Efɛɛzu 2:12 - Bibeli do fee

¹² Waati bɛɛbɛ ì jĩò Kirisi ŋa wo nɔ ì jɛ isɛ mmu bi inɛi Izirɛli ŋa. I kù nɛ baa nŋɛ si akabuu iyi Ilaaɔ̃ í wãò inɛɛ ŋa. Ì wa si andunya ihɛ̃ i kù waa cɔò kpãai nkãma ŋa, nɔ i kù wɛɛa Ilaaɔ̃ ŋa.

Efɛɛzu 2:12 Iomraidhean Croise

Kusintii Andunya 15:18

Si ajɔ nŋui Aɔ̃ Lafɛ̃ɛ í dĩ akabuu do Aburamu í ni, ilɛu ihɛ̃ dimiɛ ŋai an mua hai bi idoi Ezibitiu bɛ hee ku bɔ bi ido nla iyi à ya kpe Efarata.

Bomma 2, 15:3

Hai ku kpɛ wa inɛi Izirɛli ŋa a kù nɛ Ilaaɔ̃ ntɔ hee má jɛ woo wee iyi á kɔ ŋa si woodai Ilaaɔ̃.

Ɛsidarasi 4:3

Amma Zorobabɛli do Zozue do inɛ ngboi kpasɛ̃ ŋa iyi à gbe ŋau à jɛ nŋa à ni, a kù bi i ba wa kpasɛ̃i Aɔ̃ Lafɛ̃ɛ nwa ku ma ŋa. Awa akãi aa ka coo, domi kpasɛ̃i Aɔ̃ Lafɛ̃ɛi inɛi Izirɛli ŋai á jɛ. Sirusi ilaalui Pɛɛsiu takaɛ nŋui í jilɔɔ bɛɛbɛ.

Kufita 12:45

Isɛ mmu iyi í naa í buba bi tu ŋɛ walakɔ iyi wa ce icɛ bi tu ŋɛ kù nɛ kpãa ku jɔɔ.

Ezai 14:1

Ntɔ ntɔ Aɔ̃ Lafɛ̃ɛ á ce araarei tɔkui Zakɔbu ŋau. Á nyisi má iyi nŋu í cica inɛi Izirɛli ŋau, nɔ ku teese ku jilɛ ŋa si ilɛ nŋa má. Inɛ njoo ŋa aa dede a koo a ba ŋa, nɔ aŋaò ŋa a tɔtɔɔ a jɛ zamaai Zakɔbu.

Ezai 44:6

Aɔ̃ Lafɛ̃ɛ, nŋu iyi í jɛ ilaalui inɛi Izirɛli ŋa nɔ í jɛ woo ya nŋa, nŋu iyi í jɛ Aɔ̃ Lafɛ̃ɛi lele do ilɛ í ni, amui ǹ jɛ sinte nɔ amui ǹ jɛ iri ku kpa. Baai amu baasi, Ilaaɔ̃ mmuɛ gɔ kù wɛɛ má.

Ezai 45:20

Iŋɛ dimi mmu ŋa iyi ì fita si ŋau, i tɔtɔɔ i naa wa ŋa. Iŋɛ fei i naa wa ŋa. Inɛ ŋa iyi à waa so jĩi ŋa iyi à gbe à jɛ iwɛ̃ nŋa ŋau, nɔ à waa tɔɔ iwɛ̃ ŋa iyi a kaa yɔkɔ a faaba ŋa ŋau, a kù nɛ kumà.

Ezai 61:5

Inɛ njoo ŋai aa na a maa degbe nŋɛ mɛɛmu gaa nŋɛ ŋau. Inɛi ilɛ mmu ŋa mɔi aa na a maa logoo nŋɛ ilɛ nŋɛ ŋa, nɔ aŋai aa ya maa ce nŋɛ icɛ si ikoi rezɛ̃ɛ nŋɛ ŋau mɔ.

