Efɛɛzu 1:3 - Bibeli do fee

³ I jɔ̀ ka saabu Ilaaɔ̃ Baai Lafɛ̃ɛ nwa Jesu Kirisi. Na saabui anu akã nwa do Kirisi, í wee nwa do didɔ̃ ikã ikã iyi Hundeɛ wa mu nwa wa hai lele.

Efɛɛzu 1:3 Iomraidhean Croise

Kusintii Andunya 14:20

Ka saabu Ilaaɔ̃ iyi í re mii fei, nŋu iyi í daɛ mbɛɛ ŋa si awɔ. Nɔ andi mii iyi Aburamu í ba wa, si mɛɛwa fei í nya akã í naa.

Kusintii Andunya 22:18

Dimi fei á ba kuwee si andunyau ihɛ̃ na saabui dimiɛ ŋa si na iyi í jɔ̀ ì jirima idem.

Bomma 1, 29:20

Ŋɔi Davidi í sɔ̃ zamaau fei í ni, i saabu Aɔ̃ Lafɛ̃ɛ nŋɛ ŋa. Nɔ inɛ ŋau fei à saabu Aɔ̃ Lafɛ̃ɛi bala nŋa ŋau. À gulɛ à sɛɛbata si wajui Aɔ̃ Lafɛ̃ɛ do si wajui ilaaluu.

Bomma 1, 4:10

Yabɛsi í ce kutɔɔ í ni, Ilaaɔ̃ Lafɛ̃ɛi inɛi Izirɛli ŋa, jɔ̀ kuweeɛ ku maa wɛɛ do amu. Jɔ̀ ilɛm ku la ku kɔ̃ɔsi. Bii sim awɔɛ i maa degbem, nɔ i jɔ̀ ijuukpã do wahala ku jĩim. Nɔ Ilaaɔ̃ í ceaa amuai mii iyi í tɔɔ.

Bomma 2, 31:8

Ŋɔi Ezekiasi do inɛ ngbo ŋau à naa à yɛ ikɔ ŋau, nɔ à saabu Aɔ̃ Lafɛ̃ɛ à weea zamaau.

Neemi 9:5

Si anyiɛ inɛi Levii gɔ ŋa mɔ à saabu Ilaaɔ̃. Aŋa iyi à saabu Ilaaɔ̃ ŋau wee. Zozue do Kadimiɛli do Bani do Hasabunia do Serebia do Hodiya do Sebania do Petaya. Aŋai à sɔ̃ zamaa à ni a dede a saabu Aɔ̃ Lafɛ̃ɛ nŋau hai nnyi hee do ajɔ fei. Nɔ à ni, Aɔ̃ Lafɛ̃ɛ, jɔ̀ inɛ fei ku saabuɛ, awɔ iyi í nɛ amboe nla nla. Amboeɛu í kpeeò ku fɔ do gɛlɛ.

Iri ku kɔ̃ 134:3

Aɔ̃ Lafɛ̃ɛ nŋu iyi í ce lele do ilɛ ku wee nŋɛ wa hai Siɔ̃ɔ.

Iri ku kɔ̃ 72:17

Bɛi inunu í ya maa fita waati kãma fei jɔ̀ iriɛ ku maa wɛɛ hee do ajɔ fei. Jɔ̀ inɛ ŋa a ya maa kpe iriɛ waati iyi à waa weea njɛ fei, nɔ inɛi ilɛ ŋa fei a fɔ a maa ni, ilu inɔ didɔ̃i.

Iri ku kɔ̃ 72:19

Saabu ku jɛ ti Aɔ̃ Lafɛ̃ɛ ilu amboe hee do ajɔ fei, nɔ andunyau fei ku kɔ̃ do amboeɛ. Ami. Ami.

Ezai 61:9

Inɛi ilɛ ŋa fei aa mà tɔku nŋɛ ŋa. Inɛ ŋa iyi aa yɛ ŋa fei, aa mà iyi à jɛ dimi ŋa iyi à ba kuweei Aɔ̃ Lafɛ̃ɛ.

Daniɛli 4:34

Na ŋɔi í jɔ̀ nsɛi bɛbɛi, amu Nebukanɛsaa ǹ wa n cĩ ilaalu iyi í wa lelei Aɔ̃u, ǹ wa n fɔ kulaɛ, nɔ ǹ mà bɛɛrɛɛ. Mii iyi wa ce waati kãma fei, í ya cooi si ntɔ nɔ í ya jɛ dee deei. Nɔ si gbugbãɛ, inɛ ŋa iyi à waa nɛ do faau, á yɔkɔ ku kaye gbugbã nŋa.

Luku 2:28

ŋɔi Simeɔ̃ í gbaa í muu si awɔɛ í saabu Ilaaɔ̃ wa ni,

Laabaau jiida iyi Zãa í kɔ 14:20

Waati iyi ajɔu í to wa aa mà ŋa iyi ǹ wa si Baam nɔ iŋɛ mɔ ì wa sim ŋa nɔ amu mɔ ǹ wa si ŋɛ.

Laabaau jiida iyi Zãa í kɔ 17:21

Ǹ wa n tɔɔɛi aŋa fei a jɛ akã. Si bɛi awɔ Baaba ì wa sim, nɔ amu mɔ ǹ wa siɛ, jɔ̀ a jɛ akã si wa ku ba inɛi andunya ŋa a dasi naanɛ iyi awɔi ì bɛm wa.

Laabaau jiida iyi Zãa í kɔ 20:17

Ŋɔi Jesu í sɔ̃ɔ í ni, jɔ̀m, maà lum, domi n kù bɔ lele bi Baam titã. Amma bɔ bi mɔcɔm ŋa, sɔ̃ ŋa i ni ǹ wa n bɔ bi Ilaaɔ̃. Nŋui í jɛ baam, nɔ í jɛ baai iŋɛ mɔ.

