Efɛɛzu 2:10 - Bibeli do fee

¹⁰ Awa icɛi awɔi Ilaaɔ̃i à jɛ. Í taka wai si anu akã nwa do Jesu Kirisi ka ceò icɛ jiida iyi í ce sɔɔluɛ hai ku kpɛ.

Efɛɛzu 2:10 Iomraidhean Croise

Iri ku kɔ̃ 100:3

I jɔ̀ i mà ŋa iyi Aɔ̃ Lafɛ̃ɛi í jɛ Ilaaɔ̃. Nŋui í taka wa nɔ titɛɛi à jɛ. Awai à jɛ inɛɛ ŋa, nɔ à yɛi bɛi angudã gaa ŋa iyi wa degbe.

Iri ku kɔ̃ 119:3

Aŋau bɛi a kù waa ce mii laalɔ kãma, amma à waa jɛ kuwɛɛ nŋai bɛi Ilaaɔ̃ í bi.

Iri ku kɔ̃ 138:8

Awɔ Aɔ̃ Lafɛ̃ɛ aa ce iyi bɛi na irim. Awɔ iyi jiida ku jɛɛ kù nɛ kɔɔ, maà fũsi inɛ ŋa iyi ì taka awɔ.

Iri ku kɔ̃ 51:10

Jɔ̀ i ceem suuru nɔ i muum inɔ didɔ̃. An wa si jingau amu iyi ǹ kua gbugbã.

Iri ku kɔ̃ 81:13

Na ŋɔi í ce ǹ jɔ̀ ŋa a cica si idɔ nŋa, a ce iyi à lasabu.

Ezai 19:25

Aɔ̃ Lafɛ̃ɛi lele do ilɛ á weei ku ni, kuwee ku jɛ ti inɛi Ezibiti inɛm ŋa do ti Asiri nŋu iyi í jɛ icɛi awɔm do ti Izirɛli nŋu iyi í jɛ tubum.

Ezai 29:23

Waati iyi amaɛ ŋa aa na a yɛ icɛi awɔm ŋa si anini nŋa, aa mà bɛɛrɛm. Nɔ aa mà iyi amui ǹ jɛ Inɛ Kumái Zakɔbu. Waati bɛɛbɛ, aa maa yayai si wajui amu Aɔ̃ Lafɛ̃ɛi Izirɛli.

Ezai 43:21

Zamaa iyi ǹ takau á kɔ̃ irii ku maa saabum.

Ezai 43:7

Inɛ ŋa iyi à waa kpe ŋa do irim nɔu fei, i jɔ̀ a baa wa ŋa. Ǹ taka ŋai nɔ ǹ ce ŋa ku ba a nyisi amboem.

Ezai 44:21

Zakɔbu, awɔ dimii Izirɛli, ye gigii iyi ihɛ̃, awɔ woo ce icɛm nii. Ǹ ceɛi ku ba i jɛ woo ce icɛm. Izirɛli, n kaa n gbɛjɛ ideɛ pai.

Ezai 60:21

Inɛɛ ŋa fei, inɛ dee dee ŋai aa jɛ, nɔ aŋai aa nɛ ilɛu hee do ajɔ fei. Aŋai à jɛ bɛi jĩi iyi ǹ lɔ. Icɛi awɔm ŋai à jɛ ku ba inɛ ŋa a yɛ amboem.

Ezai 61:3

Inɔ kufɔi ikui inɛi Siɔ̃ɔ ŋa à wɛɛò, amma icɛ iyi ǹ naa ku cei í jɛ, n kpaasi agbɛ bii inɔ kufɔ nŋa í wau do inɔ didɔ̃ nla nla. Ilúlu iyi í wa si iri nŋau, n nyaa nɔ n we nŋa bɔngɔtɔbɛɛ kusĩa gɔ. An jɔ́ nŋa ikpo si waju nŋa iyi í bɛjɛ na ara kurou. Araare iyi à wɛɛòu, an nyaai nɔ n da nŋa si ibɔi jingau. Waati bɛɛbɛ, aa so ŋai a wãò jĩi nla ŋa iyi à jɔ̀ Aɔ̃ Lafɛ̃ɛ í nɛ bɛɛrɛu do bɛi lambo iyi wa nyisi amboei Aɔ̃ Lafɛ̃ɛ.

Zeremi 31:33

Amma akabuu iyi an dĩ do inɛi kpasɛ̃i Izirɛli ŋa si anyii ajɔ nŋu ŋau bɛ wee. An jɔ̀ woodam ku wa si ŋai. Woodau, an kɔɔi si idɔ nŋa. An jɛ Aɔ̃ Lafɛ̃ɛ nŋa, nɔ aŋa mɔ aa jɛ inɛm ŋa.

