Efɛɛzu 1:13 - Bibeli do fee

¹³ Nɔ iŋɛ dimi mmu ŋa mɔ, ajɔ iyi ì gbɔ ide ntɔu iyi í jɛ laabaau jiida iyi wa naa nŋɛ faaba wa, waati bɛɛbɛi iŋɛ mɔ ì dasi Kirisi naanɛ ŋa. Nɔ Ilaaɔ̃ í dasi nyindai nŋu takaɛ si ŋɛ. Nyindau nŋui í jɛ Hunde iyi í da nŋɛ si si bɛi í ce kuwãɛ wo.

Efɛɛzu 1:13 Iomraidhean Croise

Iri ku kɔ̃ 119:43

Sobim waati kãma fei n ya n fɔ ntɔ, domi kpãa ku cɔm í wai si kiitiɛ.

Luku 11:13

Iŋɛ iyi ì ya ce laalɔ ŋa ì mà mii jiida ku na ama nŋɛ ŋa, mà irei. To, Ilaaɔ̃ Baa nŋɛ iyi í wa lele kaa ce ku re zaka bɛɛbɛ? Kaa so Hundeɛ ku na inɛ ŋa iyi à waa tɔɔɛ?

Luku 24:49

Nɔ an samba nŋɛ mii iyi Baam í wã ŋɛ dou wa. Amma si iluu ihɛ̃i aa maa wa ŋa hee gbugbãi Ilaaɔ̃ ku naa si ŋɛ wa.

Laabaau jiida iyi Zãa í kɔ 1:17

Hai bi Moizii Ilaaɔ̃ í na wa wooda, amma didɔ̃ do ntɔ í naai hai bi Jesu Kirisi.

Laabaau jiida iyi Zãa í kɔ 14:26

Amma Hundei Ilaaɔ̃, Woo mua gbugbãu, á maa kɔ ŋɛ si mii fei, nɔ ku maa ye ŋɛ gigii ide ŋa iyi ǹ tako ǹ sɔ̃ ŋɛ fei. Nŋui Baaba á bɛ nŋɛ wa do irim nɔu.

Laabaau jiida iyi Zãa í kɔ 15:26

Amma an bɛ nŋɛ Hundei Ilaaɔ̃ wa, nŋui á jɔ̀ inɛ ŋa a mà ntɔu. Nŋui í jɛ Woo mua gbugbãu, nɔ hai bi Ilaaɔ̃ Baabai á naa. Bii í to wa nŋui á jɛ nŋɛ sɛɛdam.

Laabaau jiida iyi Zãa í kɔ 3:33

Inɛ iyi í jɛsi sɛɛdaɛ, í jɛsi iyi Ilaaɔ̃ í jɛ ilu ntɔ.

Laabaau jiida iyi Zãa í kɔ 6:27

I maà ti i ce icɛi ijɛ iyi í ya sãmi nŋu akã, amma i ce icɛi ijɛ iyi á jɔ̀ i ba kuwɛɛ hai tã ŋa. Nɔ ijɛ nŋu amu Amai Amanɛi an mu nŋɛ, domi amui Ilaaɔ̃ Baaba í na yiikoɛ nɔ í jɔ̀ inɛ ŋa à waa yɔɔ.

Woo bɛ ŋa 1:4

Ajɔ nŋu gɔ, si bɛi Jesu do mɔcɔɛ ŋa à wa inya akã í sɔ̃ ŋa í ni, i maà tekĩ hai Zeruzalɛmu ŋa, amma i degbe amua iyi Ilaaɔ̃ Baaba í wãò ŋɛu, amua iyi ǹ tako ǹ sɔ̃ ŋɛ ideɛu.

Woo bɛ ŋa 13:26

To, iŋɛ kpaasi ŋa, iŋɛ iyi ì jɛ dimii Aburahamu ŋa, do dimi mmu ŋa iyi ì waa jirima Ilaaɔ̃, iŋɛi à sambaa idei faabau ihɛ̃ wa.

Woo bɛ ŋa 2:33

Ilaaɔ̃ Baaba í soo lele í wa awɔ njɛɛ nɔ í muaa Hundeɛ iyi í wãaò wo. Nɔ nŋu mɔ í mua awa mɔ Hundeu. Nŋui ì waa yɛ nɔ ì waa gbɔ ŋa bɛ.

Romu 1:16

N kaa n ce anyɔi laabaau jiidau, domi í jɛ gbugbãi Ilaaɔ̃i iyi wa faaba inɛ iyi í dasi Jesu naanɛ fei, hai Zuifu ŋa hee ku koo si dimi mmu ŋa.

Romu 4:11

Si anyiɛ í na í ce bango iyi wa jɛ nyinda iyi Ilaaɔ̃ í coo inɛ dee dee. Í coo inɛ dee dee na naanɛ ku dasiu waati iyi kù ce bango. Bɛɛbɛ mɔi í na í jɛ balai hai ce bango ŋa iyi à dasi naanɛ fei ku ba Ilaaɔ̃ ku doo aŋa mɔ inɛ dee dee ŋa.

