Efɛɛzu 1:7 - Bibeli do fee

⁷ Do saabui njɛi Jesui Ilaaɔ̃ í ya wa nɔ í kpa idei dulum du wa si didɔ̃ nlaɛ iyi í nyisi wa.

Efɛɛzu 1:7 Iomraidhean Croise

Zɔɔbu 33:24

Amalekau á nɛ araareɛ, nɔ á tɔɔ Ilaaɔ̃ ku ni, maà jɔ̀ mɔkɔu ihɛ̃ ku ku, ǹ ba mii iyi aa sã ku baò faaba.

Iri ku kɔ̃ 130:4

Amma awɔ ì ya cea inɛ ŋa suurui, ŋɔi í jɔ̀ í nɛ ka jirimaɛ.

Iri ku kɔ̃ 130:7

Iŋɛ inɛi Izirɛli ŋa, i jɔ̀ naanɛ nŋɛ ku wa si Aɔ̃ Lafɛ̃ɛ, domi í jɛ jiida, nɔ nŋui í ya faaba inɛ ntɔ ntɔ.

Iri ku kɔ̃ 86:5

Awɔ Aɔ̃ Lafɛ̃ɛ ì jɛ inɛ jiida do ilu suuru. Jiida ku jɛɛ í la í caa bi inɛ ŋa iyi à waa kpeɛ.

Kufita 34:7

An nyisi inɛ ŋa kubim hee ku koo si tɔku dubusia. An kpa idei kurara nŋa ŋa do laalɔ ku ce nŋa ŋa do dulum du ŋa, amma n kaa n cɔ inɛ laalɔ bɛi inɛ iyi kù ce laalɔ kãma. An kpã amu ŋa iyi baa nŋa ŋa à ce dulum iju hee ku koo si tɔku gbɛɛtasia do gbɛ̃ɛsia nŋa.

Ezai 43:25

Amma amu, amu akãi ǹ jɛsi n ceɛ suurui ide kukɔ̀ɛ ŋau, nɔ n maà n ye gigii dulum dɛɛ ŋau má.

Zeremi 31:34

Waati bɛɛbɛ, inɛ kãma nŋa kaa nɛ bukaatai ku maa kɔ́ kpaasiɛ ŋa do nyaanzeɛ ŋa bɛi aa ce a mà amu Aɔ̃ Lafɛ̃ɛ. Hai inɛ iyi í kere í re hee do inɛ iyi í la í re fei á màm nii. An ce nŋa suurui dulum iyi à ce feii, n kaa n ye gigiɛ má.

Daniɛli 9:19

Lafɛ̃ɛ, gbɔ, Lafɛ̃ɛ, ce suuru. Lafɛ̃ɛ, sotĩ i gbɔ. Ce ngɔgɔ nɔ i maà jɔ̀ ku kpɛ na irii awɔ takaɛ. Ntɔ ntɔ, iluu ihɛ̃ do zamaaɛ fei, awɔi ì nɔɔ.

Daniɛli 9:9

Ilaaɔ̃ Lafɛ̃ɛ nwa, awɔi ì ya ce araare do suuru, domi awa à ce ide ku kɔ̀ si wajuɛ.

Zonasi 4:2

Nɔ í sɔ̃ Aɔ̃ Lafɛ̃ɛ í ni, mii ŋa iyi ǹ wa n yɛ mbɛ waati iyi ǹ wa ilɛi idem, ŋɔi í jɔ̀ ǹ sa gbãa gbãa ǹ nɛ ikpa Taasi. Ǹ mà iyi awɔ ilu araarei, idɔɛ ci ya saasa ku kɔ̃ nɔ jiida kú jɛɛ í caa, nɔ idei laalɔ iyi ì dasi idɔ i cea amanɛ ì ya kpaa mái.

Misee 7:18

Iwɛ̃ yoomai í yɛ bɛi awɔ Aɔ̃ Lafɛ̃ɛ, awɔ iyi ì ya kpa idei kurara nɔ ì ya cea inɛɛ ŋa iyi à gbe suurui dulum du ŋa. I ci ya maa mu idei idɔɔkɔ̃ hee do ajɔ fei, domi kubiɛ fei si jiida ku cei í ya wa.