Zeremi 14:8

Awɔi ì jɛ kpãa ku cɔi Izirɛli, awɔi ì jɛ woo faabaɛ si waatii inɔ kufɔ. Na mii í jɔ̀ ì waa ce bɛi inɛ njoo iyi í naa si ilɛu, walakɔ bɛi inɛ njoo iyi í naa í gũ ilei acɔɛ ku ba ku sũ hee iju ku má ku bɛi ku nɛ.

Zeremi 17:13

Aɔ̃ Lafɛ̃ɛ, awɔi ì jɛ kpãa ku cɔi Izirɛli. Inɛ ŋa iyi à fũsiɛ awɔ fei, si anyɔi aa wa. Inɛ ŋa iyi à sɛkɛɛ à jɔ̀ɛ fei, aa yɛi bɛi inɛ ŋa iyi à kɔ iri nŋa si ilulu, domi awɔ Aɔ̃ Lafɛ̃ɛ iyi ì jɛ isɔ̃i inyii kuwɛɛi à fũsi awɔ bɛ.

Ezekiɛli 13:9

Amu Aɔ̃ Lafɛ̃ɛ, an nyisi gbugbãm si gãmɛi walii ŋa iyi à waa fɔ ide ŋa iyi a kù jɛ ntɔ nɔ à waa ce kuyɛ ibo ŋau. A kaa ba inya tengi bii inɛm ŋa à ya tɔtɔɔu. A kaa kɔ iri nŋa si tuubai inɛi Izirɛli ŋa. A kaa baa ilɛi Izirɛli má. Nɔ aa mà ŋa iyi amui ǹ jɛ Aɔ̃ Lafɛ̃ɛ.

Ezekiɛli 37:26

An dĩ akabuu do aŋa. Akabuuui á jɔ̀ a maa wɛɛò laakai ku sũ hee do ajɔ fei. An jɔ̀ a kpɔ nɔ n ce bi kuwa kumám bi tu ŋa do ajɔ fei.

Ezekiɛli 47:22

Aa ta kpasa i kpɛ̃ò ilɛu ŋai si gãmɛ nŋɛ do si inɛ njoo ŋa iyi à wa bi tu ŋɛ iyi à bí amu ŋa si anini nŋɛ. Aa doo ŋa ŋai bɛi ilu ide ŋa si inɔi iŋɛ inɛi Izirɛli ŋau. Aŋa mɔ aa ba ikpɛ̃ nŋai bɛi dimii inɛi Izirɛli ŋau.

Ozee 3:4

Ntɔ ntɔ, inɛi Izirɛli ŋa aa wɛɛi waati sisɔ hai nɛ ilaalu, nɔ a kaa nɛ inɛ ngbo ŋa. A kaa nɛ iwɛ̃ ŋa, nɔ a kaa ya ce kuwee ŋa, nɔ a kaa nɛ mii ŋa iyi à ya beeò idɔɔbii Ilaaɔ̃.

Kuka 18:19

Do yaase bɛɛbɛ mii iyi inɛi Izirɛli ŋa à nya ikã a ceem do kuwee fei, awɔ do ama inɛmɔkɔɛ ŋa do ama inaaboɛ ŋai an mua. Nɔ akabuu gɔi iyi á maa wɛɛ hee do ajɔ fei ti awɔ takaɛ, do amaɛ ŋa hee do tɔkuɛ ŋa fei si wajui Aɔ̃ Lafɛ̃ɛ, nɔ kaa kpaasi.

Luku 1:72

Bɛɛbɛi í nyisi bala nwa ŋa araareɛ, nɔ wa yeò gigii akabuu kumáɛ.

Laabaau jiida iyi Zãa í kɔ 10:16

Nɔ ǹ nɛ angudã gɔ ŋa má iyi a kù wa si arou ihɛ̃. Kù nɛ bɛi an ce iyi n kù naaò ŋa wa. Aa nɔ a gbɔ imum nɔ aŋaò ti tako ŋau fei a jɛ gaa akã, woo degbe mɔ akã.

