Efɛɛzu 1:5 - Bibeli do fee

⁵ Si kubiɛ í lasabu wo hai ku kpɛ ku ce wa amaɛ ŋa si anu akã nwa do Jesu Kirisi, si bɛi í bi si jiida ku jɛɛ

Efɛɛzu 1:5 Iomraidhean Croise

Zeremi 3:19

Amu Aɔ̃ Lafɛ̃ɛ ǹ ya n maa n ni, ǹ bi n kàɛi wo si inɔi amam ŋa, nɔ n muɛ ilɛ bii ididɔ̃ í wa, iyi kusĩai boodaɛ í re si ilɛ fei. Ǹ ya n maa n nii wo, awɔi aa ya kpem i ni, baam. Nɔ i kaa kɔ̀sim pai.

Zeremi 3:4

Nsɛi bɛbɛi ì waa dɔ̃ anu sim ì waa ni, baam, awɔi ì jɛ kpaasim hai awaasũm.

Matie 1:25

Amma aŋaò a kù tɔtɔɔ sɛ̃ɛ hee í koo í bíò ama inɛmɔkɔɛ. Nɔ Zozɛfu í sɔɔ Jesu.

Matie 11:26

Í sĩa Baaba, si na iyi í jɔ̀ bɛɛbɛi ì bi.

Luku 10:21

Si waati akãu, inɔi Jesu í dɔ̃ jiida jiida do gbugbãi Hundei Ilaaɔ̃ nɔ í ni, Baaba, awɔ iyi ì jɛ Lafɛ̃ɛi lele do ilɛ, ǹ wa n saabuɛ do iyi ì singaa ilu bisi do woo mà ŋa mii ŋau ihɛ̃ nɔ ì nyisi amu ŋa. Í sĩa Baaba, si na iyi í jɔ̀ bɛɛbɛi ì bi.

Luku 11:32

Si ajɔi kiitiu inɛi Ninivu ŋa aa dede si inɛi nsɛi ŋa a yɛ taale nŋa, si na iyi í jɔ̀ à kpaasi idɔ nŋa na waazoi Zonasi. Nɔ wee nsɛi, mii gɔ í wa ihɛ̃ iyi í nɛ bɛɛrɛ í re Zonasi.

Luku 12:32

Nɔ Jesu wa ba mɔcɔɛ ŋau ide ku fɔ má í ni, iŋɛ gaa keekem, i maà ti i ce njo ŋa, domi á dɔ̃a Baa nŋɛ si ku jɔ̀ i jɛ amaalu ŋa si bommaɛ.

Laabaau jiida iyi Zãa í kɔ 1:12

Amma inɛ ŋa iyi à gbaa nɔ à dasiɛ naanɛ í mu nŋa kpãa a jɛò amai Ilaaɔ̃ ŋa.

Laabaau jiida iyi Zãa í kɔ 11:52

Kù nɔ kù jɛ si agbɛi aŋa akãi á ku, amma á kui ku ba kú jɔ̀ amai Ilaaɔ̃ ŋa iyi à wa bii fei a jɛ akã.

Laabaau jiida iyi Zãa í kɔ 20:17

Ŋɔi Jesu í sɔ̃ɔ í ni, jɔ̀m, maà lum, domi n kù bɔ lele bi Baam titã. Amma bɔ bi mɔcɔm ŋa, sɔ̃ ŋa i ni ǹ wa n bɔ bi Ilaaɔ̃. Nŋui í jɛ baam, nɔ í jɛ baai iŋɛ mɔ.

Woo bɛ ŋa 13:48

Iyi hai jɛ Zuifu ŋau à gbɔ ideu, ŋɔi í dɔ̃ nŋa si, à waa saabu Lafɛ̃ɛ na ideɛu. Nɔ inɛ ŋa iyi Lafɛ̃ɛ í jilɔɔ si a ba kuwɛɛ hai tãu fei à dasi naanɛ.

