Efɛɛzu 2:13 - Bibeli do fee

¹³ Amma nsɛi iyi ì nɛ anu akã do Jesu Kirisi ŋa, iŋɛ iyi ì tako ì wa í jĩ ŋa, wee nsɛi ì ce amɛɛ do Ilaaɔ̃ ŋa do saabui njɛi Kirisi.

Efɛɛzu 2:13 Iomraidhean Croise

Iri ku kɔ̃ 22:7

Amu ǹ jɛ amanɛ mbɛ má wo. Aawo, ǹ yɛi bɛi kòkòo. Inɛ ŋa à waa yaakom, nɔ à dondam.

Iri ku kɔ̃ 73:27

Inɛ ŋa iyi à jĩɛ à ya ce nfei. Inɛ ŋa iyi à kɔ̀siɛ fei, ì ya ce nfe nŋai.

Ezai 11:10

Si waati nŋu bɛ tɔkui Izaii á jɛ nyinda bi zamaau nɔ inɛi ilɛ fei á maa dɛdɛɛi. Nɔ amboei Ilaaɔ̃ á wa tengi bii í wa.

Ezai 43:6

An sɔ̃ inɛi awɔ njɛi kpãai inunu ŋa n ni, i sindo ŋa, nɔ n sɔ̃ inɛi awɔ cangai kpãai inunu ŋau mɔ n ni, i maà gɛɛ ŋa. I jɔ̀ ama inɛmɔkɔm ŋau a baa hai jĩijĩ bii à wau, nɔ ama inaabom ŋau mɔ a baa hai kɔɔi ilɛu.

Ezai 49:12

Inɛ ŋau wee à waa to wa, à waa baai hai jĩijĩ. Inɛ gɔ ŋa hai awɔ njɛi kpãai inunu, inɛ gɔ ŋa mɔ, hai ikpa nunui alɛ. Inɛ ŋa iyi à gbe ŋau mɔ, hai awɔ cangai kpãai inunu do ikpa Ezibiti.

Ezai 57:19

Nɔ Aɔ̃ Lafɛ̃ɛ í ni má, an dasi iri ku kɔ̃i saabu si gɛlɛ nŋa. Laakai ku sũi á jɛ ti inɛ ŋa iyi à wa amɛɛ hee do inɛ ŋa iyi à wa hee jĩijĩ fei. Amui an jɔ̀ a ba iri.

Ezai 60:4

Wu ijuɛ nɔ i cɔ cingaaɛ bii fei. Aŋa fei à tɔtɔɔ nɔ à waa baa bi tɛɛ. Ama inɛmɔkɔɛ ŋa à waa baa hai jĩijĩ. Inɛ ŋa à so ama inaaboɛ ŋa à waa baaò ŋa wa.

Ezai 60:9

Ntɔ ntɔ, sim nii gũngũm ŋa à dasi kpãa ku cɔ nŋa, nɔ akɔi inyii Taasi ŋai à wa do waju ku ba a baaò ama inɛmɔkɔɛ ŋau wa hai jĩijĩ do isɔ fũfũ nŋa do wura nŋa na irii Aɔ̃ Lafɛ̃ɛɛ Inɛ Kumái Izirɛli iyi í jɔ̀ ì nɛ bɛɛrɛu.

Ezai 66:19

An jilɛ nyinda gɔ si anini nŋa. An jɔ̀ inɛ gɔ nŋa ŋa iyi à fita si a nɛ ikpa ilɛ gɔ ŋa. Inɛ gɔ ŋa aa nɛ ikpa Taasi, inɛ gɔ ŋa ikpa Pulu, inɛ gɔ ŋa mɔ ikpa Ludu tengi bii inɛ ŋa à jɛ woo ta afa ŋa. Inɛ gɔ ŋa mɔ, ikpa Tubalii aa nɛ, inɛ gɔ ŋa mɔ do ikpa Gɛrɛsi hee ikpa gũngũm ŋa iyi à wa hee jĩijĩ tengi bii a kù gbɔ bii à fɔ idem ajɔ kãma, nɔ a kù yɛ amboem. Aŋai aa koo a fɔ idei amboem nɔu bi inɛi ilɛ ŋau bɛ.

Zeremi 16:19

Aɔ̃ Lafɛ̃ɛ, awɔi ì jɛ gbugbãm, nɔ awɔi ì jɛ bi kuwa ku nɛ gbugbãm. Si waatii wahala, bi titɛɛi an ba n sa n koo n manji. Inɛ ŋa iyi à wa hee ilɛ jĩijĩ ŋa aa naa bi tɛɛ. Nɔ aa maa ni, bala nwa ŋa, tubui iboi à jɛ. Nɔ inya ngbɛi, kù nɛ aranfãani kãma.

Laabaau jiida iyi Zãa í kɔ 10:16

Nɔ ǹ nɛ angudã gɔ ŋa má iyi a kù wa si arou ihɛ̃. Kù nɛ bɛi an ce iyi n kù naaò ŋa wa. Aa nɔ a gbɔ imum nɔ aŋaò ti tako ŋau fei a jɛ gaa akã, woo degbe mɔ akã.

Woo bɛ ŋa 15:14

Simɔɔ í sisi nŋɛ bɛi Ilaaɔ̃ í ce hai sinte í cicaò inɛ gɔ ŋa hai si inɔi dimi mmu ŋau a kpe ŋa inɛɛ ŋa.

Woo bɛ ŋa 2:39

Bɛɛbɛi á ce si na iyi í jɔ̀ Ilaaɔ̃ í ce nŋɛ kuwãɛ, iŋɛ do ama nŋɛ ŋa do inɛ ŋa iyi à wa hee jĩijĩ fei, inɛ ŋa iyi Aɔ̃ Lafɛ̃ɛ nwa á kpe fei.

