Efɛɛzu 2:14 - Bibeli do fee

¹⁴ Kirisi takaɛi í jɛ nwa laakai ku sũ, nŋu iyi í ce Zuifu ŋa do dimi mmu ŋa akã. Nŋui í kpa mbɛɛtɛ iyi í yɛ bɛi idĩ iyi wa fɛɛfɛ wa wo.

Efɛɛzu 2:14 Iomraidhean Croise

Ɛsitɛɛ 3:8

Ŋɔi Hamaa í koo í sɔ̃ ilaalu Asuerusi í ni, dimi gɔ ŋa à wa si ilɛu ihɛ̃, à wɛɛ ikã nɔ à fangaa bii fei si bommaɛu. Wooda nŋa ŋa à jɛ ikã do ti inɛ ŋa iyi à gbe nɔ a kù waa jirima woodaɛ ŋa. Kaa jɛɛ aranfãani bii ì jɔ̀ inɛ ŋau sɛ̃ɛ.

Misee 5:5

Aa gbã inɛi Asiri ŋaui do taakuba, nɔ aa tɛɛsɛ inɛi Nimirodu ŋai mam mam. Inɛ iyi á maa gbã waui á nya wa hai si awɔi inɛi Asiri ŋa bii à naa si ilɛ nwa nɔ à bii si ilɛu.

Zakari 6:13

Ntɔ ntɔ nŋui á maa. Á nɛ bɛɛrɛ nɔ kú buba si batai bommaɛ ku maa gbã inɛ ŋa. Woo wee gɔ mɔ á buba si batai bommaɛ, nɔ aŋa minji fei aa maa gbã inɛ ŋa ajɔ do laakai ku sũ.

Luku 1:79

ku ba ku má inya si inɛ ŋa iyi à waa buba si ilu kuku do si jĩjĩi iku ku maa nɛò awa fei si kpãai laakai akã.

Luku 2:14

Amboe ku jɛ ti Ilaaɔ̃ hee lele. Nɔ laakai ku sũ ku wa si ilɛ si inɛ ŋa iyi Ilaaɔ̃ í bi.

Laabaau jiida iyi Zãa í kɔ 10:16

Nɔ ǹ nɛ angudã gɔ ŋa má iyi a kù wa si arou ihɛ̃. Kù nɛ bɛi an ce iyi n kù naaò ŋa wa. Aa nɔ a gbɔ imum nɔ aŋaò ti tako ŋau fei a jɛ gaa akã, woo degbe mɔ akã.

Laabaau jiida iyi Zãa í kɔ 11:52

Kù nɔ kù jɛ si agbɛi aŋa akãi á ku, amma á kui ku ba kú jɔ̀ amai Ilaaɔ̃ ŋa iyi à wa bii fei a jɛ akã.

Laabaau jiida iyi Zãa í kɔ 16:33

Ide ŋau ihɛ̃ ǹ wa n sɔ̃ ŋɛi ku ba i nɛ laakai ku sũ na anu akã iyi awaɛ ŋa à nɛ. Si andunyau ihɛ̃ aa yɛ ijuukpã ŋa, amma i maà mɔngɔ temua ŋa, domi ǹ kãmia andunya tã.

Woo bɛ ŋa 10:28

Nɔ í sɔ̃ ŋa í ni, iŋɛ taka nŋɛ ì mà ŋa iyi woodai awa Zuifu ŋa í kɔ̀ nwa ka tɔtɔɔ do iŋɛ dimi mmu ŋa, walakɔ ka bɔ kpasɛ̃ nŋɛ. Amma Ilaaɔ̃ í sɔ̃m í ni kù sĩa n kpe inɛ gɔ ilu riisi hee má jɛ n kɔ̀siɛ.

Woo bɛ ŋa 10:36

Ì mà laabaau jiida iyi Ilaaɔ̃ í jɔ̀ à waazoa inɛi Izirɛli ŋa à ni inɛ ŋa aa ba laakai ku sũ do saabui Jesu Kirisi nŋu iyi í jɛ Lafɛ̃ɛi inɛ fei.

Romu 5:1

Nsɛi, si bɛi Ilaaɔ̃ í ce wa inɛ dee dee ŋa na naanɛ ku dasi nwa, à dɔ̃ do nŋu na saabui Lafɛ̃ɛ nwa Jesu Kirisi.