Romu 8:23

Nɔ iyi í re mɔm, baa awa iyi Ilaaɔ̃ í mu nwa Hundeɛ bɛi fiai kaazigi, à waa kakaa si idɔ nwa à waa degbeò Ilaaɔ̃ ku nyisi iyi à jɛ amaɛ ŋa ntɔ ntɔ nɔ ku faaba ara nwa.

Kɔrɛnti 1, 1:1

Amui Pɔlu, amu iyi Ilaaɔ̃ í kpe si idɔɔbiɛ ǹ jɛ woo bɛi Jesu Kirisi. Amu do Sɔsitɛni kpaasi nwau

Kɔrɛnti 1, 1:21

Ntɔ ntɔ, inɛi andunya ŋa a kù yɔkɔ a kù mà Ilaaɔ̃ do bisii aŋa taka nŋa. Ilaaɔ̃ takaɛi í coo bɛɛbɛ. Amma si bisiɛ mii iyi í sĩaa wee. Inɛ ŋa iyi à dasiɛ naanɛ à ba faaba na idei waazo iyi inɛ gɔ ŋa à waa cɔ bɛi idei sũmu.

Kɔrɛnti 2, 6:18

An jɛ baa nŋɛ, nɔ iŋɛ mɔ aa jɛ ama inɛmɔkɔ do ama inaabom ŋa. Mii iyi Ilaaɔ̃ ilu gbugbã fei í fɔ mbɛ.

Galati 3:26

Do yaase bɛɛbɛi iŋɛ fei ì jɛ amai Ilaaɔ̃ ŋa na naanɛ iyi ì dasi Jesu Kirisi ŋa.

Efɛɛzu 1:11

Ntɔ ntɔ, mii fei wa cei si bɛi Ilaaɔ̃ í bi. Na nŋu, à jɛ woo jɛ tubu bi tɛɛ na anu akã nwa do Kirisi, si na iyi í jɔ̀ í cica wa wo si bɛi nŋu takaɛ í dasi idɔ hai tako.

Efɛɛzu 1:9

Nɔ í jɔ̀ a mà asii iyi nŋu takaɛ í dasi idɔ ku ce hai tako si Kirisi.

Filipi 2:13

domi Ilaaɔ̃i wa ce icɛ si ŋɛ ku ba ku mu nŋɛ idɔɔbi do gbugbã iyi aa yɔkɔ i cooò ŋa bɛi nŋu takaɛ í bi.

Kolosee 1:19

Ilaaɔ̃ í bi nŋu ku wa si Amai nŋu mam mam.

Tɛsalonika 2, 1:11

Na ŋɔi í ce à waa ce kutɔɔ ajɔ fei na iri nŋɛ. À waa tɔɔ Aɔ̃ Lafɛ̃ɛ nwa ku jɔ̀ i jɛ kuwɛɛ nŋɛ dee dee si bɛi í jɔ inɛ ŋa iyi à gbɔ kukpeɛ a ce. Nɔ à waa tɔɔ má gbugbãɛ ku jɔ̀ i ce jiida iyi ì waa dasi idɔ ŋa nɔ ku jɔ̀ kucei naanɛ ku dasi nŋɛ ku kɔ̃.

Ebɛɛ 2:4

Nɔ Ilaaɔ̃ í ce maamaake ikã ikã fei ku ba gbugbãi sɛɛda nŋau ku kɔ̃ɔsi. Nɔ í cea inɛ ŋa amua ikã ikãi Hundeɛ si bɛi í bi.

Zãa 1, 3:1

I cɔ kubi nla nla iyi Ilaaɔ̃ Baaba í bi wa, hee à waa kpe wa amaɛ ŋa. Nɔ ntɔi bɛɛbɛi à jɛ. Ŋɔi í jɔ̀ inɛi andunya ŋa a kù mà wa domi a kù mà Ilaaɔ̃ mɔm wo.

Kuyɛi Zãa 21:7

Inɛ iyi í jɛ igũ aa naa mii ŋau bɛ, nɔ an jɛ Ilaaɔ̃ Baabaɛ, nɔ nŋu mɔ ku jɛ amam.