Efɛɛzu 1:18 - Bibeli do fee

¹⁸ Ǹ wa n tɔɔɛ má ku jɔ̀ inya kumá ku lɔ si idɔ nŋɛ ku ba i mà yaasei kpãa ku cɔ si bii í kpe ŋɛ, do si bɛi tubu iyi í jilɛa woo dasiɛ naanɛ ŋa í la í to,

Efɛɛzu 1:18 Iomraidhean Croise

Zɔɔbu 42:5

À tako à sɔ̃m ideɛi wo. Amma bɛbɛi, ijum nii í yɛɛ.

Iri ku kɔ̃ 119:18

Cĩ ijum ŋa ku ba n yɛ jiida ku jɛi woodaɛ ŋa.

Ezai 11:2

Hundei Aɔ̃ Lafɛ̃ɛ á wa siɛ, nɔ hundeui í ya jɔ̀ inɛ ku wũaa mii ŋa nɔ í ya jɔ̀ inɛ ku jɛ ilu laakai nɔ ku jɛ woo muaa inɛ ikɔ nɔ ku jɛ woo muaa inɛ gbugbã. Hundeui í ya jɔ̀ inɛ ku mà Aɔ̃ Lafɛ̃ɛ nɔ ku ya maa jirimaɛ.

Ezai 29:10

Ntɔ ntɔ, Aɔ̃ Lafɛ̃ɛ í da nŋɛ si sĩsĩ njoo si idɔ, í bii iju nŋɛ iŋɛ walii ŋa, nɔ í bii wajui woo yɛ nŋɛ ŋau mɔ.

Ezai 29:18

Waati bɛɛbɛ, dekĩ ŋa aa gbɔ ide iyi à fɔ si tiau, nɔ fɛɛju ŋa mɔ aa fita hai si ilu kuku bii à wau a maa yɛ ilu.

Ezai 32:3

Inɛ ŋa iyi à nɛ a yɛ ilu, nɔ a kù waa yɛ ilu ŋau fei, aa yɛ ilu. Inɛ ŋa mɔ iyi à nɛ a gbɔ ide, nɔ a kù waa gbɔ ide ŋau fei, aa gbɔ.

Ezai 42:7

Awɔi aa jɔ̀ fɛɛju ŋa a yɛ ilu, nɔ inɛ ŋa iyi à waa mu si ile piisɔ̃ɔ, awɔi aa nya ŋa. Nɔ inɛ ŋa mɔ iyi à waa mu si ilu kuku, awɔi aa nya ŋa wa.

Ezai 6:10

Lele idɔi inɛ ŋau nɔ i dĩ itĩ nŋa ku ba a maà ya gbɔ ide gɔ, bii iju nŋa ku ba a maà ya yɛ ngɔgɔ. Ce nŋa bɛɛbɛ ku ba a maà yɔkɔ a nyi wa bi Aɔ̃ Lafɛ̃ɛ hee a ba faaba.

Matie 13:15

Idɔi inɛ ŋau í baa í le. À dĩ itĩ nŋa ku ba a maà gbɔ ide gɔ, nɔ à bii iju nŋa ku ba a maà yɛ ngɔgɔ, nɔ idɔ nŋa mɔ ku maà mà ngɔgɔ. Bii kù jɛ bɛɛbɛ aa na a sinda wa bi Ilaaɔ̃ nɔ ku jɔ̀ a ba iri.

Maaku 10:17

Ŋɔi Jesu í dasi kpãa. Iyi wa nɛ, ŋɔi inɛ gɔ í sɛi wa í naa í gulɛ si wajuɛ í ni, Mɛɛtu, awɔ inɛ ncɛɛ, mii an ce n baò kuwɛɛ hai tã.

Luku 24:45

Ŋɔi í mu nŋa laakai jiida ku ba a gbɔ yaasei kukɔi idei Ilaaɔ̃u.

