Efɛɛzu 2:2 - Bibeli do fee

² Waati bɛɛbɛ, kpãa laalɔi inɛi andunya ŋai ì ya maa too si ŋa, nɔ ì ya maa jirima Seetam, ilaalui ilu gbugbãi lele ŋa. Ilaaluu nŋui í jɛ hunde iyi wa ce icɛ hee nsɛi si idɔi inɛ ŋa iyi a kù waa jirima idei Ilaaɔ̃.

Efɛɛzu 2:2 Iomraidhean Croise

Zɔɔbu 1:16

Kù fɔ ideu kù tã, gbakã nɔ inɛ gɔ mɔ í to wa í sɔ̃ Zɔɔbu í ni, lele í jɛ angudãɛ ŋa do woo ce icɛɛ ŋa í jo ŋa fei. Amu akãi ǹ ba ǹ sa wa nɔ ǹ naa ku sɔ̃ɛ.

Zɔɔbu 1:19

ŋɔi fufu nla nla gɔ í dede wa hai do ikpa gbaau í naa í lɛgɛ gonta mɛɛi ile bii à wau nɔ ileu í cuku í bata ŋa, awaasũ ŋau fei à ku. Amu akãi ǹ ba ǹ fita si nɔ ǹ naa ku sɔ̃ɛ.

Zɔɔbu 1:7

Ŋɔi Aɔ̃ Lafɛ̃ɛ í bee Seetam í ni, hai iwoi ì waa naa. Nɔ í jɛaa í ni, ǹ koo ǹ dabii si andunya ǹ kaakoɛ wai.

Zɔɔbu 31:7

Bii í jɛ ǹ yaa hai si woodaɛ ŋa, walakɔ idɔm í lɔ si mii iyi ijum wa yɛ, walakɔ awɔm í ce daa sãmi gɔ,

Iri ku kɔ̃ 17:14

Kpa ŋa do taakuba, nɔ i tambɔ ŋa do awɔɛ. Mii iyi í nɛ ku ba ŋai í jɛ a maà wɛɛ si hunde má. Jɔ̀ a mɔ inyi kuro iyi ì jilɛ nŋa. Jɔ̀ ama nŋa ŋa a mɔɔ hee ku kpa ŋa nɔ a jɔ̀a tɔku nŋa ŋa iyi í gbeu.

Ezai 30:1

Aɔ̃ Lafɛ̃ɛ í ni inɔ kufɔi í jɛ ti ama woo kɔ̀ ide ŋa. Í ni à ya maa ce lasabui mii ŋa iyi kù waa naa hai bi ti nŋu, nɔ à ya maa dĩ akabuu ŋai iyi kù waa naa hai si lasabui nŋu. Do yaase bɛɛbɛ, à ya maa kɔ̃ɔsi dulum nii si antaii dulum.

Ezai 57:4

Yooi ì waa yaako ŋa. Si yooi ì la gɛlɛ nŋɛ nla nla nɔ ì yɔ amɛ ì waa yaakoɛ ŋa. Iŋɛ ama hai jirima inɛ ŋai, nɔ ì jɛ dimii woo sɔ ibo ŋa.

Zeremi 23:10

Ntɔ ntɔ ilɛu í kɔ̃i do inɛ ŋa iyi à sinda à toa Aɔ̃ Lafɛ̃ɛ anyi à koo à waa tɔɔ iwɛ̃ ŋa. Inɔ kufɔi iku í wa si ilɛui na ikpe. Bi ku ce degbe ŋau fei à gbɛ. Laalɔi inɛ ŋa à ya maa sɛi si, nɔ si mii iyi kù jɛ dee deei à ya nɛ himma.

Ozee 10:9

Inɛi Izirɛli ŋau à ce dulum nii hai waati iyi à wa Gibea, nɔ bɛɛbɛi à wɛɛ a kù jɛ ku kpaasi. Na ŋɔi í jɔ̀ igũ á naa si aŋa inɛ laalɔ ŋau Gibea bɛ.