Laabaau jiida iyi Zãa í kɔ 15:5

Amui ǹ jɛ icui jĩi ndii rezɛ̃ɛ, iŋɛ mɔi ì jɛ amaawɔɛ ŋa. Inɛ iyi wa má sim nɔ amu mɔ ǹ wa n má si lafɛ̃ɛ, á so iso nkpɔ. Amma bii kù jɛ do amu i kaa yɔkɔ i ce ngɔgɔ ŋa.

Laabaau jiida iyi Zãa í kɔ 4:22

Iŋɛ inɛi Samari ŋa, ì waa gulɛa Ilaaɔ̃, amma i kù màa ŋa. Awa Zuifu ŋa à màa à bɛi à waa gulɛaò, domi idei faaba wa naai hai bi Zuifu ŋa.

Woo bɛ ŋa 2:39

Bɛɛbɛi á ce si na iyi í jɔ̀ Ilaaɔ̃ í ce nŋɛ kuwãɛ, iŋɛ do ama nŋɛ ŋa do inɛ ŋa iyi à wa hee jĩijĩ fei, inɛ ŋa iyi Aɔ̃ Lafɛ̃ɛ nwa á kpe fei.

Woo bɛ ŋa 28:20

Na ŋɔi í jɔ̀ ǹ tɔtɔɔ ŋɛ n sɔ̃ ŋɛ do yaaseɛ. Inɛ ŋa à daam si kpɛmkpɛm nii na inɛ iyi inɛi Izirɛli ŋa à waa cɔ kpãaɛu.

Woo bɛ ŋa 3:25

Mii iyi walii ŋau à ni Ilaaɔ̃ á ceu, iŋɛi wa cea. Nŋui í jɛ akabuu iyi Ilaaɔ̃ í dĩ do bala nŋɛ ŋa si waati iyi í sɔ̃ Aburahamu í ni, hai si dimiɛi an jɔ̀ inɛi andunya fei ku ba kuwee.

Romu 9:8

Waatɔ kù jɛ amai Aburahamu ŋa feii à jɛ amai Ilaaɔ̃ ŋa, í gbe amu ŋa iyi Ilaaɔ̃ í cea kuwãɛ ŋau, aŋa akã.

Galati 4:8

Tako wo i kù mà Ilaaɔ̃ ŋa, nɔ ì jɛ arui iwɛ̃ ŋa iyi a kù jɛ Ilaaɔ̃.

Efɛɛzu 2:19

Si bɛɛbɛ, i kù jɛ dimi mmu ŋa má, walakɔ isɛ mmu, amma nsɛi ì jɛ inɛi ilu akã ŋa do woo dasi Jesu naanɛ ŋa fei, nɔ ì jɛ inɛi kpasɛ̃i Ilaaɔ̃ ŋa.

Efɛɛzu 4:18

A kù nɛ laakai jiida. À lele idɔ nŋa nɔ a kù mà nkãma. Nŋui í jɔ̀ a kù nɛ ikpɛ̃ si kuwɛɛ iyi Ilaaɔ̃ wa mu nwa.

Kolosee 1:21

Iŋɛ mɔ, baa do iyi ì jĩò Ilaaɔ̃ ŋa wo, nɔ lasabu laalɔ nŋɛ do kuce laalɔ nŋɛ ŋa à jɔ̀ ì jɛ mbɛɛɛ ŋa,

Kolosee 1:27

Í nyisi ŋai si na iyi í jɔ̀ wa bi a mà bɛi asiii nŋu í nɛ bɛɛrɛ do yiiko si anini dimi mmu ŋa. Asiiu wee. Kirisi í wa si ŋɛ, nɔ wa mu nŋɛ kpãa ku cɔ iyi iŋɛ mɔ aa ba ikpɛ̃ si amboei Ilaaɔ̃ ŋa.

Kolosee 1:5

Waati iyi idei laabaau jiida iyi í jɛ ntɔu í sinti ku to wa bi tu ŋɛ, à jɔ̀ ì mà kpãa ku cɔ iyi ì nɛ ŋa. Si bɛɛbɛ, naanɛ ku dasi nŋɛ do kubi nŋɛ fei, í wai si kpãa ku cɔ iyi à jilɛ nŋɛ ikpa lele.