Woo bɛ ŋa 16:14

Abo gɔ í wa bɛ à ya kpoo Lidi, inɛi Tiatiii, í ya ta acɔi fia nkpɔ nɔ í ya maa jirima Ilaaɔ̃. Iyi à waa ba ŋa ide ku fɔ nɔ wa de itĩ, nɔ Lafɛ̃ɛ í cĩ idɔɛ ku ba ku gbɔ ide iyi Pɔlu wa fɔ.

Woo bɛ ŋa 26:18

i cĩ iju nŋa. An bɛɛ bi tu ŋai ku ba a sinda hai si ilu kuku a lɔ si inya kumá, nɔ a sinda hai si gbugbãi Seetam a naa bi Ilaaɔ̃. An bɛɛ bi tu ŋai ku ba a dasim naanɛ nɔ Ilaaɔ̃ ku kpa dulum du ŋa nɔ a na a jɛ tubu do inɛ ŋa iyi í cica à jɛ tɛɛ.

Romu 11:29

Ilaaɔ̃ í bi ŋa hee nsɛi domi ci ya ce mua ngba nɔ ci ya sinda idɔ hai si inɛ ŋa iyi í kpe.

Romu 2:4

Mà ì donda kulai jiida ku jɛɛ do temuaɛ do suuru ku nɛɛi. I kù mà iyi jiida ku jɛi Ilaaɔ̃ í mɔsi wa koo si gãmɛɛ ku ba i kpaasi idɔɛ?

Kɔrɛnti 2, 4:4

Inɛ ŋau a kù dasi naanɛ si na iyi í jɔ̀ Seetam, lafɛ̃ɛi andunyau í nya laakai nŋa. Í nya laakai nŋai ku ba a maà yɛ inya kumái laabaau jiidau. Laabaau jiidau wa nyisi wa amboei Kirisi, iyi í jɛ Ilaaɔ̃ takaɛ.

Kɔrɛnti 2, 4:6

Ilaaɔ̃i í ni, inya kumá ku ce si aninii ilu kuku, nŋui í nɔ í da nwa si inya kumáɛ si idɔ nwa ku ba ka mà amboeɛ. Amboei Ilaaɔ̃ui à waa yɛ si wajui Kirisi.

Galati 5:5

Amma awa, Hundei Ilaaɔ̃ wa sɔ̃ wa mam mam iyi Ilaaɔ̃ á jɔ̀ ka jɛ dee dee na naanɛ ku dasi nwa.

Efɛɛzu 1:11

Ntɔ ntɔ, mii fei wa cei si bɛi Ilaaɔ̃ í bi. Na nŋu, à jɛ woo jɛ tubu bi tɛɛ na anu akã nwa do Kirisi, si na iyi í jɔ̀ í cica wa wo si bɛi nŋu takaɛ í dasi idɔ hai tako.

Efɛɛzu 1:7

Do saabui njɛi Jesui Ilaaɔ̃ í ya wa nɔ í kpa idei dulum du wa si didɔ̃ nlaɛ iyi í nyisi wa.

Efɛɛzu 2:12

Waati bɛɛbɛ ì jĩò Kirisi ŋa wo nɔ ì jɛ isɛ mmu bi inɛi Izirɛli ŋa. I kù nɛ baa nŋɛ si akabuu iyi Ilaaɔ̃ í wãò inɛɛ ŋa. Ì wa si andunya ihɛ̃ i kù waa cɔò kpãai nkãma ŋa, nɔ i kù wɛɛa Ilaaɔ̃ ŋa.

Efɛɛzu 3:16

Ǹ wa n tɔɔɛ ku jɔ̀ Hundeɛ ku mu nŋɛ gbugbã jiida jiida si idɔ nŋɛ si bɛi amboeɛ í la í to,

Efɛɛzu 3:8

Amu iyi ǹ jɛ keekei woo dasi Jesu naanɛ ŋa fei, amui Ilaaɔ̃ í cea didɔ̃ n sisia dimi mmu ŋa laabaau jiida nɔ n sɔ̃ ŋa bɛi didɔ̃i Kirisi í la í to nɔ í re kumà nwa.

