Efɛɛzu 2:11 - Bibeli do fee

¹¹ Iŋɛ dimi mmu ŋa, i ye gigi ŋa iyi inɛ ŋa iyi à ya ce bango ŋau à ya maa kpe ŋɛ hai ce bango ŋa wo.

Efɛɛzu 2:11 Iomraidhean Croise

Ezekiɛli 20:43

Bɛi aa ye gigii isɛɛnɛ do daa ŋa iyi ì ce ì riisiò ara nŋɛ ŋa. I kaa bi njɛ ku yɛ ŋa na mii laalɔ ŋa iyi ì ce ŋau.

Ezekiɛli 36:31

Waati bɛɛbɛ, aa ye gigii isɛɛnɛ laalɔ nŋɛ ŋa, do kuce nŋɛ ŋa iyi kù sĩa, nɔ aa nɛ inɔ kufɔ nla nla ŋa na laalɔ ŋau bɛ.

Matie 20:7

Ŋɔi à jɛaa à ni, si na iyi í jɔ̀ inɛ kãma kù dasi wa icɛi. Ŋɔi í ni, to, iŋɛ mɔ i bɔ ikom i koo i ce icɛ ŋa.

Romu 11:17

Amma nsɛi à cafe amaawɔ gɔ ŋa hai si jĩi ndii olivi, nɔ iŋɛ iyi ì jɛ amaawɔi jĩi ndii sako, iŋɛi à sãsi agbɛ nŋa. Nsɛi wee iŋɛ mɔ ì waa ba inyi iyi wa naa si amaawɔ ŋau hai si icãu.

Romu 2:26

Na nŋu, dimi mmu iyi a kù dasiɛ bango nɔ wa too woodau, Ilaaɔ̃ kaa cɔɔ bɛi inɛ iyi à dasiɛ bango?

Romu 2:27

Dimi mmu iyi wa too woodau, baa bii a kù dasiɛ bangou á yɛ taalei iŋɛ Zuifu ŋau, domi baa do iyi ì ce bango nɔ ì mà wooda iyi à kɔ nŋɛ i kù waa jirimaɛ ŋa.

Kɔrɛnti 1, 12:2

Ì mà ŋa, waati iyi i kù mà Ilaaɔ̃ ŋa à ya maa fa ŋɛi si kpãai iwɛ̃ dekĩ ŋa ku tɔɔ.

Kɔrɛnti 1, 6:11

Bɛɛbɛi inɛ gɔ nŋɛ ŋa à yɛ wo. Amma à wɛ ŋɛ, nɔ à jɔ̀ ì má ŋa, nɔ ì jɛ dee dee ŋa na saabui irii Lafɛ̃ɛ nwa Jesu Kirisi do Hundei Ilaaɔ̃.

Galati 2:15

Ntɔi, awa Zuifu ŋai, a kù jɛ dimi mmu ŋa iyi à ya kpe ilu dulum ŋa, domi Zuifu ŋai à bí wa.

Galati 6:12

Inɛ ŋa iyi à waa bi a tilasi ŋɛ i ceò bango ŋau à waa ce bɛɛbɛi ku ba a ce mii iyi á dɔ̃a amanɛ ŋa si, nɔ a maà kpã ŋa iju na irii ikui Jesu Kirisi si jĩi ku gaauu.

Efɛɛzu 2:2

Waati bɛɛbɛ, kpãa laalɔi inɛi andunya ŋai ì ya maa too si ŋa, nɔ ì ya maa jirima Seetam, ilaalui ilu gbugbãi lele ŋa. Ilaaluu nŋui í jɛ hunde iyi wa ce icɛ hee nsɛi si idɔi inɛ ŋa iyi a kù waa jirima idei Ilaaɔ̃.

Efɛɛzu 5:8

Iŋɛ taka nŋɛ, si ilu kukui ì wa ŋa wo, amma nsɛi, ì wa si inya kumá ŋa na anu akã nŋɛ do Lafɛ̃ɛ. Na nŋu, i jɔ̀ isɛɛnɛ nŋɛ ku jɔ ti inɛ ŋa iyi à waa nɛ si inya kumá,

Wooda ku kɔsi 15:15

I ye gigii iyi iŋɛ mɔ ì tako ì jɛ aru wo si ilɛi Ezibiti, nɔ Aɔ̃ Lafɛ̃ɛ í ya ŋɛ í jɔ̀ ì nɛ ara nŋɛ ŋa. Na ŋɔi í jɔ̀ ǹ wa n na ŋɛ woodau ihɛ̃ nnyi ŋa.

