Efɛɛzu 1:17 - Bibeli do fee

¹⁷ Ǹ wa n tɔɔ Ilaaɔ̃ ilu amboe, Baai Lafɛ̃ɛ nwa Jesu Kirisi, ku ce ŋɛ ilu laakai jiida nɔ ku nyisi ŋɛ bɛi nŋu takaɛ í yɛ ku ba i màa sãa sãa ŋa.

Efɛɛzu 1:17 Iomraidhean Croise

Bomma 1, 29:11

Aɔ̃ Lafɛ̃ɛ, awɔi ì la, ì nɛ gbugbã, ì nɛ bɛɛrɛ, ì nɛ amboe nɔ hai bi tɛɛi inya kumá wa naa, domi mii iyi í wa lele do ilɛ fei titɛɛi. Awɔi ì jɛ ilaalu, nɔ awɔi ì wa antaii mii fei.

Zɔɔbu 42:5

À tako à sɔ̃m ideɛi wo. Amma bɛbɛi, ijum nii í yɛɛ.

Iri ku kɔ̃ 24:10

Yooi í jɛ ilaalu ilu bɛɛrɛ, Aɔ̃ Lafɛ̃ɛi lele do ilɛui. Nŋui í jɛ ilaalu ilu bɛɛrɛu. Kusĩmi.

Iri ku kɔ̃ 24:7

Iŋɛ gambo ŋa, i cĩ ŋa. Iŋɛ gamboi tako ŋau i cĩ ŋa, na mba ilaalu ilu bɛɛrɛu ku lɔ.

Iri ku kɔ̃ 29:3

À waa gbɔ imui Aɔ̃ Lafɛ̃ɛ si antaii inyi ŋa. Ilaaɔ̃ ilu amboe í jɔ̀ à waa gbɔ kulai ijĩ. Aɔ̃ Lafɛ̃ɛ í wa antaii inyi nla ŋa.

Kufita 28:3

Aa sɔ̃ woo wɔ̃ acɔ ŋa iyi à nɛ kumài, inɛ ŋa iyi ǹ mua bisi a cea Arɔ̃ɔ jĩnɛ ŋa ku ba ku nyisi iyi ǹ nyaa ikãi. Nŋu bɛi á ya dasi waati iyi wa ce icɛi woo weeu.

Mɔnda ŋa 18:15

Ilu laakaii í ya ba kumà. Nɔ ilu bisi í ya maa de itĩ si ikɔi.

Mɔnda ŋa 2:5

Bii ì waa ce bɛɛbɛ aa mà bɛi aa jirima Aɔ̃ Lafɛ̃ɛ, nɔ aa ba kumà hai bi tɛɛ.

Ezai 11:2

Hundei Aɔ̃ Lafɛ̃ɛ á wa siɛ, nɔ hundeui í ya jɔ̀ inɛ ku wũaa mii ŋa nɔ í ya jɔ̀ inɛ ku jɛ ilu laakai nɔ ku jɛ woo muaa inɛ ikɔ nɔ ku jɛ woo muaa inɛ gbugbã. Hundeui í ya jɔ̀ inɛ ku mà Aɔ̃ Lafɛ̃ɛ nɔ ku ya maa jirimaɛ.

Zeremi 2:11

Dimi gɔ ci ya kpaasi iwɛ̃ɛ ŋa baa do iyi a kù jɛ bɛi Aɔ̃ Lafɛ̃ɛ fei. Amma iŋɛ zamaam ŋa, ì kpaasi amboe nŋɛ do mii iyi kaa sobi ŋɛ si nkãma.

Zeremi 24:7

An jɔ̀ a mà iyi amui ǹ jɛ Aɔ̃ Lafɛ̃ɛ. Bii à sinda a nyi wa bi titom do idɔ nŋa fei, waati bɛɛbɛ aa jɛ inɛm ŋa, nɔ amu mɔ an jɛ Aɔ̃ Lafɛ̃ɛ nŋa.