Galati 3:28

Iŋɛ fei ì jɛ akã si anu akã nŋɛ iyi ì ce do Jesu Kirisi ŋa. Na nŋu, inɛ gɔ kù jɛ ikã, hai Zuifu ŋa hee do dimi mmu ŋa, hai aru ŋa do inɛ ŋa iyi à nɛ ara nŋa, hai inaabo ŋa hee do inɛmɔkɔ ŋa.

Efɛɛzu 2:15

Do ikui araɛi í kpaò irii woodai Zuifu ŋa do iwɔ̀ɛ ŋa ku ba ku yɔkɔ ku ce dimi minji ŋau dimi titɔ̃ akã lege lege si nŋu takaɛ. Si bɛɛbɛi, í dasi laakai ku sũ si anini nŋa.

Efɛɛzu 2:17

Kirisi í naa ku sisi laabaaui laakai ku sũ bi tu ŋɛ, iŋɛ iyi ì tako ì jĩò Ilaaɔ̃, do bi Zuifu ŋa, aŋa iyi à ceòɛ amɛɛ.

Efɛɛzu 3:15

Nŋui í jɛ Baai nyaanze baa yooma fei iyi í wa lele do iyi í wa ilɛ fei.

Efɛɛzu 4:16

Siɛi awa fei à waa kã bɛi ikɔ̃i ara, nɔ arau fei í másiɛ do ikɔ̃ ikɔ̃ɛ. Nsɛi, bii ikɔ̃ fei wa ce icɛ si bɛi í jɔ, arau fei á lai ku maa kɔ̃ɔsi na saabui kubi.

Kolosee 1:20

Bɛɛbɛ mɔi í bi inɛi andunya fei ku dɔ̃ do nŋu, hai mii iyi í wa ilɛ hee do iyi í wa lele fei. Í ce nŋu bɛi si waati iyi Amaɛ í ku nɔ í nikã njɛɛ si antaii jĩi ku gaauu nɔ í naaò laakai ku sũ wa.

Kolosee 2:20

Ì ku do Kirisi ajɔ ŋa si mii ndii andunya ŋa. To, na mii í ce ì waa ce kuwɛɛ nŋɛ bɛi inɛ ŋa iyi à jɛ ti andunya. Na mii í ce ì jɔ̀ à kãa nŋɛ wooda, aŋa iyi à ya ni,

Kolosee 3:11

Bɛɛbɛ mɔi si inɔ nŋɛ inɛ gɔ kù jɛ mmu, hai dimi mmu ŋa hee do Zuifu ŋa, hai inɛ ŋa iyi à ce bango hee do inɛ ŋa iyi a kù ce fei, hai inɛi ilɛɛko ŋa do ilu iju dũdũ ŋa, hai aru ŋa do hai jɛ aru ŋa. Nŋu ŋau bɛ fei Kirisi nŋu akãi í jɛ fei ndɛɛ nɔ í wa si inɛ fei.

Kolosee 3:15

Nɔ i jɔ̀ laakai ku sũ iyi Kirisi í mu nŋɛ ku maa ce icɛ si idɔ nŋɛ, domi si laakai ku sũu bɛi Ilaaɔ̃ í kpe ŋɛ i jɛò ara akã ŋa. Nɔ i ya maa saabuɛ ŋa.

Ebɛɛ 13:20

Lafɛ̃ɛ nwa Jesui í jɛ Woo degbe iyi í re. Na njɛɛ iyi í nikã, í jilɛ nwa akabuu titɔ̃ iyi ci ya tã. Na nŋu Ilaaɔ̃ ilu laakai ku sũ, nŋu iyi í dedeɛ hai si balɛ,

Ebɛɛ 7:2

Mii iyi Aburahamu í ba wa fei, í ce ikpɛ̃ɛ, si mɛɛwa fei í nya akã í na Mɛɛkizedɛki. Yaasei irii Mɛɛkizedɛkiui í jɛ ilaalu iyi í jɛ dee dee. Si anyii nŋu, í jɛ ilaalui Salɛmu, waatɔ ilaalui laakai ku sũ.