛ, bɛɛbɛi nŋu mɔ á nɛ gbugbã dim dim.

Zakari 10:4

Hai bi tu ŋai inɛ gɔ á na ku fita. Á nɛ gbugbã bɛi kutai icui ile, nɔ ku leekĩ dim dim bɛi kɛkɛi ilei acɔ. Á yɛi má bɛi bioo iyi à ya bɔò igũ. Hai bi tu ŋa mɔi inɛ ngbo fei á na ku fita.

Matie 16:18

Amui ǹ wa n sɔ̃ɛ iyi awɔ Piɛɛi, waatɔ kuta. Si antaii kutaui an jilɛ igbɛm, nɔ baa iku takaɛ kaa yɔkɔ ku ganji igbɛu.

Matie 21:42

Ŋɔi Jesu í bee ŋa í ni, i kù cio ideu ihɛ̃ si kukɔi idei Ilaaɔ̃ ŋa ba. Í ni, kuta iyi woo ma ŋa à kɔ̀siu nŋui í baa í jɛ kuta sintei icui ileu. Aɔ̃ Lafɛ̃ɛi í coo, nɔ í mu wa biti.

Kɔrɛnti 1, 12:28

Bɛɛbɛi, si igbɛi inɛi Jesu ŋa Ilaaɔ̃ í tako í cica inɛ gɔ ŋa à jɛ woo bɛ ŋa, minjisia walii ŋa, mɛɛtasia mɔ woo kɔ inɛ ŋa si cio. Si anyii nŋu nɔ í cea inɛ gɔ ŋa amuai maamaake ŋa ku ce, inɛ gɔ ŋa mɔ à nɛ amuai bɔ̃ɔ ŋa ku faaba, inɛ gɔ ŋa mɔ à nɛ amuai inɛ ŋa ku sobi, inɛ gɔ ŋa mɔ à nɛ amuai inɛ ŋa ku cuaò, nɔ inɛ gɔ ŋa mɔ aa yɔkɔ a fɔ fee ŋa iyi a kù waa gbɔ.

Galati 2:9

Nɔ Zaaki do Piɛɛ do Zãa, aŋa iyi à jɛ bɛi sɔbe si igbɛi inɛi Jesu ŋa, à yɛ iyi Ilaaɔ̃i í daam icɛu ihɛ̃ si awɔ na didɔ̃ɛ. Ŋɔi à jɛsi ka ce anu akã, amu do Baanabasi ka bɔ bi dimi mmu ŋa nɔ aŋa mɔ a bɔ bi Zuifu ŋa.

Efɛɛzu 3:5

A kù sɔ̃ inɛi tako ŋa asiii ideu, amma nsɛi Ilaaɔ̃ í jɔ̀ Hundeɛ í nyisi woo bɛ do walii kumáɛ ŋa.

Kolosee 2:7

I jɔ̀ icã nŋɛ ku mi siɛ, nɔ i ba gbugbã nŋɛ fei hai bi tɛɛ ŋa. I leekĩ si naanɛ ku dasiu ŋa si bɛi à kɔ nŋɛ si, nɔ i ya saabu si ŋa.

Piɛɛ 1, 2:6

Í sĩa i ce bɛɛbɛ ŋa si na iyi í jɔ̀ si kukɔi idei Ilaaɔ̃ à ni, Ilaaɔ̃ í ni, ǹ cica kuta ilu bɛɛrɛ ǹ jilɔɔ ilui Siɔ̃ɔ bɛi kuta ku nɛ gbugbãi icui ile. Inɛ iyi í dasiɛ naanɛ, kaa yɛ anyɔ.

Kuyɛi Zãa 21:14

À nyɔ icui bindii iluui do kuta maateeji. Si antaiɛi à kɔ irii woo bɛ maateejii ama angudãu.