Efɛɛzu 4:1

Na nŋu, amu iyi ǹ wa piisɔ̃ɔ si na iyi í jɔ̀ ǹ wa n ce icɛi Lafɛ̃ɛ, ǹ wa n tɔɔ ŋɛ i maa nɛ dee dee si bɛi í jɔ inɛ ŋa iyi Ilaaɔ̃ í kpe à ya nɛ.

Efɛɛzu 4:4

Ara akãi í wɛɛ, Hunde akã mɔi í wɛɛ, nɔ kpãa ku cɔ akã mɔi í wɛɛ si bii Ilaaɔ̃ í kpe ŋɛ.

Efɛɛzu 5:8

Iŋɛ taka nŋɛ, si ilu kukui ì wa ŋa wo, amma nsɛi, ì wa si inya kumá ŋa na anu akã nŋɛ do Lafɛ̃ɛ. Na nŋu, i jɔ̀ isɛɛnɛ nŋɛ ku jɔ ti inɛ ŋa iyi à waa nɛ si inya kumá,

Filipi 3:14

Bɛɛbɛi ǹ ce ǹ wa n bɔò waju bɛi inɛ iyi wa ce gaasai kusɛi, ku ba n ba riba iyi Ilaaɔ̃ wa kpe wa ka na ka gba lele do saabui Jesu Kirisi.

Kolosee 1:12

I ya maa saabu Ilaaɔ̃ Baaba do inɔ didɔ̃ ŋa, nŋu iyi í jɔ̀ ì nɛ ikpɛ̃ si tubu iyi í jilɛa woo dasi naanɛ ŋa si inya kumá.

Kolosee 1:23

Amma í gbe i temua ŋa si naanɛ ku dasi i leekĩ si dim dim ŋa. Nɔ si bɛi ì gbɔ laabaau jiidau ŋa iyi à sisia inɛi andunya fei, i maà ti i jɔ̀ a sinda ŋɛ hai si kpãa ku cɔ iyi wa jilɛ nŋɛ. Laabaau jiidau, amu Pɔlu, amui ǹ jɛ woo ce icɛɛ.

Kolosee 1:27

Í nyisi ŋai si na iyi í jɔ̀ wa bi a mà bɛi asiii nŋu í nɛ bɛɛrɛ do yiiko si anini dimi mmu ŋa. Asiiu wee. Kirisi í wa si ŋɛ, nɔ wa mu nŋɛ kpãa ku cɔ iyi iŋɛ mɔ aa ba ikpɛ̃ si amboei Ilaaɔ̃ ŋa.

Kolosee 1:5

Waati iyi idei laabaau jiida iyi í jɛ ntɔu í sinti ku to wa bi tu ŋɛ, à jɔ̀ ì mà kpãa ku cɔ iyi ì nɛ ŋa. Si bɛɛbɛ, naanɛ ku dasi nŋɛ do kubi nŋɛ fei, í wai si kpãa ku cɔ iyi à jilɛ nŋɛ ikpa lele.

Kolosee 2:2

Ǹ wa n ce bɛɛbɛi ku ba n mu nŋa gbugbã, nɔ a gbɔsi njɛ do kubi, nɔ kumà nŋa ku maa kɔ̃ɔsi, sika kãma ku maà wa si. Bɛɛbɛ mɔi aa mà asiii Ilaaɔ̃ iyi í jɛ Kirisi takaɛ.

Kolosee 3:15

Nɔ i jɔ̀ laakai ku sũ iyi Kirisi í mu nŋɛ ku maa ce icɛ si idɔ nŋɛ, domi si laakai ku sũu bɛi Ilaaɔ̃ í kpe ŋɛ i jɛò ara akã ŋa. Nɔ i ya maa saabuɛ ŋa.

Tɛsalonika 1, 2:12

À mu nŋɛ gbugbã, nɔ à tũ idɔ nŋɛ, nɔ à tɔɔ ŋɛ ntɔ ntɔ i jɔ̀ i maa nɛ ŋa si bɛi á sĩaa Ilaaɔ̃ si, nŋu iyi í kpe ŋɛ si bommaɛ do si amboeɛ.

