Efɛɛzu 1:8 - Bibeli do fee

⁸ Didɔ̃ iyi í ce nwa í caa si bɛi í mu nwa bisi nla nla do laakai jiida.

Efɛɛzu 1:8 Iomraidhean Croise

Iri ku kɔ̃ 104:24

Aɔ̃ Lafɛ̃ɛ, icɛɛ ŋa a kù nɛ jia, ì ce fei ndɛɛi do laakai. Ilɛ í kɔ̃i do mii ŋa iyi ì taka.

Mɔnda ŋa 8:12

Amu laakai, bi kuwam nii í jɛ kusaku, nɔ ǹ ya n ba kumà wai hai si lasabu.

Ezai 52:13

Aɔ̃ Lafɛ̃ɛ í ni kuwɛɛi woo ce icɛi nŋu á maa bɔ do wajui. Á dedei ku la nɔ ku nɛ bɛɛrɛ nla nla.

Matie 11:19

Nɔ iyi amu Amai Amanɛ ǹ naa, ǹ ya n jɛ nɔ n maa n mɔ, nɔ inɛ ŋa à ni ǹ bi ijɛ nɔ ǹ jɛ woo mɔ atɛ̃, nɔ ǹ jɛ kpaasii woo gba fiai lɛmpoo ŋa do ilu dulum ŋa. Do nŋu fei, à yɛ iyi bisii Ilaaɔ̃ í jɛ dee dee na icɛ ŋa iyi wa ce.

Romu 11:33

Irei ì gbɔ bɛi amanii Ilaaɔ̃ do bisiɛ do kumàɛ í la í to. Inɛ gɔ kaa yɔkɔ ku mà yaasei lasabuɛ. Inɛ gɔ mɔ kù nɔ kù wɛɛ iyi á mà kpãaɛ sãa sãa.

Romu 5:15

Ntɔ ntɔ, inɛ nkpɔi í ku na dulum dii inɛ akãu, amma didɔ̃i Ilaaɔ̃ í la í re dulum dii Adamu. Didɔ̃i Ilaaɔ̃u mɔ hai bi inɛ akãi í naa, nɔ lafɛ̃ɛui í jɛ Jesu Kirisi. Didɔ̃u amua nla nlai, nɔ í tosi inɛ nkpɔ.

Kɔrɛnti 1, 2:7

Aawo, bisii asiii Ilaaɔ̃ iyi í singaa amanɛ ŋai à waa waazo. Bisiu Ilaaɔ̃ í ce sɔɔluɛi hai waati iyi kù taka andunya ku ba ka kpɛ̃ amboeɛ do nŋu takaɛ ajɔ.

Efɛɛzu 1:11

Ntɔ ntɔ, mii fei wa cei si bɛi Ilaaɔ̃ í bi. Na nŋu, à jɛ woo jɛ tubu bi tɛɛ na anu akã nwa do Kirisi, si na iyi í jɔ̀ í cica wa wo si bɛi nŋu takaɛ í dasi idɔ hai tako.

Efɛɛzu 1:7

Do saabui njɛi Jesui Ilaaɔ̃ í ya wa nɔ í kpa idei dulum du wa si didɔ̃ nlaɛ iyi í nyisi wa.

Efɛɛzu 1:9

Nɔ í jɔ̀ a mà asii iyi nŋu takaɛ í dasi idɔ ku ce hai tako si Kirisi.

Efɛɛzu 3:10

ku ba inɛ ngboi lele ŋa do ilu yiikoi lele ŋa a mà yaasei bisiɛ do saabui igbɛi inɛi Jesu ŋa si waatiu ihɛ̃.

Kolosee 2:3

Bisi nla do kumài Ilaaɔ̃ fei wa singa siɛ.

Kuyɛi Zãa 5:12

À dɔ̃ anu à waa ni, ama angudã iyi à ceò kuweeu wo í to ku ba yiiko do amani do kumà do gbugbã do bɛɛrɛ do amboe do saabu.