Zakari 13:1

Ajɔ nŋu, isɔ̃ gɔ á sɔ̃ inyi nɔ ku wɔ dulum do riisii kpasɛ̃i Davidi do inɛi Zeruzalɛmu ŋa fei.

Zakari 13:7

Aɔ̃ Lafɛ̃ɛi lele do ilɛ í ni, taakuba, cuku si woo degbe inɛm ŋa, nŋu iyi ǹ jɔ̀ í jɛ minjisiam. Kpa woo degbeu nɔ angudã ŋau a fangaa bii fei, nɔ n cuku si iyi a kù nɛ gbugbã ŋau mɔ.

Zakari 9:11

Aɔ̃ Lafɛ̃ɛ í ni má, iŋɛ inɛi Zeruzalɛmu ŋa, an nya ŋɛ si aru ku jɛ nŋɛ, iŋɛ iyi ì yɛ bɛi inɛi piisɔ̃ɔ ŋa iyi à cĩmbo si lɔgɔ hai nɛ inyi. An nya ŋɛ na akabuum iyi ǹ dĩ do iŋɛ si njɛi kuwee.

Matie 20:28

Nɔ baa amu Amai Amanɛ n kù naa inɛ ŋa a ceem icɛ, amma amui an ce nŋa icɛ, nɔ n na kuwɛɛm n yaò inɛ nkpɔ hai si dulum.

Matie 6:12

Kpa idei dulum du wa bɛi awa mɔ à ya ka kpa idei kurara iyi inɛ ŋa à ce nwa.

Maaku 14:24

Ŋɔi í sɔ̃ ŋa í ni, iyi ihɛ̃i í jɛ njɛm. Nŋui í jɛ nyindai akabuu iyi Ilaaɔ̃ í dĩ do amanɛ ŋa. An nikãɛ na irii dulum dii inɛ nkpɔ.

Luku 1:77

nɔ aa jɔ̀ inɛɛ ŋa a mà iyi aŋa aa ba faaba waati iyi Ilaaɔ̃ á nya dulum du ŋa.

Luku 24:47

Nɔ aa waazo do irim si dimi fei, aa sintii hai Zeruzalɛmu. Aa waazo a kpe inɛ ŋa a kpaasi idɔ nɔ Ilaaɔ̃ ku kpa idei dulum du ŋa.

Laabaau jiida iyi Zãa í kɔ 20:23

Inɛ iyi ì kpa idei dulum dɛɛ ŋa, Ilaaɔ̃ mɔ á kpaai. Inɛ mɔ iyi ì ni dulum dɛɛ í jɛ idei iriɛ ŋa, lafɛ̃ɛ á maa wɛɛò ndɛɛi.

Woo bɛ ŋa 10:43

Bɛɛbɛ mɔi walii ŋa fei à fɔ ideɛ à ni inɛ iyi í dasiɛ naanɛ fei Ilaaɔ̃ á kpa dulum dii lafɛ̃ɛ na saabui iriɛ.

Woo bɛ ŋa 2:38

Ŋɔi Piɛɛ í sɔ̃ ŋa í ni, iŋɛ fei i kpaasi idɔ nŋɛ i jɔ̀ a dasi ŋɛ inyi do irii Jesu Kirisi ku ba Ilaaɔ̃ ku kpa idei dulum du ŋɛ, nɔ aa ba amuai Ilaaɔ̃ má ŋa iyi í jɛ Hundeɛ.

Woo bɛ ŋa 20:28

I mu ara nŋɛ ku sĩa, nɔ i ya maa degbe inɛ ŋa iyi Hundei Ilaaɔ̃ í da nŋɛ si awɔ fei, aŋa iyi à jɛ igbɛi inɛi Ilaaɔ̃ ŋa iyi nŋu takaɛ í ya do njɛi Amaɛ.

Woo bɛ ŋa 3:19

Na nŋu, i kpaasi idɔ nŋɛ i sinda si Ilaaɔ̃ ŋa ku ba ku kpa idei dulum du ŋɛ.

Romu 2:4

Mà ì donda kulai jiida ku jɛɛ do temuaɛ do suuru ku nɛɛi. I kù mà iyi jiida ku jɛi Ilaaɔ̃ í mɔsi wa koo si gãmɛɛ ku ba i kpaasi idɔɛ?