Matie 5:16

Bɛɛbɛ mɔi i jɔ̀ inya kumá nŋɛ ku má si wajui inɛ ŋa ku ba a yɛ kookoosu jiida nŋɛ ŋa nɔ irii Ilaaɔ̃ Baa nŋɛ iyi í wa lele ku nɛ amboe.

Laabaau jiida iyi Zãa í kɔ 3:21

Amma inɛ iyi wa too kpãai ntɔ í ya ce icɛɛ ŋai do idɔɔbii Ilaaɔ̃. Na ŋɔi í jɔ̀ á naa si inya kumá ku ba a yɛ mii iyi nŋu wa ce ti idɔɔbii Ilaaɔ̃i.

Woo bɛ ŋa 9:31

Inɛi igbɛi Jesu ŋa iyi à wa ilɛi Zudee do ilɛi Galilee do ilɛi Samari fei à wɛɛò laakai ku sũ, à waa jirima Ilaaɔ̃, à mua njɛ gbugbã nɔ akpɔ nŋa í kɔ̃ɔsi wa koo do sobii Hundei Ilaaɔ̃.

Woo bɛ ŋa 9:36

Wee si ilui Zopee inaabo woo dasi Jesu naanɛ gɔ í wa bɛ à ya kpoo Tabita. Nŋui à ya kpe Dɔɔkasi má do feei Gɛrɛki, waatɔ kabua. Í nɛ daa jiida nɔ í ya maa sobi ilu are ŋa.

Romu 8:1

Na nŋu, nsɛi Ilaaɔ̃ kaa yɛ taalei inɛ ŋa iyi à nɛ anu akã do Jesu Kirisi má.

Romu 8:29

Ntɔ ntɔ, inɛ ŋa iyi Ilaaɔ̃ í cica hai tako, aŋai í jilɛ ku ba a jɔ Amaɛ. Si bɛɛbɛ Amaɛui á jɛ yemmai ifɔ nkpɔ nkpɔ.

Kɔrɛnti 1, 3:9

Ntɔ ntɔ awa à waa ce icɛi do Ilaaɔ̃ ajɔ, nɔ iŋɛ ì yɛ ŋai bɛi ikoi Ilaaɔ̃. Iŋɛi ì yɛ má ŋa bɛi ile iyi Ilaaɔ̃ wa ma.

Kɔrɛnti 2, 5:17

Bii inɛ gɔ í nɛ anu akã do Kirisi í jɛ inɛ titɔ̃. Mii ndii tako ŋau à lɔ, mii titɔ̃ ŋai à sãsi wa.

Kɔrɛnti 2, 5:5

Inɛ iyi í jilɛ nwa mii ŋau ihɛ̃ nŋui í jɛ Ilaaɔ̃. Nŋui í mu nwa Hundeɛ bɛi kaazigi.

Kɔrɛnti 2, 9:8

Ilaaɔ̃ á yɔkɔ ku jɔ̀ didɔ̃ ikã ikã fei ku caa si ŋɛ ku ba i nɛ fei ndɛɛ do ajɔ fei ŋa. Si bɛɛbɛi aa ba bukaatai mii iyi ì bi fei ŋa, hee ku gbe nŋɛ nla nla i ceò icɛ jiida fei ŋa.

Galati 6:15

À ce bango, a kù ce bango, kù jɛ ide kãma. Mii iyi í nɛ amboe í re, nŋui í jɛ a taka inɛ titɔ̃.

Efɛɛzu 1:1

Amui Pɔlu amu iyi ǹ jɛ woo bɛi Jesu Kirisi do idɔɔbii Ilaaɔ̃. Iŋɛ inɛi Efɛɛzu ŋa, iŋɛ iyi ì waa temua si anu akã nŋɛ do Jesu Kirisi ŋa, ǹ wa n ce ŋɛ fɔɔ, iŋɛ iyi Ilaaɔ̃ í cicau.

Efɛɛzu 1:4

Ilaaɔ̃ í cica wa tã hai waati iyi kù taka andunya ka jɛ titɛɛ si anu akã nwa do Kirisi, nɔ ka jɛ inɛ kumá ŋa ka maà nɛ taale kãma bi tɛɛ.

Efɛɛzu 2:13

Amma nsɛi iyi ì nɛ anu akã do Jesu Kirisi ŋa, iŋɛ iyi ì tako ì wa í jĩ ŋa, wee nsɛi ì ce amɛɛ do Ilaaɔ̃ ŋa do saabui njɛi Kirisi.