Romu 12:5

Bɛɛbɛ mɔi, baa bii awa à kpɔ à jɛ ara akã si Kirisi nɔ à dĩ si njɛi bɛi ikɔ̃ ikã ikãi arau.

Romu 15:6

ku ba iŋɛ fei i ya maa saabu Ilaaɔ̃ ajɔ do anu akã ŋa, nŋu iyi í jɛ baai Lafɛ̃ɛ nwa Jesu Kirisi.

Kɔrɛnti 1, 1:30

Ilaaɔ̃i í jɔ̀ ì nɛ anu akã do Jesu Kirisi ŋa. Nɔ Kirisii í jɛ bisii Ilaaɔ̃ bi tu wa na saabui anu akã nwau iyi à ce do nŋu. Kirisii í nya wa hai si dulum du wa. Do saabuɛi à jɛò dee dee nɔ à jɛò inɛi Ilaaɔ̃ ŋa.

Kɔrɛnti 1, 12:12

Kirisi í yɛi bɛi ara akã do ikɔ̃ nkpɔ nkpɔ. Arau akãi baa bii í nɛ ikɔ̃ nkpɔ nkpɔ,

Kɔrɛnti 2, 1:3

Ka saabu Ilaaɔ̃, Baai Lafɛ̃ɛ nwa Jesu Kirisi, nŋui í nɛ araare, nɔ nŋui í ya maa tũ idɔ nwa waati kãma fei.

Kɔrɛnti 2, 11:31

Ka saabu Ilaaɔ̃ baai Lafɛ̃ɛ nwa Jesu do ajɔ fei. Nŋui í mà iyi n kù wa n sɔ ibo.

Kɔrɛnti 2, 5:17

Bii inɛ gɔ í nɛ anu akã do Kirisi í jɛ inɛ titɔ̃. Mii ndii tako ŋau à lɔ, mii titɔ̃ ŋai à sãsi wa.

Kɔrɛnti 2, 5:21

Kirisi, nŋu iyi kù ce dulum kãma, nŋui Ilaaɔ̃ í kãa dulum du wa ku ba ka jɛ dee dee si wajuɛ na anu akã nwa iyi à ce do Kirisi ajɔ.

Galati 3:9

Aburahamu í dasi naanɛ nɔ í ba kuwee. Bɛɛbɛ mɔi inɛ ŋa iyi à dasi naanɛ aa ba kuwee do nŋu ajɔ.

Efɛɛzu 1:10

Lasabui Ilaaɔ̃u iyi á ce si ajɔ iyi awaatiɛ í to nŋui í jɛ ku tɔtɔɔ mii iyi í taka fei, hai mii iyi í wa lele do iyi í wa ilɛ fei, nɔ Kirisi ku jɛ iriɛ.

Efɛɛzu 1:17

Ǹ wa n tɔɔ Ilaaɔ̃ ilu amboe, Baai Lafɛ̃ɛ nwa Jesu Kirisi, ku ce ŋɛ ilu laakai jiida nɔ ku nyisi ŋɛ bɛi nŋu takaɛ í yɛ ku ba i màa sãa sãa ŋa.

Efɛɛzu 1:20

iyi í ce í jĩò Kirisi hai si balɛ, nɔ í bubaɛ si awɔ njɛɛ lele.

Efɛɛzu 2:6

Si anu akã nwa do Kirisi, Ilaaɔ̃ í jĩ wa hai si balɛ ka jɛ bomma lele do Jesu Kirisi ajɔ.

Efɛɛzu 3:10

ku ba inɛ ngboi lele ŋa do ilu yiikoi lele ŋa a mà yaasei bisiɛ do saabui igbɛi inɛi Jesu ŋa si waatiu ihɛ̃.

Efɛɛzu 6:12

domi kù jɛ do amanɛ ŋai à waa ja. À waa jai do ilu iri laalɔi lele ŋa do ilu yiiko ŋa, do gbugbãi andunyai ilu kuku ŋau ihɛ̃, do inɛi inɔɔko woo ce icɛi Seetam ŋa.

Filipi 2:11

Nɔ gɛlɛi inɛ fei ku jɛsi iyi Jesu Kirisii í jɛ Lafɛ̃ɛ. Nŋu bɛi á na Ilaaɔ̃ Baaba amboe.

Ebɛɛ 8:5

Woo wee ŋau à waa sìsì icɛi lele. Icɛ nŋa í jɔ icɛi kuwee iyi woo wee nla nwa í ce leleu. Bɛɛbɛ mɔi, waati iyi Moizi í tã sɔɔlu ku ce ilei acɔu, Ilaaɔ̃ í sɔ̃ɔ í ni, jɔ̀ i coo mam mam ku yɛ bɛi ǹ nyisiɛ si antaii iri kutau.

Ebɛɛ 9:23

Mii ndii andunya ŋau ihɛ̃ iyi à jɔ mii ndii lele ŋau à maaju do kuwee dimi bɛɛbɛ. Amma mii ndii lele ŋa taka nŋa à nɛ bukaatai kuwee iyi í re do bɛɛrɛ.

Piɛɛ 1, 1:3

Ka saabu Ilaaɔ̃ Baai Lafɛ̃ɛ nwa Jesu Kirisi. Si araare nlaɛ, í jɔ̀ kujĩi Jesu Kirisi wa hai si balɛ í bí wa isɛ gbeejisia. Si bɛɛbɛ í mu nwa kpãa ku cɔ iyi í jɛ ti kuwɛɛ.