Romu 3:24

Amma Ilaaɔ̃ í ce ŋa dee dee hai nɛ ngɔgɔ ku sã na didɔ̃ɛ do saabui Jesu Kirisi iyi í ya ŋa.

Romu 3:25

Nŋui Ilaaɔ̃ í jilɛ ku jɛ kuwee. Njɛɛ iyi í nikã í kpa dulum dii inɛ ŋa iyi à dasiɛ naanɛ. Ilaaɔ̃ í ce bɛɛbɛi ku nyisiò iyi nŋu í jɛ dee dee. Tako wo si suuruɛ í temua do dulum dii amanɛ ŋa, kù kpã ŋa iju.

Romu 9:23

Inɛ gɔ ŋa mɔ í bi ku nyisi ŋa bɛi amboeɛ í la í to. Aŋai í ce araare nŋa nɔ í ce sɔɔlu nŋa hai ku kpɛ a nɛ ikpɛ̃ si amboeɛ.

Kɔrɛnti 1, 1:30

Ilaaɔ̃i í jɔ̀ ì nɛ anu akã do Jesu Kirisi ŋa. Nɔ Kirisii í jɛ bisii Ilaaɔ̃ bi tu wa na saabui anu akã nwau iyi à ce do nŋu. Kirisii í nya wa hai si dulum du wa. Do saabuɛi à jɛò dee dee nɔ à jɛò inɛi Ilaaɔ̃ ŋa.

Kɔrɛnti 2, 8:9

Ì nɔ ì mà didɔ̃i Lafɛ̃ɛ nwa Jesu Kirisi ŋa, nŋu iyi í tako í jɛ ilu amani, nɔ í ce araɛ ilu are na iri nŋɛ ku ba areɛu ku ce ŋɛ ilu amani ŋa.

Efɛɛzu 1:14

Hundeɛu nŋui í yɛ bɛi kaazigii tubu nwa iyi Ilaaɔ̃ í wãò inɛɛ ŋa wo. Nɔ wa sɔ̃ wa kãm kãm iyi aa ka jɛ tubuu si waati iyi Ilaaɔ̃ á ya inɛɛ ŋa mam mam. Na nŋu, ka saabu kulaɛ.

Efɛɛzu 1:18

Ǹ wa n tɔɔɛ má ku jɔ̀ inya kumá ku lɔ si idɔ nŋɛ ku ba i mà yaasei kpãa ku cɔ si bii í kpe ŋɛ, do si bɛi tubu iyi í jilɛa woo dasiɛ naanɛ ŋa í la í to,

Efɛɛzu 1:6

ku ba ka saabu didɔ̃ nla nlaɛ iyi í ce nwa si anu akã nwa do Amaɛ, inɛ iyi siɛi kubiɛ fei í wa.

Efɛɛzu 1:8

Didɔ̃ iyi í ce nwa í caa si bɛi í mu nwa bisi nla nla do laakai jiida.

Efɛɛzu 2:4

Amma araarei Ilaaɔ̃ í la. Na kubi nlaɛ iyi í bi wa,

Efɛɛzu 2:7

Í ce bɛɛbɛi ku ba ku nyisi didɔ̃ nla hai nɛ kɔɔɛ si jiida ku jɛɛ iyi í ce nwa do saabui Jesu Kirisi hee do ajɔ fei.

Efɛɛzu 3:16

Ǹ wa n tɔɔɛ ku jɔ̀ Hundeɛ ku mu nŋɛ gbugbã jiida jiida si idɔ nŋɛ si bɛi amboeɛ í la í to,

Efɛɛzu 3:8

Amu iyi ǹ jɛ keekei woo dasi Jesu naanɛ ŋa fei, amui Ilaaɔ̃ í cea didɔ̃ n sisia dimi mmu ŋa laabaau jiida nɔ n sɔ̃ ŋa bɛi didɔ̃i Kirisi í la í to nɔ í re kumà nwa.

Filipi 4:19

Do saabui Jesu Kirisi Ilaaɔ̃ á mua iŋɛ fei bukaatai mii iyi ì nɛ ŋa si bɛi amanii amboeɛ í to.

Kolosee 1:14

Do saabui Amaui í ya wa nɔ í kpa idei dulum du wa.

