Efɛɛzu 1:6 - Bibeli do fee

⁶ ku ba ka saabu didɔ̃ nla nlaɛ iyi í ce nwa si anu akã nwa do Amaɛ, inɛ iyi siɛi kubiɛ fei í wa.

Efɛɛzu 1:6 Iomraidhean Croise

Iri ku kɔ̃ 22:20

Awɔ Aɔ̃ Lafɛ̃ɛm, maà jĩim, awɔ iyi ì jɛ gbugbãm, naa i faabam ńya ńya.

Iri ku kɔ̃ 60:5

Ì jɔ̀ awa inɛɛ ŋa à yɛ ijuukpã nla nla, nɔ à mɔ atɛ̃ í sinda iri nwa.

Mɔnda ŋa 16:4

Mii iyi Aɔ̃ Lafɛ̃ɛ í ce fei í nɛ mii iyi wa lelei. Nɔ í ce baa inɛ laalɔi na ajɔi wahala.

Ezai 42:1

Ŋɔi Aɔ̃ Lafɛ̃ɛ í ni, inɛ ihɛ̃i í jɛ woo ce icɛm. An maa n muui si awɔ. Nŋui ǹ cica, nɔ nŋui ǹ bi. Nŋui ǹ daa si hundem. Nŋui á jilɛa inɛi ilɛ ŋa asaiya.

Ezai 43:21

Zamaa iyi ǹ takau á kɔ̃ irii ku maa saabum.

Ezai 61:11

Ntɔ ntɔ, yaase bɛi ilɛ í ya jɔ̀ ngboi mii iyi à gbɛ̃ ku fita, walakɔ bɛi lambo í ya jɔ̀ mii iyi à gbɛ̃ ku fita, bɛɛbɛ mɔi Aɔ̃ Lafɛ̃ɛ á jɔ̀ dee dee ku jɛ do iri ku kɔ̃i saabu ku fita, nɔ inɛi ilɛ mmu ŋa fei aa yɔɔi.

Ezai 61:3

Inɔ kufɔi ikui inɛi Siɔ̃ɔ ŋa à wɛɛò, amma icɛ iyi ǹ naa ku cei í jɛ, n kpaasi agbɛ bii inɔ kufɔ nŋa í wau do inɔ didɔ̃ nla nla. Ilúlu iyi í wa si iri nŋau, n nyaa nɔ n we nŋa bɔngɔtɔbɛɛ kusĩa gɔ. An jɔ́ nŋa ikpo si waju nŋa iyi í bɛjɛ na ara kurou. Araare iyi à wɛɛòu, an nyaai nɔ n da nŋa si ibɔi jingau. Waati bɛɛbɛ, aa so ŋai a wãò jĩi nla ŋa iyi à jɔ̀ Aɔ̃ Lafɛ̃ɛ í nɛ bɛɛrɛu do bɛi lambo iyi wa nyisi amboei Aɔ̃ Lafɛ̃ɛ.

Zeremi 23:6

Si waatiɛi inɛi Zudaa ŋa aa ba faaba, nɔ inɛi Izirɛli ŋa aa jɛ kuwɛɛ nŋai do laakai ku sũ. Iri iyi aa ya kpoo doi í jɛ, Aɔ̃ Lafɛ̃ɛi í jɛ woo kiiti nwa.

Zeremi 33:9

Waati bɛɛbɛi, an nɛ inɔ didɔ̃ si iluu, nɔ iluu á jɔ̀ n nɛ bɛɛrɛ nɔ ku jɛɛm bɛi booda si andunya fei waati iyi inɛi andunya ŋau aa gbɔ mii jiida ŋa iyi an cea fei. Inɛi andunya ŋau aa maa yaya do zigiida, nɔ aa wɛɛò biti si gãmɛi didɔ̃ iyi an ce nŋa do laakai ku sũ iyi an jɔ̀ a nɛ fei.

Kuwee 15:15

Woo weeu á ceò akã kuwee iyi á kpa idei dulum nii, akã mɔ ku ceò kuwee iyi à ya jo si ina fei sãa sãau. Si anyiɛ woo weeu á cei bɛi à nɛ dɔ̃ɔnɛi bukii ara ku maaju ku ce ku bɛi ku maaju hai si bɔ̃ɔu.

Zakari 13:7

Aɔ̃ Lafɛ̃ɛi lele do ilɛ í ni, taakuba, cuku si woo degbe inɛm ŋa, nŋu iyi ǹ jɔ̀ í jɛ minjisiam. Kpa woo degbeu nɔ angudã ŋau a fangaa bii fei, nɔ n cuku si iyi a kù nɛ gbugbã ŋau mɔ.

Matie 17:5

Wa fɔ ideu kù tã mɔm nɔ inya kumá gɔ í naa si ŋa bɛi bukɔɔ. Nɔ à gbɔ ide ku fɔ gɔ hai si inɔɛ í ni, inɛ ihɛ̃i í jɛ amam. Ǹ buu jiida jiida, siɛi inɔ didɔ̃m fei í ya wa. I ya gbɔ ideɛ ŋa.

Matie 20:9

Inɛ ŋa iyi à sinti icɛ alɛ zakai isɔ miiu ŋau à naa à gba fiai icɛi ajɔ akã.

