Efɛɛzu 1:19 - Bibeli do fee

¹⁹ do bɛi gbugbã nlaɛ wa ce icɛ si awa iyi à dasiɛ naanɛ. Gbugbãu, í jɛ akã do gbugbã nla

Efɛɛzu 1:19 Iomraidhean Croise

Ezai 53:1

Laabaau iyi à sɔ̃ wau, yooi í dasi naanɛ. Yooi í mà gbugbãi Aɔ̃ Lafɛ̃ɛ.

Laabaau jiida iyi Zãa í kɔ 3:6

Amanɛ amanɛi í ya bí, Hundei Ilaaɔ̃ mɔ hundei í ya bí.

Woo bɛ ŋa 26:18

i cĩ iju nŋa. An bɛɛ bi tu ŋai ku ba a sinda hai si ilu kuku a lɔ si inya kumá, nɔ a sinda hai si gbugbãi Seetam a naa bi Ilaaɔ̃. An bɛɛ bi tu ŋai ku ba a dasim naanɛ nɔ Ilaaɔ̃ ku kpa dulum du ŋa nɔ a na a jɛ tubu do inɛ ŋa iyi í cica à jɛ tɛɛ.

Romu 1:16

N kaa n ce anyɔi laabaau jiidau, domi í jɛ gbugbãi Ilaaɔ̃i iyi wa faaba inɛ iyi í dasi Jesu naanɛ fei, hai Zuifu ŋa hee ku koo si dimi mmu ŋa.

Kɔrɛnti 2, 4:7

Amma awa iyi à nɛ amani nlau ihɛ̃, à yɛi bɛi cakai amà ku ba inɛ ŋa a mà iyi kulai gbugbãu ti Ilaaɔ̃i, kù jɛ ti awa taka nwa.

Kɔrɛnti 2, 5:17

Bii inɛ gɔ í nɛ anu akã do Kirisi í jɛ inɛ titɔ̃. Mii ndii tako ŋau à lɔ, mii titɔ̃ ŋai à sãsi wa.

Efɛɛzu 2:10

Awa icɛi awɔi Ilaaɔ̃i à jɛ. Í taka wai si anu akã nwa do Jesu Kirisi ka ceò icɛ jiida iyi í ce sɔɔluɛ hai ku kpɛ.

Efɛɛzu 3:20

Ilaaɔ̃ í nɛ gbugbã ku ce mii iyi à waa tɔɔ fei do iyi à waa lasabu fei, nɔ á yɔkɔ ku ce baa mii iyi í re bɛɛbɛ mɔm hee ku caa. Gbugbãɛu wa ce icɛ si wa.

Efɛɛzu 3:7

Do saabui didɔ̃ iyi Ilaaɔ̃ í ceem si gbugbãɛi ǹ jɛò woo ce icɛi laabaau jiidau.

Efɛɛzu 6:10

Ide iyi í gbe ǹ wa n bi n sɔ̃ ŋɛ wee. Si anu akã nŋɛ do Lafɛ̃ɛ i jɔ̀ gbugbã nlaɛ ku mua iŋɛ mɔ gbugbã ŋa.

Filipi 2:13

domi Ilaaɔ̃i wa ce icɛ si ŋɛ ku ba ku mu nŋɛ idɔɔbi do gbugbã iyi aa yɔkɔ i cooò ŋa bɛi nŋu takaɛ í bi.

Filipi 3:21

Do gbugbãɛ iyi á jɔ̀ mii fei ku jirimaɛò nŋui á kpaasiò ara hai nɛ bɛɛrɛ nwau ku jɔ arai nŋu takaɛ iyi í nɛ amboe.

Kolosee 1:29

Na ŋɔi í jɔ̀ ǹ wa n ce icɛ do kookaai ǹ wa n jabu do gbugbãi Kirisi iyi wa ce icɛ sim.

Kolosee 2:12

Ntɔi, si waati iyi à dasi ŋɛ inyi í yɛi bɛi à si ŋɛ do Kirisi. Nɔ à dede ŋɛ do nŋu, si na iyi í jɔ̀ ì naanɛ gbugbãi Ilaaɔ̃ iyi í jũu hai si balɛ ŋa.

Tɛsalonika 1, 1:5

Nɔ laabaau jiida iyi à sisi nŋɛ wo kù naa bi tu ŋɛ do ide nŋu akã, amma do gbugbãi í naa, do sobii Hundei Ilaaɔ̃ ajɔ, nɔ sika kãma kù wa si. Iŋɛ taka nŋɛ ì mà bɛi à jɛ kuwɛɛ nwa si anini nŋɛ na aranfãani nŋɛ.

Tɛsalonika 2, 1:11

Na ŋɔi í ce à waa ce kutɔɔ ajɔ fei na iri nŋɛ. À waa tɔɔ Aɔ̃ Lafɛ̃ɛ nwa ku jɔ̀ i jɛ kuwɛɛ nŋɛ dee dee si bɛi í jɔ inɛ ŋa iyi à gbɔ kukpeɛ a ce. Nɔ à waa tɔɔ má gbugbãɛ ku jɔ̀ i ce jiida iyi ì waa dasi idɔ ŋa nɔ ku jɔ̀ kucei naanɛ ku dasi nŋɛ ku kɔ̃.

Zaaki 1:18

Si idɔɔbiɛ, í bí wa isɛ gbeejisia do saabui ide ntɔɛ ku ba hai si inɛ ŋa iyi í taka fei ka jɛ bɛi amaajɛ sinte ŋa iyi à jɛ tɛɛ.

Piɛɛ 1, 4:11

Inɛ iyi wa waazo, ku fɔ idei Ilaaɔ̃. Inɛ mɔ iyi wa cea inɛ gɔ icɛ ku coo do gbugbã iyi Ilaaɔ̃ í muaa ku ba si mii fei amboei ku jɛ ti Ilaaɔ̃ do saabui Jesu Kirisi, nŋu iyi í nɛ amboe do gbugbã hee do ajɔ fei. Ami.