Kuwee 11:16

do taataa, do gbĩgbĩ, do kelenkelen, do katɔ do yɛi ŋa iyi à yɛ bɛɛbɛ fei,

Matie 11:19

Nɔ iyi amu Amai Amanɛ ǹ naa, ǹ ya n jɛ nɔ n maa n mɔ, nɔ inɛ ŋa à ni ǹ bi ijɛ nɔ ǹ jɛ woo mɔ atɛ̃, nɔ ǹ jɛ kpaasii woo gba fiai lɛmpoo ŋa do ilu dulum ŋa. Do nŋu fei, à yɛ iyi bisii Ilaaɔ̃ í jɛ dee dee na icɛ ŋa iyi wa ce.

Matie 13:22

Inɛ mɔ iyi í gba ideu bɛi si ilɛ ku nɛ agũ ŋau, wa gbɔ ideu amma lasabu bututui mii ŋa iyi wa bitandiɛ do fia ku bi iyi wa dĩ ijuɛ, aŋai à ya ganji ideu ku ce icɛ si inɛɛu.

Matie 13:38

Ilɛui í jɛ andunya. Dimi jiidau mɔ, nŋui í jɛ inɛi bommai Ilaaɔ̃ ŋa. Fɔfɔ laalɔu nŋui í jɛ inɛi Seetam ŋa.

Maaku 4:19

amma lasabu bututui mii ŋa wa bitandi ŋa. Fia ku bi wa dĩ iju nŋa nɔ à nɛ kɔdɛɛi mii nkpɔ. Mii ŋau bɛi wa ganji ideu ku ce icɛ si ŋa.

Luku 16:8

Ŋɔi lafɛ̃ɛi amaacɛ hai nɛ naanɛu í gbɔ ideu nɔ í saabuɛ si na iyi í jɔ̀ í yɔɔ iyi í nɛ bisi ntɔ ntɔ. Ŋɔi Jesu í ni, inɛi andunya ŋa à nɛ bisi aŋa duusɔ̃ɔ si kuwɛɛ nŋa à re inɛi inya kumá ŋau.

Luku 22:31

Ŋɔi Jesu í ni, Simɔɔ, Simɔɔ, Seetam í tɔɔ kpãa ku ba ku fɛɛ bɛi iya.

Laabaau jiida iyi Zãa í kɔ 12:31

Nsɛi ajɔ í to wa mbɛ si bii Ilaaɔ̃ á kiiti inɛi andunya ŋa. Bɛbɛii aa lele Seetam ilaalui andunyau.

Laabaau jiida iyi Zãa í kɔ 13:2

Ŋɔi Jesu do mɔcɔɛ ŋa à waa jɛ ajɔ. Wee Seetam í tale si Zudasi Isikariɔti amai Simɔɔu ku zambaɛ tã.

Laabaau jiida iyi Zãa í kɔ 13:27

Hai waati iyi Zudasi í gba pɛ̃ɛu gbakã Seetam í lɔ siɛi. Ŋɔi Jesu í sɔ̃ɔ í ni, mii iyi aa ce, coo do njuma.

Laabaau jiida iyi Zãa í kɔ 14:30

N kaa n ba n sɔ̃ ŋɛ ide nkpɔ má si na iyi í jɔ̀ Seetam ilaalui andunyau wa naa, amma kù nɛ gbugbã kãma sim.

Laabaau jiida iyi Zãa í kɔ 15:19

Bii ì jɛ ti andunya ŋa, tilasi inɛi andunya ŋa aa bi ŋɛi, domi tu ŋai ì jɛ ŋa. Amma amu ǹ cica ŋɛi ǹ nya ŋɛ hai si andunya, nɔ i kù jɛ ti andunya má ŋa. Nŋui í jɔ̀ inɛi andunya ŋa à cé ŋɛ.

Laabaau jiida iyi Zãa í kɔ 16:11

Nɔ á jɔ̀ a mà iyi Ilaaɔ̃ á kiiti inɛ ŋa domi í kiiti Seetam amanlui andunya tã mɔm.

Laabaau jiida iyi Zãa í kɔ 7:7

Inɛi andunya ŋa a kaa yɔkɔ a cé ŋɛ, amma à cé amu domi ǹ ya n ni kookoosu nŋa kù sĩa.