Matie 3:17

Nɔ à gbɔ ide ku fɔ gɔ wa hai lele í ni, inɛ ihɛ̃i í jɛ Amam. Ǹ buu jiida jiida, siɛi inɔ didɔ̃m fei í ya wa.

Luku 2:14

Amboe ku jɛ ti Ilaaɔ̃ hee lele. Nɔ laakai ku sũ ku wa si ilɛ si inɛ ŋa iyi Ilaaɔ̃ í bi.

Laabaau jiida iyi Zãa í kɔ 10:17

Baaba í bim si na iyi í jɔ̀ ǹ jɛsi n ku. An ku nɔ an jĩ má.

Laabaau jiida iyi Zãa í kɔ 3:35

Ilaaɔ̃ Baaba í bi Amaɛ nɔ í daa mii fei si awɔ.

Romu 8:1

Na nŋu, nsɛi Ilaaɔ̃ kaa yɛ taalei inɛ ŋa iyi à nɛ anu akã do Jesu Kirisi má.

Kɔrɛnti 2, 4:15

Na iri nŋɛi à waa temuaò mii ŋau ihɛ̃ fei ku ba inɛ ŋa iyi à ba didɔ̃i Ilaaɔ̃u, akpɔ nŋa ku ya maa kɔ̃ɔsi nɔ a ya maa saabuɛ ntɔ ntɔ, domi bɛɛbɛi aa nyisiò amboeɛ.

Kɔrɛnti 2, 5:21

Kirisi, nŋu iyi kù ce dulum kãma, nŋui Ilaaɔ̃ í kãa dulum du wa ku ba ka jɛ dee dee si wajuɛ na anu akã nwa iyi à ce do Kirisi ajɔ.

Efɛɛzu 1:12

Na nŋu, i jɔ̀ ka saabu kulai Ilaaɔ̃, awa Zuifu ŋa iyi à tako à waa cɔ kpãai Kirisi wo.

Efɛɛzu 1:14

Hundeɛu nŋui í yɛ bɛi kaazigii tubu nwa iyi Ilaaɔ̃ í wãò inɛɛ ŋa wo. Nɔ wa sɔ̃ wa kãm kãm iyi aa ka jɛ tubuu si waati iyi Ilaaɔ̃ á ya inɛɛ ŋa mam mam. Na nŋu, ka saabu kulaɛ.

Efɛɛzu 1:18

Ǹ wa n tɔɔɛ má ku jɔ̀ inya kumá ku lɔ si idɔ nŋɛ ku ba i mà yaasei kpãa ku cɔ si bii í kpe ŋɛ, do si bɛi tubu iyi í jilɛa woo dasiɛ naanɛ ŋa í la í to,

Efɛɛzu 2:7

Í ce bɛɛbɛi ku ba ku nyisi didɔ̃ nla hai nɛ kɔɔɛ si jiida ku jɛɛ iyi í ce nwa do saabui Jesu Kirisi hee do ajɔ fei.

Filipi 1:11

nɔ icɛ jiida nŋɛ ŋa iyi ì waa ce ŋa na saabui Jesu Kirisiu ku kɔ̃, nɔ ku jɔ̀ inɛ ŋa a yɛ amboei Ilaaɔ̃ nɔ a maa saabuɛ.

Filipi 3:9

nɔ n wɛɛ do nŋu. Nɔ ǹ wa n mà n kaa n yɔkɔ n jɛ dee dee na wooda ku jirima, amma ǹ jɛ dee deei si na iyi í jɔ̀ ǹ dasi Kirisi naanɛ. Dee dee ku jɛu wa naai hai bi Ilaaɔ̃ na saabui naanɛ iyi à dasiu.

Filipi 4:19

Do saabui Jesu Kirisi Ilaaɔ̃ á mua iŋɛ fei bukaatai mii iyi ì nɛ ŋa si bɛi amanii amboeɛ í to.

Kolosee 1:13

Do ntɔi í nya wa hai si awɔ gbugbãi ilu kuku nɔ í buba wa si bommai Amaɛ iyi í bi.

Piɛɛ 1, 2:5

Iŋɛ mɔ, i naa wa bɛi kuta ilu hunde a ceò ŋɛ icɛ a maò ile bi kuwai Hundei Ilaaɔ̃. Bɛi aa jɛ woo wee ŋa iyi à má iyi Hundei Ilaaɔ̃ á jɔ̀ a cea Ilaaɔ̃ kuwee ŋa iyi á dɔ̃aa si do saabui Jesu Kirisi.

Piɛɛ 1, 2:9

Amma iŋɛi ì jɛ dimi iyi Ilaaɔ̃ í cica, nɔ iŋɛi ì jɛ woo weei ilaalu ŋa, ì jɛ dimi iyi í má ŋa iyi Ilaaɔ̃ í ya ku ba i fɔ jiida ku jɛɛ, nŋu iyi í kpe ŋɛ hai si ilu kuku ì naa ì lɔ si inya kumá ilu bɛɛrɛɛ.

Piɛɛ 1, 4:11

Inɛ iyi wa waazo, ku fɔ idei Ilaaɔ̃. Inɛ mɔ iyi wa cea inɛ gɔ icɛ ku coo do gbugbã iyi Ilaaɔ̃ í muaa ku ba si mii fei amboei ku jɛ ti Ilaaɔ̃ do saabui Jesu Kirisi, nŋu iyi í nɛ amboe do gbugbã hee do ajɔ fei. Ami.