Efɛɛzu 2:15

Do ikui araɛi í kpaò irii woodai Zuifu ŋa do iwɔ̀ɛ ŋa ku ba ku yɔkɔ ku ce dimi minji ŋau dimi titɔ̃ akã lege lege si nŋu takaɛ. Si bɛɛbɛi, í dasi laakai ku sũ si anini nŋa.

Efɛɛzu 2:2

Waati bɛɛbɛ, kpãa laalɔi inɛi andunya ŋai ì ya maa too si ŋa, nɔ ì ya maa jirima Seetam, ilaalui ilu gbugbãi lele ŋa. Ilaaluu nŋui í jɛ hunde iyi wa ce icɛ hee nsɛi si idɔi inɛ ŋa iyi a kù waa jirima idei Ilaaɔ̃.

Efɛɛzu 2:6

Si anu akã nwa do Kirisi, Ilaaɔ̃ í jĩ wa hai si balɛ ka jɛ bomma lele do Jesu Kirisi ajɔ.

Efɛɛzu 4:1

Na nŋu, amu iyi ǹ wa piisɔ̃ɔ si na iyi í jɔ̀ ǹ wa n ce icɛi Lafɛ̃ɛ, ǹ wa n tɔɔ ŋɛ i maa nɛ dee dee si bɛi í jɔ inɛ ŋa iyi Ilaaɔ̃ í kpe à ya nɛ.

Efɛɛzu 4:24

nɔ i jɔ̀ i nɛ daa titɔ̃ ŋa iyi í jɔ ti Ilaaɔ̃. Daa titɔ̃u, aa yɔɔi si dee dee ku jɛ nŋɛ do kuwɛɛ hai nɛ dulum. Iyi bɛ hai bi ntɔi wa naa.

Wooda ku kɔsi 32:6

Iŋɛ zamaa hai nɛ iri ŋai, nɔ i kù nɛ yaase ŋa. Inɛ á yɔkɔ ku maa nɛ do yaase bɛɛbɛ si gãmɛi Aɔ̃ Lafɛ̃ɛ? Kù jɛ Aɔ̃ Lafɛ̃ɛ nŋu iyi í taka ŋɛi í jɛ baa nŋɛ? Kù jɛ nŋui í ce ŋɛ zamaaɛ ŋa?

Wooda ku kɔsi 5:33

I too kpãa iyi Aɔ̃ Lafɛ̃ɛ nŋɛ í nyisi ŋɛ dee dee ŋa ku ba i ya maa wɛɛ si ididɔ̃ ŋa, nɔ hunde nŋɛ ku sɔ si ilɛ iyi aa na i koo i buba si ŋa ku jɛ tu ŋɛu.

Filipi 1:6

Ǹ wa n mà kãm kãm, Ilaaɔ̃ iyi í sinti icɛ jiidau ihɛ̃ si ŋɛ á maa cooi hee koo kpaò iriɛ si ajɔi kunyii Jesu Kirisi wa.

Filipi 2:13

domi Ilaaɔ̃i wa ce icɛ si ŋɛ ku ba ku mu nŋɛ idɔɔbi do gbugbã iyi aa yɔkɔ i cooò ŋa bɛi nŋu takaɛ í bi.

Kolosee 1:10

Bɛɛbɛi isɛɛnɛ nŋɛ ŋa á jɔ ti inɛ ŋa iyi à jɛ ti Lafɛ̃ɛ, nɔ waati kãma fei i ya ce iyi á dɔ̃aa si ŋa. Nɔ i ya ce icɛ jiida ikã ikã fei ŋa, nɔ Ilaaɔ̃ ku mà nŋɛ ku kɔ̃ɔsi.

Kolosee 3:10

nɔ ì nɛ daa titɔ̃ ŋa. Ì baa ì jɛ amanɛ titɔ̃ ŋa iyi Ilaaɔ̃ woo taka nwa wa kpaasi kpɛlɛ kpɛlɛ ku ba i jɔɔ nɔ i màa sãa sãa ŋa.

Tɛsalonika 2, 2:17

a mua idɔ nŋɛ gbugbã, nɔ a jɔ̀ i leekĩ dim dim i ceò icɛ jiida do ide jiida fei ŋa.