Laabaau jiida iyi Zãa í kɔ 8:23

Nɔ Jesu í ni, hai ilɛ ihɛ̃i iŋɛ ì naa ŋa, amma amu hai lelei Aɔ̃i ǹ naa. Iŋɛ inɛi andunya ŋai, amma amu n kù jɛ inɛi andunya.

Laabaau jiida iyi Zãa í kɔ 8:44

Seetam nii í jɛ baa nŋɛ, nɔ ì waa bi i ce idɔɔbii baa nŋɛu. Hai sinte woo kpa inɛi. Kù waa leekĩ si kpãai ntɔ domi ntɔ kù wa siɛ. Bii wa sɔ ibo, í ya maa fɔi bɛi nŋu takaɛ í yɛ domi ilu iboi, nɔ baai ilu ibo feii.

Woo bɛ ŋa 19:35

Si anyiɛ ŋɔi woo kɔ tiai ilu nŋau í jɔ̀ à coko nɔ í ni, iŋɛ inɛi Efɛɛzu ŋa, yooi kù mà iyi ilu nwai ilei Aritemi ilu bɛɛrɛu í wa, awai à nɔ à waa ceaa icɛ. Nɔ ì mà ŋa hai lelei mii iyi í jɔɔu í cuku wa.

Woo bɛ ŋa 5:3

Iyi í na ŋa fiau ŋɔi Piɛɛ í beeɛ í ni, Ananiasi, bɛirei í ce ì jɔ̀ Seetam í lɔ si idɔɛ hee ì waa sɔa Hundei Ilaaɔ̃ ibo nɔ ì jɔ̀ bubui fiai ikou ndɛɛ.

Romu 12:2

I maà ya ce kucei inɛi andunya ŋa, amma i jɔ̀ Ilaaɔ̃ ku mu nŋɛ lasabu titɔ̃ iyi á kpaasiò kuwɛɛ nŋɛ, ku ba i mà iyi í jɛ idɔɔbii Ilaaɔ̃ ŋa. Idɔɔbiɛu wee. Iyi í jɛ jiida, iyi í dɔ̃ do iyi í kɔ̃ mam mam.

Kɔrɛnti 1, 5:10

Amma bii ǹ ni i maà tɔtɔɔ do woo ce sakara ŋa walakɔ do ilu binɛ ŋa do ile ŋa do woo tɔɔ iwɛ̃ ŋa, kù jɛ hai dasi Jesu naanɛ ŋai ǹ wa n fãa, domi bii bɛɛbɛi tilasii i fita hai si andunya ŋa.

Kɔrɛnti 1, 6:11

Bɛɛbɛi inɛ gɔ nŋɛ ŋa à yɛ wo. Amma à wɛ ŋɛ, nɔ à jɔ̀ ì má ŋa, nɔ ì jɛ dee dee ŋa na saabui irii Lafɛ̃ɛ nwa Jesu Kirisi do Hundei Ilaaɔ̃.

Kɔrɛnti 2, 4:4

Inɛ ŋau a kù dasi naanɛ si na iyi í jɔ̀ Seetam, lafɛ̃ɛi andunyau í nya laakai nŋa. Í nya laakai nŋai ku ba a maà yɛ inya kumái laabaau jiidau. Laabaau jiidau wa nyisi wa amboei Kirisi, iyi í jɛ Ilaaɔ̃ takaɛ.

Galati 1:4

Jesu Kirisi í na araɛ na irii dulum du wa ku ba ku nya wa hai si kuce laalɔi andunyau ihɛ̃. Bɛɛbɛi í ce í ceò idɔɔbii Ilaaɔ̃ Baa nwa.

Efɛɛzu 1:21

Bɛi Kirisi í wa í reò ilu irii lele fei do ilu yiiko ŋa do ilu gbugbã ŋa do lafɛ̃ɛ ŋa fei. Nɔ iriɛ í re iri fei si waatiu ihɛ̃ do si waati iyi wa naa.

Efɛɛzu 2:11

Iŋɛ dimi mmu ŋa, i ye gigi ŋa iyi inɛ ŋa iyi à ya ce bango ŋau à ya maa kpe ŋɛ hai ce bango ŋa wo.