Zeremi 31:34

Waati bɛɛbɛ, inɛ kãma nŋa kaa nɛ bukaatai ku maa kɔ́ kpaasiɛ ŋa do nyaanzeɛ ŋa bɛi aa ce a mà amu Aɔ̃ Lafɛ̃ɛ. Hai inɛ iyi í kere í re hee do inɛ iyi í la í re fei á màm nii. An ce nŋa suurui dulum iyi à ce feii, n kaa n ye gigiɛ má.

Zeremi 9:24

Ŋɔi Aɔ̃ Lafɛ̃ɛ í ni má, ajɔ wa naa si bii an na n naa si inɛ ŋa iyi à waa ni aŋa à ce bango ŋa.

Daniɛli 10:1

Si bomma ku jɛi Sirusi ilaalui Pɛɛsi, si adɔ̃ mɛɛtasiaɛ, Ilaaɔ̃ í ba Daniɛli nŋu iyi à ya kpe Bɛlitasaau ide ku fɔ. Ideu ntɔi, igũ nla nlai á wɛɛ. Ŋɔi í lasabu si ideu, nɔ í gbɔ yaaseɛ.

Daniɛli 5:11

Inɛ gɔ í wa si bommaɛ ihɛ̃ iyi í nɛ iwɛ̃ jiida ŋa. Waati iyi baaɛ í wɛɛ si hunde, bi lafɛ̃ɛi à ba inya kumá do kumà, do laakai iyi í jɛ dimi akã do ti iwɛ̃ jiida ŋa. Na ŋɔi í jɔ̀ baaɛ ilaalu Nebukanɛsaa í soo í jɛ inɛ ngboi woo ce alisi ŋa do woo ce dobu dobu ŋa do inɛi Kaladee ŋa do inɛ ŋa iyi à ya mà yaasei leleaɔ̃ ŋa.

Matie 11:25

Waati bɛɛbɛ ŋɔi Jesu í ni, Baaba, awɔ iyi ì jɛ Lafɛ̃ɛi lele do ilɛ, ǹ wa n saabuɛ do iyi ì singaa ilu bisi do woo mà ŋa mii ŋau ihɛ̃ nɔ ì nyisi amu ŋa.

Matie 11:27

Nɔ í sɔ̃ inɛ ŋa í ni, Baam nii í daam mii fei si awɔ. Inɛ kãma kù mà amu Amau bii kù jɛ Baau. Nɔ inɛ kãma kù mà Baau bii kù jɛ amu Amau do inɛ ŋa iyi ǹ bi n nyisi ŋa.

Matie 16:17

Ŋɔi Jesu í ni, Simɔɔ, amai Zãa, awɔ ilu inɔ didɔ̃i. Kù jɛ amanɛi í sɔ̃ɛ, bii kù jɛ Baam iyi í wa lele.

Matie 20:33

Ŋɔi à jɛaa à ni, Lafɛ̃ɛ, à bi ka yɛ ilui.

Matie 6:13

Maà ti i jɔ̀ ka dasi kulɛlɛ, amma nya wa hai si awɔi Seetam. [Domi awɔi ì nɛ bomma do gbugbã do amboe hee do ajɔ fei. Ami.]

Luku 12:12

I maà ce njo ŋa domi waati bɛɛbɛ Hundei Ilaaɔ̃i á sɔ̃ ŋɛ iyi í jɔ i fɔ ŋa.

Luku 2:14

Amboe ku jɛ ti Ilaaɔ̃ hee lele. Nɔ laakai ku sũ ku wa si ilɛ si inɛ ŋa iyi Ilaaɔ̃ í bi.

Luku 21:15

I maà biti ŋa domi an mu nŋɛ ide do bisi iyi mbɛɛ nŋɛ ŋa kãma nŋa a kaa yɔkɔ a jã ŋɛ hee má jɛ a kɔ̀.

