Efɛɛzu 1:21 - Bibeli do fee

²¹ Bɛi Kirisi í wa í reò ilu irii lele fei do ilu yiiko ŋa do ilu gbugbã ŋa do lafɛ̃ɛ ŋa fei. Nɔ iriɛ í re iri fei si waatiu ihɛ̃ do si waati iyi wa naa.

Efɛɛzu 1:21 Iomraidhean Croise

Daniɛli 7:27

Waati bɛɛbɛ, hai bommau do gbugbãɛ do kulai bomma ŋa iyi à wa si andunyau fei, ti inɛi Ilaaɔ̃ ŋaui á jɛ. Bommau á maa wɛɛi hee do ajɔ fei, nɔ ilu gbugbã ŋau fei aa gbɔ ideɛi nɔ a maa cea icɛ.

Matie 12:32

Bii amanɛ wa fɔ laalɔi Amai Amanɛ Ilaaɔ̃ á yɔkɔ ku kpa idei dulum dɛɛ. Amma inɛ iyi wa fɔ taalei Hundei Ilaaɔ̃ kaa ba a kpa idei dulum dɛɛ hai nnyi hee do ala fei.

Woo bɛ ŋa 4:12

Woo faaba gɔ kù wɛɛ má bii kù jɛ nŋu akã, domi Ilaaɔ̃ kù na irii inɛ gɔ má si andunya iyi aa ka kpe ka baò faaba.

Efɛɛzu 2:2

Waati bɛɛbɛ, kpãa laalɔi inɛi andunya ŋai ì ya maa too si ŋa, nɔ ì ya maa jirima Seetam, ilaalui ilu gbugbãi lele ŋa. Ilaaluu nŋui í jɛ hunde iyi wa ce icɛ hee nsɛi si idɔi inɛ ŋa iyi a kù waa jirima idei Ilaaɔ̃.

Efɛɛzu 3:10

ku ba inɛ ngboi lele ŋa do ilu yiikoi lele ŋa a mà yaasei bisiɛ do saabui igbɛi inɛi Jesu ŋa si waatiu ihɛ̃.

Efɛɛzu 6:12

domi kù jɛ do amanɛ ŋai à waa ja. À waa jai do ilu iri laalɔi lele ŋa do ilu yiiko ŋa, do gbugbãi andunyai ilu kuku ŋau ihɛ̃, do inɛi inɔɔko woo ce icɛi Seetam ŋa.

Kolosee 2:10

Nɔ iŋɛ mɔ ì kɔ̃ ŋa do saabui anu akã nŋɛ do nŋu, nŋu iyi í jɛ inɛ ngboi gbugbãi lele ŋa do ilu yiiko ŋa fei.

Kolosee 2:15

Bɛɛbɛi í kãmiaò gbugbãi lele ŋa do ilu yiiko ŋa í dasi ŋa anyɔ si bantuma. Do ikui Amaɛ si antaii jĩi ku gaauui í kãmiaò ŋa nɔ wa dabiiò ŋa si inɔ ilu bɛi ilaalu ŋa à ya dabiiò inɛ ŋa iyi à mu wa hai si igũ, zamaa fei ku yɛ ŋa.

Ebɛɛ 1:4

Si bɛi Ilaaɔ̃ í na Amaɛu iri iyi í re ti amaleka ŋa, bɛɛbɛ mɔi Amau takaɛ í re amaleka ŋa.

Ebɛɛ 2:5

Ntɔ ntɔ, andunya iyi á na ku naa iyi à waa fãau, kù jɛ amaleka ŋai Ilaaɔ̃ í jilɛ a jɛ inɛ ngboɛ.

Ebɛɛ 4:14

Do ntɔi à nɛ woo wee nla iyi í bɔ lelei Aɔ̃ í to hee bi Ilaaɔ̃ takaɛ. Nŋui í jɛ Jesu Amaɛ. Na nŋu, ka leekĩ dim dim si naanɛ iyi à dasi,

Piɛɛ 1, 3:22

nŋu iyi í bɔ lele nɔ wa buba si awɔ njɛi Ilaaɔ̃. Bɛi amaleka ŋa do ilu yiikoi lele ŋa do ilu gbugbã ŋa à waa sũaa iri ilɛ.