Efɛɛzu 2:13

Amma nsɛi iyi ì nɛ anu akã do Jesu Kirisi ŋa, iŋɛ iyi ì tako ì wa í jĩ ŋa, wee nsɛi ì ce amɛɛ do Ilaaɔ̃ ŋa do saabui njɛi Kirisi.

Efɛɛzu 2:3

Ntɔi, awa fei à tako à yɛi wo bɛi aŋa mɔ. Binɛ nwai wa nɛò wa, nɔ à waa ce mii iyi awa taka nwa à bi do iyi à waa lasabu. À yɛi wo bɛi inɛi andunya ŋa iyi à gbe fei iyi aa na a yɛ idɔɔkɔ̃i Ilaaɔ̃.

Efɛɛzu 4:17

Ide iyi ǹ wa n sɔ̃ ŋɛ do irii Lafɛ̃ɛ wee. I maà jɔ̀ i ya maa nɛ má bɛi hai dasi Jesu naanɛ ŋa iyi à waa too lasabu nfe nfe nŋa.

Efɛɛzu 4:22

Na nŋu, i jɔ̀ daa nwo nŋɛ ŋa iyi wa nɛ̀ò kuwɛɛ nŋɛ wo, domi kubii daa nwo nŋɛ ŋaui wa dĩ iju nŋɛ nɔ wa bɔò ŋɛ nfe ku ce.

Efɛɛzu 5:6

I maà ya jɔ̀ inɛ gɔ ku dĩ iju nŋɛ do ide nfe, domi na nŋu bɛi í jɔ̀ idɔɔkɔ̃i Ilaaɔ̃ wa naa si irii inɛ ŋa iyi a kù waa jirimaɛ.

Efɛɛzu 5:8

Iŋɛ taka nŋɛ, si ilu kukui ì wa ŋa wo, amma nsɛi, ì wa si inya kumá ŋa na anu akã nŋɛ do Lafɛ̃ɛ. Na nŋu, i jɔ̀ isɛɛnɛ nŋɛ ku jɔ ti inɛ ŋa iyi à waa nɛ si inya kumá,

Efɛɛzu 6:12

domi kù jɛ do amanɛ ŋai à waa ja. À waa jai do ilu iri laalɔi lele ŋa do ilu yiiko ŋa, do gbugbãi andunyai ilu kuku ŋau ihɛ̃, do inɛi inɔɔko woo ce icɛi Seetam ŋa.

Kolosee 1:21

Iŋɛ mɔ, baa do iyi ì jĩò Ilaaɔ̃ ŋa wo, nɔ lasabu laalɔ nŋɛ do kuce laalɔ nŋɛ ŋa à jɔ̀ ì jɛ mbɛɛɛ ŋa,

Timɔtee 2, 4:10

domi Demasi í jɔ̀m í bɔ Tɛsalonika si na iyi í jɔ̀ í bi andunya kaa kaa. Kɛrɛsãa, inɛ nŋu í nɛ ikpa ilɛi Galati nɔ Titee mɔ í nɛ ikpa ilɛi Dalumasi.

Zaaki 1:27

Kpãai Ilaaɔ̃ ku too iyi í má nɔ kù nɛ riisi kãma iyi Ilaaɔ̃ Baaba í jilɔɔ si í jɛ ntɔ, nŋui í jɛ inɛ ku ya ce araarei kɔyɔ ŋa do jaaɔ̃ ŋa iyi à waa wahala, nɔ ku mà araɛ ku mu si laalɔ yaamɔi andunya.

Zaaki 1:7

Inɛ dimi bɛɛbɛ ku maà tamaa mà nŋu á ba ngɔgɔ hai bi Lafɛ̃ɛ,

Zaaki 4:4

Iŋɛ iyi i kù leekĩò inɛ akã ŋa, i kù mà ŋa iyi bii ì bi andunya, mbɛɛi Ilaaɔ̃i ì ya jɛ ŋa? Inɛ iyi í bi andunya, mbɛɛi Ilaaɔ̃i í ya jɛ.

Piɛɛ 1, 1:14

I jɔ̀ i jɛ bɛi amu ŋa iyi à ya gbɔ ide nɔ i maà ti i jɔ̀ kɔdɛɛ iyi ì ya tako i maa ce ŋa wo si waati iyi i kù mà ngɔgɔ ŋa ku maa nɛò ŋɛ.