Laabaau jiida iyi Zãa í kɔ 14:17

Woo mua gbugbãu Hundei Ilaaɔ̃i, nŋui á jɔ̀ inɛ ŋa a mà ntɔu. Inɛi andunya ŋa a kaa yɔkɔ a gbaa si na iyi í jɔ̀ a kù waa yɔɔ, bɛɛbɛ mɔi a kù màa. Amma iŋɛ ì màa ŋa, domi í wɛɛ do iŋɛ, á nɔ ku wa si idɔ nŋɛ.

Laabaau jiida iyi Zãa í kɔ 14:26

Amma Hundei Ilaaɔ̃, Woo mua gbugbãu, á maa kɔ ŋɛ si mii fei, nɔ ku maa ye ŋɛ gigii ide ŋa iyi ǹ tako ǹ sɔ̃ ŋɛ fei. Nŋui Baaba á bɛ nŋɛ wa do irim nɔu.

Laabaau jiida iyi Zãa í kɔ 16:3

Aa ya maa ce bɛɛbɛi si na iyi í jɔ̀ a kù màm hee má jɛ Baaba.

Laabaau jiida iyi Zãa í kɔ 17:3

Kuwɛɛ hai tãui í jɛ inɛ ŋa a màɛ, awɔ Ilaaɔ̃ akã ilu ntɔu, nɔ a màm, amu Jesu Kirisi iyi ì bɛ wau.

Laabaau jiida iyi Zãa í kɔ 20:17

Ŋɔi Jesu í sɔ̃ɔ í ni, jɔ̀m, maà lum, domi n kù bɔ lele bi Baam titã. Amma bɔ bi mɔcɔm ŋa, sɔ̃ ŋa i ni ǹ wa n bɔ bi Ilaaɔ̃. Nŋui í jɛ baam, nɔ í jɛ baai iŋɛ mɔ.

Woo bɛ ŋa 6:10

Amma a kù nɔɔ domi wa fɔ idei do bisi do gbugbãi Hundei Ilaaɔ̃.

Woo bɛ ŋa 7:2

Ŋɔi Etiɛni í jɛaa í ni, iŋɛ baam ŋa, iŋɛ Zuifu ŋa, i gbɔ iyi ǹ wa n fɔ. Waati iyi Aburahamu bala nwa í wa ilɛi Mezopotami, Ilaaɔ̃ ilu amboe í naa bi tɛɛ. Waati bɛɛbɛ, kù bɔ Harãa titã.

Romu 1:28

Si bɛi a kù bi Ilaaɔ̃ ku mà, ŋɔi í jɔ̀ Ilaaɔ̃ í fũsi ŋa awɔ si lasabu laalɔ nŋa a ceò mii iyi kù jɔ amanɛ ku ce.

Romu 15:6

ku ba iŋɛ fei i ya maa saabu Ilaaɔ̃ ajɔ do anu akã ŋa, nŋu iyi í jɛ baai Lafɛ̃ɛ nwa Jesu Kirisi.

Kɔrɛnti 1, 12:8

Hundei Ilaaɔ̃i í ya mua inɛ gɔ ŋa amua a muaò inɛ ŋa bisi, nɔ Hunde akãui í ya mua inɛ gɔ ŋa mɔ amua a fɔ ide do kumà.

Kɔrɛnti 1, 14:6

Nsɛi, iŋɛ inɛm ŋa, aranfãani yoomai aa ba ŋa bii ǹ naa bi tu ŋɛ nɔ ǹ wa n fɔ fee iyi i kù waa gbɔ ŋa. I kaa ba aranfãani kãma ŋa. Amma bii ǹ sɔ̃ ŋɛ yaasei ide iyi Ilaaɔ̃ í sɔ̃m, walakɔ ǹ sisi nŋɛ idei kumà, walakɔ idei walii, walakɔ cio gɔ, inɛ nŋu á nɛ nŋɛ aranfãani.

Kɔrɛnti 1, 2:10

Nŋu bɛi Ilaaɔ̃ í jɔ̀ Hundeɛ í nyisi wa. Hundeɛu í yɔkɔ í nyisi wai si na iyi í jɔ̀ í ya wusɛ fei ndɛɛ nɔ ku mà hee do lasabui Ilaaɔ̃ takaɛ iyi wa manji fei.