Tɛsalonika 1, 4:13

Iŋɛ inɛ nwa ŋa, a kù bi i wɛɛ hai mà yaase iyi í jɛ ti inɛ ŋa iyi à ku ŋa, ku ba i maà nɛ inɔ kufɔ, bɛi inɛ ŋa iyi à gbe, aŋa iyi a kù nɛ kpãa gɔ iyi à waa cɔ.

Tɛsalonika 1, 4:5

ku maà ti ku jɛ do kɔdɛɛi ara bɛi dimi mmu ŋa à waa ce, aŋa iyi a kù mà Ilaaɔ̃.

Tɛsalonika 2, 2:16

Nɔ Ilaaɔ̃ Baa nwa, nŋu iyi í bi wa, nɔ do saabui didɔ̃ɛ í mu nwa gbugbã iyi kù nɛ kɔɔ do kpãa ku cɔ jiida, nŋu do Lafɛ̃ɛ nwa Jesu Kirisi takaɛ

Timɔtee 1, 1:1

Amu Pɔlu ǹ wa n ceɛ fɔɔ, amu iyi ǹ jɛ woo bɛi Jesu Kirisi. Ilaaɔ̃ woo faaba nwa do Jesu Kirisi, nŋu iyi à dasi naanɛ, aŋai à jilɔɔ si n jɛ woo bɛ.

Ebɛɛ 11:34

à kpa gbugbãi ina nla, à ba à fita hai si awɔi inɛ ŋa iyi à waa dɛ a kpa ŋa do taakuba. À kua gbugbã wo, amma à na à ba gbugbã má. À waa ce njo nŋa si igũ, à jɛ dimi mmu ŋa igũ.

Ebɛɛ 6:18

Na nŋu, idei kuwã do kugbasi, aŋa minjii à wɛɛ iyi kaa kpaasi, nɔ si ide minji ŋau bɛ Ilaaɔ̃ kaa yɔkɔ ku sɔ ibo. Si ide minji ŋau bɛi Ilaaɔ̃ wa mu nwa gbugbã ntɔ ntɔ, awa iyi à waa leekĩ si kpãa ku cɔ iyi í jilɛ nwa nɔ à ba bi ku manji nwa siɛ.

Ebɛɛ 8:6

Do yaase bɛi icɛi Jesu í reò tu ŋa, bɛɛbɛi akabuu iyi í teese si gãmɛi Ilaaɔ̃ do amanɛ ŋa í nɛ bɛɛrɛ í re. Kuwã iyi í re do bɛɛrɛui í jɛ icui akabuuu.

Piɛɛ 1, 1:21

Na saabuɛi ì dasi Ilaaɔ̃ naanɛ ŋa, nŋu iyi í dedeɛ hai si balɛ nɔ í muaa amboe ku ba naanɛ ku dasi nŋɛ do kpãa ku cɔ nŋɛ ku wa si Ilaaɔ̃.

Piɛɛ 1, 1:3

Ka saabu Ilaaɔ̃ Baai Lafɛ̃ɛ nwa Jesu Kirisi. Si araare nlaɛ, í jɔ̀ kujĩi Jesu Kirisi wa hai si balɛ í bí wa isɛ gbeejisia. Si bɛɛbɛ í mu nwa kpãa ku cɔ iyi í jɛ ti kuwɛɛ.

Piɛɛ 1, 3:15

Amma i jɔ̀ Kirisi ku jɛ Lafɛ̃ɛ si idɔ nŋɛ. I tã sɔɔlu waati kãma fei i jɛa inɛ ŋa iyi à waa bee yaasei kpãa ku cɔ nŋɛ.

Zãa 1, 3:3

Inɛ iyi wa cɔ kpãai ideu ihɛ̃ fei, wa ce kookaai ku ba ku maaju bɛi Kirisi mɔ í maaju.