Romu 6:17

Amma ka saabu Ilaaɔ̃ domi baa do iyi ì jɛ arui dulum ŋa wo, nsɛi do inɔ akãi ì waa jirima kukɔsi iyi à da nŋɛ si awɔ.

Kɔrɛnti 2, 1:22

Nŋui í ce si wa sɛɛdaɛ iyi wa nyisi iyi à jɛ tɛɛ, nɔ í da nwa si Hundeɛ si idɔ ku jɛ nwa bɛi kaazigi.

Galati 3:14

Kirisi í ce bɛɛbɛi ku ba kuwee iyi Ilaaɔ̃ í weea Aburahamuu kú jɛ ti dimi mmu ŋa na saabui Jesu Kirisi. Nɔ si bɛɛbɛ awa fei aa ka ba Hunde iyi Ilaaɔ̃ í wãò wa na naanɛ ku dasi.

Efɛɛzu 4:21

Ǹ nɔ ǹ mà kãm kãm iyi ì gbɔ ideɛ ŋa, nɔ à kɔ ŋɛ si ntɔ iyi í wa siɛ.

Efɛɛzu 4:30

I maà fɔ inɔi Hundei Ilaaɔ̃ ŋa, domi Hundeu bɛi í jɛ sɛɛdai Ilaaɔ̃ si ŋɛ hee koo toò ajɔ iyi Ilaaɔ̃ á yá inɛɛ ŋa mam mam.

Tɛsalonika 1, 2:13

À ya ka maa saabu Ilaaɔ̃ ajɔ fei domi si waati iyi à waazo nŋɛ i kù doo ideu si idei amanɛ ŋa, amma ì gbaa ŋai si ti Ilaaɔ̃. Nɔ bɛɛbɛ mɔi í jɛ do ntɔ, nɔ wa ce icɛ si iŋɛ woo dasi Jesu naanɛ ŋa.

Timɔtee 2, 2:15

Ce kookaai i maa ce iyi aa baò saabu si wajui Ilaaɔ̃, bɛi woo ce icɛ iyi kù waa ce anyɔi icɛɛ, iyi í ya maa sisi ide ntɔi Ilaaɔ̃ dee dee.

Timɔtee 2, 2:19

Do nŋu fei, icui naanɛ ku dasi nwa iyi Ilaaɔ̃ í jilɛ do gbugbã kaa yaya. À mà iyi ntɔi si na iyi í jɔ̀ kukɔi idei Ilaaɔ̃ wa fɔ í ni, Lafɛ̃ɛ í mà inɛɛ ŋa. Nɔ í ni má, inɛ iyi wa kpe irii Lafɛ̃ɛ fei ku saa laalɔ ku ce.

Timɔtee 2, 3:15

Hai keekeɛi, ì mà kukɔi idei Ilaaɔ̃ iyi á yɔkɔ ku muuɛ bisi i dasiò Jesu Kirisi naanɛ ku ba i ba faaba.

Titee 2:11

Ǹ ni i ce bɛɛbɛi domi Ilaaɔ̃ í jɔ̀ didɔ̃ɛ í naa si andunya. Didɔ̃u á yɔkɔ ku mua inɛ fei faaba.

Ebɛɛ 2:3

Debɛi, bɛirei aa ka ce ka yɔkɔ ka saa ijuukpã bii à waa cɛiò idei faaba iyi í to bɛɛbɛ. Lafɛ̃ɛ takaɛ í tako í sisi idei faabau, nɔ si anyiɛ inɛ ŋa iyi à gbɔɔ à sɔ̃ wa à ni ideu ntɔi.

Zaaki 1:18

Si idɔɔbiɛ, í bí wa isɛ gbeejisia do saabui ide ntɔɛ ku ba hai si inɛ ŋa iyi í taka fei ka jɛ bɛi amaajɛ sinte ŋa iyi à jɛ tɛɛ.

Zaaki 1:21

Na nŋu, i nyɔ andi mii iyi í jɛ riisi do laalɔ fei ŋa. Nɔ i gba ide iyi Ilaaɔ̃ wa gbɛ̃ si idɔ nŋɛ ŋa do ara kukaye, domi ideui á yɔkɔ ku faaba ŋɛ.

Piɛɛ 1, 2:10

Tako wo i kù jɛ dimi ŋa iyi inɛ gɔ í mà, amma nsɛi ì jɛ inɛi Ilaaɔ̃ ŋa. Tako wo araarei Ilaaɔ̃ kù wa si nŋɛ, amma nsɛi ì ba í ce araare nŋɛ.

Kuyɛi Zãa 7:2

Nɔ ǹ yɛ amaleka mmu gɔ wa naa hai nunui daakɔ, wa mu nyindai Ilaaɔ̃, nŋu iyi í jɛ icui kuwɛɛ. Nɔ í dɔ̃ anu si amaleka mɛɛ ŋa iyi Ilaaɔ̃ í mu nŋa gbugbã a cea ilɛ do tenku laalɔu,