Wooda ku kɔsi 16:12

I ye gigii iyi ì tako ì jɛ aru ŋa wo si ilɛi Ezibiti. Na nŋu, i jirima wooda ŋau ihɛ̃, nɔ i ceò icɛ ŋa.

Wooda ku kɔsi 5:15

I ye gigi ŋa iyi arui ì waa jɛ ŋa wo si ilɛi Ezibiti, nɔ amu Aɔ̃ Lafɛ̃ɛ nŋɛ ǹ nya ŋɛ wai do awɔ gbugbãm. Na ŋɔi í jɔ̀ ǹ ni i jirima ajɔi kusĩmiu ŋa.

Wooda ku kɔsi 8:2

I ye gigii isɛɛnɛ sisɔ iyi Aɔ̃ Lafɛ̃ɛ nŋɛ í jɔ̀ ì ce ŋa adɔ̃ ciiji si gbaau ku ba ku cɔ laakai nŋɛ nɔ ku mà mii iyi í wa si idɔ nŋɛ, nɔ ku mà bii í jɛ aa yɔkɔ i jirima woodaɛ ŋa walakɔ bii í jɛ i kaa yɔkɔ ŋa.

Wooda ku kɔsi 9:7

I ye gigii yaase bɛi ì dede idɔɔkɔ̃i Aɔ̃ Lafɛ̃ɛ nŋɛ si gbaau ŋa. Hai ajɔ iyi ì fita wa hai ilɛi Ezibitiu hee ì toò wa inyau ihɛ̃ ŋa, ì ya maa ce ide ku kɔ̀ ŋai si Aɔ̃ Lafɛ̃ɛ.

Filipi 3:3

Awai à ce bango do ntɔ, awa iyi à waa tɔɔ Ilaaɔ̃ do gbugbãi Hundeɛ, nɔ à waa tɔɔ fufu na irii Jesu Kirisi, kù nɔ kù jɛ kuce nwai à waa kaaba.

Kolosee 1:21

Iŋɛ mɔ, baa do iyi ì jĩò Ilaaɔ̃ ŋa wo, nɔ lasabu laalɔ nŋɛ do kuce laalɔ nŋɛ ŋa à jɔ̀ ì jɛ mbɛɛɛ ŋa,

Kolosee 2:11

Nɔ si anu akã nŋɛ do nŋu à dasi ŋɛ bango. Kù jɛ bango iyi amanɛ ŋa à ya ce, amma iyi Kirisi í ya ceui. Bangou, nŋui í jɛ daa nwo nwa ŋa iyi Kirisi í bu í nyɔu.

Kolosee 2:13

Tako wo, ì yɛi bɛi iku ŋa na irii kurara nŋɛ do si na iyi í jɔ̀ ì jɛ dimi mmu ŋa iyi a kù ce bango ŋa. Amma nsɛi Ilaaɔ̃ í ce ŋɛ ilu hunde do Kirisi ajɔ. Í kpa idei dulum du wa fei.

Kolosee 3:11

Bɛɛbɛ mɔi si inɔ nŋɛ inɛ gɔ kù jɛ mmu, hai dimi mmu ŋa hee do Zuifu ŋa, hai inɛ ŋa iyi à ce bango hee do inɛ ŋa iyi a kù ce fei, hai inɛi ilɛɛko ŋa do ilu iju dũdũ ŋa, hai aru ŋa do hai jɛ aru ŋa. Nŋu ŋau bɛ fei Kirisi nŋu akãi í jɛ fei ndɛɛ nɔ í wa si inɛ fei.

Samuɛli 1, 17:26

Ŋɔi Davidi í bee inɛ ŋa iyi à wa kɔkɔɛ ŋau í ni, mii aa muaa inɛ iyi í kpa inɛi Filisiu ihɛ̃ nɔ í nya anyɔ hai si ilɛi Izirɛli. Mɔkɔu ihɛ̃ kù bu baa bango nɔ wa nyaanyi inɛi Ilaaɔ̃ ŋa.

Samuɛli 1, 17:36

Si bɛi ǹ kpa iŋa laalɔ ŋau, bɛɛbɛ mɔi an yɔkɔ n kpa inɛi Filisi hai bu bangou bɛ, nŋu iyi wa nyaanyi inɛi Ilaaɔ̃ ŋa.