Kɔrɛnti 1, 2:8

Baa inɛ akãi ilu irii andunya ŋau ihɛ̃ kù mà yaaseɛ, domi bii í jɛ à màai wo a kaa kpakpa Lafɛ̃ɛ si jĩi ku gaau, nŋu iyi í nɛ amboe fei.

Kɔrɛnti 2, 12:1

Debɛi í gbe n tɔɔ fufu, baa bii í jɛ kù nɛ aranfãani gɔ. Amma nsɛi an fɔ idei kuyɛ do kukɔsi iyi Lafɛ̃ɛ í nyisim.

Efɛɛzu 1:3

I jɔ̀ ka saabu Ilaaɔ̃ Baai Lafɛ̃ɛ nwa Jesu Kirisi. Na saabui anu akã nwa do Kirisi, í wee nwa do didɔ̃ ikã ikã iyi Hundeɛ wa mu nwa wa hai lele.

Efɛɛzu 3:5

A kù sɔ̃ inɛi tako ŋa asiii ideu, amma nsɛi Ilaaɔ̃ í jɔ̀ Hundeɛ í nyisi woo bɛ do walii kumáɛ ŋa.

Efɛɛzu 4:13

Nɔ bɛɛbɛ mɔi awa fei aa ka ce anu akã si naanɛ ku dasiu nɔ ka mà Amai Ilaaɔ̃, nɔ ka jɛ inɛ ngbo ka tóo alái Kirisi.

Filipi 3:15

Na nŋu, awa iyi à jĩa si kpãai naanɛ ku dasi, ka ce lasabu bɛɛbɛ. Amma bii ì waa ce lasabu gɔ iyi kù waa too kpãa ŋa, Ilaaɔ̃i á nyisi ŋɛ iyi kù jɛ dee dee.

Timɔtee 2, 2:25

Inɛ ŋa iyi a kù waa jɛsi ideɛ í sĩa ku ba ŋa ide ku fɔ do kurɔ. Á yɔkɔ ku jɛ Ilaaɔ̃ á mu nŋa kpãa a kpaasiò idɔ nŋa a mà ntɔ,

Titee 1:1

Amui Pɔlu, woo ce icɛi Ilaaɔ̃ do woo bɛi Jesu Kirisi, amui ǹ kɔ tiau wa. À bɛm nii n koo n sobi inɛ ŋa iyi Ilaaɔ̃ í cicau ku ba a dasiɛ naanɛ, nɔ a mà ntɔu si gãmɛi kpãai naanɛ ku dasi nwa.

Zaaki 2:1

Kpaasim ŋa, iŋɛ iyi ì dasi Lafɛ̃ɛ nwa Jesu Kirisi naanɛ, nŋu iyi í jɛ ilu amboe, i maà ya maa cɔ bɛi inɛ ŋa à reò njɛ do bɛɛrɛ ŋa.

Piɛɛ 2, 1:3

Gbugbãi Ilaaɔ̃ í mu nwa bukaatai mii iyi à bi fei ku ba kuwɛɛ nwa do kutɔɔ nwa ku maa bɔ waju. Nɔ í ce bɛɛbɛi si bɛi í jɔ̀ à màa, nŋu iyi í kpe wa ka ba ikpɛ̃ si amboeɛ do si jiida ku jɛɛ.

Piɛɛ 2, 3:18

Amma didɔ̃i Lafɛ̃ɛ woo faaba nwa Jesu Kirisi ku maa kɔ̃ɔsi si ŋɛ, nɔ kumà iyi ì nɛ si gãmɛɛ ŋa ku kɔ̃ɔsi ku maa koo. Nŋui í jɛ ilu amboe hai nsɛi hee do ajɔ fei. Ami.

Kuyɛi Zãa 7:12

à ni, ami. Kucĩ do amboe do kumà do saabu do bɛɛrɛ do gbugbã do yiiko, fei ndɛɛ ku jɛ ti Ilaaɔ̃ Lafɛ̃ɛ nwa hee do ajɔ fei. Ami.