Efɛɛzu 2:19 - Bibeli do fee

¹⁹ Si bɛɛbɛ, i kù jɛ dimi mmu ŋa má, walakɔ isɛ mmu, amma nsɛi ì jɛ inɛi ilu akã ŋa do woo dasi Jesu naanɛ ŋa fei, nɔ ì jɛ inɛi kpasɛ̃i Ilaaɔ̃ ŋa.

Efɛɛzu 2:19 Iomraidhean Croise

Matie 10:25

Na nŋu, í sĩa ama cio ku jɛsi a cea nŋu bɛi à cea woo kɔsiɛ. Bɛɛbɛ mɔi, í sĩa amaacɛ mɔ ku jɛsi a cea nŋu bɛi à cea lafɛ̃ɛɛ. Bii à waa kpe amu ilu kpasɛ̃u Seetam, aa sɔ iŋɛ inɛi kpasɛ̃ɛ ŋau iri laalɔ iyi í re bɛɛbɛ.

Galati 6:10

Bɛɛbɛ mɔi waati iyi à ba awɔɛ fei, ka cea inɛ fei jiidaɛ. Nɔ kpaasi woo dasi Jesu naanɛ ŋai à nɛ ka cea ku re.

Efɛɛzu 2:12

Waati bɛɛbɛ ì jĩò Kirisi ŋa wo nɔ ì jɛ isɛ mmu bi inɛi Izirɛli ŋa. I kù nɛ baa nŋɛ si akabuu iyi Ilaaɔ̃ í wãò inɛɛ ŋa. Ì wa si andunya ihɛ̃ i kù waa cɔò kpãai nkãma ŋa, nɔ i kù wɛɛa Ilaaɔ̃ ŋa.

Efɛɛzu 3:15

Nŋui í jɛ Baai nyaanze baa yooma fei iyi í wa lele do iyi í wa ilɛ fei.

Efɛɛzu 3:6

Asiiu wee. Do saabui laabaau jiidai dimi mmu ŋa do Zuifu ŋau à jɛò woo jɛ tubu ajɔ. Aŋaò ŋa à baa à jɛ ara akã, nɔ aŋa mɔ à nɛ baa nŋa si ide iyi Ilaaɔ̃ í wã nŋu ku ce si Jesu Kirisiu.

Filipi 3:20

Amma awa, lelei Aɔ̃i í jɛ ilu nwa. Hai bɛi à waa degbe woo faaba nwa Lafɛ̃ɛ Jesu Kirisi ku nyi wa.

Ebɛɛ 11:13

Si naanɛ ku dasii, inɛ ŋau bɛ fei à ku. A kù ba mii iyi Ilaaɔ̃ í ce nŋa kuwãɛu, amma à yɔɔi hai jĩijĩ à coo cenkã. À fɔ iyi aŋa à jɛ inɛ njoo ŋa do hai nɛ ide ŋa si andunyau ihɛ̃.

Ebɛɛ 13:14

domi a kù nɛ ilu gɔ si ilɛu ihɛ̃ iyi á maa wɛɛ hee do ajɔ fei. Ilu iyi wa naa nŋui à waa dɛdɛ.

Piɛɛ 1, 2:11

Iŋɛ baakɔɔm ŋa, ǹ wa n tɔɔ ŋɛi, iŋɛ iyi ì yɛ bɛi inɛ njoo ŋa si andunyau ihɛ̃, i jɔ̀ i nɔ ara nŋɛ do binɛi ara iyi í ya maa ce igũ do hunde nŋɛ.

Zãa 1, 3:1

I cɔ kubi nla nla iyi Ilaaɔ̃ Baaba í bi wa, hee à waa kpe wa amaɛ ŋa. Nɔ ntɔi bɛɛbɛi à jɛ. Ŋɔi í jɔ̀ inɛi andunya ŋa a kù mà wa domi a kù mà Ilaaɔ̃ mɔm wo.