Woo bɛ ŋa 22:21

Amma Lafɛ̃ɛ í sɔ̃m í ni n koo, domi hee jĩijĩ bi dimi mmu ŋai nŋu á bɛm.

Woo bɛ ŋa 26:18

i cĩ iju nŋa. An bɛɛ bi tu ŋai ku ba a sinda hai si ilu kuku a lɔ si inya kumá, nɔ a sinda hai si gbugbãi Seetam a naa bi Ilaaɔ̃. An bɛɛ bi tu ŋai ku ba a dasim naanɛ nɔ Ilaaɔ̃ ku kpa dulum du ŋa nɔ a na a jɛ tubu do inɛ ŋa iyi í cica à jɛ tɛɛ.

Romu 8:1

Na nŋu, nsɛi Ilaaɔ̃ kaa yɛ taalei inɛ ŋa iyi à nɛ anu akã do Jesu Kirisi má.

Kɔrɛnti 1, 1:30

Ilaaɔ̃i í jɔ̀ ì nɛ anu akã do Jesu Kirisi ŋa. Nɔ Kirisii í jɛ bisii Ilaaɔ̃ bi tu wa na saabui anu akã nwau iyi à ce do nŋu. Kirisii í nya wa hai si dulum du wa. Do saabuɛi à jɛò dee dee nɔ à jɛò inɛi Ilaaɔ̃ ŋa.

Kɔrɛnti 1, 12:13

domi Hunde akãi à da nwa si ku ba awa fei ka jɛ ara akã, hai Zuifu ŋa hee do dimi mmu ŋa, hai aru ŋa hee do inɛ ŋa iyi à nɛ ara nŋa. Nɔ bi Hunde akãui awa fei à waa mɔ.

Kɔrɛnti 1, 6:11

Bɛɛbɛi inɛ gɔ nŋɛ ŋa à yɛ wo. Amma à wɛ ŋɛ, nɔ à jɔ̀ ì má ŋa, nɔ ì jɛ dee dee ŋa na saabui irii Lafɛ̃ɛ nwa Jesu Kirisi do Hundei Ilaaɔ̃.

Kɔrɛnti 2, 5:17

Bii inɛ gɔ í nɛ anu akã do Kirisi í jɛ inɛ titɔ̃. Mii ndii tako ŋau à lɔ, mii titɔ̃ ŋai à sãsi wa.

Galati 3:28

Iŋɛ fei ì jɛ akã si anu akã nŋɛ iyi ì ce do Jesu Kirisi ŋa. Na nŋu, inɛ gɔ kù jɛ ikã, hai Zuifu ŋa hee do dimi mmu ŋa, hai aru ŋa do inɛ ŋa iyi à nɛ ara nŋa, hai inaabo ŋa hee do inɛmɔkɔ ŋa.

Efɛɛzu 1:1

Amui Pɔlu amu iyi ǹ jɛ woo bɛi Jesu Kirisi do idɔɔbii Ilaaɔ̃. Iŋɛ inɛi Efɛɛzu ŋa, iŋɛ iyi ì waa temua si anu akã nŋɛ do Jesu Kirisi ŋa, ǹ wa n ce ŋɛ fɔɔ, iŋɛ iyi Ilaaɔ̃ í cicau.

Efɛɛzu 1:7

Do saabui njɛi Jesui Ilaaɔ̃ í ya wa nɔ í kpa idei dulum du wa si didɔ̃ nlaɛ iyi í nyisi wa.

Efɛɛzu 2:10

Awa icɛi awɔi Ilaaɔ̃i à jɛ. Í taka wai si anu akã nwa do Jesu Kirisi ka ceò icɛ jiida iyi í ce sɔɔluɛ hai ku kpɛ.

Efɛɛzu 2:12

Waati bɛɛbɛ ì jĩò Kirisi ŋa wo nɔ ì jɛ isɛ mmu bi inɛi Izirɛli ŋa. I kù nɛ baa nŋɛ si akabuu iyi Ilaaɔ̃ í wãò inɛɛ ŋa. Ì wa si andunya ihɛ̃ i kù waa cɔò kpãai nkãma ŋa, nɔ i kù wɛɛa Ilaaɔ̃ ŋa.

Efɛɛzu 2:2

Waati bɛɛbɛ, kpãa laalɔi inɛi andunya ŋai ì ya maa too si ŋa, nɔ ì ya maa jirima Seetam, ilaalui ilu gbugbãi lele ŋa. Ilaaluu nŋui í jɛ hunde iyi wa ce icɛ hee nsɛi si idɔi inɛ ŋa iyi a kù waa jirima idei Ilaaɔ̃.

Efɛɛzu 2:6

Si anu akã nwa do Kirisi, Ilaaɔ̃ í jĩ wa hai si balɛ ka jɛ bomma lele do Jesu Kirisi ajɔ.

Ebɛɛ 9:18

Na ŋɔi í ce baa akabuu sinteu, do njɛi à dũu.

Piɛɛ 1, 3:18

Gbakã akãi Kirisi í ku na dulum. Nŋu iyi í jɛ inɛ dee dee, í ku na inɛ laalɔ ŋa, ku ba ku bɔò wa bi Ilaaɔ̃. Waati iyi à kpaa, araɛ í ku amma hundeɛ í wɛɛ.

Kuyɛi Zãa 5:9

Nɔ à kɔ̃ iri titɔ̃ gɔ à waa ni, awɔi ì to i gba tiau nɔ i ga sɛɛda ŋau, domi à kpaɛ wo, nɔ do njɛɛi ì raa Ilaaɔ̃ amanɛ ŋa hai si dimi fei, do fee ikã ikã fei, do ilɛ fei.