Kolosee 1:27

Í nyisi ŋai si na iyi í jɔ̀ wa bi a mà bɛi asiii nŋu í nɛ bɛɛrɛ do yiiko si anini dimi mmu ŋa. Asiiu wee. Kirisi í wa si ŋɛ, nɔ wa mu nŋɛ kpãa ku cɔ iyi iŋɛ mɔ aa ba ikpɛ̃ si amboei Ilaaɔ̃ ŋa.

Kolosee 2:13

Tako wo, ì yɛi bɛi iku ŋa na irii kurara nŋɛ do si na iyi í jɔ̀ ì jɛ dimi mmu ŋa iyi a kù ce bango ŋa. Amma nsɛi Ilaaɔ̃ í ce ŋɛ ilu hunde do Kirisi ajɔ. Í kpa idei dulum du wa fei.

Kolosee 2:2

Ǹ wa n ce bɛɛbɛi ku ba n mu nŋa gbugbã, nɔ a gbɔsi njɛ do kubi, nɔ kumà nŋa ku maa kɔ̃ɔsi, sika kãma ku maà wa si. Bɛɛbɛ mɔi aa mà asiii Ilaaɔ̃ iyi í jɛ Kirisi takaɛ.

Timɔtee 1, 2:6

nɔ í na araɛ ku yaò inɛ fei hai si dulum. Bɛɛbɛi si waati jiidaɛ í nyisi wa iyi Ilaaɔ̃ í bi amanɛ fei ku ba faaba.

Titee 2:14

Í so araɛ í na na iri nwa ku ya wa hai si laalɔ baa yooma fei, nɔ ku ce wa inɛ kumá ŋa ka na ka jɛ bɛi dimi akã iyi á jɛ titi nŋu akã nɔ ka jɛ ilu himma ka maa ceò icɛ jiida.

Titee 3:6

Ilaaɔ̃ í mu nwa Hundeɛ do inɔ akã na saabui Jesu Kirisi woo faaba nwa,

Ebɛɛ 9:22

Si idei wooda njɛi í ya jɔ̀ mii nkpɔ ku maaju. Bii njɛ kù nikã Ilaaɔ̃ kaa kpa dulum dii inɛ kãma.

Piɛɛ 1, 2:24

Kirisi takaɛ í so dulum du wa si araɛ si jĩi ku gaauu ku ba ka jɛ bɛi iku si wajui dulum, nɔ ka ce kuwɛɛ nwa dee dee. Do saabui kumɛɛɛ ŋai à baò iri.

Piɛɛ 1, 3:18

Gbakã akãi Kirisi í ku na dulum. Nŋu iyi í jɛ inɛ dee dee, í ku na inɛ laalɔ ŋa, ku ba ku bɔò wa bi Ilaaɔ̃. Waati iyi à kpaa, araɛ í ku amma hundeɛ í wɛɛ.

Zãa 1, 2:12

Ǹ wa n kɔ nŋɛ wai, iŋɛ amam ŋa, si na iyi í jɔ̀ Ilaaɔ̃ í nya dulum du ŋɛ na irii Jesu.

Zãa 1, 2:2

Nŋu takaɛ í ce kuweei araɛ ku ba ku kpa idei dulum du wa, amma kù jɛ ti awa akã, do ti inɛi andunya feii.

Zãa 1, 4:10

Kù jɛ awai à tako à bi Ilaaɔ̃ amma nŋui í bi wa, nɔ í bɛ Amaɛ wa ku ba ku jɛ kuwee iyi á kpa dulum du wa.

Kuyɛi Zãa 14:4

Inɛ ŋau, a kù sũò inaabo. À mu ara nŋa a kù mà inaabo titã. À waa too ama angudãu bii wa bɔ fei. À yá ŋa hai si inɔi amanɛ ŋa. À yɛi bɛi amaajɛ sinte iyi à na Ilaaɔ̃ do ama angudãu.

Kuyɛi Zãa 5:9

Nɔ à kɔ̃ iri titɔ̃ gɔ à waa ni, awɔi ì to i gba tiau nɔ i ga sɛɛda ŋau, domi à kpaɛ wo, nɔ do njɛɛi ì raa Ilaaɔ̃ amanɛ ŋa hai si dimi fei, do fee ikã ikã fei, do ilɛ fei.