Tɛsalonika 1, 5:8

Amma awa iyi à jɛ inɛi dasã ŋa, í sĩa ka ya ce laakaii ara nwa. Ka jɔ̀ naanɛ ku dasi do kubi ku degbe wa bɛi ibɔi igũ, nɔ kpãai faaba ku cɔ ku jɛ nwa bɛi fulai isɔ.

Tɛsalonika 2, 1:11

Na ŋɔi í ce à waa ce kutɔɔ ajɔ fei na iri nŋɛ. À waa tɔɔ Aɔ̃ Lafɛ̃ɛ nwa ku jɔ̀ i jɛ kuwɛɛ nŋɛ dee dee si bɛi í jɔ inɛ ŋa iyi à gbɔ kukpeɛ a ce. Nɔ à waa tɔɔ má gbugbãɛ ku jɔ̀ i ce jiida iyi ì waa dasi idɔ ŋa nɔ ku jɔ̀ kucei naanɛ ku dasi nŋɛ ku kɔ̃.

Tɛsalonika 2, 2:16

Nɔ Ilaaɔ̃ Baa nwa, nŋu iyi í bi wa, nɔ do saabui didɔ̃ɛ í mu nwa gbugbã iyi kù nɛ kɔɔ do kpãa ku cɔ jiida, nŋu do Lafɛ̃ɛ nwa Jesu Kirisi takaɛ

Timɔtee 1, 6:12

Jabu jiida si kpãai naanɛ ku dasi. Leekĩ dim dim si kpãai kuwɛɛ hai tã si bii Ilaaɔ̃ í kpeɛ. Na kuwɛɛui ì jɛ sɛɛda jiida si wajui inɛ nkpɔ.

Titee 2:13

nɔ ka maa degbeò ajɔ jiida iyi à waa cɔ kpãaɛ, si bii Jesu Kirisi woo faaba nwa á nyisi amboeɛ. Jesu Kirisi nŋui í jɛ Ilaaɔ̃, nɔ nŋui í la.

Titee 3:7

ku ba ka na ka jɛ inɛ dee dee si wajui Ilaaɔ̃ na didɔ̃ɛ nɔ ka jɛò tubui kuwɛɛ hai tã iyi à waa cɔ kpãaɛ.

Ebɛɛ 10:32

I ye gigi mii iyi í tako í ba ŋɛ wo ŋa si waati iyi ì yɛ inya kumái Ilaaɔ̃ ŋa, ì ba ijuukpã ŋa ntɔ ntɔ amma ì leekĩ si dim dim ŋa.

Ebɛɛ 6:4

Inɛ ŋa iyi à ba inya kumái Ilaaɔ̃ tã, nɔ à tiɛ amuai lele, nɔ à ba ikpɛ̃ si Hundei Ilaaɔ̃,

Piɛɛ 1, 1:3

Ka saabu Ilaaɔ̃ Baai Lafɛ̃ɛ nwa Jesu Kirisi. Si araare nlaɛ, í jɔ̀ kujĩi Jesu Kirisi wa hai si balɛ í bí wa isɛ gbeejisia. Si bɛɛbɛ í mu nwa kpãa ku cɔ iyi í jɛ ti kuwɛɛ.

Piɛɛ 1, 3:9

I maà ya sãa inɛ laalɔɛ, walakɔ arabu ŋa iyi í buɛ. Í sĩa mɔm i ya jɛaa do kuwee, domi Ilaaɔ̃ í kpe ŋɛi ku ba i ba kuwee ŋa.

Piɛɛ 1, 5:10

Amma bii ì yɛ ijuukpã si waati keeke ì tã ŋa, Ilaaɔ̃ ilu didɔ̃ fei, nŋu iyi í kpe ŋɛ ku ba i nɛ ikpɛ̃ si amboe hai nɛ kɔɔɛ na saabui anu akã nŋɛ do Kirisi, nŋu takaɛi á jɔ̀ i kɔ̃ dee dee ŋa. Nŋui á nɔ ku jɔ̀ i leekĩ dim dim ŋa, nɔ ku mu nŋɛ gbugbã, i maà tɛkɛɛ hai si ideɛ ŋa.