Efɛɛzu 1:23 - Bibeli do fee

²³ Igbɛui í jɛ arai Kirisi. Si igbɛui Kirisi takaɛ í wa nɔ í kɔ̃ dee dee, nŋu iyi í wa bii fei si mii baa yooma fei.

Efɛɛzu 1:23 Iomraidhean Croise

Laabaau jiida iyi Zãa í kɔ 1:16

Si amani nlaɛu awa fei à ba andi baa nwa, nɔ à ba didɔ̃ si antaii didɔ̃u.

Romu 13:5

Na nŋu, ì nɛ i sũ nŋa iri ilɛ ŋai, nɔ kù jɛ si na iyi í jɔ̀ ì waa ce njoi ijuukpã nŋu akã ŋa, amma ku ba idɔ nŋɛ ku maà yɛ taale nŋɛi.

Kɔrɛnti 1, 12:6

Gbugbãi Ilaaɔ̃ wa ce icɛ si inɛ fei ikã ikã, amma Ilaaɔ̃ akãui wa mua inɛ fei gbugbã iyi á ceò icɛ baa yooma fei.

Kɔrɛnti 1, 15:28

Nɔ waati iyi á daa Kirisi mii fei si awɔ, nŋu iyi wa jɛ Amau, á so araɛ ku daa Ilaaɔ̃ si awɔ, ku ba Ilaaɔ̃ ku wa si antaii mii fei.

Efɛɛzu 2:16

Do saabui ikuɛ si antaii jĩi ku gaauui í kpaò mbɛɛtɛ iyi à waa muò njɛ wo, nɔ í tɔtɔɔ dimi minji ŋau akã í jɔ̀ à dɔ̃ do Ilaaɔ̃. Aŋa fei à baa à jɛ ara akã ajɔ.

Efɛɛzu 3:10

ku ba inɛ ngboi lele ŋa do ilu yiikoi lele ŋa a mà yaasei bisiɛ do saabui igbɛi inɛi Jesu ŋa si waatiu ihɛ̃.

Efɛɛzu 3:19

Baa do iyi kubiu í re kumài amanɛ fei, ǹ bi i mà yaaseɛ ŋa ku ba ì kɔ̃ mam mam bɛi Ilaaɔ̃ í kɔ̃.

Efɛɛzu 4:10

Inɛ iyi í kita í bɔ hee lɛlɛi ilɛu nɔ í nyi í gũ leleu má inɛ akãui, ku ba ku jɔ̀ mii fei ku kɔ̃ dee dee.

Efɛɛzu 4:12

Bɛɛbɛi í ce ku ba ku ceò sɔɔlui woo dasi Jesu naanɛ ŋa si icɛɛ, ku ba ku kɔ̃ɔsi gbugbãi arai Kirisi.

Efɛɛzu 4:13

Nɔ bɛɛbɛ mɔi awa fei aa ka ce anu akã si naanɛ ku dasiu nɔ ka mà Amai Ilaaɔ̃, nɔ ka jɛ inɛ ngbo ka tóo alái Kirisi.

Efɛɛzu 4:4

Ara akãi í wɛɛ, Hunde akã mɔi í wɛɛ, nɔ kpãa ku cɔ akã mɔi í wɛɛ si bii Ilaaɔ̃ í kpe ŋɛ.

Kolosee 1:24

Nsɛi ǹ ya n nɛ inɔ didɔ̃ si ijuukpã iyi ǹ wa n yɛ na iri nŋɛ. Nɔ mii iyi í gaizia si wahala ŋa iyi Kirisi í nɛ ku yɛ, amui an tambɔɛ si aram na araɛ iyi í jɛ igbɛu.

Kolosee 2:19

Inɛ ŋau a kù waa leekĩ si Kirisi, nŋu iyi í jɛ iri nɔ siɛi ara fei í tɔtɔɔ do ikɔ̃ ikɔ̃ɛ nɔ í ba gbugbã wa lá bɛi Ilaaɔ̃ í bi.

Kolosee 3:11

Bɛɛbɛ mɔi si inɔ nŋɛ inɛ gɔ kù jɛ mmu, hai dimi mmu ŋa hee do Zuifu ŋa, hai inɛ ŋa iyi à ce bango hee do inɛ ŋa iyi a kù ce fei, hai inɛi ilɛɛko ŋa do ilu iju dũdũ ŋa, hai aru ŋa do hai jɛ aru ŋa. Nŋu ŋau bɛ fei Kirisi nŋu akãi í jɛ fei ndɛɛ nɔ í wa si inɛ fei.

Kolosee 3:15

Nɔ i jɔ̀ laakai ku sũ iyi Kirisi í mu nŋɛ ku maa ce icɛ si idɔ nŋɛ, domi si laakai ku sũu bɛi Ilaaɔ̃ í kpe ŋɛ i jɛò ara akã ŋa. Nɔ i ya maa saabuɛ ŋa.