Timɔtee 1, 5:10

nɔ ku jɛ inɛ gɔ iyi à waa jɛ sɛɛdai icɛ jiidaɛ. Nɔ ku jɛ inaabo iyi í mà amu ŋa ku mu, nɔ ku jɛ inɛ gɔ iyi í ya yaaɛ inɛ njoo ŋa nɔ ku wiɛ kutɛi woo dasi Jesu naanɛ ŋa, nɔ ku ya sobi inɛ ŋa iyi à wa si wahala, nɔ ku jɛ inɛ gɔ iyi í ya ce icɛ jiida baa yooma fei.

Timɔtee 1, 5:25

Bɛɛbɛ mɔi icɛ jiida mɔ í ya fitai gbasasa, nɔ baa iyi kù fita a kù yɔɔ waati bɛɛbɛ, kaa manji do ajɔ fei.

Timɔtee 1, 6:18

Sɔ̃ ŋa a ce mii iyi í sĩa, a jɛ ilu amani si jiida ku ce, nɔ a ya kpɛ̃a inɛ ŋa amani nŋa do inɔ didɔ̃.

Timɔtee 2, 2:21

Na nŋu, inɛ iyi wa nya araɛ hai si laalɔ ŋa iyi ǹ fɔ ideɛu fei, á yɛi bɛi jɛɛ iyi í nɛ bɛɛrɛ. Á jɛ inɛ iyi Ilaaɔ̃ í cica ikã ku jɛ tɛɛ mam mam, nɔ Lafɛ̃ɛ á yɔkɔ ku ceò icɛ si na iyi í jɔ̀ í tã sɔɔlu ku ceò icɛ jiida baa yooma fei.

Timɔtee 2, 3:17

ku ba inɛi Ilaaɔ̃ ku kɔ̃, nɔ ku tã sɔɔlu ku ceò icɛ jiida baa yooma fei.

Titee 2:14

Í so araɛ í na na iri nwa ku ya wa hai si laalɔ baa yooma fei, nɔ ku ce wa inɛ kumá ŋa ka na ka jɛ bɛi dimi akã iyi á jɛ titi nŋu akã nɔ ka jɛ ilu himma ka maa ceò icɛ jiida.

Titee 2:7

Bɛɛbɛ mɔi awɔ takaɛ, i ya jɔ̀ a yɛ siɛ jiida ku ce si mii fei. Si cioɛ, nyisi ŋa iyi ì jɛ dee dee nɔ ì waa ce mii iyi à dasiɛ.

Titee 3:1

Ye inɛi igbɛi Jesu ŋau fei gigi a ya sũa ilaalui ilɛ ŋa do inɛ ngbo ŋa iri ilɛ, a ya jirima ŋa, nɔ a ya tã sɔɔlu si icɛ jiida fei ku ce.

Titee 3:14

Í sĩa inɛ nwa ŋau mɔ a hanya si icɛ jiida ku ce, ku ba a ba bukaatai mii iyi à bi nɔ a maà jɛ kuwɛɛ nŋa ngbɛ ngbɛ.

Titee 3:8

Ideu í nɛ naanɛ. Ǹ bi i fɔ ideu i sisi ku ba inɛ ŋa iyi à dasi Ilaaɔ̃ naanɛ a ce kookaai a ceò icɛ jiida. Ideu ide jiidai nɔ í nɛ aranfãani bi inɛ ŋa.

Ebɛɛ 10:24

Ka ce laakaii njɛ ku ba ka ya mua njɛ gbugbã iyi á jɔ̀ ka bi inɛ ŋa nɔ ka maa ce icɛ jiida.

Ebɛɛ 13:21

ku mu nŋɛ gbugbã i ceò daa jiida ŋa ku ba i ce idɔɔbiɛ. Nɔ ku ce si ŋɛ mii iyi á dɔ̃aa si na saabui Jesu Kirisi. Amboe ku jɛ ti Jesu Kirisi hee do ajɔ fei. Ami.

Piɛɛ 1, 2:12

I jɔ̀ i nɛ daa jiida ŋa si inɔi hai dasi Jesu naanɛ ŋa, domi baa bii à waa kpe ŋɛ inɛ laalɔ ŋa, aa yɛ icɛ jiida nŋɛ nɔ a saabu Ilaaɔ̃ si ajɔ iyi á kiiti inɛ fei.

Zãa 1, 1:7

Amma bii à waa nɛ si inya kumá, si bɛi Ilaaɔ̃ takaɛ í wa si inya kumáu, aa ka nɛ anu akã awa duusɔ̃ɔ, nɔ njɛi Jesu Amaɛ á jɔ̀ ka má hai si dulum fei.

Zãa 1, 2:6

Inɛ iyi í ni nŋu í nɛ anu akã do nŋu, lafɛ̃ɛ í nɛ ku maa nɛi bɛi Jesu takaɛ í nɛ.