Piɛɛ 1, 4:3

Ntɔ ntɔ, tako wo ì ce bɛi hai dasi Jesu naanɛ ŋa à ya bi, amma í to bɛɛbɛ. Ì tako ì ce mii iyi í dɔ̃a ara nŋɛ si ŋa, do binɛ, do atɛ̃ ku mɔ do zamaa, do atɛ̃ ku kpa inɛ, do jingau hai nɛ yaase, do iwɛ̃ ku tɔɔ.

Piɛɛ 2, 2:14

Iju nŋa fei si abo kaafe ŋai í ya wa, dulum ci ya to ŋa. À ya mu inɛ ŋa iyi a kù waa leekĩ dim dim do taa. Idɔ nŋa í nɛ dɔ̃ɔnɛi binɛ. Ilaaɔ̃ í ceekpe ŋa.

Zãa 1, 3:10

Nsɛi, aa ka yɔkɔ ka mà inɛ ŋa iyi à jɛ amai Ilaaɔ̃ ŋa do inɛ ŋa iyi à jɛ ti Seetam. Inɛ iyi kù waa ce mii iyi í jɛ dee dee fei, do inɛ iyi kù bi kpaasiɛ, kù jɛ ti Ilaaɔ̃.

Zãa 1, 3:8

Inɛ iyi í ya maa mɔsi dulum ku ce, inɛi Seetam nii, domi hai sintei Seetam wa ce dulum. Na ŋɔi í jɔ̀ Jesu, amai Ilaaɔ̃, í naa ku kpaò icɛi Seetam.

Zãa 1, 4:4

Iŋɛ amam ŋa, ì jɛ ti Ilaaɔ̃ ŋa, ì nɔ ì kãmia walii ilu ibo ŋau tã ŋa, domi inɛ iyi í wa si ŋɛ í nɛ gbugbã í re inɛ iyi í wa si andunyau.

Zãa 1, 5:19

À mà iyi à jɛ amai Ilaaɔ̃ ŋa, nɔ andunyau fei í wa si gbugbãi inɛ laalɔu.

Zãa 1, 5:4

Ntɔ ntɔ, amai Ilaaɔ̃ baa yooma fei í ya kãmia andunyai. Naanɛ ku dasi nwai á jɔ̀ ka kãmiaò andunya.

Kuyɛi Zãa 12:9

Ŋɔi à nyɔ akandama nla nlau wa ilɛ. Akandamaui í jɛ njo iyi í wɛɛ hai tako. Nŋui à ya kpe woo yɛ taalei inɛ walakɔ Seetam. Nɔ nŋui í dĩ ijui inɛi andunya ŋa fei. À nyɔɔ wa ilɛ do amalekaɛ ŋa ajɔ.

Kuyɛi Zãa 13:14

Í dĩ ijui inɛi andunya ŋa do dobu dobu ŋa iyi í ce si wajui mɛɛmu sinte iyi í náa gbugbãu. Wa sɔ̃ inɛi andunya ŋa a gbe mii iyi á jɔ mɛɛmu sinte iyi à tako à mɛɛ do taakuba nɔ kù kuu.

Kuyɛi Zãa 13:8

Inɛi andunya fei á tɔɔɛ, waatɔ inɛ ŋa iyi Ilaaɔ̃ kù kɔ iri nŋa si tiai kuwɛɛ hee ku maa taka andunya, tia iyi í jɛ ti ama angudã iyi à kpau.

Kuyɛi Zãa 16:17

Si anyii nŋu, amaleka mɛɛjesiau mɔ í nikã titɛɛ si fufu. Nɔ à gbɔ ide ku fɔ nla gɔ hai bi kitãi bomma iyi í wa kpasɛ̃i Ilaaɔ̃u í ni, ide í tã.

Kuyɛi Zãa 20:2

Ŋɔi í bata akandama, njo iyi í wɛɛ hai tako tako, iyi í jɛ woo yɛ taalei inɛ do Seetam nɔu nɔ í dũu do seseeu hee adɔ̃ dubu.